Tuesday, September 22, 2009

ဘ၀ဒိုင်ယာရီ အပိုင်း ၂ ၊ အခန်း (၁၁)


အခန်း(၁၁)
ဒီလိုနဲ့ ထောင်ထဲမှာ ၁၉၉၁ ခုနှစ်မုန်တိုင်းစစ်ဆင်ရေးနဲ့ ကရင်လူမျိုးတွေ အများကြီး ၀င်လာကြတယ်။ တကယ့်ကို အသက်ကြီးကြီး ကရင်အဖွားကြီးတွေရော။ အသက်သိပ်မကြီးသေးတဲ့ ပညာတတ်ကရင်အမျိုးသမီးတွေရော ကျမအရင်နေခဲ့တဲ့ သီးသန့်အချုပ်တိုက်တန်း ၅ ခန်းတွဲကို ရောက်လာကြတယ်။ အ၀တ်တထည် ကိုယ်တခု ဆိုတာ သူတို့မှအစစ်၊ ဘာဆိုဘာမှ မပါပဲ ရောက်လာကြတာပဲ။ အရမ်းအေးနေတဲ့ အချိန်ဖြစ်တာကြောင့် သူတို့အတွက် စောင်မရှိအနွေးထည်မရှိ ။စစ်ကြောရေးကို ဘယ်လိုဖြတ်လာလဲ ထောင်ထဲဘယ်လိုဖြတ်သန်းမလဲ စဉ်းစားစရာရင်း စိတ်မကောင်းလဲ ဖြစ်ရတယ်။

သူတို့ဝင်ပြီးတဲ့အပတ်ကစပြီး ထောင်ဝင်စာ ၂ ပတ်တခါထွက်တိုင်း အပြင်က ရှေ့ကလူတွေ တွေ့နေလို့ ကိုယ့်အလှည့်မရောက်သေးရင် စောင့်ရတဲ့ စက်ချုပ်ဘုတ်ထားတဲ့အခန်းလေးမှာ ခေါင်းတွေ တွေ့တွေ့ နေရတယ်။ အစက ဘာကြောင့်လဲ မစဉ်းစားမိဘူး။ ထောင်ထဲကများ ခေါင်းစပ်ပြီး ရောင်းသလားပေါ့။ နောက် အငြိမ်မနေနိုင်တဲ့ ပါးစပ်က စပ်စုတော့ အဲဒါ ထောင်ထဲက သေတဲ့လူတွေအတွက်တဲ့။ ဟင်.. ကနဲပဲ အသံက ထွက်နိုင်တော့တယ်။ အသက်ကြီးလွန်းတဲ့ ကရင်လူမျိုး အဖိုးကြီးတွေ ကိုမျက်စိထဲ ပြေးမြင်ယောင်မိတယ်။


အုတ်ရိုးတွေပတ်ချာလည်ကာရံထားပြီး အုတ်တိုက်ခန်းလေးတွေက ပူတဲ့အခါ အရမ်းပူပြီး အေးတဲ့ရာသီမှာတော့ အရိုးစိမ့်အောင် အေးပါတယ်။ စောင်မပါ အနွေးထည်မပါနဲ့ အဖမ်းဆီးခံလာရတဲ့ ကရင်အဖိုးကြီးတွေ ဒီလိုရာသီမှာ ကျော်ဖြတ်နိုင်ဖို့ လွယ်ပါ့မလား။ ကြားရတဲ့ သတင်းတချို့မှာ မနက်စောစော တန်းစီနေရင်း အသက်ပျောက်နေတာကို တွေ့ရတာလဲ ရှိသတဲ့။ ဘုရားရေ….သူတို့အများစုဟာ အရင်က ကေအန်ယူဟောင်းပဲ ဖြစ်ဖြစ် ။လက်ရှိ ကေအန်ယူပဲ ဖြစ်ဖြစ် ။ ခုလိုမျိုး ပစ်စလက်ခတ်မလုပ်သင့်ဘူးလို့ ထင်ပါတယ်။ ကျမတို့ မိန်းမထောင်ကို ရောက်လာတဲ့ ကရင်အဖွားကြီးတွေဆို တော်တော့်ကို အသက်ကြီးနေပါပြီ။ တချို့ဆို တမိသားစုလုံးဖမ်းခံရတဲ့အတွက် ကလေးတွေ ဒီတိုင်းကျန်ရစ်ခဲ့တာတွေ ရှိသလို တချို့တွေကတော့ ရွာကို အကြမ်းပတမ်းဝင်ရောက်စီးနင်းပြီး ဖမ်းတာမို့ သား တွေ ယောက်ျားတွေ သေကြေခဲ့တာတောင် ရှိပါတယ်။ သူတို့ဟာ အသက်ကြီးနေကြပြီး တချို့ဆို ကရင်လူမျိုးဆိုတာလေး တခုတည်းနဲ့ ဘာအချက်အလက်မှာ သေချာမရှိပဲနဲ့ အဖမ်းခံလိုက်ရတာပါ။ ရွာလုံးကျွတ် ယောက်ျား အားလုံး အဖမ်းခံရတဲ့ရွာတောင် ရှိပါတယ်။

မိန်းမထောင်ထဲကို ရောက်လာတဲ့ အထဲက အသက်ကြီးကြီး အဖွားကြီးတွေ ပြန်လွတ်သွားပြီး အသက် ခပ်ရွယ်ရွယ် ကရင်အမျိုးသမီး ၂ ယောက်ကတော့ ထောင် ၁၀ နှစ်ဆီ ကျခဲ့ပါတယ်။ သူတို့ ၂ယောက်ကို နန်းနန်းကြီး၊ နန်းနန်းလေး လို့ ကျမတို့က ခေါ်ပါတယ်။ နန်းနန်းကြီးက အရင် ကေအန်ယူ ရဲမေဟောင်းပါ။ သူကတော့ ကေအန်ယူရဲ့ ၉၀ လှုပ်ရှားမှုမှာ ပါဝင်တယ် မပါဝင်ဘူး ကျမတို့ကိုလုံးဝမပြောပဲ အင်မတန် စကားနည်းတဲ့ အမဖြစ်ပါတယ်။ အကျီ င်္ချုပ် ကျွမ်းကျင်တာမို့ ထောင်ထဲမှာ ၀ါဒါမတွေရဲ့ ကလေးတွေအတွက် ဘောင်းဘီအကျီ င်္လေးတွေကို လက်ချုပ်နဲ့ ချုပ်ပေးပါတယ်။ သူ့ဆီကို ထောင်ဝင်စာ လာတွေ့တဲ့လူမရှိတဲ့အတွက် အဲဒီလို အလုပ် လုပ်ပြီး သူစားဖို့ ရှာရပါတယ်။
နောက် ၆ နှစ်ကျော်အကြာ ကျမ ဒုတိယတခေါက်ဝင်သွားတော့ သူက အပ်ချုပ်စက်ဘုတ်ကိုင် ဖြစ်နေပါပြီ။ ကျမကို ၀မ်းပန်းတသာ ကြိုဆိုလို့၊ ပြီးတော့ အပြင်က သတင်းတွေ မေး၊ ကျမ အိမ်ထောင်ကျတဲ့အကြောင်းတွေ မေးပေါ့။ ပိန်နေတာကတော့ ၀င်လာတဲ့အတိုင်းပါပဲ။ သူ့နာမည်အရင်းကတော့ နန်းကြည်ကြည်လို့ ထင်ပါတယ်။

နောက်နန်းနန်းလေးလို့ ခေါ်တဲ့တယောက်ကတော့ သူ့မောင်တွေလဲ အသတ်ခံရ၊ သူ့အဖေလဲ အသတ်ခံရပြီး သူ့ယောက်ျားဖြစ်တဲ့ သင်းအုပ်ဆရာပါ ထောင်ကျတာပါ။ သူတို့လင်မယားအတွင်းထောင်ဝင်စာ တွေ့ခွင့်ရပါတယ်။ သူပြောပြတာက မုန်တိုင်းစစ်ဆင်ရေးနဲ့ တရွာလုံးကို ၀င်ရှာတော့ သူ့ယောက်ျားကို အသိတယောက်က အပ်သွားတဲ့ ကက်ဆက်ခွေကို ဖမ်းမိပြီး ခုလို သူတို့ မိသားစု အားလုံး ထောင်ကျတာလို့ ပြောပါတယ်။ သူ့ကလေးတွေကို ဘယ်သူကြည့်ကျန်ခဲ့လဲ ဆိုတာကိုတောင် သူသေချာ မပြောနိုင်တော့ပါဘူး။ သူ့အဖေက မန်းနဲ့စတဲ့ နာမည်တခု ဖြစ်ပြီး အောင်တလုံး ပါတယ် ဆိုတာတော့ ကျမမှတ်မိပါတယ်။ ဒီဘက်ကို ကျမရောက်ခါစကတောင် အဲဒီနာမည်ကို မှတ်မိပါသေးတယ်။ အတီးဖဒိုမန်းရှာကို မေးတော့ သူသိတယ် လို့ ပြောပါတယ်။ နန်းနန်းလေး ယောက်ျား သင်းအုပ်ဆရာက အဖမ်းမခံရခင်က ဘာသာရေးအရဖိလစ်ပိုင်ကို ခရီးထွက်ဖို့ ပြင်ဆင်နေချိန်တဲ့။ သူ့မောင်လေးလဲ အသတ်ခံရတာပါပဲ။ ဖမ်းမိတော့ ခေါင်းကို အုတ်ခဲနဲ့ ထုသတ်ပစ်တာပဲတဲ့။ သူ့အဖေလဲ ကေအန်ယူဟောင်းပါပဲ။ သူ့အဖေလဲသေတယ်။ ဘယ်လိုသေလဲ ဆိုတာ သူပြောပြခဲ့ဖူးတယ်။ ခုတော့နည်းနည်းမေ့နေပြီ။ သေနတ်နဲ့ ပစ်သတ်တာပဲ လားမသိဘူး။ သူပြောပြတဲ့ထဲမှာ ရဟတ်ယာဉ်ပါ သုံးတယ်တဲ့။ အဲဒီရွာတွေကို ရဟတ်ယာဉ်သုံးပြီးဝင်ရောက်ချေမှုန်းခဲ့တယ်လို့ စာစီရမယ်။ သူလဲ ထောင်ဝင်စာ လာသူ မရှိပါဘူး။ နန်းနန်းလေး နာမည်အရင်းက နန်းခင်ခင်လှ တဲ့။

ခုချိန်မှာတော့ သူတို့ လွတ်နေပြီး သာမန်ဘ၀မှာပဲ ရပ်တည်နေမလား။ တော်လှန်ရေးပဲ ပြန်လုပ်ဦးမလား မသိပါဘူး။ ဒါပေမယ့် သူတို့တွေဟာ လူမသိသူမသိ ဘ၀တွေကို စတေးနေရတဲ့ လူတွေထဲမှာ ပါပါတယ်။ နာမည်မကြီးပဲ ခုလို အကျဉ်းထောင်ထဲမှာ နှစ်ဆယ်ချီကျနေသူတွေကို ၈၈ ပြီးတော့ ထောင်ကျတဲ့အခါကျမှ ကျမတို့လို မျိုးဆက်သစ်တွေက မြင်ဖူး ကြားဖူးခဲ့ရတာပါ။ သူတို့ကိုမြင်ရ ကြားရ သိရတဲ့အခါမှာ ကျမရင်ထဲ တော်တော်မကောင်းပဲ ၀မ်းနည်းမိပါတယ်။ စိတ်မကောင်းဘူး ဆိုတာထက် ဆို့ဆို့နင့်နင့်ခံစားရတယ်။

ဒုတိယအကြိမ်မှာ ၂ ယောက်လုံးနဲ့ ဆုံခဲ့ရပြီး ကျမပြန်လွတ်တော့ သူတို့ကို နှုတ်မဆက်ဖြစ်ခဲ့ဘူး။ ထောက်လှမ်းရေးမှာ အစစ်ခံဖို့ ခေါ်ထုတ်ရင်းက ပြန်လွတ်ခဲ့တာမို့ ကျန်ခဲ့တဲ့ ပစ္စည်းတွေကို ယူလိုက်ပါလို့ပဲ သတင်းပို့ပေးနိုင်ခဲ့တယ်။ သူတို့လိုတာလေးတွေ ၀ယ်နိုင်အောင် သူတို့ကို ပေးဖို့ အိမ်ကနေ ၂ ရာတန်လေးတွေ တောင်းထားတာကိုတောင် ပို့မပေးနိုင်တော့ပါဘူး။ ဒါပေမယ့် ကျမဘ၀မှာ ဘယ်တော့မှ မမေ့နိုင်တဲ့ အမ ၂ယောက်ပါပဲ။ ပထမတခါ သူတို့ဝင်လာတုန်းက ကျမတို့က ကြိုဆိုသူတွေဖြစ်ခဲ့ပြီး ဒုတိယအကြိမ် ကျမ၀င်သွားတော့ သူတို့က တဖန်ကြိုဆိုသူအဖြစ် တာဝန်ကျေပြလိုက်တာကိုလဲ ခုချိန်ထိ သတိရမြင်ယောင်နေဆဲပါ။

(ဆက်ရန်)
ချစ်ခင်စွာဖြင့်
ခင်မင်းဇော်

Wednesday, September 16, 2009

ဘ၀ဒိုင်ယာရီ အပိုင်း၂ ၊ အခန်း(၁၀)

အခန်း(၁၀)
ထောင်မှာ မှတ်မှတ်ရရ ထောင်တွင်း ရိုက်မှုတခု ဖြစ်ခဲ့သေးတယ်။ ခုနေပြန်ပြောရင်တော့ ဘာမှမဟုတ်သလိုပဲ အဲဒီအချိန်တုန်းက ကိုယ်နေတဲ့ မိန်းမထောင်ထဲမှာ အိပ်မောကျခါစ ၁၀ နာရီကျော် ၁၁ နာရီနီးပါးလောက်မှာ စူးစူးဝါးဝါး အော်ဟစ်ပြေးလွှားသံတွေက တော်တော့ကို ထိတ်လန့်တုန်လှုပ်ဖွယ်ရာပါပဲ။ ထောင်လန့်ရင် တယောက်က စအော်တဲ့အခါ ကျန်တဲ့လူတွေကလဲ ဘာမှန်းမသိပဲ လိုက်အော်ကြတယ် ဘာညာဆိုတာတွေက ကြားဖူးထားတော့ ကိုယ်လဲ ဘာလုပ်ရမယ်မသိဘူး။ အိပ်နေရာကနေ ငုတ်တုတ်လေးတွေ ထထိုင်ပြီး မျက်လုံး အ၀ိုင်းသားနဲ့ ဘာမှမမြင်ရပဲ ကြားနေရတဲ့ အသံကို နားစွင့်နေခဲ့ရတယ်လေ။

ရိုက်မှုဖြစ်စဉ်ကတော့ နှစ်ကြီး VIP တွေထဲမှာ သံလမ်းခိုးမှု ၁၆/၁ နဲ့ ၁၀ နှစ်ကျခဲ့တဲ့ အမနဲ့ ကလေးအမေတယောက် ညဖက်မှာ ရိုက်ပွဲဖြစ်ခဲ့တာပါ။ သံလမ်းခိုးမှုနဲ့အမကို ကျမတို့က သံလမ်း ၁၀ နှစ်လို့ ခေါ်တယ်။ သူနဲ့ ကုတင်နားချင်းတယောက်ကတော့ ၈၈ တုန်းက သူတို့မြို့မှာ ရိုက်ပွဲတွေဖြစ်ပြီး လူသေမှုဖြစ်ခဲ့တဲ့ အမှုနဲ့ ၀င်လာသူပါ။ လူအများကြီးဆိုတော့ လူသေမှု နဲ့ ၃ နှစ်ကျတယ်။ ညီအမ ၃ ယောက် လုံး ၀င်လာတာမှာ အငယ်မလေးက ကလေးကိုယ်ဝန်နဲ့ ဆိုတော့ နှစ်နည်းပေမယ့် နှစ်ကြီးသမားနားက ကုတင်မှာ နေရာရတယ်။ သူ့အမ ၂ယောက်ကတော့ ရဲဘက်ကို ပါသွားတယ်။ သူတို့ ညီအမက ပညာတတ်ဘွဲ့ရ ဖြစ်ပြီး ရုပ်ရည်လေးတွေက သန့်တယ်။ နောက် ကလေးမွေးတော့လဲ အဲဒီသံလမ်းအမကြီးနဲ့ပဲ တူတူ ကလေးကို ပြုစု ဘာညာလုပ်နေတာပဲ။ ဒါပေမယ့် တနေ့တော့ ချဲမှုနဲ့ အဲလိုပဲကလေးအမေ တယောက်ဝင်လာတယ်။ ကလေးက လသားပဲ ရှိသေးတယ်။ အဲဒီကောင်မလေးကတော့ ငွေကြေးတတ်နိုင်တဲ့ ချဲဒိုင်ကိုင်သူ ဆိုတော့ ၀င်လာကတည်းက ငွေနဲ့ ပေါက်ပြီးဝင်လာတော့ ထောင်မှုးမတွေ ၀ါဒါမတွေက ပြာနေတာပဲ။ သူ့ကလေးကိုလဲ ၀ိုင်းပြီး ချစ်ပြကြတာပေါ့။ ဒီတော့ ခုန ကလေးအမေက သူ့ကလေးကို မချစ်တော့ပဲ နောက်ရောက်လာတဲ့ကလေးကို သူ့ဘေးက သံလမ်းအမက ပြုစုပေးနေတာ မြင်တော့ မခံစားနိုင်ဘူး ဖြစ်မယ်ထင်ပါတယ်။ ညဘက်မှာ ဘယ်တုန်းကတည်းက သိမ်းထားလဲမသိတဲ့ သစ်သားချောင်း တတောင်ကျော်ကျော်လောက်နဲ့ ခေါင်းကို ရိုက်ခွဲပါလေရော။

ဖြစ်ချင်တော့ အရိုက်ခံရတဲ့အမက အဲဒီနေ့မှာ ခေါင်းဦးတုံးပေါ်မှာ မအိပ်ပဲ အဲဒီတုံးက မာလို့ ဆိုပြီး အောက်နည်းနည်းလျှောချ အ၀တ်ထုတ်ခုပြီး အိပ်မိတော့ ခေါင်းကွဲတာပဲ ဖြစ်သွားတယ်။ တကယ်လို့ အောက်ခံအမာနဲ့သာ ဆို သူ့ရိုက်ချက်က စိစိညက်ညက်ကြေသွားနိုင်ပါတယ်။ ဒီတော့ အရိုက်ခံရသူက ငေါက်ကနဲထပြီး သူ့ကိုလိုက်တော့ သူက ကုတင်တွေပေါ်ကနေ အခန်းတံခါးသော့ခတ်ထားတဲ့ အထဲမှာ လှည့်ပတ်ပြေး ကျန်တဲ့လူတွေက အော် ၊ လိုက်တဲ့လူကလဲ ဆံပင်ဖားလျားနဲ့ ခေါင်းကွဲထားလို့ သွေးတွေက စီးကျလို့တဲ့ ၊ ဆူညံနေတာပဲ။ အဲဒီရိုက်မှုက ၁ ခန်းမှာ ဖြစ်တော့ ကျမတို့က ၃ ခန်းမှာ နေတာ။ ကြားမှာ ၂ ခန်း တခန်းခြားနေတယ်။ ပတ်လည်က လူတွေကို ဘာဖြစ်တာလဲ ပြေးကြည့်ခိုင်းပြီး သူတို့ ပြောတာနားထောင်၊ ၀ါဒါမတွေလဲ လေးတခါး ပြေးပြီးအကြောင်းကြားပေါ့။ ထောင်မှုးလာမှ အကုန်လုပ်လို့ရမှာလေ။ သူတို့ဖာသာ သော့ဖွင့်ခွင့်မရှိဘူး ။ အသံတွေကလဲ ဘေးက အော်တဲ့အသံတွေနဲ့ ဆိုတော့ တော်တော်ကျယ်ပြီး ယောက်ျားထောင်ဖက်မှာ ရှိနေတဲ့ သီးသန့်တွေကလဲ မိန်းမထောင်က ငါတို့ သီးသန့်တွေတော့ အသေချခံထိနေပြီလားပေါ့။ ဘာလုပ်နေတာလဲ မိန်းမထောင်ဘက်မှာ ဘာတွေဖြစ်နေတာလဲ ဘာညာတွေ ထပ်ပြီးအော်နဲ့ အကျဥ်းထောင်ကြီးတခုလုံး ဆူညံသွားပါတယ်။

ထောင်မှုးတွေ ထောင်ပိုင်တွေ ၀င်လာတော့ ၃ ခန်းက ကျမတို့က အရင်မြင်ရတယ်။ နောက် ရန်ဖြစ်တဲ့ ၂ ယောက်ကို ညတွင်းချင်း တိုက်တခန်းစီ ထည့်ပိတ်လိုက်ပါတော့တယ်။ သူတို့ တိုက်ထဲမှာ ရေချိုးမချပဲ လချီနေရတယ်။ အရိုက်ခံရတဲ့ သံလမ်း ၁၀နှစ်ကတော့ ခဏလေးပဲ တိုက်က ထွက်ရပေမယ့် ရိုက်တဲ့ကောင်မလေးက ကလေးလေးနဲ့ တိုက်ထဲမှာ ၃ လလောက်နေလိုက်ရပါတယ်။ သူနေတဲ့ တိုက်က ကျမတို့ကို ထောင်ထဲ ၀င်ခါစက ထားတဲ့ ငါးခန်းတွဲ တိုက်တန်းဖြစ်ပြီး အဲဒီဘက်ကို သွားဖို့ မလွယ်ပါဘူး။ အထူးသဖြင့် အရိုက်ခံရသူကို အဲဒီအခန်းဘက် သွားပြီး တခုခု လုပ်မှာစိုးလို့ မသွားနိုင်အောင် သေချာ စောင့်ကြပ်ထားပါတယ်။ နောက်မှုဖွင့်မယ် ဘာညာ ပြောပေမယ့် အဲဒီကောင်မလေးရဲ့ သမီးလေးက သိပ်ချစ်စရာကောင်းတော့ ကလေးပါ ဒုက္ခရောက်နေရတယ် ။ ခွင့်လွှတ်လိုက်ပါ အမရယ်ဆိုပြီး ၀ါဒါမတွေကပါ တောင်းပန်နေကြတယ်။ သူတို့ပါ အမှုစစ်တဲ့အထဲ ပါပြီး အလုပ်ရှုပ်မှာ ကြောက်တာကိုး။ တကယ်လဲ အဲဒီအမက ကလေးလေးကို ချစ်တဲ့လူမို့ နောက်မှုမဖွင့်တော့ပဲ ထားလိုက်ပါတယ်။ အဲဒီကောင်မလေး တိုက်ကထွက်လာတော့ အခန်းပြောင်းထားလိုက်တော့တယ်။ နို့မို့ ညဖက်တခါ မကျေပွဲ ထပ်ချနေဦးမယ် မဟုတ်လား။

မိန်းမထောင်က ဆူညံသံတွေ စကြားတာနဲ့ ထောင်နားက မိတ်ဆွေတွေအိမ်က ကျမအိမ်ကို ဖုန်းဆက်ပြောပြီးနေပြီ။ မနက်ကျတော့ ၀ါဒါမအိမ်ကို အိမ်တွေက သတင်းမေးတောင် ရောက်နေပြီတဲ့ မနက်ပိုင်း ဂျူတီခဏလဲတဲ့ ၀ါဒါမက ကျမတို့ကို လာပြောတယ်။ ပုသိမ်သားတွေနဲ့ ပုသိမ်ထောင်ကတော့ အဲဒီလို သတင်းပြန့်ပွားမှုမြန်ခဲ့တယ်လေ။

ထောင်ထဲမှာကတော့ အုတ်ရိုးလေးဘက်ကြားမှာ နေရတဲ့ လူတွေမို့ထင်ပါရဲ့ စိတ်တွေက ရန်ဖြစ်ရန် အသင့် ဆိုသလို ဖြစ်နေကြတယ်။ တယောက်နဲ့ တယောက် သည်းညည်းမခံကြဘူး။ အားလုံးထဲမှာ ကျမတို့ သီးသန့်အုပ်စုပဲ လူတွေက နည်းနည်းရှိန်ပြီး ကျမတို့ဝင်ဆုံးဖြတ်ပေးတာကို လက်ခံကြတယ်။ ဒါတောင်မှ ကျမတို့နဲ့ လူလည်ပန်ကာတွေ ရန်ဖြစ်တတ်သေးတယ်။ သူတို့ကိုတော့ နည်းနည်းကြမ်းပေးလိုက်ရင် ဖြုံတယ်။ ကျမတို့ အုပ်ထဲမှာ ငယ်ငယ်ကတည်းက နည်းနည်းလက်ယဉ်တဲ့လူရှိသလို ကိုယ့်အုပ်စုထိရင်တော့ မခံတတ်တဲ့ လူတွေများတာမို့ ရန်ဖြစ်လဲ သိပ်ကြောက်စရာမလိုဘူး။ အများစုက ရန်ဖြစ်တာနဲ့ လက်ပါတတ်ကြတယ်။ ကျမရောက်ခါစ သူများတွေရန်ဖြစ်ပြီး ၀ုန်းဒိုင်းနဲ့ ဆွဲချကြတော့ တော်တော်အံ့အားသင့်သွားတယ်။ နောက်ပိုင်းတော့ ကိုယ်လဲ လက်ယဉ်လာတယ် ပြောရမယ်။ အတုမြင် အတတ်သင်ပဲ။

တခါက ကိုယ်တွေအဖွဲ့ထဲက တယောက်နဲ့ ထောင်ကျ ဖော်လန်ဖားနောက်တယောက် နည်းနည်းအခြေအတင်ဖြစ်တော့ ဟိုဘက်က လာဝိုင်းပြီး ရိုက်ဖို့လုပ်တယ်။ အခြေအနေက ၀ုန်းဝုန်းဒိုင်းဒိုင်း နဲ့ ဖြစ်သွားပြီး စကားတွေများနေတုန်း ၀င်ဆွဲသလိုလိုနဲ့ အဲဒီတယောက်ကို နောက်က ၀င်ချုပ်ပေးလိုက်တာ ဘာပြောကောင်းမလဲ။ ကိုယ့်လူတွေ လက်သွက်သွက်နဲ့ တော်တော်ထိသွားကြတယ်။ အာကျယ်နေတာမဟုတ်ဘူး သီးသန့်တွေက တကယ်လုပ်ပါလား ဆိုတာ သိသွားကြတယ်။ သူတို့တွေ တကယ်ချရဲသဟ လို့ ပြောစမှတ်တွင်ခဲ့တော့တယ်။

ဟေ့ ဘာအမှုနဲ့ပဲ လာလာ ငါတို့က လူလိုပဲ ဆက်ဆံတယ်။ အေး ဒါပေမယ့် မကောက်ကျစ်နဲ့ မယုတ်မာနဲ့ ငါတို့ သည်းမခံဘူး လို့ ခပ်ကျယ်ကျယ် စွာပေးလိုက်တော့ ငြိမ်သက်သွားတယ်။ ဒီလူတွေပဲ နေ့တိုင်း ရှိနေတဲ့ နေရာတခုမှာ ကလိန်ကကျစ်တွေ လာလုပ်လဲ ပေါ်တာပါပဲ။ ဒါပေမယ့် လူတွေရဲ့ အကျင့်ကလဲ ပြင်ရခဲသားကိုး။ အသားကျနေတာ ကြာတဲ့ ကြားထဲ ဆင်ခြင်ဥာဏ်မရှိတော့ ပြင်နိုင်ဖို့ ခက်ခဲနေရတယ်။

ထောင်ထဲမှာ တတ်လာတဲ့ ပညာတွေထဲမှာ အဆဲနည်း မျိုးစုံလဲ ပါတယ်။ သူတို့ ဘယ်လိုဆဲဆဲ သူတို့ ဆဲတာရဲ့ နောက်မှာ ကြီးတလုံးထပ်ထည့်ပြီး ပြန်အော်လိုက်တာနဲ့ ဒင်းတို့ ဘာမှမတတ်နိုင်တော့ဘူး။ အဲလို လူလည်လုပ်လာခဲ့ဖူးတယ်။ ထောင်ပုံပြင်ကတော့ တထောင့်တညလဲ ပြီးနိုင်မယ် မထင်ပါဘူး။ ရောမရောက်တော့ ရောမလို ကျင့်ခဲ့ပေမယ့် အများမိုးခါရေသောက်တိုင်းတော့ လိုက်မသောက်နိုင်ခဲ့တာက အသိဥာဏ်နဲ့ ဆိုင်လိမ့်မယ်။

အဲဒီထောင်ဆိုတာကြီးက ထွက်လာကတည်းက လူတွေကို အားလုံး တူတူပဲလို့ မြင်နေတာက ပိုခိုင်မာလာပြီး ဘယ်သူ့ကိုမှမကြောက်တဲ့ စိတ်ကလဲ ပိုပြင်းထန်လာတယ်။ ပိုပြီးလဲ ခေါင်းမာလာတယ်။ မ၀တဥက္ကဌ ၊ စည်ပင် တာဝန်ခံ တို့တောင် ပြန်ပြောရဲလာတော့ ဈေးခေါင်းလောက်တော့ ပဲ ပဲ ထင်တော့တယ်။ အဲဒီစိတ်တွေနဲ့ပဲ တည်ဆောက်ခဲ့လို့ ကိုယ့်အပေါ် စီးပွားရေး၊လူမှုရေးအရ အာဏာပါဝါနဲ့ အနိုင်ယူမယ့် လူအားလုံးကို ပြန်ပြီးအနိုင်တိုက်နိုင်ခဲ့တယ်။ လောကမှာ ကြောက်တတ်သူကို ပိုခြောက်တတ်တယ် ဆိုတာ အမှန်ပဲ။

ခုချိန်ထိ ခေါင်းမာသူ၊ လုပ်မယ်ဆိုရင် ဖြစ်အောင် လုပ်သူအဖြစ် သတ်မှတ်ခံနေရတာဟာ ထောင်ထဲက အတွေ့အကြုံတွေအရ ရယူနိုင်ခဲ့တဲ့ ဘ၀ကပေးတဲ့ သင်ခန်းစာတွေပဲ ။ နေရာတိုင်းမှာ ကိုယ်ရနိုင်တဲ့ ကိုယ်ယူနိုင်တဲ့ သင်ခန်းစာတွေ အများကြီးပဲ ဆိုတာကတော့ လက်တွေ့သက်သေပါပဲ။
(ဆက်ရန်)
ချစ်ခင်စွာဖြင့်
ခင်မင်းဇော်

Saturday, September 12, 2009

ဘ၀ဒိုင်ယာရီ အပိုင်း ၂ ၊ အခန်း (၉)

ဘ၀ဒိုင်ယာရီနဲ့ ခရီးသွားတောလားတွေကို စဉ်ဆက်မပြတ်တင်ပေးနိုင်ဖို့ ကြိုးစားနေတယ်။ ဘာလို့လဲ ဆိုတော့ အတွေ့အကြုံဆိုတာမျှဝေဖြစ်အောင် မျှဝေပေးရမယ်။ ဘယ်သူဝေဖန်ပါစေ ကိုယ်ဆုံးဖြတ်ချက်နဲ့ ကိုယ့်ရဲ့ ခိုင်မာမှုကသာ အခရာပဲ ဆိုတာကို ယုံကြည်လို့ပါ။ ဒီဘလော့ကို ခုမှအလည်ရောက်တဲ့ မိတ်ဆွေတွေအနေနဲ့တော့ ဘ၀ဒိုင်ယာရီကို အစအဆုံး ပြန်ဖတ်ချင်ရင် ဘေးက ဆိုဒ်ဘားလေးက labels ဆိုတဲ့အောက်မှာ ဘ၀ဒိုင်ယာရီလို့ရေးထားတဲ့ စာတမ်းလေးကို ကလစ်လိုက်ရင် အစအဆုံး ဖတ်လို့ရပါတယ်။

အခန်း(၉)

ထောင်ထဲမှာ နေ့တိုင်း ဘုရားစာရွတ်ဖတ်လိုက်၊ အခြေအနေကောင်းရင် တချောင်းထိုး နှစ်ချောင်းထိုး ကိုင်လိုက်နဲ့ ထောင်ဆိုတာ နေတတ်ရင် အကျယ်ကြီးပါ ဆိုတဲ့စကားကို ပြောဖြစ်ကြသေးတယ်။ နေတတ်ရင် ဆိုတာမှာတော့ ၀ါဒါမတွေကို ဖားပြီး အချင်းချင်းချောက်တွန်း မဟုတ်တရုတ် သတင်းပေးနေတဲ့ အလုပ်မျိုးနဲ့ နေတတ်ဖို့တော့  မဟုတ်လေဘူး။ အကျဉ်းသားအချင်းချင်း လည်သူစားစတမ်း လုပ်တတ်တဲ့ တကယ်ဆိုးတဲ့ သူခိုးမတွေ ၊ လူသတ်ပစ္စည်းယူတွေ ကိုတွေ့ရတဲ့အခါ အံ့သြရသေးတယ်။ သူတို့ကို သေချာသွားစကားပြောပြီး သူတို့အကြောင်းတွေ စပ်စုကြည့်တော့ တကယ့်ကို ဘ၀တွေက ဘာဆိုဘာမှမျှော်လင့်ချက်မရှိ။ စားစရာမဲ့ သောက်စရာမဲ့ ခိုကိုးရာမဲ့ ဆိုသလိုကိုး။ အဲဒီအချိန်က ကျမစဉ်းစားကြည့်တော့ အဲလို လူမျိုးတွေကို အစိုးရက လူမှုထောက်ပံ့ကြေးတွေ ပေးနိုင်ရင် ဒုစရိုက်မှုတွေ တော်တော်လျော့သွားနိုင်တယ် ဆိုတာပါပဲ။

ကျမ စကားပြောမိတဲ့ လူသတ်မှုတွေထဲမှာ ကလေးတယောက်ရဲ့ နားဆွဲလေးကို ယူပြီး ကလေးကို သတ်ပစ်တဲ့ မိန်းမတယောက်ဆိုရင် သူက သူ့ကလေးအတွက် သူများကလေးကို သတ်လိုက်တာပဲ။ သူ့မှာ ကိုယ့်ကလေးကို ချစ်တဲ့စိတ်နဲ့အတူ ကိုယ့်ကလေး တမျက်နှာပဲမြင်တော့တဲ့ ချစ်ခြင်းမေတ္တာလဲ ရှိနေတယ်။ ဒီအခါမှာ သူများကလေးရဲ့နားဆွဲကို ယူလိုက်တယ်။ နောက် အဲဒီကလေးက သူ့ကို သိနေတော့ မဆင်ခြင်တော့ပဲ အပြီးသတ်လိုက်တယ်တဲ့။ အဲဒီအချိန်တုန်းက မသနားဘူးလားဟင်လို့ မေးမိတော့ တကယ့်ကို စိတ်မကောင်းတဲ့မျက်နှာနဲ့ အဲဒီအချိန်တုန်းက ဘာမှကို သတိမရဘူး။ သူ ပိုက်ဆံသိပ်လိုနေတယ် ဒါပဲ သိတော့တယ် တဲ့။ ခုအချိန်ကျတော့ မသတ်မိခဲ့ရင် အကောင်းသားလို့ စဉ်းစားမိတယ်တဲ့။ တကယ်က သူက သိပ်ဆိုးတယ် လို့လဲ နာမည်ကြီးတယ်။ တကယ့်ကို ထောင်ထဲမှာ မိန်းမကြမ်းပုံစံပဲ ကြီးနိုင်ငယ်ညှင်းဆဲ ဆိုတာမျိုး။ ထောင်ထဲမှာ သူအလုပ်ကြုံးလုပ် ပိုက်ဆံစုပြီး အပြင်က သူ့သားလေးကို ပေးတယ်။ကျမ ပြောချင်တဲ့ ဆိုလိုရင်းက အဲလို မိန်းမတယောက်မှာတောင် ချစ်ခြင်းမေတ္တာ ရှိနေတယ်။ နောက် လူတိုင်းသာ စားဝတ်နေရေးအခြေခံလိုအပ်ချက် ဖူလုံနေရင် တော်ရုံ လူသတ်လုယက်တွေ မဖြစ်နိုင်တော့ဘူး အဲလိုတွေးမိတာပါ။ မြန်မာနိုင်ငံမှာသာ ကိုယ့်တိုင်းသူပြည်သားတွေကို စောင့်ရှောက်နိုင်တဲ့ စနစ်တခု ဖြစ်လာခဲ့ရင် ခုအချိန်မှာဖြစ်ပေါ်နေတဲ့ အကြမ်းဖက် လုယက်မှုတွေ ခိုးမှုတွေ လိမ်လည်မှုတွေ တော်တော်လျော့နည်းသွားမယ် လို့ အဲဒီအချိန်က တွေးမိခဲ့တယ်။

ဘာလို့လဲဆို ခေါင်းရွက်ဗျက်ထိုးဈေးသည် အဖွားကြီးဆီက ပိုက်ဆံကို လုယူခဲ့တဲ့ပြီး လူသတ်ဖြစ်ခဲ့သတဲ့။ ပိုက်ဆံကလဲ များများမဟုတ်ပါဘူး၊ စဉ်းစားကြည့် ခေါင်းရွက်ရောင်းနေတဲ့ တဗန်းစာပဲ ရှိတာလေ။ အဲဒီ မိန်းမ ၂ ယောက်ရဲ့ စကားလေးတွေ သူတို့ ထောင်ထဲမှာနေတဲ့ အကျင့်တွေကို ကြည့်လိုက်တော့ တကယ့်စောင့်ရှောက်မှုတွေ ရှိရင် သူတို့လူကောင်းဖြစ်လိမ့်မယ်လို့ မြင်လိုက်ရလို့ပါ။ သူတို့ လူသတ်မှုကို ထောင်ကျရင် သုံးနှစ်လောက်ပဲ ဖြစ်ရမယ်ဆိုပေမယ့် တကယ်အဖမ်းခံရတဲ့အခါ ထောင်ဆိုတာကို သူတို့ ကြောက်တယ်လေ။ ဒီတော့ သူတို့ကိုဖမ်းတဲ့ ရဲတွေကို ပြန်ရိုက်ပြီး ထွက်ပြေးတာ။ နောက်တမှုဖြစ်။ ဖမ်းမိတော့ ရထားနဲ့ ထောင်ကို အပို့မှာ တခါ ရထားပေါ်က ထွက်ပြေး နောက်တမှုထပ်ဖြစ်။ အမှုသေးသေးလေးကနေ စိတ်ကို မထိန်းနိုင်တော့ပဲ ထပ်ထပ်ဖြစ်လိုက်တာ ရဲစခန်းမီးရှို့မှု အပါအ၀င် အမှုကြီးတွေ ဖြစ်သွားလိုက်တာ နောက်ဆုံးသေဒဏ်ထိ ကျခံလိုက်ရတယ်။

သူတို့တွေရဲ့ ကံကလဲ သေဒဏ်ကျပြီး သိပ်မကြာခင် ၈၈ အရေးတော်ပုံဖြစ်တော့ ထောင်တွေ ထဲမှာ မီးတွေလောင် ထောင်ဖွင့်ပေးတဲ့အထိ ဖြစ်လာပါရော။ တချို့က ထောင်ပွင့်သွားပေမယ့် မပြေးရဲတော့ ထောင်ဝင်းထဲမှာပဲ နေကြရတယ်။ တချို့ကတော့ နီးစပ်ရာကနေ ကိုယ့်မြို့တွေကို အပြေးပြန်ကြပေါ့။ တချို့လည်တဲ့လူတွေကတော့ ကိုယ့်မြို့ကို မပြန်ပဲဝေးရာ ပြေးသွားကြတယ်တဲ့။ ဒါနဲ့ အဲဒီထောင်ကျစာရင်းထဲက လူတွေကို ပြန်စုတော့ ထွက်မပြေးတဲ့လူတွေကို လျော့ရက်တွေ ပိုပေး၊ ထွက်ပြေးပြီး ပြန်ခေါ်ချိန်ပြန်လာသူတွေကိုလဲ သင့်တော်ရာ လျော့ရက်ပေး အဲလိုတွေဖြစ်ကုန်တော့ သူတို့ သေဒဏ်ကျအုပ်စုက ပြန်သွားတဲ့ထဲ ပါတယ်။ ဒါပေမယ့် ပြန်ခေါ်တော့လဲ အသာတကြည်ပြန်လာပြီး အဖမ်းခံတော့ သေဒဏ်ကနေ နှစ် ၂၀ ဖြစ်သွားတယ်။ နှစ် ၂၀ကနေ သူတို့နေခဲ့တဲ့နှစ်ကလဲ ၅ နှစ်လောက်ရှိနေပြီ၊ နောက် နှစ်ကြီးဆိုတော့ အခန်းတန်းစီး တို့ ရေကန်ဘုတ်တို့မှာ လုပ်ခွင့်ရကြတော့ လျော့ရက်ဆိုတဲ့ ကွာ ရတာလဲ အေကွာ ။ ဒီတော့ တနှစ် ၃ လ အသာလေး ရနဲ့ သူတို့လဲ ခေတ်အခြေအနေအရ ကံကောင်းထောက်မပြီး ထောင်ထဲမှာ VIP တွေ ဖြစ်သွားကြတာပဲ ။ သာမန်အမှုနဲ့ လာလို့ကတော့ သူတို့ပညာပြတာတွေ အရင်ခံရမှာလေ။

နောက်ဆက်ပြီးပြောရမယ့် ထောင်ကျအုပ်စုကတော့ မှောင်ရိပ်ခိုမှုကို ၃(ခ) လို့ခေါ်ပြီး အဲဒီအမှုနဲ့ မကြာခဏရောက် လာတတ်တဲ့ ကောင်မလေးတွေပါ။ သူတို့ကတော့ သနားစရာပါပဲ။ သူတို့က ချေးအိုးတွေ ထမ်းရတာ များတယ်။ အဲဒီထဲက ကောင်မလေးတယောက်ဆို ကျမနေတဲ့ ၂ နှစ်အတွင်းမှာ တခါဝင်လာရင် တပတ်နဲ့ အခါ နှစ်ဆယ်ကျော် ရှိခဲ့တာကို မှတ်မိနေသေးတယ်။ အဲဒီကောင်မလေးတွေက ကျမတို့ သီးသန့်အကျဉ်းသူတွေက ဖော်ဖော်ရွေရွေသွားစကားပြောရင်တောင် ကြောက်နေကြတယ်။ သူတို့ကို ဘယ်သူကမှ အဖက်မလုပ်ခဲ့ကြဖူးဘူးလေ။ ကောင်မလေးတယောက်ဆို ၀င်လာခါစက သိပ်လှတယ်။ ခပ်ငယ်ငယ်ပဲ ၁၇ ၊ ၁၈ လောက်ပေါ့။ နောက် တဖြည်းဖြည်း ၀င်တဲ့အခေါက် များလာလေ ရုပ်က ကျလာလေပဲ။ သူနောက်ဆုံး ရောက်ခဲ့တဲ့ တခေါက်တုန်းကဆို သူ့ရုပ်ကို မမှတ်မိနိုင်အောင် ဖောယောင်ပြီးရောက်လာတယ်။ ကျမက သူစားဖို့ ဟင်းတွေသွားပေးတော့ သူ့ဆီကို မလာဖို့ လက်ဟန်ခြေဟန်နဲ့ပြတယ်။ အားနာတာဖြစ်မယ် ထင်ပါတယ်။ ဒါနဲ့ သူ့ဘော်ဒါတွေကိုပဲ တဆင့်သွားပေးခိုင်းရတယ်။ တပတ်လောက်နေပြီး အယောင်မလျော့သွားခင်ပဲ ပြန်လွတ်သွားပြီး နောက်ထပ်ရောက်လာတာလဲ မတွေ့။ သူ့သတင်းလဲ ဘာမှမကြားရတော့ဘူး။

အဲဒီလို မှောင်ရိပ်ခိုလေးတွေထက် အဆင်မြင့်တာကတော့ တည်းခိုခန်းတွေမှာ အလုပ်ဆင်းရတဲ့ မိန်းကလေးတွေပါပဲ။ ကျမရောက်နေချိန်တုန်းက တည်းခိုခန်းမန်နေဂျာနဲ့ နယ်မြေခံရဲ မတည့်လို့ ထင်ပါတယ်။ ၀င်ဖမ်းတော့ ပါလာတဲ့ကောင်မလေးတွေများ လှမှလှပါပဲ။ နာမည်လေးတွေကလဲ အလုပ်နာမည်ထင်ပါတယ် အပျံစား။ သူတို့တွေကတော့ ထောင် ၁ နှစ်ကျပြီး အကျင့်စာရိတ္တပြုပြင်ရေးစခန်းဖြစ်တဲ့ သင်တန်းကျောင်းကို ပို့တာ ခံကြရတယ်။ သူတို့က မသွားချင်ကြဘူး ။ သင်တန်းကျောင်းမှာဆိုရင် ဆရာမတွေက ရေလည်နှိပ်ကွပ်ကြတာ ဘာညာနဲ့ ပြောသွားတယ်။သူတို့ အမှုရင်ဆိုင်နေချိန်နဲ့ သင်တန်းကျောင်း မပို့ခင်တွေမှာတော့ ပတ်လည်မှာ နေကြပြီး ကျမတို့ နေတဲ့ အခန်းနဲ့ နီးတာမို့ သူတို့ဆီကို ထောင်မှုးတွေ ၀ါဒါတွေက လာလာပြီးထေ့လိုက်ငေါ့လိုက် ထိပ်ပုတ်ပေါင်ပုတ်တွေနဲ့ နေတာလဲ တွေ့ရတာပဲ။ ကျမတို့ ကြည့်လိုက်ရင်တော့ အဲဒီလူတွေက ကောင်မလေးတွေနားက ခွာသွားကြတာပဲ။ (နည်းနည်းရှိန်တယ်ဆိုတဲ့ သဘောပေါ့လေ။ )

ဒါပေမယ့် သူတို့နဲ့ စကားပြောကြည့်တော့ စီးပွားရေးအဆင်မပြေလို့ ကလေးတယောက်မွေးပြီး ကယ်ရီအလုပ်လုပ်မယ်လို့ အိမ်ကို ပြောပြီး ဒီလုပ်ငန်းနဲ့ အိမ်ကို ငွေပြန်ပို့နေတဲ့တယောက်၊ အကိုက အရိုးကင်ဆာဖြစ်နေလို့ အမေကိုယ်တိုင်က မန္တလေးက ဟိုတယ်တခုမှာ ပါကင်ဖောက်တာ ဘယ်ဈေးဆိုပြီး ရောင်းခဲ့တာဆိုတဲ့တယောက်၊ အိမ်မှာ ညီမလေးနဲ့ မောင်လေး ကောလိပ်တက်ဖို့ ပိုက်ဆံမလောက်လို့ ဒီအလုပ် လုပ်တာ အိမ်ကမသိဘူး အမရဲ့ ဆိုတဲ့တယောက် အမျိုးမျိုးတွေပါပဲ။ အများစုကတော့ ပိုက်ဆံစုပြီး ကိုယ့်အိမ်တွေကို ပို့ကြတာကို အံ့သြဖွယ်တွေ့ရတယ်။ သူတို့ ရုပ်ကလဲတော်တော်သန့်တော့ အပြင်မှာသာတွေ့ရင် ထင်ရက်မှာ မဟုတ်ဘူး။ သူတို့က ဒီမှာပဲ အမတို့နဲ့ စကားပြောရတာပါတဲ့။ အပြင်မှာ တွေ့ရင် ကျမတို့ကိုမခေါ်ပါနဲ့ တဲ့ ၊ အမတို့ကို သူများတွေက တမျိုးထင်သွားပါဦးမယ်တဲ့။

ဟုတ်တယ် အပြင်မှာ ကျမပြန်ထွက်လာပြီး နှစ်နှစ်လောက်ကြာတော့ အဲဒီထဲက တယောက်ကို လမ်းပေါ်မှာ ကောင်လေး ၂ယောက်နဲ့ တွဲသွားတာ တွေ့တယ်။ ကျမက မေ့ပြီး ခေါ်မလို့ သူ့ကို ကြည့်လိုက်တော့ သူက ဟိုဘက်လှည့် လမ်းကူးသွားလေတယ်။ အိမ်ကို ငွေပို့လို့ အိမ်တလုံးတောင် ဆောက်ပြီးသွားပြီ ပြောတဲ့ ကောင်မလေးတယောက်ကို ဒီက ထွက်ပြီးတဲ့အခါ ကောင်းရောင်း ကောင်းဝယ်ပဲ လုပ်စားကြပါလို့ ပြောဖူးတယ်။ ပိုက်ဆံရလွယ်တဲ့ ဒီအလုပ်ထဲက ပြန်ထွက်ဖို့ကတော့ မလွယ်ပါဘူး အမရယ်၊ အိမ်ဆောက်ပြီးပေမယ့် အိမ်မှာ ရေစက်တပ်ပေးချင်သေးတယ်လို့ ပြောသွားကြသေးတယ်။

ကျမတို့ အုပ်က သူတို့ကို တရားဟောသလို သူတို့လောကဆီက ကျမတို့ မသိနိုင်တဲ့ အခြေခံ အချက်အလက်တွေ ရိုက်စားခွင်တွေကိုလဲ မေးမြန်းစပ်စုခွင့်ရခဲ့တယ်။

ဒီလိုလူတွေနဲ့တွေ့ရတဲ့အခါမှာ လူတိုင်းမှာ အကောင်းချည်းမရှိနိုင်သလို သိပ်ဆိုးပါတယ်ဆိုတဲ့ လူတွေမှာတောင်ကောင်းတဲ့စိတ်ကလေးတွေ ရှိပါလားဆိုတာ ပိုပြီး ထင်ထင်ရှားရှား မြင်ခဲ့ရတယ်။ အစက ဒီလို မကောင်းတဲ့ ပြည့်တန်ဆာအလုပ်ကို လုပ်တဲ့ မိန်းကလေးတွေကို ကျမသိပ်မုန်းခဲ့တယ်။ ဒါပေမယ့် အဲလို မိန်းကလေး အတန်းအစားမျိုးစုံကို တွေ့မြင်ပြီး သူတို့အကြောင်းတွေကို သေချာသိလိုက်ရတဲ့အခါ သူတို့တာဝန်ယူမှုနဲ့ သူတို့ကောင်းနေတဲ့ အချက်တွေ ရှိနေသေးတယ်ဆိုတာ အသေအချာသိလိုက်ရတယ်။ အဲဒီအခါ စဉ်းစားမိတာက ငါတို့သာ လွတ်လွတ်လပ်လပ် လုပ်ကိုင်ခွင့်ရခဲ့ရင် အဲဒီလို လမ်းပျောက်နေတဲ့ မိန်းကလေးတွေအတွက် တကယ့် အလုပ်ခွင်တွေ ရပိုင်ခွင့်တွေကို ဖန်တီးပေးချင်တယ်။ တကယ့်စိတ်ရင်းနဲ့ သူတို့ ဘ၀ကို မြှင့်တင်နိုင်မယ့် အတတ်ပညာ အသိပညာတွေကို ပေးချင်ခဲ့မိတယ်။ တချို့မိန်းကလေးတွေဟာ အဲလို စောင့်ရှောက်မှုတွေ ပြုစုပျိုးထောင်မှုတွေ သာ ရှိခဲ့မယ် ပေးခဲ့နိုင်မယ်ဆို တကယ့်ဘ၀အောင်မြင်မှုတွေ ရနိုင်လောက်တဲ့ လူတွေဖြစ်လာမှာ မလွဲပါဘူး။

ဒါတွေအားလုံးဟာလဲ တိုင်းပြည်ရဲ့ အုပ်ချုပ်သူ လူတန်းစားရဲ့ အမြင်ကျယ်မှု ကိုယ်ချင်းစာမှု တိုင်းသူပြည်သားတွေကို ရင်ဝယ်သားလို စိတ်ထားတတ်မှုတွေပေါ်မှာ မူတည်နေတာ မဟုတ်ပါလား။ စာရေးဆရာ နိုင်ဝင်းဆွေရဲ့ နွေတညအကြောင်း အဲဒီအချိန်က ကျမတို့ ထဲမှာ ခဏခဏပြန်ပြောဖြစ်ကြတယ်။ စနစ်ကြောင့် ပျက်စီးခဲ့ရတဲ့ သမီးပျိုလေးတွေ အများကြီး ပိုပို များလာနေတာအတွက် တာဝန်ရှိနေတာ မြန်မာတနိုင်ငံလုံးက လူတိုင်းကိုယ်စီမှာပဲလို့လဲ ကြီးကြီးကျယ်ကျယ်တွေ ကောက်ချက်ချကြသေးတယ်။

(ဆက်ရန်)
ချစ်ခင်စွာဖြင့်
ခင်မင်းဇော်

Monday, September 7, 2009

ဘ၀မှတ်တမ်းခြေရာများ

အလုပ်ပါးတာနဲ့ ဒီနေ့ ဘလော့လည်ဖတ်ပါတယ်။
ဟင်းလင်းပြင်ဘလော့ ဘေးမှာ ဖတ်လို့ရနိုင်မယ့် စာအုပ်စာရင်းမှာ မောင်ဒေါင်းရဲ့ တတောလုံးကြွေ ဆိုတာလေး မြင်တော့ အံ့သြ၀မ်းသာသွားရတယ်။
ပန်းချီအေးကို ရဲ့ လက်ရာပန်းချီကားကို မျက်နှာဖုံး လုပ်ထားတာ
ဖတ်ချင်ရင် ဒီမှာ ဖတ်လို့ရပါတယ်

ကျော်ကျော်ဝင်းရဲ့ ဒီဇိုင်း ပုံဖော်မှု
အဲဒီစာအုပ်က vertex four နာမည်နဲ့ ကျမတို့ သူငယ်ချင်း လေးယောက် ထုတ်ခဲ့တဲ့ ဒုတိယ စာအုပ်ပါ။ ပထမဆုံးထုတ်ဖြစ်တာက ကဗျာဆရာ အောင်ဝေးရဲ့ ချစ်သူမြင်းသည်တော် ပါ။
၁၉၉၅-၉၆ ခုနှစ်တွေ အတွင်း စာအုပ်ထုတ်ဝေရေး လုပ်ခဲ့တုန်းက အကြောင်းလေးတွေကို သတိတရ မှတ်တမ်းတင်ရင်း ပြောပြပါရစေ…

စာရေးဆရာ မောင်ဒေါင်းရော ကဗျာဆရာ အောင်ဝေး ရော ၂ယောက်စလုံး ပုသိမ်အကျဉ်းထောင်မှာ နိုင်ငံရေးမှုနဲ့ ထောင်ကျခဲ့သူတွေပါ။

ခုစာအုပ်ကို ထုတ်မယ်ဆိုတော့ စာအုပ်မျက်နှာဖုံးကို ပန်းချီဆရာ အေးကို ဆီကနေ အလကား သွားတောင်းခဲ့တာ ကျမပါ။ သူဆွဲထားတဲ့ ဒီပန်းချီကားကို ကျမက စာအုပ်မျက်နှာဖုံး သုံးချင်လွန်းလို့ အလကား ရအောင်ကို တောင်းတာပါ။ ပုသိမ်သားချင်းလဲ ဖြစ်၊ ကျမနဲ့ငယ်သူငယ်ချင်း၊ နောက် စစ်ကြောရေးစခန်းမှာ တချိန်တည်း ရောက်နေခဲ့ရပြီး ထောင်ထဲက နေ အထူးခုံရုံးကို ရုံးချိန်းတူတူ ထွက်ခဲ့ရသူလဲ ဖြစ်ပါတယ်။

ကျမနဲ့ တူတူ စာအုပ်ထုတ်ဖို့ ပိုက်ဆံဝိုင်းထည့် ပေးတဲ့ သူငယ်ချင်း ၃ ယောက်စလုံးကလဲ နိုင်ငံရေးမှုနဲ့ ထောင်ထွက်တွေချည်းပါ။ (ခုတော့ တယောက်အော်စီ ၊တယောက် လွတ်မြောက်နယ်မြေမှာ ကွယ်လွန် ၊တယောက်(ကျမ)လွတ်မြောက်နယ်မြေ ၊တယောက် ပြည်တွင်းမှာ အောင်မြင်သော စီးပွားရေးသမား)။

ယောက်ျားလေး ၃ ယောက် မိန်းကလေး ကျမတယောက်နဲ့ ဒီအဖွဲ့လေးစလုပ်တော့ နာမည်ကိုလဲ ၃ ယောက် တယောက်အရ ဦးစားပေးအဖြစ် ကျမကပဲ ရွေးပါတယ်။ အဖွဲ့နာမည်ရွေးချိန်က ရန်ကုန်မော်တင်လမ်းမှာ နေချိန်ပါ။ မော်တင်လမ်းအိမ်ကနေ ကမ်းနားဘက်ကို လှမ်းကြည့်ရင်း လှိုင်းတွေကို မြင်လိုက်ချိန်မှာ ဒီVertex ဆိုတဲ့ စာလုံးလေး ခေါင်းထဲကို ၀င်လာတာပါ၊

လိုဂိုကိုလဲ ပုသိမ်သား ကျော်ကျော်ဝင်း ကျမတို့လိုပဲ ဗကသ အဖွဲ့ ၀င် ထောင်ထွက် ကပဲ လုပ်ပေးတာပါ။ ၈၈ ကိုလဲ မမေ့နိုင်ဖြစ်နေတော့ ၈၈ ပါအောင် ဘယ်လို ပုံလေး လုပ်ရင်ကောင်းမလဲ စဉ်းစားပေးစမ်းပါ ဆိုတာကို မရ ရအောင် စဉ်းစားပေးခဲ့တဲ့ ကျော်ကျော်ဝင်း၊ ၈၈ အောင်မြင်ရမယ်ဆိုတဲ့ ဗွီစာလုံးပါအောင် သူကပဲ စဉ်းစားပေးခဲ့တာပါ။ လေးယောက်အဖွဲ့ဆိုတော့ ၄ ကလဲ ပါချင်နဲ့ ပါချင်တာတွေ များနေသမျှ အကုန်လုံး လိုဂိုထဲမှာ ပြည့်စုံအောင် စဉ်းစားပေးတဲ့ သူ့အိုင်ဒီယာတွေထဲက ဒီလိုဂိုလေးကိုတော့ ကျမတော်တော်ကြိုက်တာနဲ့ ရွေးပြီး ကျန် ၃ယောက်ကို အကြောင်းကြား ပြလိုက်တော့ သူတို့ကလဲ မြင်တာနဲ့ ကန့်ကွက်သူမရှိ လက်ခံခဲ့ပါတယ်။ လိုဂိုကို မပြီးမချင်း မဂိုလမ်းက သူတို့ရဲ့ ဆိုင်းဘုတ်ရေးတဲ့ အလုပ်နေရာလေးမှာ တဂျီဂျီ နဲ့နေ့ဆက်သွားစောင့်ပြီး ယူတဲ့ ကျမကို အမကိုတော့ လက်လန်တယ်လို့ အမြဲပြောတတ်တဲ့ ကျော်ကျော်ဝင်းလဲ ဆုံးပါးသွားရှာပြီ။ ကျမတို့ အဖမ်းခံရတုန်းက ထုတ်တဲ့ ဆဲဗင်းဇူလိုင် အထိမ်းအမှတ်စာစောင်ရဲ့ လက်ရေးစားလုံး အားလုံးကို သူရေးပေးခဲ့တာပါ။

စာအုပ် ကို ပုံနှိပ်ထုတ်ဝေပေးတဲ့ အေဇက် ပုံနှိပ်တိုက်ကလဲ ပုသိမ်သား ပန်းချီဆရာ မြင့်ဝင်းမောင် ပိုင်တာပါပဲ။ ကျမတို့ မင်္ဂလာဆောင်တုန်းက ဖိတ်စာတွေကို မေတ္တာလက်ဖွဲ့ပုံနှိပ်ပေးခဲ့သူလဲ ဖြစ်ပါတယ်။ အဲဒီတုန်းက မင်္ဂလာဆောင်ကို ခေါ်လာတဲ့ သူတို့ သမီးလေးဟာ ၂၀၀၇ ရွှေဝါရောင် တော်လှန်ရေးမှာ ပျောက်ဆုံး စာရင်းနဲ့ မီဒီယာတွေမှာ တက်လာပြီးမှ အဖမ်းခံရမှန်းသိခဲ့ရတဲ့ သူကလေးပါ။ နောက်ပိုင်း ပြန်လွတ်လာတယ် လို့ သတင်းကြားပါတယ်။

အဲလိုလူတွေစုပြီး ထုတ်ဝေတဲ့ ချစ်သူမြင်းသည်တော်နဲ့ တတောလုံးကြွေ စာအုပ်ဟာ စာရေးဆရာ ကဗျာဆရာတွေကိုလဲ စာမူခတပြားမှမပေးခဲ့ရပါဘူး။ (သူတို့လက်ဆောင်ပေးဖို့ စာအုပ်တွေတော့ ပေးခဲ့ပါတယ်)။ ထုတ်ဝေခွင့်ကတော့ ၀ယ်ရပါတယ်၊

စာပေစီစစ်ရေးမတင်ခင် စာလုံးအကျအနတွေဖတ်ရတာ၊ စာအုပ်ချုပ်တာကအစ ကိုယ်တိုင် လိုက်ကြည့်ရပါတယ်၊ ဒါတောင် လုပ်ပေးသူတွေ ကူပေးသူတွေက အကုန် စိတ်ချရတဲ့ မိတ်ဆွေ သူငယ်ချင်းတွေချည်းပါ၊ (ပုသိမ်သူပုသိမ်သားတွေက အဲလိုစည်းလုံးညီညွတ်ကြတယ် အဟုတ်ပါ။)

စာပေထုတ်ဝေရေး လုပ်ကြည့်တော့မှ စာပေကင်ပေတိုင်ရုံးကို သွားရတဲ့အခါတိုင်းတွေ့ရတဲ့ ဒုက္ခတွေ ပေးရတဲ့ ငွေကြေးတွေ အဟောက်ခံရတဲ့ အဖြစ်တွေ စောင့်စားရတဲ့ အချိန်တွေဟာ တော်တော်လေး ကြီးမားလှချည်လားလို့ သိလိုက်ရပါတယ်။ ခြေတိုအောင်သွားရတယ် ဆိုတဲ့ စကားကို လက်တွေ့ကြုံရမှ နားလည်တတ်ခဲ့ပါတယ်။

ဒုတိယ စာအုပ်ထုတ်ဖို့အားလုံး ပြီးခါနီးမှာ သူငယ်ချင်းတယောက်က ပြင်သစ်ကို သွားပါတယ်။ ကျန်တဲ့ တယောက်က သူတို့ အိမ် စီးပွားရေးကို သူဝင်လုပ်ပေးရတော့မယ်တဲ့။ နောက်တယောက်က အလွတ်ပညာသင်ကျောင်းဖွင့်ပါတယ်။ ဒါနဲ့ ကျမတယောက်တည်း လုပ်ရတာ ဆိုတော့ အိမ်ကအလုပ်လဲ ကူရသေးနဲ့ ဆက်မထုတ်ဖြစ်တော့ဘူး။ အဲဒီတုန်းက ဆက်ထုတ်ဖို့ပြောထားတာက လူငယ်စာရေးဆရာမတွေဖြစ်တဲ့ မေငြိမ်း၊ ခက်မာ ၊ မိုးချိုသင်း ၊မိုချာ့ တို့ ၄ယောက် လောက်ရဲ့ ၀တ္ထုတိုလေးတွေ စုထုတ်မလို့ပြောထားပြီးသားပါ၊ ဒါပေမယ့် ဆက်မထုတ်ဖြစ်ဘူး။ အဲလိုဆက်မထုတ်ဖြစ်တဲ့အခါကျတော့ ငွေက လိုက်သိမ်းရတာချည်း ဖြစ်နေတယ်၊ ကိုယ့်စာအုပ်တွေတင်ပေးထားတဲ့ ဖြန့်ချီရေးတွေကို ငွေလိုက်စုရတဲ့ မျက်နှာကလဲ တော်တော်ငယ်ရပါတယ် ၊ ကိုယ်တွေ့ဆိုတော့ အင်မတန်ကြီးမားတဲ့ အတွေ့အကြုံတွေပေါ့၊ ဘယ်စာပေဖြန့်ချီရေးနဲ့ ဘယ်စာပေဖြန့်ချီရေးက မတည့်တာတွေ၊ ဘယ်သူက လက်ခက်တယ် ဘယ်သူက ဘယ်လို ဆိုတာတွေကို အကြားတင်မဟုတ်ပဲ လက်တွေ့သိခဲ့ရတယ်၊ ကျမတယောက်တည်း ပဲ အားလုံး ဒိုင်ခံလုပ်ပေးခဲ့ရတဲ့ အချိန်ဆိုတော့ တခြားလူတွေထက် စာပေထုတ်ဝေရေးကို တော်တော်နားလည်သဘောပေါက်ခဲ့တယ်၊

ငွေကြေးအရ စလုပ်ခါစ ဖြစ်တဲ့အတွက် စာအုပ်ထုတ်ရင်ကျွေးတဲ့ စားစရိတ်တွေထဲကို အမြတ်တွေ ရောက်ကုန်တယ် ထင်ပါရဲ့၊ လက်ထဲမှာ ငွေကြေးအရမမြတ်ပါဘူး။ ဒါပေမဲ့ အတွေ့အကြုံတွေ အသိပညာတွေ အများကြီး ရခဲ့ပါတယ်၊ ချစ်သူမြင်းသည်တော်စာအုပ်က ပြတ်သွားလို့ ထပ်ရိုက်ရပါသေးတယ်၊ ရန်ကုန်တက္ကသိုလ် အာရ်စီ ထဲက လက်လီရောင်းတဲ့ စာအုပ်ဆိုင်က တော်တော်ဖြုန်းပေးနိုင်တယ်ဆိုတာလဲ သိရပါတယ်၊ သူ့ရဲ့ ရောင်းအားက တချို့စာပေဖြန့်ချီရေးထက်တောင် များပါသေးတယ်၊ တက္ကသိုလ်ကျောင်းသားတွေ ကဗျာကို စိတ်ဝင်စားတယ် မြတ်နိုးတယ်ဆိုတာ လက်တွေ့ပေါ့၊ တကယ်တော့ ကျမ စာအုတ်ထုတ်ဝေရေး လုပ်ဖို့ စိတ်မကုန်ခဲ့ပါဘူး။ တနေ့နေ့ တချိန်ချိန်ပြည်တွင်းကို ပြန်ရောက်ခဲ့ရင် ကိုယ့်စိတ်ကြိုက်တွေကို ထုတ်ဝေရေး လုပ်ဖို့ စိတ်ကူးရှိနေဆဲပါ၊ တနေ့နေ့တော့ ဖြစ်လာမယ် ထင်တာပါပဲ။

အဲဒီကျရင် ရှယ်ယာ ပါချင်ကြသလားးး စာရင်းလာပေးထားနော်….
ချစ်ခင်စွာဖြင့်
ခင်မင်းဇော်