Sunday, October 25, 2009

နီကိုရဲ အတွက် ရေးတဲ့စာ

စာရေးဆရာ နီကိုရဲ ဆုံးတာကို မျက်နှာ စာမျက်နှာပေါ်မှာ မနော်ရေးမှ သိလိုက်ရတယ်။ စိတ်မကောင်းဖြစ်မိတယ်။ သူနဲ့ ပြန်ဆုံရဦးမယ်လို့ တွေးထားတာ။

တလောက ချင်းမိုင်ရောက်တုန်းကတောင် တူးတူးသာနဲ့ သူ့အကြောင်းပြောမိသေးတယ်။ သူ့စာအုပ်အသစ်မထွက်နိုင်တာ ထုတ်ဝေသူက ညစ်ပတ်ထားတဲ့အကြောင်းတွေ စုံစုံလင်လင်ပြောဖြစ်တယ်။ အနုပညာသမားကတော့ စီးပွားရေး ဘယ်သိပါ့မလဲလေ။ ကိုယ့်အပေါ်ကောင်းလှချည်လား ထင်ပြီး အဲဒီလူကို ပစ်ယုံတတ်ကြတယ် မဟုတ်လား။ ဒါနဲ့ပဲ သူ စိတ်ညစ်ခဲ့ရမယ်။ အနုပညာသမားမို့လဲ ပိုခံစားတတ်ခဲ့လိမ့်မယ် ထင်ပါတယ်။

သူနဲ့ ကျမကလဲ ဆုံတွေ့ခင်မင်ခဲ့ပုံက ရိုးပါတယ်။ စာအုပ်ထုတ်ဝေရေးလုပ်တော့ လေထန်ကုန်းမှာ သူငယ်ချင်းခက်မာနဲ့ တူတူ သွားသွားထိုင်တတ်တယ်။ အဲဒီမှာ ခင်ခဲ့တာပဲ ၊ သူက ဗေဒင်တွက်တတ်တယ် လက္ခဏာကြည့်တတ်တယ်။ ဒီတော့ ပိုပြီး ခင်မင်ဖို့ လွယ်ကူတယ်။ လက်ကလေး ထိုးပေးပြီး အပျင်းပြေ ကြည့်နေကြတဲ့ အုပ်စုက ကျမတို့ခက်မာတို့ မေငြိမ်းတို့ပေါ့။ အဲဒီ ၉၅ နှစ်ကုန်ပိုင်း ၉၆ နှစ်စ ပိုင်းတွေမှာ တနင်္လာသမီးများဖြစ်ကြတဲ့ မေငြိမ်း၊ ခက်မာ၊ မိုချာ့၊ မိုးချိုသင်း၊ ကေသီ ၊ ကျမ ဆိုတဲ့ ခင်မင်းဇော်တို့ ကျားမတွေ ဆုံတွေ့ပြီး မခွဲပဲ တတွဲတွဲ ရှိခဲ့ဖူးတဲ့ရက်စွဲတွေပေါ့။

ဗွီဒီယို ကင်မရာတလုံးနဲ့ ရန်ကုန်မြို့လည်မှာ လျှောက်သွားနေတဲ့ ကျမနောက်ကို ကင်မရာအိတ်ထမ်းပြီး မကြည် ဟိုလူတွေ ရိုက်ပါလား။ ဒီရှုခင်းမိုက်တယ် ရိုက်ရိုက်ဆိုပြီး မြှောက်ပေးတတ်တာ နာမည်ကျော် စာရေးဆရာ မဖြစ်သေးတဲ့ စာရေးဆရာပေါက်စ နီကိုရဲခေါ် ကိုရဲပါပဲ။ ဒါပေမယ့် အဲဒီအချိန်ကတည်းက သူ့စာတွေက မဂ္ဂဇင်းတွေမှာတော့ နာမည်ထွက်နေပြီ။ ကြည်ပြာရောင်နဂ္ဂတစ်များထဲက မသီတာကို နာမည်ပြောင်းပေးရတဲ့အချိန်လဲ ဖြစ်မယ်ထင်ပါတယ်။

သူနဲ့ ကျမက ညနေစောပိုင်းတွေမှာ ကျမအလုပ်လုပ်တဲ့ ၃၇လမ်းထဲက ရုံးခန်းမှာ သူ့ကိုစောင့်ပြီး သူရောက်တာနဲ့ ကြည့်မြင်တိုင် ညဈေးဘက်တွေ။ တခါတလေ ဗိုလ်တထောင်ဘုရားဘက်တွေ ။ ဘယ်မှ သိပ်မသွားချင်ရင် ဆူးလေဘုရားလမ်းနဲ့အနော်ရထားလမ်း အနီးအနားက ပလက်ဖောင်း တောက်လျှောက်ရောင်းနေတဲ့ ဆိုင်တွေမှာ ဈေးရောင်းဈေးဝယ် စည်ကားနေတာမျိုးတွေကို လိုက် လိုက်ရိုက်ရတယ်။ ကျမအဲဒီတုန်းက ကိုင်တဲ့ ဗွီဒီယိုကင်မရာကလဲ ခုလိုသေးသေးလေးတွေမဟုတ်ပါဘူး။ ပုခုံးမှာထမ်းရတယ် ၊ နောက်ခုလို မော်နီတာသေးသေးလေး မပါတဲ့ မျက်လုံးနဲ့ ကြည့်ရတဲ့ ကင်မရာအကြီး။ ဒီတော့ ရိုက်စရာ ရှိတာ ရိုက်ပြီးရင် သူက ပေးအမ ကျနော့်ကိုပေးဆိုပြီး ကိုင်ပေးထားတာပဲ။ သူရိုက်စေချင်တဲ့ မြင်ကွင်းတွေဆို အမ ရိုက် ရိုက်ဆိုပြီး အတင်းခေါ်တော့တာ။

ကျမတို့ ပလက်ဖောင်းဈေးသည်တွေကို ပထမဆုံး ရိုက်တုန်းက ထင်တယ်။ ဈေးသည်တွေက ပစ္စည်းတွေသိမ်းပြီး ပြေးမယ်လုပ်လို့ ။ မနည်းလိုက်ဆွဲရတယ်။ ကျမတို့ အပျော်ရိုက်တာပါ ။ အရိုက်ကျင့်နေတာပါဆိုပြီး တောင်းပန်ရှင်းပြ လုပ်ရတယ်။ ဘာလို့ ထွက်ပြေးတာလဲ ပြောတော့ စည်ပင်က လာရိုက်တာ မှတ်လို့တဲ့။

နီကိုရဲ ဆီမှာ ထူးခြားတဲ့ လက်ချောင်းလေးတွေ ရှိတယ်။ ကျမ မြင်ဖူးသမျှလက်ချောင်းတွေဟာ အရင်းကြီးမယ် အဖျားရှုးရှုးသွယ်သွယ် ၊ ဒါမှမဟုတ် လေးထောင့်လက် စသဖြင့် ရှိပေမယ့် သူ့လက်ကတော့ အရင်းက သေးပြီး အဖျားပိုင်း ပထမဆစ်က ကြီးနေတယ်။ ကျမက သူ့လက်ကို ပြန်ကြည့်ပြီး နင်က ဒီလက်ကြောင့် ဒါ့ထက်နာမည်ကြီးတဲ့ စာရေးဆရာ ဖြစ်မယ်လို့တောင် ပြန်နောက်ခဲ့သေးတယ်။

ဒီလိုနဲ့ ကျမ အိမ်ထောင်ကျပြီး လွိုင်ကော်ဖက်ရောက် ... နောက် စာပေနယ်က အားလုံးနဲ့ အဆက်ပြတ်သလောက်ဖြစ်နေတဲ့ အချိန်ပိုင်းမှာ ခက်မာက ပုသိမ်အိမ်ကိုလာလည်တယ်။ အိမ်မှာအိပ်ခါနီး ညဘက်ကျတော့ သတိတရ ဘယ်သူရှိသေးလား သူဘာလုပ်နေလဲ လျှောက်မေးနေတုန်း ခက်မာက ဗြုန်းကနဲ အမ နီကိုရဲဆီ ဖုန်းဆက်မလား သူ့ဟန်းဖုန်းနံပါတ် ကျမဆီမှာ ရှိတယ်တဲ့။ အေး ဆက်ကြည်ရအောင် ဆိုပြီး ဖုန်းဆက်စကားပြောဖြစ်သေးတယ်။ အမ ပုသိမ်ပြန်ရောက်နေသလား။ ကလေး ဘယ်အရွယ်ရောက်နေပြီလဲ။ အကိုရော ဘယ်မှာလဲ မေးခွန်းတွေချည်း မေးဖြစ်ကြတယ်။ အေး ဒီတခါ ရန်ကုန်လာရင် လေထန်ကုန်းကို လာလည်ဦးမယ်ဆိုတော့ လေထန်ကုန်းက သိပ်မစည်တော့ဘူး အမရဲ့။ ခု ဂျက်ကာ တခုပြောင်းထိုင်တယ် တဲ့။
နောက်ပိုင်း ရန်ကုန်ရောက်ပေမယ့် မဆုံဖြစ်ခဲ့ဘူး။ လေထန်ကုန်းမဟုတ်ပဲ ပိုအဆင့်မြင့်တဲ့ အင်းဝ စာအုပ်ဆိုင်နားက နာမည်မေ့နေတဲ့ ကော်ဖီဆိုင်မှာပဲ ဆုံဖြစ်ကြတယ်။ အဲဒီအချိန်မှာတော့ ကလေးအမေတွေဖြစ်နေတော့ အရင်ကလို တမေ့တမော မထိုင်ဖြစ်ကြတော့ဘူး။

မတွေဖြစ်တာ ကြာပေမယ့် မှတ်မှတ်ရရ ဒီလဆန်းပိုင်းကပဲ သူ့အကြောင်းကို သတိတရပြောဖြစ်ပြီး ခုတော့ သူဆုံးပြီတဲ့။ အနုပညာသမားတွေမှာ ကိုယ်မှန်နေတာကိုတောင် စီးပွားရေးသမားရဲ့ ချုပ်ကိုင်မှုထဲက ရုန်းထွက်ဖို့ ငွေကြေးမတတ်နိုင်ခဲ့လို့ ရေးထားခဲ့တဲ့ ၀တ္ထုတွေ မထုတ်နိုင်ပဲ ပရိသတ်နဲ့ အဆက်အသွယ်ပြတ်၊ စိတ်ဓါတ်တွေ ကျဆင်း အဲလိုဖြစ်ခဲ့လေသလားလို့ တွေးရင်း စိတ်မကောင်းဖြစ်နေရတယ်။ အဲဒီအကြောင်းတရားတွေက သူ့ကို အသက်တိုစေတာဖြစ်မှာပဲ။

ပျော်စရာတွေ အရေးကောင်းခဲ့တဲ့ နီကိုရဲ ဆိုတဲ့ ရိုးသားတဲ့ ကိုရဲဝင်း တယောက် ကောင်းရာသုဂတိ ရောက်ရှိပါစေလို့ပဲ အမ ဆုတောင်းပေးလိုက်ပါတယ်။
ဗွီဒီယို ကင်မရာ ကိုင်တိုင်း သတိရနေဆဲပါ။

ချစ်ခင်စွာဖြင့်
ခင်မင်းဇော်

16 comments:

Ko Boyz said...

စာပေလောက အထူးသဖြင့် ဟာသစာပေလောကအတွက် ဆုံးရှုံးမှုပါ။
ရိုက်ကွင်းမှ အလွဲတွေ ဘာတွေ ခဏခဏ ပြန်ဖတ်ဖြစ်တယ်။

Nge Naing said...

အစ်မရေ စီးပွားရေးသမားတွေကြောင့် ဟုတ်ချင်မှလည်း ဟုတ်မှာပါ သူ့ကံကုန်လို့ပဲ သဘောထားလိုက်ပါ။

သူရေးတဲ့စာအုပ် ပထမဦးဆုံး ဖတ်ဖူးတာ နာမည်နဲ့ ခုနှစ်တော့ မမှတ်မိတော့ဘူး အကြောင်းအရာကတော့ အားလုံးမှတ်မိနေတယ် ဇာတ်ကောင် အမျိုးသမီးနာမည်က မကြည်ပြာ ဇာတ်လမ်းထဲက သူ့ကောင်လေးက မကြည်ပြာထက် အရပ်နှိပ်တယ်။ အဲဒီမကြည်ပြာတို့ အတွဲအကြောင်း ရေးထားတာ လုံးဝ ပါးစပ်မပိတ်ရဘူး။ ဖတ်တဲ့သူတိုင်း လက်ကမချနိုင်အောင် ဖြစ်တယ်။

စာရေးဆရာ နီကိုရဲ ကောင်းရာသုဂတိ လားပါစေလို့ အစ်မနဲ့အတူ ဆုတောင်းပေးသွားပါတယ်။

မေငြိမ်း said...

နင်ရေးတာ ပိုစုံတယ်.. ငါကတော့ နောက်ဆုံးတွေ့ခဲ့ရတဲ့ ရက်ကလေးကိုပဲ သတိရနေမိတာ..။ ရယ်စရာတွေ ပြောနေကျပေမဲ့ တကယ်တမ်းကျတော့ ငါတို့ အားလုံး အဲဒီအချိန်မှာ စိတ်တော်တော် ဆင်းရဲနေကြရတာလည်း မှတ်မိတယ်..။ ခု နင်ရေးတာလေး စုံစုံလင်လင်ဖတ်ရတော့မှ အစောပိုင်းကာလ လေထန်ကုန်းရဲ့ ရက်တွေကို ပြန်မြင်လာတယ်..။ အဲဒီတုန်းက ဗိုတောက် (နေဇော်နိုင်)လည်း ပါသဟ...
လွမ်းလိုက်တာ...

Unknown said...

မကြည်ပြာကို နဂ္ဂတစ်တွေထဲမှာထားခဲ့ပြီပေါ့ ကိုရဲဝင်းရေ..။

Ree Noe Mann said...

အမရေ အမစာလေးကိုဖတ်ပြီး စိတ်မကောင်းဖြစ်သွားတယ်။

တွေကြုံဆုံကွဲ ဆိုတာမျိုးပေါ့နော် အမ။

ဘာပဲ ဖြစ်ဖြစ် နီကိုရဲ ဆိုတာ နာမည်တစ်လုံးတော့

ကျန်ခဲ့ပါတယ်။ ဆရာနီကိုရဲ ကောင်းမွန်သော ဘုံဘဝ

ကို ရောက်ရှိပါစေဗျာ။

ခင်တဲ့ ရီနို

JulyDream said...

အင်းဝဘေးနားက ကော်ဖီဆိုင်ဆိုတော့ Aroma ဖြစ်မယ် ထင်တယ်။

နီကိုရဲကို ကြည်ပြာရောင်နဂ္ဂတစ်များနဲ့ တွဲပြီး စတင် ရင်းနှီးခဲ့တယ်။ မကြည်ပြာနဲ့ ကိုရဲဝင်းရဲ့ ဇာတ်လမ်းတွေနဲ့ တွဲပြီး သူ့ကို မှတ်မိနေတယ်။

ကြယ်တစ်ပွင့် ကြွေလွင့်သွားပြန်ပြီပေါ့။

ကျောက်ကျော said...

ကိုရွှေဘုန်းလည်း ကြောင်နှစ်ကောင်မောင်မျိုး ဆိုတဲ့ ထုတ်ဝေတဲ့ကောင်တွေ ချုပ်ကိုင်လို့ အရာရာ ကသိကအောက်ဖြစ်ခဲ့တယ် နီကိုရဲလည်းဒီအတိုင်းဘဲ အနုပညာကိုသာနားလည်ငွေကြေးချို့တဲ့ သူတွေကို မဖြစ်စလောက်ငွေမက်လုံးလေးပေးပြီး ခေါင်းပုံဖြတ်ခြင်တဲ့ ကောင်တွေ ခေါင်းဖြတ်ပစ်မယ် သတိထား

min said...

တကယ်နှမျောမိတယ်ဗျာ.စာပေလောကအတွက်ရော
စာပေမြတ်နိုးတဲ့လူတိုင်းအတွက်ပါ ဆုံးရှုံးမှု့တခုပါဘဲ
ကိုနီကိုရဲကောင်းရာသုဂတိရောက်ပါစေလို့ ဆန္ဒပြုပါ
တယ်ဗျာ။

နိုင်နိုင် said...

မြန်မာပြည်က အချစ်ဝထ္ထုကို စတင်ဖတ်ခဲ့တာ နီကိုရဲကို “ စိတ်အိုင်ပတ်သူ” ဆိုတဲ့ ဝထ္ထုပါ။ အရမ်းကောင်းလွန်းလို့ ၂ ကျော့ပြန်ဖတ်ခဲ့ရတယ်။ “ အား ” ဆိုတဲ့ အသံနဲ့ အော်လိုက်တော့ မုန့်ဟင်းခါးသည်က ဘာဖြစ်လို့လဲလို့မေးတော့ “မုန်းဟင်းခါး တပွဲပေး အကျော်မထည့်နဲ့” မဟုတ်ဘူးခုနက ဘာဖြစ်လို့လဲ “မုန်းဟင်းခါး တပွဲပေး အကျော်မထည့်နဲ့” တဲ့ အဲဒီမှာတင် အမည်မသိ ကောင်မလေးတယောက်က မုန့်ဟင်းခါးဖိုး ရှင်းပေးသွားတယ်။

နီကိုရဲ ကောင်းရာသုဂတိလားပါစေလို့ သူ့ပုရိသတ် တဦးအနေနဲ့ ဆုတောင်းပေးပါတယ်။

komin said...

အမရေ aug27.weebly.com ကို ယူသွားတယ်။ ဆရာနီကိုရဲ အမှတ်တရ သိမ်းထားချင်လို့ပါ။

Navana said...

မကြာခဏတော့ ရောက်ဖြစ်ပါတယ်ဗျာ.. ။ နီကိုရဲ ဆုံးတယ်ကြားတော့.. စိတ်ထဲမယ် မကောင်းဘူး..။

ကြည်ပြာရောင်နဂ္ဂတစ်များ ဆိုတဲ့ ဇာတ်ကားကို.. မဒမ်နဲ့ သွားကြည့်ဖူးတာ.. ပြန်အမှတ်ရမိတယ်..။

An Asian Tour Operator said...

ကျွန်တော်ကိုနီကိုရဲနဲ့ပထမ အကြိမ်တွေ့တွေ့ချင်းခင်သွားတယ်။ သူ့အိမ်ကို ကိုသီဟန်သွင် နဲ့ရောက်သွားဖူးတာ။ နောက်ထပ်ခဏခဏ ရောက်ဖြစ်တယ်။ ကိုသီဟန်သွင်နဲ့ဘဲ။ တနေ့လည်ကျွန်တော်တို့ရှိနေတုန်း ထုတ်ဝေသူတယောက်ရောက်လာပြီးပိုက်ဆံတထပ်ပေးသွားတယ်။ ဒါကို ချက်ချင်းတဝက်ကိုသူ့အမျိုးသမီး ကိုပေးပြီး ကျန်တဝက်နဲ့ကျွန်တော်တို့ကိုလိုက်ဧည့်ခံတာ မှတ်မိနေသေးတယ်။ တကယ်တော့သူက တော်တော်စိတ်ကောင်းရှိ ပြီး ခင်ဖို့ အရမ်းကောင်း တယ်။ နောင်ဝတ္ထု ဖြစ်လာမယ့်အကြောင်းတွေ တရစပ်ပြော တာပါးစပ်မပိတ်ရဘူး။

တန်ခူး said...

မ ကတော့ သူ့ လက်ချောင်းတွေ မြင်ဖူးလို့ ပေါ့နော်… ကျွန်မကတော့ သူ့ ရုပ်ရည်ကြည့်ပြီး စာရေးဆရာဖြစ်ဖို့  မွေးဖွားလာတဲ့ ရုပ်လို့  သူငယ်ချင်းတွေနဲ့ ပြောဖူးတယ်… တကယ့်စာရေးဖို့ မွေးဖွားလာသူပါ… ကြီးမားတဲ့ဆုံးရှုံးမှုပါ မရယ်… တင်္နလာသမီးတွေ ကံကောင်းတယ်တဲ့လား မ… စကားမစပ်… တက်ဂ်ထားတယ် မ ရေ… ရေးပေးပါဦးနော်…

zarny win said...

http://ezine.mywebdigest.net/spgm/index.php?spgmGal=MMK-Journals/2009/November&spgmPic=11#spgmPicture

your comment in a journal

ဇာနည်ဝင်း said...

ဒါက နောက်တမျက်နှာဗျာ

http://ezine.mywebdigest.net/spgm/index.php?spgmGal=MMK-Journals/2009/November&spgmPic=12#spgmPicture

Ko Toe Gyi ( Multiply Boo Boo Gyi ) said...

မခင်မင်းဇော်ရေ
ကျတော်လာသွားပါတယ် အပြင်မှာ စီဘောက်မတွေ့ လို့  ဒီမှာဘဲ ရေးသွားတယ် ကိုမင်းဇော်ကိုလည်းသတိယတယ်ပြောလိုက်ပါ