Monday, December 31, 2012

ချစ်သော နှစ်သုံညတစ်သုံး...

 ၂၀၁၂ ကတော့ အကောင်းအဆိုးတွေ ရောမွှေလို့ ကျမတို့ကို နှုတ်ဆက်နေပါပြီ။

သူ့ကိုလက်ပြန်ပြနေတဲ့ ကျမကရော သူနဲ့ တွေ့ဆုံနေစဉ်က ဘာတွေများ တိုးတက်ဖြစ်ထွန်းခဲ့ ပါသလဲ ပြန်လည်သုံးသပ်ကြည့်မိပါတယ်။

ဟုတ်ကဲ့။ ဒီနှစ်ကာလတွင်းမှာ ကျမတယောက်တည်း အတွက်တော့ မိတ်ဆွေကောင်းတွေ ရရှိလာသလို မိတ်ဆွေစစ်လို့ ထင်ခဲ့ဖူးတဲ့ လူတွေကိုလဲ စိတ်အေးသက်သာစွာ ချန်ထာဖို့ လက်ပြနှုတ်ဆက်နိုင်ခဲ့ပါတယ်။
ဘ၀ဆိုတာ ဒီလိုပါပဲ။ တွေ့ကြဆုံကြ ပြီးတော့ ခွဲခွာကြပေါ့။ ၀မ်းနည်းမှုတွေ ကြုံလာတိုင်း ပျော်ရွှင်စရာတွေလဲ စောင့်ကြိုနေသေးတယ်ဆိုတာ မမေ့တတ်ရင်တော့ ဖြစ်သမျှအားလုံးကို ကြံ့ကြံ့ခံ ရင်ဆိုင်နိုင်မှာပေါ့။

လူသားဘ၀ ရောက်ရှိလာပြီးတဲ့နောက် ကလေးဘ၀က စပြီး ရုန်းကန်လှုပ်ရှားခဲ့ရတာ သေဆုံးချိန်ထိ တရံမလပ် အားစိုက်ခဲ့ရတာ မဟုတ်လား။ ကျောင်းသားဘ၀မှာ လုပ်ငန်းခွင်မှာ အားလျှော့မိတာနဲ့ ကျော်တက်သွားမယ့်လူ။ နောက်ကျော ဓါးနဲ့ထိုးမယ့်လူ။ တံတောင်နဲ့ တွတ်မယ့်လူ နည်းတာမှမဟုတ်တာ။ ရှားရှားပါးပါး လက်ကမ်းကာဖေးမမယ့် လူလဲ ကြုံခဲ့ရဖူးပါရဲ့။ အဲဒီအတွက်လဲ ကမ်းလင့်ခဲ့ဖူးသူတွေ ဆွဲခေါ်ခဲ့ဖူးသူတွေကို ကျေးဇူးတင် လေးစားခဲ့ရတာပေါ့။ 

ဒါနဲ့ ပြီးမလား။ ဘယ်ဟုတ်ပါ့မလဲနော်။ ကိုယ့်အလှည့်မှာလဲ ကိုယ်မကြိုက်တဲ့ စရိုက်မျိုး မလုပ်မိအောင် ကြိုးစားအားထုတ်ခဲ့ရတာပဲမဟုတ်လား။ တတ်နိုင်သမျှ နောက်ကျောဓါးနဲ့ ထိုးတဲ့လူမျိုး။ ကမ်းတဲ့လက်ကို ပုတ်ထုတ်မယ့်လူမျိုး မဖြစ်အောင်။ အားနည်းကို ကူနိုင်အောင် အားငယ်သူကို တွဲနိုင်အောင် စိတ်ဓါတ်ခွန်အားကို အမြဲ အသင့်ပြင်ထားခဲ့ပါတယ်။

Sunday, November 25, 2012

ပြည်သူပြည်သား သတင်းသမားများ (အခန်း-လေး)


                                   ပြည်သူပြည်သား သတင်းသမားများ(အခန်း-လေး)

ပြည်သူ ပြည်သား သတင်းသမားများအတွက် ရိုက်ကူးရာမှာ သတိထားရမယ့် အချက်တွေကို ရှေ့အပိုင်းတွေမှာ တင်ပြပေးပြီးတဲ့နောက် အခုတပတ်မှာတော့ ပိုမိုပြည့်စုံတဲ့ အရုပ်ကတ်တွေ ရရှိစေဖို့ ရိုက်ချက် အဆင့်အဆင့် ကို ဖေါ်ပြပေးမှာ ဖြစ်ပါတယ်။ ကိုယ်ရိုက်ကူးမယ့် ၂မိနစ်စာသတင်းအတွက်ဆို သူ့ရဲ့ ငါးဆ ၁၀မိနစ် လောက်ရိုက်ရမှာ ဖြစ်တဲ့အတွက် အဲဒီ ၁၀မိနစ်အတွင်းမှာ ရိုက်ချက်စုံစုံ အရုပ်ကတ်ကောင်းကောင်းတွေနဲ့ စနစ်တကျဝင်အောင် ရိုက်နိုင်မယ်ဆိုရင် တည်းဖြတ်ပေးသူအတွက်လဲ ပြည့်စုံတဲ့ သတင်းတပုဒ်အဖြစ် ပရိတ်သတ်ရှေ့ကို အရောက်ပို့ပေးနိုင်မှာပါ။ ဒါ့ကြောင့် ရိုက်ချက်တွေ ကောင်းအောင် လေ့ကျင့်သင့်ပါတယ်။
ရိုက်ချက်အမျိုးမျိုး ဆိုရာဝယ်
ရိုက်ကူးရာမှာ ရိုက်ချက် (Shoot ) ၅မျိုး ရအောင် ရိုက်ကူးသင့်ပါတယ်။ အခြေအနေ မပေးတဲ့အခါ မပေးသလို ပေးတဲ့ အခါ ပေးသလို ပြည့်စုံအောင် ရိုက်လို့ရသလောက် ရိုက်ကူး ရမှာပါ။ အခုလို ရိုက်ချက်စုံပါမှ ပြည်စုံတဲ့ သတင်းတပုဒ်အတွက် အကောင်းဆုံး တည်းဖြတ်နိုင်မှာဖြစ်ပါတယ်။
ရိုက်ချက်တွေဟာ သတင်းစာဆောင်းပါးတွေ သတင်းတွေမှာ အချက်အလက်တွေကို စာကြောင်းတွေနဲ့ ၀ါကျ တည်ဆောက်ပြီး သတင်းရေးတင်ပြသလို ရုပ်မြင်သံကြားမှာလဲ ရိုက်ချက်တွေနဲ့ ကိုယ်ပြောချင်တဲ့ သတင်းစကားကို ပုံဖေါ်ပြတာပါပဲ။

Friday, November 16, 2012

ပြည်သူပြည်သား သတင်းသမားများ (အခန်း-သုံး)


                       ပြည်သူပြည်သားသတင်းသမားများ(အခန်း-သုံး)

အရည်အသွေးကောင်းတဲ့ ရိုက်ချက်နဲ့ အရုပ်တွေရမှ စိတ်ဝင်စားဖွယ် အကောင်းဆုံး ရုပ်မြင်သံကြားသတင်းတခု ရအောင် တည်းဖြတ်နိုင်မှာ ဖြစ်ပါတယ်။ ရိုက်ကူးသူက အကောင်းဆုံး အရည်အသွေးနဲ့ ရိုက်ပေးနိုင်မှုကသာ အခရာ ဖြစ်ပါတယ်။ ကင်မရာ ဘယ်လောက်ကောင်းကောင်း ရိုက်ကူးသူရဲ့အယူအဆ ၊ နည်းလမ်းတကျ ရိုက်ကူးတတ်မှုမရှိရင် အရုပ်ကောင်းမရနိုင်ပါဘူး။ အရုပ်ကောင်းမရခဲ့ရင် ဘယ်လောက်အရေးကြီးတဲ့ သတင်းပဲ ဖြစ်ပါစေ။ လူစိတ်ဝင်စားမှု ရနိုင်ဖို့ ခက်ခဲသွားတတ်ပါတယ်။ အရင်အပတ်က ဘယ်လိုကတ်တွေ ရိုက်သင့်တယ်လို့ အကြံပေးပြီးတဲ့နောက် အဲဒီရိုက်ကို ရိုက်သင့်တဲ့ ကတ်တွေကို ဘယ်လိုကောင်းအောင် ရိုက်မလဲ ဆိုတဲ့ ရိုက်ကူးရေးလမ်းညွှန်ကို ဒီတပတ် ပြောပြချင်ပါတယ်။

အခု ကျမပြောပြမယ့်အချက်တွေကတော့ ပညာရှင်တွေထောက်ပြလမ်းညွှန်ချက်တွေထဲက ကျမ မှတ်မိသိရှိသလောက် ဖြစ်တာမို့ ပြည့်စုံတဲ့လမ်းညွှန်မှုတော့ ဟုတ်ချင်မှ ဟုတ်ပါလိမ့်မယ်။ ဒါပေမယ့် သာမန်ပြည်သူပြည်သား သတင်းသမားတယောက်အနေနဲ့ ပညာရှင်တွေ ထောက်ပြလေ့ ရှိတဲ့၊ မဖြစ်မနေသိထားသင့်တဲ့ ရှောင်ရန်ဆောင်ရန်တွေကို သိရှိထားခဲ့ရင်ဖြင့် အရုပ်ကောင်းတွေ ရပြီး အချိန်တိုတိုနဲ့ လိုရင်းကို တင်ပြနိုင်မှာပါ။
သတင်းတပုဒ်အတွက်အသင့်တော်ဆုံး အရုပ်ကတ်တွေရအောင် ဘယ်လိုရိုက်သင့်လဲ…..။

Saturday, November 10, 2012

ပြည်သူပြည်သား သတင်းသမားများ (အခန်း-နှစ်)


ပြည်သူပြည်သား သတင်းသမားများ (အခန်း-နှစ်)

ပြည်သူပြည်သား သတင်းသမားများအတွက် ကြုံရနိုင်တဲ့နောက်ထပ် သတင်းအမျိုးအစားတွေထဲမှာ ကိုယ့်မြို့မှာ ကိုယ့်ရပ်ကွက်ထဲမှာ ကိုယ့်လမ်းထဲမှာ  ဖြစ်တတ်တဲ့ မှုခင်းတွေ (မီးလောင်မှု၊ကားတိုက်မှု၊ မတရားအနိုင်ကျင့်မှု၊လယ်မြေသိမ်းမှု၊ခိုးမှု၊ရေကြီးမှု.. စသဖြင့် )ကစလို့ ရပ်ကွက်တွင်းမတရားမှုတွေ အမြင်မတော်တဲ့ ဖြစ်ရပ်တွေပါပဲ။
ကိုယ့်ရပ်ကွက်တွင်း ဖြစ်ပွားတဲ့ အဲဒီပြဿနာပေါင်းစုံကို သတင်းဌာနတွေက သတင်းထောက်တွေ မရောက်လာခင် ဒါမှမဟုတ် မလာနိုင်ရင်  ကိုယ်က အရင် သိပြီးဖြစ်နေမယ်။ စုံစမ်းပေးပြီး ဖြစ်နေမယ်။ အချက်အလက်တွေ စုဆောင်းပေးပြီး ဖြစ်နေမယ်ဆိုရင် ပြည့်စုံတဲ့ သတင်းတခုအဖြစ် အများပြည်သူကို တင်ပြပြီးသား ဖြစ်လာမှာမို့ ကိုယ်လဲ ကျေနပ်အားရမိမှာပါ။ ကိုယ့်နယ်ဖြစ်တော့ ကိုယ်က ပိုပြီးကျွမ်းကျင်နှံစပ်မယ်။ ဒါကဒေသခံရဲ့အားသာချက်မဟုတ်လား။ ဘယ်သူ့ကိုမေးမယ်။ ဘယ်သူက ချက်ကျလက်ကျပြောနိုင်မယ် အားလုံးကိုယ်သိပြီးသားချည်းပဲပေါ့။ ဒါကို ဘယ်လိုရိုက်ပြီး တင်ပေးမလဲ။ သတင်းပို့ပေးမလဲ ။ ကျွမ်းကျင်တဲ့ သတင်းထောက်တယောက် မဟုတ်ပေမယ့် ပည်စုံတဲ့အချက်အလက်တွေ ပေးပို့နိုင်ရင် တာဝန်ကျေတဲ့ ပြည်သူပြည်သား သတင်းသမားတယောက်ပါပဲ။ နယ်မြို့သေးသေးလေးလိုမျိုးတွေမှာဆို သတင်းထောက်တွေ မရှိတတ်တော့ ကိုယ်ကပို့ပေးနိုင်ရင် ကိုယ့်မြို ကိုယ်ရပ်ကွက် ကိုယ့်လမ်းက အမှုအခင်းတွေ မတရားမှုတွေကို အားလုံးသိသွားနိုင်မယ်။ ဒီအချက်တွေကနေ ဖြေရှင်းဖို့ နည်းလမ်းတွေ ရလာမယ်။ ကူညီမယ့်လူတွေ ရလာမယ်။ သတင်းလောကကြီးမှာ အချက်အလက်တွေ ပေးပို့နိုင်သမျှပေးပို့နိုင်လေ အားကောင်းတဲ့ သက်ရောက်မှုတွေ ရလာဖြစ်လာပါလိမ့်မယ်။
စမ်းသပ်ကြည့်ရအောင်

Monday, November 5, 2012

ပြည်သူပြည်သား သတင်းသမားများ(အခန်း - တစ်)


      ပြည်သူပြည်သား သတင်းသမားများ (အခန်း-တစ်)

ကျမတို့ လူမှုဘ၀ကြီးမှာ နေ့တိုင်း သတင်းတွေနဲ့ မိုးလင်း သတင်းတွေနဲ့ မျက်နှာသစ် သတင်းတွေနဲ့ အစားစား သတင်းတွေနဲ့ အပန်းဖြေ သတင်းတွေနဲ့ စကားပြော သတင်းတွေနဲ့ ရန်ဖြစ် သတင်းတွေနဲ့ ပြန်ချစ် တနေ့တာရဲ့နောက်ဆုံးလဲ သတင်းတွေနဲ့သာ အိပ်ယာ ၀င်ခဲ့ကြရတယ်မဟုတ်လား။
ကျမပြောချင်တဲ့ သတင်းက အချက်အလက်တွေ နဲ့ ပေါင်းစုပေးထားတဲ့ သိသင့်သိထိုက် စဉ်းစားသင့် စဉ်းစားထိုက်တဲ့ အကြောင်းအရာပေါင်းစုံကို ရည်ညွှန်းတာပါ။ မနက်မိုးလင်း ဘာစားရမလဲ စဉ်းစားတာကနေ ညအိပ်ခါနီးနက်ဖြန် နေပူမလားမိုးရွာမလား။ ကလေးအတွက် နို့မှုန့်ဘိုးကနေ အဘိုးအဘွားအတွက် အအေးပုလင်းဈေးသိဖို့လဲ သတင်းပါပဲ။
ပြည်သူတွေအနေနဲ့ သိထားတဲ့ အချက်အလက်ကနေ တဆင့် တွက်ချက်စဉ်းစားပြီး ဘာဖြစ်နိုင်တယ် ဘာလုပ်သင့်တယ် ဘာကိုဆောင်မယ် ဘာကိုရှောင်မယ်ဆိုတာမျိုးတွေ အဆင်သင့် ရှိနေအောင် သတင်းသမားတွေ တနည်းပြောရရင် သတင်းထောက်တွေက အချိန်တိုင်း သတင်းတွေကို ရှာဖွေတင်ပြပေးနေရတာပေါ့။
ဒီကနေ့ခေတ်လို စက်မှုတိုးတက်မှု အိုင်တီနည်းပညာတိုးတက်မှုတွေထဲမှာတော့ သာမန်ပြည်သူတယောက် ဟာလဲ သတင်းသမားကောင်းတယောက်ဖြစ်နေနိုင်တာပါပဲ။ ကိုယ်သိတဲ့ အချက်ကလေးတခုကို လူအများသိအောင် တင်ပြနိုင်တဲ့ နေရာတွေကလဲ အရင်တုန်းကထက်စာရင် အများကြီး ရှိလာခဲ့ပြီမဟုတ်လား။ အရင်တုန်းကလို နေ့စဉ်ထုတ် သတင်းစာထဲ ပါဝင်နိုင်ဖို့ ကြိုးစားစရာမလိုတော့ပဲ နေ့စဉ်ထုတ် ဂျာနယ်တွေကို အားကိုလာနိုင်သလို အင်တာနက်ခေတ်ကြီးမှာ လူတိုင်းအခမဲ့ သုံးစွဲခွင့်ပေးထားတဲ့ လူမှုကွန်ရက်တွေကတဆင့် ထုတ်ဖေါ်ရေးသားလို့လဲ ရနေခဲ့ပါပြီ။
ကျမဆီကိုလဲ သတင်းဘယ်လိုပို့ရမလဲ။ ကျနော်ကျမတို့ မြို့မှာလဲ ဒီလို ဒီလို သတင်းတွေ ရှိတယ်။ တခါမှမပါဘူး ဖြစ်နေလို့ ရိုက်ပေးချင်ပါတယ်၊ ဘယ်လိုရိုက်ရမလဲ။ တခါမှလဲ မရိုက်ဖူးဘူးဆိုလာသူတွေ တနေ့တခြား များလာတော့ ကိုယ်သိထားတာလေးတွေ မျှဝေပေးချင်လာပါတယ်၊ ကိုယ့်မြို့က သတင်းလေးတွေ တခြားမြို့က သတင်းလေးတွေနဲ့ အပြိုင် တက်လာနိုင်အောင် ဘယ်လိုရိုက်ကြမလဲ။ ဘယ်လိုစိတ်ဝင်စားအောင် လုပ်ရမလဲ။ ဘယ်လိုသတင်းမျိုးတွေကို ရှာကြမလဲ။ သတင်းဆိုတာကို စိတ်ဝင်စားကြတဲ့ မျိုးဆက်သစ်တွေအတွက် ရည်ရွယ်ရေးသားမျှဝေလိုက်ပါတယ်။
ဒီတော့ ကျမတို့မှာ ဘာလိုအချက်အလက်တွေ စုဆောင်းမလဲ ဘယ်လိုသတင်းမျိုးတွေကို ပြန့်နှံ့အောင်လုပ်မလဲ ဆိုတာနဲ့ ကိုယ်တင်တဲ့ သတင်းကို လူတွေ ဘယ်လိုဂရုစိုက်အောင် လုပ်နိုင်မလဲ ဆိုတာမျိုးတွေကို စိတ်ပါဝင်စားသူ မည်သူမဆို ကြီးငယ်အလတ်မရွေး လေ့လာသင့်သလောက် လေ့လာထားမယ်ဆိုရင်တော့ အကျိုးမယုတ်လေတန်ပါဘူးလေ။

Saturday, October 27, 2012

ချ င်း တွ င်းေ ခါ် သံ (အောင်ဝေး)

ချင်းတွင်းခေါ်သံ
(အောင်ဝေး)



အို…ချင်းတွင်း
သင့်မြင်းတွေ
ပြင်းပြင်းစီးဆင်းပါစ။
ဟိုး…တောင်ရိုင်းပေါ်က
ဒုန်းစိုင်းချလာ
ကဗျာတွေ၊ မုန်တိုင်းတွေ
ဒါ ငါတို့ ရဲ့ 
အရိုင်းခေါ်သံတွေ
သင့်ရဲ့ မြင်းတွေလည်းဖြစ်ရဲ့ ။
ချင်းတွင်းရဲ့ 
ငါက ကဗျာဆရာဆိုတော့
ငါ အရင်ဆုံးတီးခတ်ရမယ့်
ဗုံသံက
ငါ့ ကဗျာဆရာတွေရဲ့ ရင်အုံပဲ။
လူယဉ်ကျေးတွေက
ချစ်ခြင်းမေတ္တာကို
တယောပေါ်တင်ကြသတဲ့
ငါတို့ အရိုင်းအစိုင်းတွေကတော့
ဗုံပေါ်တင်ကြသပေါ့ ။

Thursday, September 6, 2012

ရန်ကုန်ရောက် မိုးသီးဇွန်သို့  အရေးပေါ် အကြောင်းကြားစာ


ရန်ကုန်ရောက် မိုးသီးဇွန်သို့  အရေးပေါ် အကြောင်းကြားစာ
( အောင်ဝေး )

“ အနှစ်(၂၀) မျှ တိုင်းပြည်အတွက် လုပ်လာပြီးနောက်
ကျနော်သည် ကိုယ့်ကိုယ်ကိုယ် ပြန်၍ကြည့်လိုက်သောအခါ
ကြိုးတိုက်ထဲသို့ ရောက်၍နေသည်ကို
တွေ့ ရလေသည် “
( ကာနယ် ချစ်ကောင်း )

မိုးသီး
ပြောပြီးသား စကားပဲ
ပြန်ပြောရတော့မယ်။
အိမ်လွမ်းစိတ်ဆိုတာလည်း
ဓားလှံ လက်နက်လိုပဲ
အမြဲ ထက်နေအောင် သွေးနေရတယ်။
မင်းဓား ထက်တာလည်း
အစ်ကို သိတယ်။
အစ်ကို့ ဓား မတုံးဘူး ဆိုတာလည်း
မင်းသိတယ်။
ဒါပေမဲ့
အခုတော့ တို့ ဓားတွေ
တံတွေးဆွတ် ခံလိုက်ရပြီ။
မိုးသီးရေ
မင်းပြန်ခဲ့တော့။
မင်းရဲ့ အိမ်ပြန်လမ်းကို
ဝမ်းပန်းတသာ မကြိုနိုင်ကြမှတော့
မင်းပြန်ခဲ့တော့ ။
၂၄ နှစ်ကြာ အိမ်မပြန်နိုင်ခဲ့တဲ့
အဝေးရောက် သားတစ်ယောက်ရဲ့ 
အိမ်ပြန်လမ်းဟာ
အပြုံးပန်းတွေ ဝေခဲ့သင့်ပါတယ်။
ဒါပေမဲ့ ခုတော့
အမုန်းပန်းတွေနဲ့ 
ငရဲလမ်းကို ပြန်ရသလိုပါလားကွာ။
ရန်ကုန်မှာ
ယုံကြည်ရာ မဲ့နေရင်တော့လည်း
ပြန်ခဲ့တော့ ညီရေ။

Wednesday, August 29, 2012

သမီးကျောင်းတက်ချင်သေးတယ်

 ရွှေတောက ရွှေအမောများ


သမီးတို့နေတာက ရမည်းသင်းမြို့နယ် အရှေ့ဘက် တူးကုန်းအုပ်စု အထဲမှာ ပါတဲ့ မိုးထိမိုးမိတောင် က ရွှေတွေ တူးတဲ့နေရာပေါ့။ သမီးဖေဖေတို့ကိုတော့ အင်းလုပ်သားတွေလို့ ခေါ်ကြတယ်။ ရွှေတူးပေမယ့် သမီးတို့အိမ်မှာ ရွှေနဲ့ တူတာ တခုမှမရှိပါဘူး။ သမီးညီမလေးကတောင် ရွှေမြင်ဖူးချင်လို့ ဆိုပြီးမေမေ့ကို ပြောသေးတာပဲ။

ဒီနေရာက အရင်တုန်းက နိုင်ငံခြားသားတွေ ရွှေတူးတာလို့ ပြောတယ်။ ဖေဖေ့ကို မေးတော့ ကနေဒါနိုင်ငံက အိုင်ဗင်ဟိုးကုမ္ပဏီလို့ ပြောတာပဲ။ သမီးမှတ်မိသလောက်တော့ ဒီမှာပဲ သမီးတို့နေခဲ့တာလို့မှတ်မိနေတာပဲ။ ကျောင်းလဲ ဒီမှာ ရှိတဲ့ကျောင်းကိုပဲ တက်တာ။ ဖေဖေတိုဘ၀နဲ့ သမီးတို့ လူဖြစ်ခဲ့ရတာပဲလေ။
အဲဒီဖေဖေတို့ဘ၀ သမီးတို့ဘ၀ကို ပြောင်းလဲ ဖို့ ၂၀၁၁ခုနှစ်က အစပြုခဲ့တယ်လို့ အဲဒီတုန်းက မသိခဲ့ရိုးအမှန်ပါ။သမီးမှတ်မိသလောက် အစကနေ ပြန်ပြောပြရရင်တော့…

အမျိုးသားရေး ကြိုးစားပေး
၂၀၁၁ ခုနှစ် စက်တင်ဘာလအတွင်းမှာ အမျိုးသားကြီးပွားတိုးတက်ရေးကုမ္ပဏီလီမီတက် ကနေ သမီးတို့ ရှိနေတဲ့ ဖေဖေတို့ အလုပ်လုပ်တဲ့ မိုးထိမိုးမိတောင်က ရွှေလုပ်ကွက်တွေကို တူးဖော်လုပ်ကိုင်ခွင့်လိုင်စင်ရခဲ့တယ်တဲ့။
အဲဒီဒေသမှာ ရွှေမိုးယံကုမ္ပဏီ၊ ကြောင်နက်မင်းကုမ္ပဏီ၊ မြန်မာစန်းသီအောင်ကုမ္ပဏီ ဆိုတဲ့ မြန်မာလူမျိုးပိုင် ကုမ္ပဏီတွေ လဲ တခြားတောင်ကြော တခြား လုပ်ကွက်တွေမှာ တပြိုင်တည်း လုပ်ကိုင်ခွင့်လိုင်စင်တွေ ရခဲ့ကြတယ်။ ဒါပေမယ့် သမီးတို့နေတဲ့ မိုးထိမိုးမိဒေသကရွှေလုပ်ကွက်ကသာ ရွှေအများဆုံးထွက်တဲ့ လုပ်ကွက်ဆိုတာ ဒီမှာ ရှိတဲ့ လူတိုင်း သိပါတယ်။

ဖေဖေတို့ ကတော့ အမျိုးသားကြိးပွားတိုးတက်ရေး ဆိုတဲ့ နာမည်ကြားတာနဲ့ လေးစားချစ်ခင် နေခဲ့ကြတာပဲနော်။ အဲဒီကုမ္ပဏီက သူတို့ လုပ်ပိုင်ခွင့်ရတာနဲ့ မိက်ဖက်ကုမ္ပဏီတွေ လက်ခံတော့ ဖေဖေတို့က လေးစားနေကြသေးတယ် မဟုတ်လား။ အဲဒီမိတ်ဖက်ကုမ္ပဏီတွေရဲ့ တာဝန်ခံမှုနဲ့ အင်းပိုင်တွေ စက်ပိုင်တွေကိုလဲ အကျိုးတူပူးပေါင်းလုပ်ကြဖို့ လက်ကမ်းခေါ်နေတယ်ဆိုတာကို ဖေဖေတို့ရဲ့ ညဦးရေနွေးကြမ်းစကားဝိုင်းတွေဘေးက ငေးမောရင်း သမီးတောင် ကြားမိပြီးပျော်နေသေးတယ်။ ဒီလိုပူးပေါင်းလုပ်တဲ့အခါ ခံစားခွင့်တွေ ပူးပေါင်းလုပ်မယ့် ကာလသက်တမ်းတွေကို နှုတ်ကတိနဲ့ပဲ ပြောဆိုခဲ့ကြတာ။ နောက် ကုမ္ပဏီအမှတ်တံဆိပ်နဲ့ အဲဒီက လုပ်ငန်းကော်မတီလူကြီးတွေရဲ့ လက်မှတ်တွေနဲ့ ကုမ္ပဏီနာမည်ပါတဲ့ လိုင်စင်ကိုလဲ ဖေဖေတို့ ရခဲ့ကြတယ်လေ။
အစတုန်းက ဖေဖေတို့ကို လုပ်ကိုင်ခွင့် ၅ နှစ်အနည်းဆုံးလုပ်ခွင့်ရမယ်လို့ ပြောခဲ့တာကြောင့် အင်းပိုင်စက်ပိုင်တွေက ငွေရင်းငွေနှီးထပ်ထည့် စက်တွေ ထပ်ဆင်နဲ့ လုပ်ကွက်ထဲမှာ နေ့မအားညမအား အမျိးသား ကြီးပွားတိုးတက်ကြဖို့ပေါ့နော်။

ဒါပေမယ့်လဲ ဖေဖေရေ… အချိန် ၇ လလောက်မှာ လုပ်ကွက်တွေကနေ အောင်မြင်တဲ့ အင်းတွေ ပေါ်လာတော့ အမျိုးသားကြီးပွားတိုးတက်ရေးကုမ္ပဏီက အချိုးပြောင်းလာတယ်မဟုတ်လား။ လုပ်ငန်းတွေကို ချက်ချင်းရပ်၊ ပူးပေါင်းဆောင်ရွက်တာတွေ ချက်ချင်းရပ်လို့ အမိန့်ပေးခဲ့တော့တယ်။
ကန်ထရိုက်ရအမျိုးသားကြီးပွားတိုးတက်ရေးကုမ္ပဏီဟာ ကတိစကားမတည်တော့ဘူး။ ငွေကုန်ကြေးကျခံ ရင်းနှီးမြှုပ်နှံပြီး အကျိုးအမြတ်စတင်ရရှိချိန်ကျတော့မှ အသေးစားလုပ်ငန်းကနေ အကြီးစားလုပ်ငန်းကို ပြောင်းလဲမှာဖြစ်လို့ဆိုတဲ့ အကြောင်းပြချက်နဲ့ ရပ်ဆိုင်းခိုင်းခဲ့လေပြီ။ ဖေဖေတို့ ငြိမ်သက်ဆွံ့အသွားခဲ့ရတာပေါ့။

Tuesday, August 14, 2012

ဒီခေတ်




ဒီခေတ်

အနီးဆုံးတွေ အဝေးဆုံး ဖြစ်တဲ့ခေတ်
စာရင်းမရှိတွေ စာရင်းဝင်လာတဲ့ခေတ်
ဖွနိုင်ရင် ပွတက်လာတဲ့ခေတ်
ပြောပါများ အမှန်ထင်လာတဲ့ခေတ်
သွားနေလဲ ခရီးမတွင်တဲ့ ခေတ်
လှုပ်နေရင်း မြုပ်နေရတဲ့ခေတ်
ချစ်ခင်ရင်း မုန်းတီးသွားရတဲ့ခေတ်
လေးစားရင်း ဝေဖန်နေရတဲ့ခေတ်
လက်တွဲရင်း နောက်ကျောကြည့်ရတဲ့ခေတ်
ကြောက်တတ်သူတွေ သတ္တိရှိလာတဲ့ခေတ်
နင်းတတ်ခင်းတတ်မှ နေရာရတဲ့ခေတ်
စားဖားတွေ ကြားကားဆွဲတဲ့ခေတ်
တိမ်မယောင်နဲ့ နက်နဲတဲ့ခေတ်
နက်မယောင်နဲ့ ပြာလာတဲ့ခေတ်
သိက္ခာနဲ့ ရိက္ခာလဲ ဖို့လဲ လွယ်လာတဲ့ခေတ်
ချစ်စရာနဲ့ ပစ်စရာ မှားယွင်းယုံကြည်လာတဲ့ခေတ်
လူများရာ ဤကို ကျွဲဖတ်တဲ့ ခေတ်
ဒီခေတ်
ဘာပဲ ဖြစ်ဖြစ် ပြုံးချင်သူ
(တို့ကတော့)
မနွဲ့တတ်ပေမယ့် ရွဲ့တတ်နေတော့ ခက်သေးတယ်။

ချစ်ခင်စွာဖြင့်
ခင်မင်းဇော်

Sunday, July 29, 2012

သတိတရ (ငယ်ငယ်တုန်းက My Ideal)


                                                      ဓါတ်ပုံကို ဒီက ယူပါတယ်။
လူတိုင်းမှာ ငယ်ငယ်တုန်းက အတုခိုးစရာ စံပြထားစရာ အားကျစရာ လူပုဂ္ဂိုလ်တယောက်တော့ ရှိခဲ့မှာပါပဲ။
တချို့တွေက ကိုယ့်အမိ အဖ အကို အမ ဦးလေး စသဖြင့်ပေါ့။
ကျမ ငယ်ငယ်တုန်းက ၆ တန်းနှစ်လောက်မှာတော့ စံပြထားစရာ အတုယူစရာ တယောက်ကို စိတ်ထဲမှာ မှတ်မှတ်ထင်ထင် ရှိခဲ့ဖူးတယ်။
အသက် ၁၁ နှစ် ၁၂ အရွယ်ကောင်မလေးတယောက်က အဲဒီအချိန်က အသက် ၁၆ နှစ်လောက် အမကြီးတယောက်ကို အတော်အားကျချစ်ခင်ခဲ့ဘူးတယ်။
အဲဒီအမကြီးက ကျမရဲ့ အမ၀မ်းကွဲနဲ့ အတန်းတူ။ သူတို့ ၁၀ တန်းအေ ခန်းကို အမ၀မ်းကွဲကခဏခေါ်သွားရင်း သူ့ကို စမြင်ဖူးခဲ့တာ။ ပိန်ပိန်ပါးပါးအသားဖြူဖြူ မှာ နှာတံပေါ်ပေါ်လေးနဲ့ အမကြီးက စာလဲတော်တယ်လို့ သိခဲ့ရတယ်။ ကျောင်းကောင်စီမှာ အ၀ါအသင်းကိုယ်စားပြု နဲ့ မဲပေးရတဲ့အထဲ အဲဒီအမကြီးပါလာလို့ မဲထည့်ပေးလိုက်သေးတယ်။ ဘာရယ်မဟုတ်ပဲ အဲဒီအမကြီးကို ရုပ်ကလဲချော စာကလဲတော်လို့ ဘယ်လိုချစ်မိမှန်းမသိ အားကျမိမှန်းမသိ ဖြစ်ခဲ့ဖူးတာ။ သူ့ညီမတယောက်ရှိတာ တနှစ်ကြီးတနှစ်ငယ်ပေမယ့် အမကြီးနဲ့ အတန်းတူနေတာ လဲ ဘာလို့လဲ သိချင်နေသေးတယ်။ အဲဒီအမကျတော့ အမကြီးလောက် မချောဘူး။ နောက်သူ့မှာ မောင်လေးတယောက်ရှိတာ။ ကျမတို့ အထက ၁ ကျောင်းနဲ့ နီးတော့ သူတို့ကျောင်းတက်လာရင်အလယ်တန်းဆောင်တွေဘက်က ဖြတ်သွားတာမို့ နေ့တိုင်းစောင့်ကြည့်တာပဲ။ 


သူ ဆယ်တန်းအောင်သွားတော့ ဂုဏ်ထူးတွေ တသီကြီးပဲ။ အဲဒီခေတ်က ဒေသကောလိပ်ခေတ်ဆိုတော့ သိပ္ပံသချာင်္တွဲ ယူတယ်လို့ အမ၀မ်းကွဲကပြောတယ်။ ကျမအိမ်နဲ့ တအိမ်ကျော်က အကိုကြီးနဲ့လဲ အခန်းတူတူပဲလို့ သိရတော့ သတင်းသွား သွားမေးမိတယ်။ သိပ်တော့ မတွေ့တော့ဘူးပေါ့။

Sunday, March 11, 2012

လူပင်လယ်ကြီးရယ်.. ငါ့မှာတော့ ကြေကွဲ

လူတွေ လူတွေ
လူပင်လယ် လူသမုဒ္ဒရာကြီး
လှိုင်းလိုပဲ လှုပ်လွန်းလို့
စင်ပေါ်က ကြည့်ရင် မူးမူးသွားသတဲ့။

အလံငယ် အလံလတ်
အလံကြီးတွေ
တလူလူ တလူလူ။


ကြယ်တွေ ခွပ်ဒေါင်းတွေ
ဈေးသည်လေးတွေ ကားသမားတွေ
ဆိုက္ကားသမား အထမ်းသည်မကျန်
စစ်သားအချို့လဲ ကိုင်လို့
လူတိုင်း လက်ထဲ ပျံဝဲ၊

လေးစားခြင်း အကြည့်များ
အားကိုးခြင်း အကြည့်များ
မျှော်လင့်ခြင်း အကြည့်များ
အားလုံးရဲ့ မျက်လုံးမှာ တောက်ပ။

ငါ့မှာတော့... ငါတယောက်တည်းမှာတော့
လွန်ခဲ့တဲ့ ၂၂ နှစ်
မျက်ဝန်းထဲက
ရင်ထဲက
နှလုံးသားထဲက စွဲနစ်ပုံရိပ်များ
ငါပြန်သတိရ။


ထပ်တူပြုမျက်လုံးများ
ထပ်တူပြု အကြည့်များ
ထပ်တူပြုမျှော်လင့်ခြင်းများ
ထပ်တူပြုယုံကြည်ခြင်းများ။
အဲဒီအရာတွေအားကိုးနဲ့
ဂတိစကားအထပ်ထပ်ဆို
စကားလုံးများအထပ်ထပ်ဆို
ဖြည့်ဆည်းပေးနိုင်မယ်
ဖြည့်ဆည်းပေးနိုင်လိမ့်မယ်လို့
အခိုင်အမာယုံကြည်ခဲ့လို့ပါ၊


၉၀ရဲ့အောင်ပွဲမှာ ငါတို့နစ်မြောမနေခဲ့ရပါဘူးလေ။
အောင်ပွဲနောက်က စိန်ခေါ်ပွဲတွေကိုလဲ
ငါတို့ ရှောင်မထွက်ခဲ့ပါဘူး။
မတရားတဲ့ အမိန့်ဟူသမျှ တာဝန်အရ ဖီဆန်ခဲ့ကြပါတယ်၊

ဒါပေမယ့်..
ဒါပေမယ့်...
ဒါပေမယ့်...


၂၀၁၂ ခုနှစ်


ဒီပြည်သူတွေက ဘာကိုဆန့်ကျင်ပြနေတာလဲလို့
မြင်အောင်ကြည့်ဖို့ လိုလိမ့်မယ်၊
သမိုင်းတလျောက်
ပြည်သူတွေ ဆန့်ကျင်ပြတတ်တဲ့
ပြည်သူတွေ ဆန့်ကျင်ခဲ့ကြတဲ့
ပြည်သူတွေ မျှော်လင့်ခဲ့ကြတဲ့
ပြည်သူတွေ ယုံကြည်ခဲ့ကြတဲ့
ပြည်သူတွေ လေးစားခဲ့ကြတဲ့
ပြည်သူတွေ ကိုးစားခဲ့ကြတဲ့
ပြည်သူ့ဆန္ဒအစစ်အမှန်ကို
အကြိမ်ကြိမ် လိမ်မယူဖို့ပဲ လိုပါတယ်၊


လူပင်လယ်ကြီးကို ကြည့်ပြီး
လူထုသမုဒ္ဒရာကြီးကို ကြည့်ပြီး
ငါတော့ ရင်ကွဲနေရတယ်၊
ငါကြေကွဲနေရတယ်၊

ငါပေးခဲ့တဲ့ ကတိ
ငါဆိုခဲ့တဲ့ သစ္စာတွေ
ခုထိ မဖြည့်ဆည်းနိုင်သေးလို့ပါ၊


ခင်မင်းဇော်
၁၂။၃၊၂၀၁၂)

Saturday, March 10, 2012

အမှန်တရား ဆိုတာ...

အမှန်တရား ဆိုတာ တခါတရံမှာ အမှားတရံလဲ ဖြစ်တတ်ကြတယ်တဲ့။
အမှန်တရား ဆိုတာ ဘယ်ဘက်မှာ ရပ်တည်နေလဲ ဆိုတာထက် ပိုပြီး ကျယ်ပြန့်ပါသေးတယ်၊
အမှန်တရား ဆိုတာ လက်ဖမိုးနဲ့ လက်ဖ၀ါးလိုပဲ မှောက်ချည်လှန်ချည်လဲ ဖြစ်တတ်ပါသေးတယ်၊
အမှန်တရား ဆိုတာ ခေါင်းနဲ့ပန်းလိုပဲ ကျောချင်းကပ်နေပေမယ့် ဆန့်ကျင်ဘက်လဲ ဖြစ်တတ်သေးတယ်၊
အမှန်တရား ဆိုတာ ရောက်ရှိနေချိန်နဲ့လဲ တိုက်ရိုက်အချိုးကျတတ်ပါသေးတယ်၊
အမှန်တရား ဆိုတာ ဘက်၂ဘက်ရဲ့ ကြားထဲမှာလဲ ရှိမနေတတ်ပါဘူး။
အမှန်တရား ဆိုတာ ဂိုဏ်းဂဏစွဲတွေ ဘယ်လောက်ကင်းရှင်းနေရမလဲ ဆိုတာပေါ်လဲ မူတည်ပါသေးတယ်၊
အမှန်တရား ဆိုတာ ဘယ်လောက်ကြာကြာ ဘယ်ချိန်ရောက်ရောက် မပြောင်းလဲဘူးဆိုတာဟုတ်သလားလဲ သိချင်ပါသေးတယ်၊
အမှန်တရား ဆိုတာ စကားလုံးတွေပေါ်မှာ မူတည်တာ ဟုတ်မဟုတ် ရှာဖွေကြည့်ချင်တတ်ကြသေးတယ်။
အမှန်တရား ဆိုတာ အခြေအနေ အချိန်အခါပေါ် ပြောင်းလဲတတ်သေးလား လေ့လာချင်သေးတယ်၊
အမှန်တရား ဆိုတာ အုတ်အရောရော ကျောက်အရောရောထဲက ဘယ်အချိန်မှာ ကွဲပြားသွားတတ်သလဲ သိခွင့်ရချင်သေးတယ်၊
အမှန်တရာ ဆိုတာ လျို့ဝှက်ချက်တွေထဲ နစ်မြုပ်နေတတ်တယ်လို့လဲ ထင်မြင်နေတတ်ပါသေးတယ်။
အမှန်တရား ဆိုတာ........
အမှန်တရား ဆိုတာ..........
အမှန်တရား ဆိုတာ............
အမှန်တရား ဆိုတာ...................
အမှန်တရား ဆိုတာ.... စကားလုံးကိုသုံးပြီး နာမည်ကြီးချင်သူတွေ အတွက် မဟုတ်ဘူး။
အမှန်တရား ဆိုတာ....ပွဲလန့်တုန်း ဖျာဝင်ခင်းတတ်သူတွေ အတွက် မဟုတ်ဘူး။
အမှန်တရား ဆိုတာ... အသေးအဖွဲလေးပင်ဖြစ်ပါစေ အာဏာသုံးတတ်သူတွေ အတွက်မဟုတ်ဘူး။
အမှန်တရား ဆိုတာ ...ပုဂ္ဂိုလ်စွဲတွေနဲ့ ဖွေရှာလို့ မရဘူး။
အမှန်တရား ဆိုတာ...ကိုယ့်ကိုယ့်ကို ကာကွယ်ဖို့ဒိုင်းမဟုတ်ဘူး။
အမှန်တရား ဆိုတာ....
အမှန်တရား ဆိုတာ....
အမှန်တရား ဆိုတာ...............
ကျမအတွက်တော့ ... ရှာဖွေနေဆဲ ရှာနေဆဲ။
( အမှန်တရားကို မြတ်နိုးသူများအဖြစ် စကားလုံးလှလှ သုံးနှုန်းနေသူများသို့)
ချစ်ခင်စွာဖြင့်
ခင်မင်းဇော်

Saturday, February 4, 2012

တို့ငယ်ငယ်တုန်းဝယ်…

ရေးလက်စ ပို့စ်တခုတောင် အစမသတ်ရသေးပဲ ပျင်းနေတာမို့ စာရေးအားရအောင် ဒီ tag ပို့စ်လေးကို အားစိုက်ခွန်စိုက် ရေးလိုက်ပါတယ်။

ကျမငယ်ငယ်ကတော့ အမေဖက်မှာ မြေးဦး၊ အဖေကတော့ ညီအကိုမောင်နှမ ၇ ယောက်ထဲမှာ အငယ်ဆုံးသားဆိုပေမယ့်လဲ တမိသားစုလုံးချစ်တဲ့ အငယ်ဆုံးသားဆိုတော့ သူ့သမီး ဖြစ်တဲ့ မြေးကိုလဲ သည်းသည်းလှုပ်ပေါ့။ ဒီတော့ ရလဒ်က အတော့်ကို စွာပါတယ်။ ပုသိမ်တဖက်ကမ်း သဘောင်္ကျင်း မှာလဲဖြစ် ဆွေမျိုးတွေ တန်းစီနေတဲ့ လမ်းမှာ ဖြစ်ပြန်တော့ မောင်နှမ၀မ်းကွဲတွေနဲ့ ဆော့ကြကစားကြပါပဲ။ အဲဒီအခါ ပြန်ခါနီးတိုင်း ကလေးတယောက်က အမြဲ ငိုရတယ်တဲ့။ ဘာကြောင့်လဲ ဆိုတော့ တယောက်မဟုတ် တယောက်နား ကပ်ပြီး နားရွက်တွေ လက်မောင်းတွေ မှီရာကို ကိုက်လိုက်တဲ့ ကျမကြောင့်တဲ့။ အဲဒါ မောင်နှမအရင်းကိုတော့ မကိုက်ဘူးတဲ့။ ၀မ်းကွဲတွေ အတော်များများ အကိုက်ခံရဘူးတယ်။ ၀မ်းကွဲထဲမှာလဲ အသက်တွေက မတိမ်းမယိမ်းတွေ ၊ တနှစ်တည်းမွေးပြီး လပိုင်းကွာတာ တွေရော တနှစ်နှစ်နှစ်ခြားတွေရော ၂၀ ကျော် ရှိတယ်၊ ၊နောက်ပိုင်း ပုသိမ်ဖက်ကမ်းကို ပြောင်းလာကြတော့လဲ အိမ်တွေက သိပ်မဝေးကြဘူး။

စနေ တနင်္ဂနွေ ကျောင်းပိတ်ရက်တွေမှာ တအိမ်အိမ်မှာ စုပြီးဆော့ကြတာပဲ။ ပုသိမ်နဲ့ သိပ်မဝေးတဲ့ ကန်ကြီးဒေါင့်လိုမျိုး နေရာတွေနဲ့ ပုသိမ်ထဲမှာ ရှိတဲ့ ဘုရားပေါင်းစုံ အကုန်လုံးနီးပါးကို တအိမ်တမျိုး ချက်ပြုတ်ပြီး အပတ်တိုင်း သွားခဲ့ကြတယ်။ လူကြီးတွေက ဘုရားဖူး ပြီး ဘာတွေ လုပ်တယ် မမှတ်မိပေမယ့် ကလေးတွေကတော့ အသားကုန်ဆော့ခဲ့တာတော့ တော်တော်ပျော်ဖို့ကောင်းတယ်။ ပုသိမ်က ဘုရားတွေကလဲ ၀င်းကျယ်ကျယ် ကားလမ်းနဲ့ ဝေး၊ သစ်ပင်တွေနဲ့ပြခန်းတွေ လှိုဏ်ဂူတွေ များတော့ စိန်ပြေးတမ်းတို့၊ တူပုန်းတမ်းတို့ ဆော့ခဲ့ကြတာ တော်တော်ပျော်ဖို့ကောင်းတယ်။ မသွားဖြစ်တဲ့ အပတ်တွေဆိုရင် ဇယ်ခုတ်တမ်းဆော့ကြတယ်။ ကျောက်စရစ်ခဲ အလုံးလှလှလေးတွေ သေချာ ရှာပြီး ၇ လုံးရရင် ဇယ်ခုတ်တာမှ သိပ်မိုက်တာပဲ။ ပြောရင်း ခုတောင် ခုတ်ချင်လာသလိုပဲ။ တလုံးမြှောက်တလုံးကောက်ကနေ တိုးတိုးသွားတာ နောက်ဆုံး ၁လုံးမြှောက်ပြီး အောက်က ကျဲပြန့်နေတဲ့ ကျောက်စရစ်ခဲတွေကို အမြန်စုကောက်ပြီး ပြန်ဖမ်းရတာ ပညာတော်တော်ပါတယ်လေ။ နောက်တခုက ဇယ်တောက်တမ်းဆော့တာ၊ မန်ကျည်းစေ့တွေကို ရာနဲ့ချီ စုဆောင်းထားပြီး ရောင်းတောင် ရောင်းခဲ့သေးတယ်၊ ဇယ်တောက်တမ်းဆော့တဲ့အထဲမှာ မောင်နှမ၀မ်းကွဲအကိုတယောက်က ယောက်ျားလေးဖြစ်ပြီး တော်တာတော့ မှတ်မိတယ်။ သူ့ကို ဇယ်ပြရင် ဘယ်လောက်ထပ်နေနေ ဝေးနေနေ သူက ၀င်အောင် တောက်နိုင်တယ်။ ကိုယ့်မောင်နှမ ၀မ်းကွဲတွေချည်း ဆော့နေရာက လမ်းထဲကတခြားကလေး တွေပါလာရင် တိုင်ဦးတမ်း၊ ဖန်ခုန်တမ်း၊ ကျောက်ရုပ် လုပ်တမ်း လူများများနဲ့ ကစားနည်းတွေ ပြောင်းကစားကြတယ်။