Sunday, August 3, 2008

မနေ့က အနှစ် ၂၀

ဒီစာတမ်းရဲ့ သမိုင်းအကျဉ်း
အင်မတန် စာရေးပျင်းတဲ့ ကျမရဲ့ ပီအေဆီကို ၂၀၀၈ ခုနှစ် ဖုန်းမော်နေ့ မတ်လ ၁၃ ရက်အတွက် ဧရာဝတီမဂ္ဂဇင်းက ဗျူးတဲ့မေးခွန်းတွေ ပို့လာတယ်။ မေးခွန်းတွေကို စီကာ စဉ်ကာ ဖြေပေးဖို့ စာမရိုက်ချင်လို့ ကျမကို ရိုက်ခိုင်းတယ်။ အဲဒီတုန်းက သူက ဘေးကဖြေ ကျမ က ရိုက်ပြီး ပို့လိုက်ရော။

ဒါနဲ့ မပြီးသေးပဲ သူတို့ စက်မှု တက္ကသိုလ်ကျောင်းသားဟောင်းများက ဖုန်းမော်နေ့ နှစ်စဉ်ကျင်းပတော့ အခမ်းအနားမှုး လုပ်ရင်းနည်းနည်း ပြောစရာ စကားတွေ ပွားများလိုက်ပါလေရော။
ဒီအကျိုးဆက်က သူ့ကို အလုပ်သမားတွေအတွက်ထုတ်တဲ့ ရောင်ခြည်ဦးစာစောင်က ကိုမိုးဆွေက မတ် ၁၃ ရက်နေ့အကြောင်း တခုခုရေးပေးတဲ့။ သူမရေးတတ်တော့ ဘယ်လို လုပ်ရပါ့တဲ့။ ကျမက ဟိုတခါ အင်တာဗျူးဖြေထားတဲ့ စာတွေကို နည်းနည်းပြန်စီလိုက်ပြီး ပို့လိုက်လေ ဆိုတော့မှာ ဟိုရွှေ့ ဒီရွှေ့ လုပ်ပြီး ပို့လိုက်တယ်။

ခု တခါ အဲဒီစာစောင်ကပဲ ၈၈ အမှတ်တရ တခုခု ရေးပေးဦးတဲ့။ ဒီတခါတော့ ကျမနဲ့နည်းနည်း မကြည်ထားတဲ့ အရှိန်နဲ့ ဘာမှ မပြောပဲ ကြည့်နေလိုက်တာ နောက်ဆုံးနေ့ ရောက်နေပြီဆိုပြီး ဖုန်းနဲ့ ဆက်မေးနေသံကြားတယ်။ နောက် အဲဒီတညလုံး ကွန်ပျူတာရှေ့မှာ တကုတ်ကုတ်ရေးနေလိုက်တာ နောက်နေ့ ဒက်စတော့ပေါ်မှာ အောက်က ဆောင်းပါးလိုလို စာတမ်းလိုလို စာသားတပုဒ်ကိုတွေ့တာပဲ။ ဒါနဲ့ ဖတ်ကြည့်ပြီး ဘလော့ပေါ် တင်လိုက်မယ်နော် လို့ ခွင့်တောင်းတော့ မကြားချင်ယောင်ဆောင်နေလို့ ကိုယ်ကလည်း မသိချင်ယောင်ဆောင်ပြီး ခု စာသားလေးတွေကို တင်ပေးလိုက်တယ်။ ဖတ်ကြည့်ကြစေချင်လို့ပါ။

မနေ့က အနှစ်၂၀

မင်းဇော်(၁၀၁)

အဲဒီနေ့ကိုရောက်ဖို့ ငါတို့ကျောင်းသား၊ပြည်သူတွေပါဝင်တဲ့ တိုက်ပွဲစဉ်တွေနဲ့ တပွဲပြီးတပွဲတိုက်ရင်း ချီတက် ခဲ့ကြရတယ်၊ ၁၉၈၈ မတ်လက စတင်ခဲ့တဲ့ ငါတို့ကျောင်းသားတွေရဲ့ ခေတ်သစ် မတ်လတော်လှန်ရေးဟာ အဲဒီနေ့မှာ ခေတ်တခုကို ပြောင်းလဲစေမယ့် ပြည်သူ့တော်လှန်ရေး ဖြစ်ခဲ့တယ်၊၊ အဲဒါဟာ ရှစ်ရက်၊ ရှစ်လ၊ ရှစ်ဆယ့်ရှစ်ဆိုတဲ့ ရှစ်လေးလုံး ဒီမိုကရေစီအရေးတော်ပုံကြီး ဖြစ်တယ်၊၊

အဲဒီနေ့မှာ တပြည်လုံးက ပြည်သူလူထုတွေဟာ မဆလတပါတီ အာဏာရှင်စံနစ်ကို အလိုမရှိတော့ကြောင်း လမ်းမတွေပေါ် ထွက်ပြီး စီတန်းလှည့်လည်ခဲ့ကြတယ်၊ ကြွေးကြော်ခဲ့ကြတယ်၊ ဆနွပြခဲ့ကြတယ်၊ ဒီမိုကရေစီ ရရှိရေး -ဒို့အရေး လုပ်ခဲ့ကြတယ်၊၊
ဒီမိုကရေစီရရှိရေး - တပြည်လုံးအရေး လုပ်ခဲ့ကြတယ်၊

၈၈ရဲ့ အဲဒီနေ့ကစလို့ မြန်မာပြည်သူတွေဟာ တတိုင်းတပြည်လုံး အတိုင်းအတာနဲ့ အုပ်စိုးသူ အာဏာရှင်တွေကို ဆန့်ကျင်ခဲ့တြတယ်၊၊ မြို့တိုင်းနယ်တိုင်းရဲ့လမ်းမလမ်းမတွေပေါ်မှာ ညီညွတ်စုစည်းနေတဲ့ ပြည်သူတွေရဲ့ ဒီမိုကရေစီရေး ကြွေးကြော်သံတွေ မြည်ဟိန်းနေခဲ့တယ်၊၊ မြန်မာပြည်သမိုင်းမှာ ကာလအတော်ကြာကြာ ပျောက်ကွယ်နေခဲ့ရတဲ့ သမိုင်းဝင် ခွပ်ဒေါင်းအောင်လံတော်ဟာ မြန်မာတပြည်လုံးမှာ တလူလူ လွှင့်ထူနိုင် ခဲ့တယ်၊၊ လူပင်လယ်ကြီးနဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းဓါတ်ပုံတွေ၊ ခွပ်ဒေါင်းအလံတွေဟာ အင်မတန် လိုက်ဖက်ခဲ့တယ်၊၊ ကျက်သရေရှိခဲ့တယ်၊၊

အဲဒီနေ့ကို လွယ်လွယ်နဲ့ ရောက်ခဲ့တာတော့ မဟုတ်၊၊ ၈၈ရဲ့အစ မတ်လ ဖုန်းမော်၊ နောက် တံတားနီ၊၊ ဇွန်၂၁ မြေနီကုန်း၊ စသဖြင့် ဆက်တိုက် တိုက်ခဲ့ကြရတယ်၊၊ အသက်တွေ သွေးတွေ ပေးခဲ့ကြရတယ်၊၊ ရန်သူ မဆလအာဏာရူးတွေဟာ ဒီနေ့ကိုမရောက်နုိူင်ဖို့ တပြည်လုံး မပါဝင်လာနိုင်စေဖို့ ကြောက်သွားအောင် နောက်ဆုတ်သွားအောင် ကြမ်းပြခဲ့တယ်၊ရမ်းပြခဲ့တယ်၊ ဖမ်းပြခဲ့တယ်၊ သတ်ပြခဲ့တယ်၊၊ တစုချင်းရှိနေတဲ့ ကျောင်းသားတွေနဲ့ တစုံလုံးဖြစ်တဲ့ ပြည်သူလူထုတွေ မပူးပေါင်းမိအောင် နည်းမျိုးစုံနဲ့ ကနဦး လှုပ်ရှားမှုတွေကို ဖြိုခွင်းခဲ့တယ်၊၊ ဒီလိုတပွဲချင်း ဖြိုခွင်းတာ ချေမှုန်းတာကို ကြောက်လို့ နောက်ဆုတ် လက်လျော့သွားမိရင် မြန်မာပြည်ခေတ်သစ်သမိုင်းမှာ ရှစ်လေးလုံး အရေးတော်ပုံကြီးဆိုတာ ရှိလာလိမ့်မယ် မဟုတ်ဘူး၊၊

ဒါဟာ မြန်မာပြည်သမိုင်းမှာ တကယ်ဖြစ်ခဲ့တယ်၊၊ ၈၈မှာ တကယ်ဖြစ်ခဲ့တယ်၊၊

အဲဒီနေ့မှာ တပြည်လုံးပြည်သူ့တော်လှန်ရေးကြီး စခဲ့ကြတယ်၊၊ အဲဒီနေ့က ၈၈ရဲ့ ရှစ်လပိုင်း ရှစ်ရက်နေ့က မြန်မာပြည်သူတွေဟာ ငြိမ်းချမ်းစွာနဲ့ ဒီမိုကရေစီကို လမ်းမတွေပေါ်ထွက် တောင်းဆိုခဲ့ကြတယ်၊၊ အဲဒီနေ့မှာလည်း တပါတီအာဏာရှင်တွေဟာ ဒီမိုကရေစီမပေး ကျည်ဆံတွေသာပေးခဲ့ကြတယ်၊၊
ရန်ကုန်မြို့ လွတ်လပ်ရေးကျောက်တိုင်ရှေ့မှာ---၊
ပုသိမ်မြို့သဘောင်္ဆိပ်မှာ----၊
--------- -- မှာ၊
------------—မှာ မြန်မာတွေ သွေးမြေကျခဲ့ရတယ်၊ သွေးရည်ကျခဲ့ကြတယ်၊၊

ဒါပေမဲ့ ငါဒို့ နောက်မဆုတ်ခဲ့ကြ၊ လက်မလျော့ခဲ့ကြ၊၊ ဒူးမထောက်ခဲ့ကြ၊၊

၂၆နှစ်ကျော် တိုင်းပြည်ကိုဖျက်ဆီး ကိုယ့်ပြည်သူကိုအနိုင်ကျင့်ဗိုလ်ကျလာခဲ့တဲ့ မဆလတပါတီအာဏာရှင်ကို ငါတို့ပြည်သူ့အားနဲ့ အမြစ်ကနေ တွန်းလှန်တော့မယ်၊ ဖယ်ရှားတော့မယ်၊ ဒီမိုကရေစီခေတ်သစ်မြန်မာပြည် ထူထောင်တော့မယ်၊၊
ပစ်စမ်း၊ အာဏာရူးတွေ ပစ်စမ်း၊ ငါတို့အားလုံးအတွက် ဒီမိုကရေစီရဖို့ ငါတို့အသက်တွေရင်းမယ်၊၊

၈ရက်နေ့မှာ ပစ်သတ်ခဲ့တယ်၊ ၉ရက်နေ့မှာ ပစ်သတ်ခဲ့တယ်၊၊
--------ရက်နေ့မှာ ပစ်သတ်ခဲ့တယ်၊၊ ငါတို့မမှုတော့၊ ငါတို့လိုချင်တဲ့ပန်းတိုင် ရောက်ဖို့ ငါတို့ပြည်သူအားလုံး စုစည်းမိကြပြီ၊ လက်ချင်းချိတ်ခဲ့ကြပြီ၊၊
မြို့ကြီးမှာလည်း ဒီမိုကရေစီ၊ မြို့ငယ်မှာလည်း ဒီမိုကရေစီ၊ ကျေးလက်မှာလည်း ဒီမိုကရေစီ၊ တပြည်လုံးမှာ ဒီိမိုကရေစီ ဒီမိုက
ရေစီ ဒီမိုကရေစဒီမိုကရေစီ - - - - - -

ဝန်ထမ်း၊ကျောင်းသား၊အလုပ်သမား၊လယ်သမား၊အလွှာစုံ၊ ကလေးလူကြီးပါမကျန်အရွယ်စုံ လူမျိုးစုံ မြန်မာပြည်သူတွေ ကိုယ်စီကိုယ်စီ အသင်းအဖွဲ့အလံ၊ ခွပ်ဒေါင်းအလံ ကိုင်စွဲကြပြီ၊၊ နေ့ဖက် လှည့်လည်ချီတက် ဆ²ပြ-ညဖက်ကိုယ့်ရပ်ကိုယ့်ရွာ လုံခြုံရေး တာဝန်ယူခဲ့ကြတယ်၊၊ ဘုန်းကြီး ရဟန်း၊ ကျောင်းသားပြည်သူ ပူးပေါင်းပြီး ရပ်ရွာအေးချမ်းရေး ကြိုးပမ်းခဲ့ကြတယ်၊၊ ကိုယ့်ပြည်သူအချင်းချင်း အခက်အခဲတွေ စုပေါင်းဖြေရှင်းခဲ့ကြတယ်၊ အပြန်အလှန် ယိုင်းပင်းကူညီခဲ့ကြတယ်၊၊

အဲဒီနေ့တွေမှာ အာဏာရှင် အာဏာရူးနေ၀င်းနဲ့ စန်းယု၊စိန်လွင်၊မောင်မောင် စစ်အရူးတွေကို ငါတို့ပြည်သူတွေ ဖြုတ်ချနိုင်ခဲ့တယ်၊၊ ဆိုရှယ်လစ်အတုအလိမ် မဆလပါတီကို မြန်မာ့မြေပေါ်မှာ အပြီးတိုင် မြေမြှုပ် သဂြိင်္ုလ် နိုင်ခဲ့တယ်၊၊

အဲဒီနေ့တွေမှာ မြန်မာပြည်လွတ်လပ်ရေးကို ဦးဆောင်ရယူပေးရာမှာ အဓိကကျတဲ့ ကျောင်းသားဇာနည်တွေကို မွေးထုတ်ပေးခဲ့တဲ့ ဗမာနိုင်ငံလုံးဆိုင်ရာ ကျောင်းသားသမ္ဂများ အဖွဲ့ချုပ်(ဗကသ)ကို ပြန်လည်ဖွဲ့စည်းနိုင်ခဲ့တယ်၊၊

အဲဒီနေ့တွေမှာ ကျောင်းသားခေါင်းဆောင် မင်းကိုနိုင်၊ ကျောင်းသားခေါင်းဆောင်မိုးသီးဇွန်တို့ ပေါ်ထွက် လာခဲ့တယ်၊၊

အဲဒီနေ့တွေမှာ အနာဂါတ်မြန်မာပြည်သစ်ရဲ့ အာမခံချက်ဖြစ်တဲ့ လူထုခေါင်းဆောင် ဒေါ်အောင်ဆန်းစုကြည် ပေါ်ထွက်လာခဲ့တယ်၊၊

အဲဒီနေ့တွေမှာ သတ္တိရှိတဲ့ မြန်မာပြည်သူလူထုရဲ့ ငြိမ်းချမ်းတဲ့ တိုက်ပွဲအရှိန်အဟုန်ဟာ ကမ္ဘာ့နိုင်ငံ အတော်များများရဲ့ဒီမိုကရေစီရေး ကြိုးပမ်းမှုတွေမှာ အားမာန်တွေ ဖြစ်စေခဲ့တယ်၊၊

အဲဒီနေ့တွေမှာ ဖြစ်တည်ခဲ့ပြီ ဖြစ်တဲ့ မြန်မာပြည်သူတွေရဲ့ ဒီမိုကရေစီရေးအောင်စိတ်ဟာ ဘယ်လိုအခက်အခဲ အတားအဆီးတွေပဲရှိရှိ ဒီမိုကရေစီရေးပန်းတိုင်ကို မရောက်မချင်း မတွန့်မဆုတ် ဆက်လက် ချီတက်တော့မှာ ဖြစ်တယ်၊၊ ဒီမိုကရေစီ မြန်မာပြည်၊ ပြည်ထောင်စုမြန်မာပြည်၊ စည်ပင်ဖွံ့ဖြိုးတိုးတက်တဲ့မြန်မာပြည် အဖြစ် ရောက်ကို ရောက်လာရမှာဖြစ်တယ်၊၊ ၊၊

(လွန်ခဲ့သော မနေ့ကအနှစ်၂၀ခဲ့ပြီဖြစ်သည့် ရှစ်လေးလုံး ဒီမိုကရေစီအရေးတော်ပုံကြီးအတွင်း အသက် ပေးလှူသွားခဲ့ကြသော ရဟန်း၊ရှင်၊လူ၊ ကျောင်းသား၊ ပြည်သူအပေါင်းအား ဦးညွတ် ဂုဏ်ပြု လိုက်ပါတယ်)

8 comments:

Kay said...

အကို နဲ့အမရေ-
ရိုးရှင်းတဲ့ အရေးအသား ကြောင့်..ရိုးရှင်းတဲ့..၈ လေးလုံး စိတ်ဓါတ်ကို မြင်လိုက် ရတယ်။
အားလုံးအတွက် လိုအပ် နေတာလည်း...စကားလုံး လှတွေ..အရေးအသား တန်ဆာတွေ မဟုတ်ပါဘူး။ ရိုးရိုး တဲ့တဲ့..နားလည် ရမဲ့.. အကြောင်းအချက် တွေပါ။

ခင်မင် လေးစားလျက်-

aung said...

၈လေးလုံးစိတ်ဓါတ် ဆိုပဲ ...ဟားဟား...သောက်တလွဲတွေ ..ဘာအမှတ်တရ ..ညာအမှတ်တရ..ဘယ်သူ ဘာဖြစ်တာ ဘယ်လောက်ပြည့်တဲ့ နေ့ ..ဘာနေ့ ညာနေ့ ..ဒါပဲလား...ဘာနေ့ကျန်သေးတုန်း..လုပ်စမ်းပါဦးဟာ....ဟားဟားဟား

Moe Cho Thinn said...

အမရေ
ဒီပို့စ်လေးကို ဖတ်ပြီး ဒီမိုကရေစီ လှေခါးထစ်တွေကို မြင်ရတာ ဘယ်သူမှ မငြင်းနိုင်တဲ့ သမိုင်းပဲလေ။
ချစ်သော
မိုးချိုသင်း

မေငြိမ်း said...

အင်မတန် ရိုးသားဖြူစင်တဲ့..
တော်လှန်ရေးတခုတည်းသာမြင်တဲ့..
ဘသူ့ကိုမှ အပြစ်မတင်ဘဲ ကိုယ့်အလုပ်ကိုသာ တစိုက်မတ်မတ်မြင်တတ်တဲ့ လူတယောက်ကို မြင်ရစေတဲ့.. စာပဲ။
Cheers !!

ကြာပီ said...

အနှစ် နှစ်ဆယ်ရှိပြီလို့ ပြောလိုက်တာဟာ စကားအနေနဲ့ တခွန်းထဲပေမယ့် အသက်တွေရင်း၊ ဘ၀တွေရင်း၊ အနာဂတ်တွေရင်း၊ မျှော်လင့်ချက်တွေရင်း ခဲ့ရတဲ့ ကျောင်းသား ပြည်သူတွေ အတွက် ဒီအဖြစ်အပျက်ဟာ ဒဏ္ဍာရီ ပုံပြင်မဟုတ်ပါဘူး။ အားလုံးက အမှတ်ရနေပြီး ငါတို့အလုပ်တွေ ကျန်နေသေးတယ်ဆိုတဲ့ အသိ ရှိစေချင်ပါတယ်။
အခုလို မျှဝေပေးတဲ့ အတွက် ကျေးဇူးပါ။

ပီတိ said...

၈၈၈၈ အရေးတော်ပုံဆိုတာ ဘယ်သူမှတိုက်တွန်းလို့မဟုတ်၊ ချိန်းခြောက်လို့မဟုတ် မြန်မာပြည်သူတွေ မတရားမှုကိုခေါင်းငုံမခံတဲ့စိတ်ဓာတ်ကိုပြတာ ပါပဲ။
အသက်ပေး၊ ဘ၀ပေး စွန့်လွှတ်ခဲ့တဲ့ ပြည်သူတွေကို လေးစားလျှက်ပါ။

ငြိမ်းဝေ said...

i finished to read this post...great
if it was written by k.m.z i don't...ha..ha..

Zaw Burma said...

ko M Z
i used your post at our's The Dawn Burmese community Newsletter

your's
zawBurma