နှုတ်ဆက်ရင်းနဲ့ ကြိုဆိုမည်

လက်တွဲခဲ့ရတဲ့ ၂၀၁၄ ရေ...

ချစ်ခင်ကြင်နာခြင်းများစွာနဲ့ နှုတ်ဆက်လိုက်ပါတယ်။

မင်းရင်ခွင်ထဲက ချစ်ခြင်းမေတ္တာတရားနဲ့ ကိုယ်တိုင်ခံစားနားလည်ခဲ့ရတဲ့ ဘဝရဲ့ အစိတ်အပိုင်းတွေကိုလဲ

တန်ဖိုးထား မြတ်နိုးနေပါမယ်။ဒါပေမယ့် တို့တွေ ခွဲခွာရတော့မယ်။ခွဲခွာရမယ့် အချိန်ရောက်တော့မယ်။

နှုတ်ဆက်လိုက်ပါတယ် ။

ရွှင်လန်းနှစ်သက်ဖွယ် နှစ်သစ် ၂၀၁၅ ရေ...

ပျော်ရွှင်ကြည်နူးစွာ ကြိုဆိုပါရစေ။

ချစ်ခြင်းမေတ္တာတရားကို နားလည်ခံစားနိုင်သူတို့နဲ့သာ မိတ်ဆွေအပေါင်းအသင်း ဖြစ်လိုပါတယ်။

ချစ်ခြင်းမေတ္တာတရားကို နားလည်ခံစားနိုင်သူတို့နဲ့သာ တွေဆုံရလိုပါတယ်။

ချစ်ခြင်းမေတ္တာတရားကို နားလည်ခံစားနိုင်သူတို့နဲ့သာ တခရီးတည်းသွားချင်ပါတယ်။

ချစ်ခြင်းမေတ္တာတရားကို နားလည်ခံစားနိုင်သူတို့နဲ့သာ စကားလက်ဆုံကျချင်ပါတယ်။

ချစ်ခြင်းမေတ္တာတရားကို နားလည်ခံစားနိုင်သူတို့နဲ့သာ ဘဝကို ငြင်းခုန်စောကြော ချင်ပါတယ်။

ချစ်ခြင်းမေတ္တာတရားကို နားလည်ခံစားနိုင်သူတို့နဲ့သာ ထမင်းလက်ဆုံစားချင်ပါတယ်။

ချစ်ခြင်းမေတ္တာတရားကို နားလည်ခံစားနိုင်သူတို့နဲ့သာ သံသရာအဆက်ဆက် လက်တွဲသွားချင်ပါတယ်။

ချစ်ခြင်းမေတ္တာတရားကို နားလည်ခံစားနိုင်သော နှလုံးသားကိုသာ လူသားတို့ကို ပေးသနားတော်မူပါအရှင်။

၂၀၁၄ ကို အတူကြိုဆိုစဉ်

၂၀၁၄ ကနေ ၂၀၁၅ နှစ်သစ် ကူးမယ့် အချိန်မှာတော့ ကျမနဲ့ ကျမရဲ့ပီအေ တယောက်တနေရာစီ ရှိနေမှာပါ။

နှစ်သစ်ကူးချိန်တိုင်းမှာ တူတူရှိနေကျလား လို့ မေးရင်တော့ မဟုတ်ပါဘူးလို့ပဲ ဖြေရပါမယ်။

ရှိတဲ့နှစ် ရှိလိုက် မရှိတဲ့နှစ် မရှိလိုက် ဆိုသလိုပဲ ရန်ဖြစ်ရတဲ့ နှစ်တွေတောင် ရှိခဲ့ပါတယ်။

ဒါပေမယ့် အသက်ကြီးလာတဲ့အခါ ဒေါသတွေ ထိန်းသိမ်းလို့ နားလည်မှုတွေ တည်ဆောက်ကြရတဲ့အခါ

အိမ်ထောင်သက်နှစ်ကြာရှည်လာသလို တယောက်နဲ့တယောက် ခံစားနိုင်မှုချင်းက တသားတည်း ရှိလာပါတယ်။

ရှေ့ဆက်ရမယ့် ခရီးတွေမှာလဲ ပျော်ရွှင်သော နှစ်သစ်ကို ပိုင်ဆိုင်ရသလို

တဦးကိုတဦး နားလည်မှုတွေနဲ့ ချမ်းမြေ့သာယာသော ဘဝခရီးကိုလဲ ပိုင်ဆိုင်ခွင့် ပေးစေချင်ပါတယ်။

လာခဲ့ပါတော့ နှစ်သစ် ၂၀၁၅ ရှင့်။

ချစ်ခင်စွာဖြင့်

ခင်မင်းဇော်

ချစ်ခြင်းဖွဲ့သီ

                    (ချင်းမိုင်တောင်ပေါ် ဘုရင်မပန်းခြံမှာ ရိုက်ကူးခဲ့သည်)

ဒီနေ့ ကော်ဖီဆိုင်က မထင်မှတ်ပဲ လူများနေတာ တွေ့ရတယ်။ ခါတိုင်းထိုင်နေကျ ညာထောင့် စားပွဲမှာလဲ လူရှိနေတယ်။ ဆိုင်ထဲ ဝေ့၀ဲကြည့်လိုက်တော့ တယောက်တည်းထိုင်နေတဲ့ စားပွဲ တခုပဲရှိနေပြီး အဲဒီစားပွဲကလဲ လေးယောက်ထိုင်ခုံနဲ့ စားပွဲဖြစ်နေတာ တွေ့တာနဲ့ ခွင့်တောင်းပြီး ၀င်ထိုင်လိုက်တယ်။

" ဟလို .. ပါပါးလား တို့အခု ကော်ဖီဆိုင်ထဲရောက်နေပြီ။ ထူးထူးဆန်းဆန်း လူများနေလို့။ ဒါပေမယ့် ထိုင်စရာနေရာတော့ ရပြီ။ကော်ဖီသောက်ရင်း ထိုင်စောင့်နေမယ်။ ခုထွက်လာတော့..။  မြန်မြန်လာနော်"
++++++++++++++++
ကော်ဖီဆိုင်မှာ ထိုင်ရင်း ဒီနေရာမှာ ယိုင်နဲ့နဲ့အကြော်ဆိုင်ရှိခဲ့တာ သတိရမိတယ်။ ကောလိပ်ကျောင်းနားဆိုတော့ လူမပြတ်တဲ့ အကြော်ဆိုင်ပေါ့။ ဒီနားက ဘုရားလေးကလဲ အရင်အတိုင်းပါပဲ။ ဒါပေမယ့် ခုတော့ ပိုပြီးတောက်ပြောင်နေတာပေါ့။ လမ်းတဖက်မှာ အရင်ကရှိခဲ့တဲ့ စာအုပ်အငှားဆိုင်တွေ၊ ယောက်ျားလေး မိန်းကလေး အဆောင်တွေ နေရာမှာလဲ တိုက်အိမ်တွေဖြစ်လို့။ အဲ့ဒီဟိုဘက်က လယ်ကွင်းတွေက ခုတော့ အဆင့်မြင့်အိမ်ယာ ဖြစ်နေပြီ။ ကောလိပ်ကျောင်းကလဲ ခုတော့တက္ကသိုလ်အဖြစ် အဆင့်မြှင့်လို့ ဆိုတော့ အရာရာ အသစ်ဖြစ်နေပြီ။ ကိုယ့်ကိုလဲလူတွေ မမှတ်မိ ကိုယ်သိတဲ့လူတွေလဲ တယောက်မှ မရှိတော့တဲ့ အခြေအနေပါလား။

ကိုယ်ဒီမြိ်ု့လေးကို မိဘတွေ တာဝန်ရွှေ့ပြောင်းလို့ လိုက်လာခဲ့ရပေမယ့် အဲဒီအချိန်က ဆေးကျောင်းတက်နေချိန်ဆိုတော့ ကျောင်းပိတ်ရက်လောက်ပဲ လာဖြစ်ခဲ့တာကိုး။ ရင်းရင်းနှီးနှီးပေါင်းသင်း ခဲ့သူတောင် သိပ်မရှိခဲ့ပါဘူး။ ဒါပေမယ့် ဒီမြို့လေးကို ဘယ်တော့မှမမေ့ခဲ့ဘူး။ ဘာလို့လဲ ဆို ဒီမြို့မှာပဲ ကိုယ့်နှလုံးသားက ထားခဲ့ရတာကိုး။ ခုတော့လဲ သူ ဘယ်ရောက်နေတယ် မသိတော့ပါဘူး။ စိတ်ကူးထဲမှာတော့ သူ့မျက်နှာ သူ့စကားသံက ထုံ့ပိုင်းထုံ့ပိုင်း ၀င်လာတတ်သေးတယ်။

++++++++++++++++++++++++++++++++

ညှို့နိုင်လွန်းတဲ့ သိင်္ဂါရရွာ

                                (ပုံကို Photo:Ak20(PatheinCity.com) ကယူပါတယ်)

အင်တာနက်အသုံးပြုပြီး ဘလော့တွေ ဖေ့ဘွတ်တွေကို တွင်တွင်ကျယ်ကျယ် သုံးဖြစ်လိမ့်မယ်လို့တခါမှ မတွေးခဲ့မိ မမျှော်လင့်ခဲ့ပဲ အသက် ၄၀ လောက်မှ စသုံးတတ်ခဲ့။ ကျင်လည်ခဲ့ရတယ်။ ကိုယ့်လိုပဲ မြန်မာပြည်ထဲက သူငယ်ချင်းတွေ လဲ အင်တာနက်ကို ကောင်းကောင်းကြီး သုံးတတ်လာတော့ အွန်လိုင်းပေါ်မှာ ပြန်တွေ့ ပြန်ဆုံ ပြန်ပွားနဲ့ အတော့်ကို အသုံးဝင်ခဲ့ပါတယ်။ တယောက်နဲ့ တယောက် ဟိုတုန်းက အကြောင်းတွေ ပြော ဖြစ်သလို မဆုံခဲ့ရတဲ့နှစ်တွေက အခက်အခဲတွေ ရင်မောစရာတွေကိုလဲ မေးဖြစ် ပြောဖြစ်ကြပေါ့။ တချို့အကြောင်းအရာ ကိုယ်မေ့တာ သူတို့ ပြော သူတို့ မေ့တာ ကိုယ်ပြောနဲ့ ငယ်ဘ၀ ပြန်ရောက်ရသလိုပဲ ။ တလောက ပြန်ပြောဖြစ်ကြတဲ့အထဲမှာ ကြွက်နီအကြောင်း ဟာသတခုကိုသတိတရ ပြောဖြစ်တယ်။ သူ့အကြောင်းဆိုတော့ သူနဲ့ တွဲဘက် ကိုသျှပ် အကြောင်းလဲ ဆက်စပ်နေတာပေါ့လေ။ ဒါပေမယ့် ခေါင်းစဉ်တပ်လို့လဲကောင်း ဖတ်ရတာလဲ ရှင်းအောင် ငှက်လို့ ဒီထဲမှာ သတ်မှတ်လိုက်ကြစို့။

ခေါင်းစဉ်တပ်ရရင် ကြွက်နဲ့ ငှက် အလွဲလို့ တပ်ပေးရမယ် ထင်ပါရဲ့။

Happy Birthday Thar Pai

သူ့အတွက်ကတော့ မွေးနေ့ဆိုတာ ဘာပွဲမှ ကျင်းပစရာ မလိုဘူးလို့ ခံယူထားတဲ့ ဆယ်ကျော်သက်လေးပါ။

သူမသိတတ်သေးတဲ့ တနှစ်သားမှာပဲ နာမည်ပေး ကင်ပွန်းတပ်မွေးနေ့ကို လုပ်ခဲ့ပြီးနောက်ပိုင်း တခါမှ မလုပ်ဖြစ်ခဲ့ဘူး။
အခုနှစ်လဲ ဇူလိုင် ၁၆ရက် မွေးနေ့မှာ ဘာလုပ်ချင်လဲ ဆိုတော့ စာမေးပွဲ ရှိနေတယ်။ ဘာမှလဲ မလုပ်ချင်ပါတဲ့။

တကယ်တော့ သားရေ..

မိဘတွေရဲ့ ဆုံးဖြတ်ချက်နဲ့ မွေးဖွားလာရသလို မိဘတွေရဲ့ ခေါင်းမာမှုတွေကြောင့်ပဲ သားဘ၀ မပြည့်စုံခဲ့ရတာကို တော့ အားနာမိပါတယ်လေ။

တခြားမိဘတွေလိုပဲ အကောင်းဆုံးတွေ ပေးချင်တဲ့ ဆန္ဒရှိခဲ့ပေမယ့် မဖြည့်ဆည်းပေးနိုင်တဲ့ အချက်တွေအတွက်လဲ တောင်းပန်ချင်ပါတယ်။

သာမန် မိဘအနေနဲ့ ပေးနိုင်တဲ့အမွေကတော့ ပညာရေးပါပဲ။ နိုင်သလောက် တတ်သလောက် မှတ်သလောက် ယူနိုင်သလောက် ယူပေးပါဦး။

ကိုယ့်ရင်သွေးကို ပင်ပင်ပန်းပန်း ရုန်းကန်ရတာလဲ မိဘအနေနဲ့ မကြည့်ချင်ပါဘူး။ ဒါပေမယ့် ကံတွေက သတ်မှတ်လို့ မရခဲ့ဖူး မဟုတ်လား။ ကိုယ်ရောက်တဲ့ဘ၀မှာ အကောင်းဆုံးမဟုတ်တောင် သက်တောင့်သက်သာလေးတော့ ရှိစေချင်တာပေါ့ သားရေ။

ဒီမိဘရဲ့ သားအနေနဲ့ လောကကြီးကို အဆိုးမမြင်တတ်ဖို့ နဲ့ လောကကြီးအတွက် အဆိုးလူ မဖြစ်ဖို့သာ လိုအပ်ပါတယ်သားရေ။

သားကို အရမ်းကြီးတော်နေ ထက်နေသူ မဟုတ်တောင် အရမ်းဆိုးနေသူ မဖြစ်ဖို့။

အရမ်းကြီးသိတတ်သူ မဟုတ်တောင် အရမ်းကြီး မမိုက်ဖို့၊

 မိဘအနေနဲ့ တတ်နိုင်သလောက် ရှေ့ဆောင်လမ်းပြပေးဖို့ ကိုယ်စွမ်းဉာဏ်စွမ်းရှိသလောက် ကြိုးစားသွားပါ့မယ်လို့ ဂတိပေးပါတယ်။

သားပိုင်ထူးအံ့ ရဲ့ ၁၆ နှစ်ပြည့် မွေးနေ့မှစလို့ ဘ၀တလျှောက်လုံး ပျော်ရွှင်ချမ်းမြေ့ပါစေ။

ချစ်ခင်စွာဖြင့်

ဖေဖေ+မေမေ

အင်တာနက်နှင့်ဖုန်းကို အသုံးပြု၍အိမ်ခြံမြေရောင်းဝယ်ခြင်း

မိတ်ဆွေ တဦးရဲ့ ကြော်ငြာလေးတခု တင်ချင်ပါတယ်။  စိတ်ဝင်စားရင် တိုက်ရိုက် ဆက်သွယ်ကြည့်ကြပါနော်။

မြန်မာပြည်အိမ်ခြံမြေဈေးကွက်ဟာယခုဆိုရင်စိတ်ဝင်စားသူအများအပြားရှိလာပြီ ဖြစ်ပါတယ်။ ပြည်တွင်းပြည်ပရင်းနှီးမြှုပ်နှံသူများ၊ အိမ်အရောင်းအဝယ်ပုံမှန်ပြုလုပ်သူများအစရှိသဖြင့် ဈေးကွက်ဟာတစ်နေ့တစ်ခြားကြီးထွားလာခဲ့ပါပြီ။ 

ဆီဒိုးနားဘေးမှာရှိတဲ့ HAGL project ဟာဆိုရင်ရန်ကုန်မြို့အပေါ်အမြင်လုံးဝပြောင်းသွားစေမဲ့ hotel,condo, shopping center ပေါင်းချုပ်အဆင့်မြင့် project ဖြစ်ပါတယ်။ 

ဈေးကွက်ကြီးထွားလာတာနှင့်အမျှ  အိမ်ခြံမြေ ဈေးနှုန်းများဟာလည်း အလွန်မြင့်မားလာပါပြီ။ အထူးသဖြင့် ရန်ကုန်မြို့မှာဆိုရင် မြို့နယ်ဒေသအလိုက်ဈေးနှုန်းများအလွန်ကွာခြားပြီးအချို့နေရာများဆိုလျှင် မြန်မာငွေကျပ်

သိန်းသောင်းနှင့်ချီရှိပါတယ်။ များပြားရှုပ်ထွေးသော ဈေးနှုန်းအပြောင်းအလဲများနှင့် နေရာဒေသ ကွဲပြားမှုများကို အပြည့်အဝသိရှိနိုင်ရန် complete databaseရှိပြီးနှင့်သော ဝက်ဆိုက်နှင့်ဖုန်းapp ကို မှီငြမ်းရှာဖွေမယ်ဆိုလျှင် လွန်စွာ အထောက်အကူ ဖြစ်နိုင်ပါတယ်။

 House ဟာဆိုရင် ရန်ကုန်မြို့တွင်းရှိ အိမ်ခြံမြေအများဆုံးတင်ထားသောဝက်ဆိုက်ဖြစ်ပါတယ်။ ၎င်းဝက်ဆိုက်ဟာဆိုလို့ရှိရင် မိမိလိုချင်သော အိမ်အရွယ်အစား၊ နေရာ၊ ဈေးနှုန်း အစရှိသော  အချက်အလက်များကို ရိုက်ထည့်ရုံဖြင့် ကိုက်ညီသော အိမ်ခြံမြေများကို တွေ့ရှိနိုင်မှာဖြစ်ပါတယ်။ ဖုန်းappပေါ်မှာလည်း၎င်းနည်းတူရှာဖွေနိုင်မှာဖြစ်ပါတယ်။   

(ဖတ်ရှုပေးခြင်းကို အထူးကျေးဇူးတင်ပါတယ်။ သိလိုတာတွေကို  လင့်လေးတွေ ကလစ်ပြီး လေ့လာနိုင်ပါတယ်။)

ချစ်ခင်စွာဖြင့်

ခင်မင်းဇော်

မနေ့ကလို

မနေ့ကလို

ဟောဒီမှာ

 ကိုးပေပတ်လည်လား

ဆယ်ပေပတ်လည်လား

ငါမမှန်းတတ်တဲ့ အလုံပိတ်ခန်းထဲ

ရှေ့တံခါးပေါက်ကြီးသော့ပိတ်ခတ်ထား

နောက်က တပေပတ်လည် ပြတင်းပေါက်သေး

အပြင်က သော့ခတ်လို့။

မှောင်လိုက်တာ ပိန်းလို့

ကိုယ့်လက်တောင် ကိုယ်မမြင်ရ

ကိုယ့်ထမင်းကို ကိုယ့်ပါးစပ်ဆီသယ်မရ။

နေ့လား ညလား

မှန်းဆလို့လဲမရ

တိတ်ဆိတ် ငြိမ်သက်

တဒိတ်ဒိတ်

တဒိတ်ဒိတ်

ကိုယ့်နှလုံးခုန်သံ ကိုယ်ပြန်ကြား

ဒီလောက်ကျယ်သလား

လူတယောက်ရဲ့ နှလုံးခုန်သံ

ဒီလောက်ကျယ်သလား။

တဆယ့်ရှစ်ခုမြောက် ပြက္ခဒိန်

တကယ်တော့..... ကိုယ်တို့၂ယောက် ဆိုတာ ဘ၀တခုကို တူတူ တည်ဆောက်ဖို့ ခြေလှမ်းတွေ စုံညီလှမ်းခဲ့ကြပြီး တွဲလက်တွေ မြဲခဲ့ကြသူတွေ....။

တကယ်တော့..... လူချင်းဘယ်လောက်ဝေးဝေး စိတ်ချင်းဆက်သွယ်နေကြမယ်လို့ ကတိပေးမထားကြပေမယ့် အဲလိုပဲ နေထိုင်ပြုမူခဲ့ကြတယ်ဆိုတာ ၁၈ နှစ်တာ ကာလအတွင်း ယုံကြည်ထားခဲ့ကြသူတွေ....။

တကယ်တော့.... မင်းရဲ့ ကိုယ့်ကိုယ်ကို ချစ်တဲ့အချစ်တွေ၊ ကိုယ့်ရဲ့ ကိုယ့်ကိုယ်ကို ချစ်တဲ့အချစ်တွေက ၂ယောက်စလုံးရဲ့ နှောင်ဖွဲ့မှုကို ပိုမိုခိုင်မြဲစေခဲ့ကြသူတွေ...။

တကယ်တော့ ..... သေတပန် သက်တဆုံးတို့ ရိုးမြေကျတို့ ဆိုတဲ့ စကားလုံးတွေထက် ပိုပြီးသက်ရောက်မှု ရှိတဲ့ စကားလုံးတွေကို ၁၈ နှစ်ပြည့်တဲ့အထိ ရှာဖွေနေကြဆဲသူတွေ....။

တကယ်တော့.. မင်းနဲ့ ကိုယ်ဟာ( ၂ယောက်တွဲ ပြက္ခဒိန်သစ် ၁၈ ခုမြောက်ခဲ့တဲ့) ၁၈ နှစ် ပတ်လည်ထိ ပိုချစ်ရသူ ကိုယ်ပဲဖြစ်ချင်နေကြသူတွေ....။

(၂၇ ဧပြီလ ၁၉၉၆ ခုနှစ်မှသည်  ၂၇ ဧပြီ ၂၀၁၄ ခုနှစ် ထိ အမှတ်တရ )
ချစ်ခင်စွာဖြင့်
ခင်မင်းဇော်

သူနဲ့ကျမ

မနက် အိပ်ယာထချိန်...

သားကိုကျောင်းလိုက်ပို့ရတာ သူ့တာဝန်ဆိုတော့ ကျမက မနက်စားဖို့စီစဉ်ပေးပြီးရင် သူတို့သားအဖ ၂ယောက်ကို တက်နှိုးရတယ်။ သားက နှိုးပြီးလို့ အောက်ထပ်ဆင်းသူလုပ်စရာ ရှိတာ လုပ်ပြီး စားသောက်ပြီးလို့ အပေါ်ထပ်ပြန်တက် ကျောင်းဝတ်စုံလဲခါနီး တခါ ထပ်မနှိုးမိရင် သူ့ဘာသာ ဘယ်တော့မှမထပဲ နှပ်နေတတ်သေးတာ။  ဟာ ခုန နှိုးထားတာ ခုထိမထသေးဘူးလား !@#$%^&*

တခါတလေကျပြန်တော့ မနက်စောစော ထပြီး ရေဒီယိုကို ကွိစိကွစတွေ ကလိနေတတ်သလို တီဗီက သတင်းတွေ ကြည့်နေပြန်ရော။ ဘဲလ်ပေးထားတာ မမြည်ခင်သူ့ အသံတွေကြောင့် ကိုယ်က နိုးရတော့ စိတ်က သိပ်မကြည်ပဲ ပွစိပွစိ မနက်ခင်း  !@#$%^&*

ကျောင်းပို့ပြီး နံနက်ခင်းစာ စားချိန်...
ကျမ... ဘာစားမလဲဟေ.
သူ...... မင်းစားချင်တာစားပေါ့.
ကျမ.... ဘယ်ဆိုင်သွားမလဲဟေ..
သူ... မင်းသွားချင်တဲ့ဆိုင်သွားလေ...
ကျမ... မုန့်ဟင်းခါးဆိုင်သွားမလား လဘက်ရည်ဆိုင်သွားရမလား ကူစဉ်းစားပေးဦး။
သူ... မင်းဘာစားချင်တာလဲ အဲဒီဆိုင်သွားမယ်။
ကျမ... ဟာ စဉ်းစားပေးပါဆိုတာ ငါ့ကိုပဲ စဉ်းစားခိုင်းတယ်။ ငါချည်းပဲ စဉ်းစားနေရတာ။ သူကတော့ တခါမှ ကူမစဉ်းစားဘူး..!@#$%^&*

ဟင်းချက်ဖို့ ဈေးဝယ်ချိန်..
ကျမ....ဘာချက်ရင်ကောင်းမလဲ ။
သူ... မင်းစားချင်တာ ချက်လေ...
ကျမ... နင်ဘာစားချင်လဲ...
သူ.... မင်းချက်တာပဲ စားမယ်..
ကျမ... အေးလေ ဘာချက်ရမလဲ စဉ်းစားပေးဦး။
သူ.. လွယ်တာပဲ ချက်ဟာ..
ကျမ.. အေးလေ ဘာလွယ်တာ ချက်ရမယ် မသိလို့ပေါ့။
သူ.... အေးလေ ဒါဆိုလဲ ချက်မနေနဲ့..
ကျမ.. မချက် ဘာနဲ့ စားမလဲ။
သူ.. ၀ယ်စားလိုက်တာပေါ့။
ကျမ... ဘာဝယ်စားမလဲ။
သူ... မင်းစားချင်တာ ၀ယ်ပေးမယ်။။
ကျမ...... ဘာစားရမလဲ မသိဘူး။
သူ.. စဉ်းစားကြည့်ပေါ့။ စားချင်တာ ၀ယ်ပေးမယ်။
ကျမ...ကိုယ့်ဘာသာပဲ ချက်တော့မယ်။
သူ... ပြော သွားဝယ်ပေးမယ်။ ဘာဝယ်ပေးရမလဲ။
ကျမ...ဟာ ငါချည်းပဲ စဉ်းစားရတယ်။ နင်တော့ တခါမှမစဉ်းစားဘူး !@#$%^&*

ညနေစားပြီးချိန်..
ကျမ ... ကဲ အလုပ်တော့ ပြီးပြီ။ ဘာလုပ်ရပါ့။
သူ...... လမ်းလျှောက်မလား..ဘယ်သွားမလဲ။
ကျမ... အေး ဘယ်သွားရပါ့။
သူ... မင်းသွားချင်တဲ့နေရာသွားပေါ့။
ကျမ..... အေးလေ အဲဒါ ဘယ်သွားရမလဲ စဉ်းစားပေးဦး။
သူ.. ... စားစရာ သွားဝယ်မလား။
ကျမ... မနက်က ၀ယ်ထားပြီးပြီလေ။
သူ.. ဒါဆို မုန့်သွားစားကြမလား။
ကျမ ... ညဘက်ကြီး မစားချင်တော့ပါဘူး။
သူ .. ဒါဆို ဘာလုပ်မလဲ။ ဘယ်သွားမလဲ ပြော။။
ကျမ... ဟင် ငါချည်း စဉ်းစားရတယ် ။ နင်တော့ တခါမှမစဉ်းစားဘူး !@#$%^&*

(ကျမပီအေ ရဲ့ ၄၈နှစ်ပြည့် မွေးနေ့ အမှတ်တရ )
ချစ်ခင်စွာဖြင့်
ခင်မင်းဇော်

ရောက်တတ်ရာရာ

                                              အတွေးတွေက မိုးတိမ်ပမာ
                                         လေနှင်ရာ ဝေ့၀ဲ ရောက်တတ်ရာရာ

မနက်က ကုလားဆိုင်ကနေ အမဲသား ကီလိုဝက် ၀ယ်တယ်။ အမဲသားကို ကိုယ်တိုင်က မကြိုက်ပေမယ့် သားက ကြိုက်တော့ သူစားဖို့ ချက်ဦးမယ်ဆိုပြီး ၀ယ်တာပါ။ အသားကို မရွေးတတ်တော့ ကောင်းတာလေးပဲ ထည့်ပေးပါဆိုပြီး ပြောလိုက်တာ အိမ်မှာ ချက်တော့ ခဏလေးနဲ့ နူးသလို အသားက အတော်ကောင်းတယ်။ သန့်နေတာပဲ။

တချိန်တည်းပဲ ငါးဖယ် ငါးဆုပ် ၀ယ်တယ် ဗမာဆိုင်ကပါ။ ခါတိုင်း ၀ယ်နေကျ ဆိုင်ကို မသွားဖြစ်တော့ပဲ လမ်းဘေးမှာ ဗန်းလေးချ ငါးဖယ်တွေကို လှီး နေတဲ့ ကိုယ့် မြန်မာနိုင်ငံသားကိုပဲ အားပေးပါတော့မယ်ဆိုပြီး ၀ယ်လာခဲ့တာ။ အိမ်ရောက်တော့ ငါးဖယ်ကို ထောင်းဖို့ ဆုံထဲ ထည့် တချက်ထောင်းလိုက်ကတည်းက ငါးဖယ်ခြစ် မဟုတ်ဘူးလို့ သိလိုက်တယ်။ ဘယ်လိုမှ မစေးဘူး။ ဘာငါးနဲ့ အင်ရိုက်လိုက်သလဲတောင် မသိတော့ပါဘူး။ စိတ်ထဲ အတော်ဒေါသထွက်လိုက်သေးတယ်။ ဒါပေမယ့် ဒီတခါပဲ ရမှာပေါ့။ ဘာလို့ တနပ်စားပဲ လုပ်ချင်ရလဲ လို့ တွေးရင်း ကြီးပွားရေး စီးပွားရေးတွေမှာ မသမာတဲ့နည်းသုံးတာ။ စေတနာ မသန့်တာတွေဟာ အင်မတန် အရေးကြီးတယ်လို့ တွေးမိတယ်။ ငါးဖယ်ငါးဆုပ်ကီလိုဝက်ဘိုးဟာ ကျမအတွက် ဘာမှ မဖြစ်ပေမယ့် သူ့အတွက် အသုံဝင်ချင်လဲ ၀င်သွားနိုင်မှာပါလို့ စိတ်လျှော့ပေးလိုက်တယ်။ ဘာသာ လူမျိုးက အရေးမကြီးဘူး စိတ် ထားကသာ အရေးအကြီးဆုံးပါပဲ။ (ငယ်တုန်းကဆို နင်ဘာလို့ အတုလုပ်ရောင်းလဲ လို့ ချက်ချင်းပြန်သွားပြောပစ်မှာ)

အဲလို တွေးမိတော့ တချိန်က မှတ်ထားတာလေးတွေ အစီအရီ သတိရလာတယ်။

ဖြစ်စဉ် (တစ်)