Sunday, October 28, 2007

ငါသည်တော်လှန်ရေး

ရွှေဝါရောင်တော်လှန်ရေးကြီး သွေးမြေကျရတဲ့ တလပြည့် အထိမ်းအမှတ်အဖြစ် ပြည်တွင်းကဗျာဆရာတစုနဲ့ ကျောင်းသားတစုက ကဗျာရွတ်ပွဲတခုကို တိတ်ဆိတ်စွာ ကျင်းပခဲ့ကြပါတယ်။ ထောက်လှမ်းရေးတွေ သတင်းပေးတွေရဲ့ မျက်လုံးတွေ အောက်မှာပဲ ကျင်းပရတဲ့ ဒီပွဲလေးမှာ ဖမ်းဆီးထိန်းသိမ်းခံနေကြရတဲ့ ရဟန်းတော်တွေ ကျောင်းသားပြည်သူတွေအတွက် သူတို့ရဲ့ မပြီးဆုံးသေးတဲ့ တာဝန်တွေကို ဆက်လက်သယ်ပိုး ထမ်းဆောင်သွားပါ့မယ်လို့ နာကျင်စွာနဲ့ သံဓိဌာန်ချခဲ့ကြပါတယ်။
တယ်လီဖုန်းထဲက ကဗျာရွတ်သံကို နားဆင်ရင်း မျှဝေပေးချင်စိတ်နဲ့ ဒီကဗျာလေးကို တင်ပေးလိုက်ပါတယ်။ အသံကိုတော့ အခြေအနေ အကြောင်းကြောင်းကြောင့် တင်မပေးနိုင်တာကို ခွင့်လွှတ်စေချင်ပါတယ်။

ငါသည်တော်လှန်ရေး

ငါတို့သည် ငါတို့၏ နှလုံးသားများအား မေးကြည့်၏..

ငါတို့၏နှလုံးသားများက ဖြေ၏..

ငါသည်တော်လှန်ရေး။

ငါတို့သည် ငါတို့၏အသွေးအသားများအား မေးကြည့်၏..

ငါတို့၏အသွေးအသားများက ဖြေ၏..

ငါသည်တော်လှန်ရေး။

ငါတို့သည် ငါတို့၏ခန္ဓာအားမေးကြည့်၏..

ငါတို့၏ခန္ဓာက ဖြေ၏..

ငါသည်တော်လှန်ရေး။ ။

(ပြည်တွင်းကဗျာဆရာတဦး)

1 comment:

Zin Ko Latt said...

အရမ်းကောင်းတဲ့ ကဗျာလေးပါပဲ။ ရင်ထဲအထိကို ထိရပါတယ်။ ပြန်လည် မျှဝေပေးတာ ကျေးဇူးပါ။