Monday, March 31, 2008

လက်တွဲဖော်


ဘ၀မှာ လက်တွဲဖော်က ဘယ်လိုအရည်အချင်းရှိရမယ် လို့ ငယ်တုန်းကတော့ စိတ်ကူးယဉ်ခဲ့ မိတာပါပဲ။

ကိုယ့်ထက် စာတော်ရမယ်ဆိုတဲ့ အချက်က အဓိက အချက် အဖြစ် ထည့်ထားတဲ့အခါ ကျောင်းမှာ အမြဲ ထိပ်ပိုင်းမှာ ရှိခဲ့တဲ့ ကျမအတွက် တော်ရုံ စဉ်းစားဖို့ လူ မရှိတော့ပါဘူး။ ဒီလိုနဲ့ ၁၀ တန်းအောင်တော့ ကျမက မိဘတယောက် နိုင်ငံခြားသားဖြစ်နေတော့ အသက်မွေးဝမ်းကျောင်း တက္ကသိုလ်တွေ မတက်ရပြန်ဘူး။ ပုသိမ်ကောလိပ်မှာ ကျောင်းတက်ဖြစ်တဲ့အချိန်…။ ဒီအသက်အရွယ်ရောက်လာတော့ ကိုယ့်လက်တွဲဖော်ဟာ သာမန် ဘွဲ့ရတယောက်ဖြစ်နေယုံနဲ့ မလုံလောက်တော့ ပြန်ဘူး။ ပြီးတော့ ကျမက ကိုယ့်ရင်ခုန်သံကိုလဲ ဥပေက္ခာ ပြုလောက်အောင် လောဘကကြီးလာပြန်တယ်။ ဒီလိုနဲ့ ပုသိမ်ကောလိပ်မှာ သိပ်ကြီးကျယ်တဲ့ မိန်းမတယောက်အဖြစ် လူမုန်းများခဲ့တယ်။
အချစ်ဆိုတာကို လုံးဝ အယုံအကြည်မရှိတဲ့ မိန်းမပါပဲ။ အဲဒီအချိန်မှာ အချစ်လို့ ထင်တဲ့ အထင်ကြီးမှုကိုတော့ တွေ့ရှိခဲ့ပါသေးတယ်။ ဒါပေမယ့် အချိန်ခဏအတွင်းမှာပဲ ဒါဟာ အချစ်မဟုတ်ဘူး ဆိုတာကိုလဲ ကျမက သေသေချာချာ နားလည် နိုင်စွမ်းခဲ့ပါတယ်။

ပုသိမ်ကောလိပ်ကနေ ကျော်ပြီး မဟာသိပ္ပံတက်ဖို့ ရန်ကုန်တက္ကသိုလ် ရောက်တဲ့ အခါမှာလည်း အချစ်ကို အယုံအကြည်မရှိလို့ ကြွေးကြော်ခဲ့သေးတာပါပဲ။ အချစ်ဆိုတာ အလကားပါပဲ ၊ ငွေရှိမှ ပညာတတ်မှ အဲဒီလူမျိုးကို လက်တွဲဖော်အဖြစ် တွဲမယ်။ အဲဒါမျိုးမတွေ့ရင်လဲ အပျိုကြီးပဲ လုပ်မယ်လို့ စဉ်းစားထားတဲ့ ကျမဟာ တကယ့်ကို ဂုဏ်ဒြပ်ရှိတဲ့ ပညာတတ်မိသားစုက ဆေးတက္ကသိုလ်ကျောင်းသားတယောက်ကို ဘ၀လက်တွဲဖော်အဖြစ် စဉ်းစားခဲ့မိသေးတယ်။ အားပါးပါး ပညာတတ်ပေမယ့် စိတ်ဓါတ်တွေ အောက်တန်းကျတာလဲ ရှိနေပါသေးလားလို့ သိလိုက်ရတဲ့အချိန်မှာတော့ စောစောစီးစီးသိလိုက်ရတာ ကံကောင်းလို့ ဆိုတဲ့ သီချင်းကို အားရပါးရ ဆိုနေနိုင်ပြီပေါ့။

ခုအချိန်မှာတော့ ကျမ ပြောတဲ့ စကားတွေကို ချက်ချင်းအဓိပ္ပါယ် မပေါက်တတ်တဲ့ ၊ ကျမထက်စာတော်ပေမယ့် ကျမလောက် မသွက်လက်တဲ့၊ အင်မတန်စွာသလောက် ဒေါသကြီးတတ်တဲ့ ကျမနဲ့ ဆန့်ကျင်စွာ စိတ်ရှည်သည်းခံတတ်ပြီး ကျမလို လူမုန်းမများတဲ့ ၊ အေးပေမယ့် ခေါင်းမာမာနဲ့ သူ့လမ်းသူ ဆက်လှမ်းနေတဲ့ လက်တွဲဖော်ကို ကံကြမ္မာက ပေးအပ်ခဲ့ပါတယ်။ အချစ်ဆိုတာ မယုံကြည်တဲ့ ကျမက ခုရရှိတဲ့ လက်တွဲဖော်ကို မြင်မြင်ချင်း ရင်ခုန်ခဲ့တာတော့ မဟုတ်ခဲ့ပါဘူး။ ဒါပေမယ့် အားမလို အားမရ အမူအကျင့်တွေ ကြားထဲကပဲ သူ့ဆီမှာ ရှိနေပြီး ကျမဆီမှာ လုံးဝမရှိတဲ့ အရည်အချင်းတွေ၊ စွန့်လွှတ်နိုင်မှုတွေကို တစတစ လေးစားအထင်ကြီး လာခဲ့ပြီး ဘယ်လိုမှ ချန်ထားခဲ့လို့မရအောင် ချစ်မြတ်နိုးမှုတွေနဲ့ လက်တွဲဖို့ ဆုံးဖြတ်ခဲ့တာပါ။
(ကျမလက်တွဲဖော်မှာ ကျမသတ်မှတ်ခဲ့သလို ဘွဲ့တခု မရရှိခဲ့ပါဘူး။ ပိုက်ဆံမချမ်းသာပါဘူး။ ဒါပေမယ့် တော်လှန်ရေးသည် ငါတို့ကျောင်း ငါတို့တက္ကသိုလ်လို့ ကြွေးကြော်ရင်း တော်လှန်ရေး ဆိုတဲ့ လောကတက္ကသိုလ်ကို ခိုင်မာတဲ့ ယုံကြည်ချက်၊ မလျှော့သောဇွဲ ၊ ၀ီရိယ၊ ငုပ်မိသဲတိုင် တက်နိုင်ဖျားရောက် စိတ်ဓါတ်စတာတွေ နဲ့ ခုချိန်ထိ တက်ရောက်နေဆဲပါ)

ဒါ့ကြောင့် ကျမခုအချိန်မှာ လက်တွဲဖော်ဆိုတာကို အဓိပ္ပါယ်ဖွင့်ရရင် တယောက်လိုအပ်ချက်ကို တယောက်က ဖြည့်ဆည်းပေးနိုင်မယ့် ၊ ၂ယောက်ပေါင်းမှ ဘ၀တခုကို တည်ဆောက်နိုင်မယ့်၊ ချစ်ခင်မြတ်နိုးခြင်းတွေနဲ့ ရစ်နှောင်ထားတဲ့ ဆန့်ကျင်ဖက် လူ ၂ ယောက်လည်း ဘ၀လက်တွဲဖော် ဖြစ်နိုင်ပါတယ်လို့ ပြောပြချင်ပါတယ်။

ဒီပို့စ်ကို ဆက်လက် tag ချင်တဲ့ ဘလော်ဂါတွေကတော့..
ချစ်ခင်ရပါသော ကောင်းတူဆိုးဘက် ဘလော်ဂါ ကိုဖိုးဇေ ၊ ကိုဇန် နဲ့ ချစ်လှစွာသော တူလေး ထူးမြတ် တို့ပဲ ဖြစ်ပါတယ်။

ချစ်ခင်စွာဖြင့်
ခင်မင်းဇော်

Thursday, March 27, 2008

ပြည်တွင်းမှာ...


(ဓါတ်ပုံတွေကိုပေးပို့သော သူငယ်ချင်းရဲဘော်အား ကျေးဇူးတင်ရှိပါသည်)

ကဲ .. ဘယ်လောက်ရှင်းသလဲ.. စစ်ဖိနပ်အောက်က ပြည်သူတွေရဲ့ သဘောထား..
Summary

Rest of your post

Wednesday, March 26, 2008

ဇာတိမြေ (သို့မဟုတ်) သတိတရရှိလှတဲ့ အိမ်

ဒီခေါင်းစဉ်နဲ့ သမီး စိုးဝှက်လေးက tag တာခံထားရလေတော့ ရေးပေးပါ့မယ်ပေါ့၊ ဒီအကြောင်းအရာက ဘယ်တော့မှ မရိုးနိုင်အောင် ပြောပြနိုင်တဲ့ အကြောင်းအရာလေး မဟုတ်လား။(ဒီခေါင်းစဉ်ကို အမြန်ရေးမှ ကိုယ်ရေးချင်တဲ့ ခေါင်းစဉ်က ရေးရမှာကိုး)

တကယ်တော့ ကျမရဲ့ ဇာတိမြေဆိုတာ ကျမဘ၀ရဲ့ အနှစ်သက်ဆုံးနဲ့ ဂုဏ်အယူဆုံး နေရာလေး တခုပဲလေ။ ဧရာဝတီတိုင်း ဆိုတာ ကျမတို့ နိုင်ငံရဲ့ စပါးကျီ။ အဲဒီစပါးကျီရဲ့ မြို့တော်၊ နောက် ဂုဏ်ယူစရာ မြို့နာမည်နဲ့ ကျော်ကြားတဲ့ မုန့် ၊ ထီး ၊ ကမ်းခြေအပန်းဖြေ စခန်းတွေ နဲ့ အလှပဆုံး ဆိပ်ကမ်းမြို့လေးလည်း ဖြစ်နေသေးတယ်။
ပစောက်ပုံဆန်းဆန်းလေးနဲ့ လှပတဲ့ပုသိမ်ဆိပ်ကမ်း
ပုသိမ်ထီး အရွယ်စုံကို ဒီလိုတွေ့ရမယ်
ဓါတ်ပုံတွေကို ဒီက ယူပါတယ်

ကျမဟာ ဘ၀မှာ ပုသိမ်သူပါလို့ ဂုဏ်ယူစွာ အမြဲပြောဖြစ်တဲ့အထိ ပုသိမ်သူစစ်စစ် ဖြစ်ပါတယ်။ ကျမတို့ မြို့လေးဟာ အင်မတန်အေးချမ်း ပြီး စားဖွယ်ပေါတဲ့ မြို့ကလေး ဖြစ်လို့ ပုသိမ်ကို အစိုးရ၀န်ထမ်းအဖြစ် တာဝန်ကျပြီး သူတိုင်းဟာ သူတို့ရဲ့ အလုပ်က အနားယူချိန်မှာ ဒီမြို့ကလေးမှာပဲ အခြေချကျဖို့ စဉ်းစားကြတော့တယ်။ သူများမြို့တွေမှာ ပိုက်ဆံရှိရင်တောင် ၀ယ်ဖို့မလွယ်တဲ့ ပုဇွန်ထုပ်ကြီးတွေကို ပေါပေါများများ တွေ့ရှိရတဲ့အခါ၊ မီးဖုတ်ပြီး သုတ်စားရတဲ့ အခါမှာ ဒီမြို့မှာ လူဖြစ်ရတာ တယ်ကောင်းပါလား လို့လဲ အခါခါတွေးမိပါတယ်။ ကျမတို့ မြို့က ပုဇွန်ချဉ် မျိုး ဘယ်မြို့မှာမှ မတွေ့နိုင်ပါဘူး။ ထမင်းနဲ့ ပုဇွန်ကို ရောနယ်ထား တာမျိုး မဟုတ်ပဲ တကယ့်ကို ပုဇွန်ချဉ်တုံးလေးမှာ ထမင်း ကိုမနည်းရှာရအောင် အသားများ သလို အရသာလဲ သိပ်ကောင်းပေါ့။ ကျမတို့ မြို့ရဲ့ ဟာလ၀ါ၊ ပုသိမ်ထီး တွေဟာလဲ မြို့အမှတ်တံဆိပ် မဟုတ်ပါလား။ ဘယ်နေရာရောက်ရောက် ပုသိမ်ကဆိုတာနဲ့ ပုသိမ်ဟာလ၀ါအကြောင်း ချီးမွမ်းကြတာပဲ ကြားရပါတယ်။

ကျမတို့ အိမ်ကိုလာလည်တဲ့ တောင်ပေါ်ဒေသက သူငယ်ချင်းတွေဆိုရင် ကျောက်ပုဇွန်ကို မီးဖုတ်ကျွေးတော့ ဒါ အပြင်မှာ တကယ်ရှိတာကိုးတဲ့။ သူတို့က အရုပ်ပဲ ရှိမယ် ထင်တာတဲ့။ အော် ချိုလိုက်တာ ဆိုပြီး သူ့အမေကို သတိတရနဲ့ ကျွေးချင်လိုက်တာတဲ့။
အင်း ကျမက အစားအသောက်မက်သူဆိုတော့ အစားအသောက်ချည်း ပြောတယ် ဖြစ်ဦးတော့မယ်။ တကယ်တော့ စားဝတ်နေရေး လို့တောင် ဆိုထားသကိုး။ အစားကို အရင်ပြောရတော့မပေါ့။ ကျန်တာကတော့ အခြားမြို့တွေလိုပါပဲ။

ကျမရဲ့ ဇာတိမြို့ကလေးမှာ ကျမတို့ငယ်စဉ်က နေခဲ့ရတဲ့ အိမ်ကတော့ ၂ထပ်ဆိုပေမယ့် အင်မတန်ကျဉ်းတဲ့ တိုက်ခန်းကျဉ်းကျဉ်းလေး ၊ အဲဒီကျဉ်းကျဉ်းလေးမှာပဲ ကျမတို့ မောင်နှမ ၃ ယောက်စလုံး ၁၀ တန်းအောင်ခဲ့ကြတယ်။ ကျမ တို့အိမ်မှာ စည်းကမ်းကောင်းလွန်းလို့ဆိုပြီး (တကယ်က စည်းကမ်းကြီးလွန်းတာ) လာပြီး ကျောင်းတက်ခိုင်းတဲ့ မောင်နှမ ၀မ်းကွဲတွေကလည်း နှစ်စဉ် အနည်းဆုံး ၁ ယောက်ကနေ ၃ ယောက်ထိရှိနေတယ်။ နောက် မိဘတွေ ဆုံးမမရတဲ့ (ဆေးသုံးတဲ့ မောင်ဝမ်းကွဲ၊ အရက်သောက်တဲ့ အကိုဝမ်းကွဲ၊ ရည်းစားများတဲ့ အမ၀မ်းကွဲ) စသဖြင့် အမျိုးဝမ်းကွဲတွေကိုလည်း ပို့ထားတတ်သေးတယ်။ ကျမတို့ရဲ့ အကျင့်ကောင်းတွေ ကူးသွားစေဖို့ ဖြစ်မယ် ၊ (ဟဟ) ဆွေမျိုးစုများရဲ့ စည်းကမ်းထိန်းသိမ်းရေး အိမ်ပေါ့လေ။ အဲဒီလိုပဲ လူခပ်များများနဲ့ အိမ်မှာ နေခဲ့ရတာမို့ အိမ်မှာ လူနည်းနေရင်တောင် သိပ်မနေတတ်တော့ဘူး။ ပြီးတော့ ကျမတို့အမျိုးတွေက တအိမ်နဲ့တအိမ်လဲ ကူးလူးဆက်ဆံမှု အရမ်းရှိတဲ့ အမျိုးဆိုတော့ အမြဲပဲ ကျောင်းပိတ်ရက် ဈေးပိတ်ရက်တွေမှာ ပျော်ပွဲစားထွက်လိုက် ၊ ဟိုမြို့သွားလည် ဒီမြို့သွားလည်တွေလဲ လုပ်ကြသေးတယ်။ အဲဒီအကျင့်က ခုထိပါတုန်း။ အိမ်ကို ဧည့်သည်လာရင် သူသွားချင်လား မသွားချင်လားမသိ ကိုယ်သွားချင်တဲ့ နေရာတွေချည်း လိုက်ပို့ပစ်တတ်တယ် (ဟိ)

နောက်ကျမတို့ အိမ်အသစ်ဆောက်တော့ ၂ထပ်အိမ် အကျယ်ပေ၂၀ အရှည် ၄၆ ပေပေါ့။ အရင်အိမ်နဲ့ သိပ်မဝေးတော့ အရင်အိမ်မှာလည်း နေ၊ အိမ်အသစ်မှာလဲနေ ဆိုတော့ ဘာပြောကောင်းမလဲ ၊ အိမ်မှာ ဧည့်သည်ပြတ်တယ်ကို မရှိတောဘူ့း၊ အမျိုးတွေတင် မကတော့ဘူး။ အသိမိတ်ဆွေတွေ လာလဲ တည်းအိမ်ကို ဖြစ်လို့။ ကျမအမေက လာသမျှဧည့်သည် ထမင်းမစားပဲ မပြန်ရဘူး။ ကျမတော့ အဲဒီအိမ်ကိုလည်း ခဏခဏ လွမ်းတယ်။ အခု သူများတိုင်းပြည်မှာ သူများအိမ်ကို ငှားနေလို့ အဆင်မပြေဖြစ်တိုင်း လူတွေများများနဲ့ ပျော်ပျော်ရွှင်ရွှင်နေခဲ့ရတဲ့ ကျမတို့ရဲ့ ဇာတိအိမ်လေးကို အရမ်း ပြန်ချင်စိတ် ဖြစ်မိတယ်။ အခုအိမ်ရှင်က ဂဂျီဂကြောင် ကျတဲ့အခါတိုင်း နင်တို့အိမ်လဲ နေချင်လို့ နေတာ မဟုတ်ဘူးလို့ စိတ်ထဲက အခါခါပြန်ပြောမိသေးတယ်။
ခုချိန်မှာတော့ အတောင်အလက်တွေ စုံလို့ တနေရာစီခွဲသွားကြတာမို့ ကျမတို့ အိမ်ကြီးမှာ လူနည်းနည်းလေးပဲ ကျန်နေတော့တယ်။ တချိန်ချိန်တော့ ပြန်ခွင့်ရဦးမှာပါ။

နောက် ကျမအိမ်ထောင်ကျအပြီး အိမ်ထောင်ရှင်ဘ၀ရဲ့ ပထမဆုံး အိမ်ကတော့ လွိုင်ကော်မြို့လေးမှာပေါ့။ အဲဒီမှာလည်း ခင်ပွန်းသည်ရဲ့ ရုံးမှာပဲ ပေါင်းနေရပြန်တော့ လူများများနဲ့ နေရပြန်ရော။ အီးပုံစံ ဆောက်ထားတဲ့ တထပ်အိမ်ကလေးရဲ့ ထောင့်ဆုံးအခန်းတခုက ကျမတို့ ဇနီးမောင်နှံရဲ့ ကိုယ်ပိုင် အခန်းလေးပေါ့။ တရုံးလုံးကို မြင်နေရတဲ့ အဲဒီထောင့်ဆုံးခန်းလေးကိုလည်း ကျမ နှစ်သက်မိတာပဲ။ အဲဒီကနေတဆင့် ရုံးခန်းပြောင်းတော့ ကျမတို့ နေဖို့ ဆောက်ပေးတဲ့ အိမ်ကလေးကတော့ သေးသေးလေးနဲ့ ခြေတံရှည်လေး မို့ တကယ့်ကို ချစ်စရာ ဖြစ်နေပြန်ပါရော။ နှစ်ယောက်တည်းနေရမယ့် အိမ်ကလေးမှာ ပျင်းခွင့်မရအောင် ရောက်လာတာကတော့ ခင်ပွန်းသည်ရဲ့ ရဲဘော်တသိုက်ပေါ့။ အိမ်ကျဉ်းကျဉ်းလေးရဲ့ အိပ်ခန်းကျဉ်းကျဉ်းလေး ၂ခန်းမှာ တခန်းက ကျမတို့အတွက်ဖြစ်ပြီး နောက်တခန်းမှာက အမြဲဧည့်မပြတ်၊ အဲဒီအိပ်ခန်းတင်မဟုတ်ပဲ အိမ်ရဲ့ နေရာလွတ်မှန်သမျှ ရဲဘော်တွေ ပြည့်နေတော့ အိမ်လေးကို နောက်ထပ် ၁၀ ပေထပ်ချဲ့ ၊ မီးဖိုခန်းကို ထပ်ထုတ်။ အော် … ပြန်ပြောရင်း ပြန်လွမ်းမိတယ်။ အဲဒီကနေမှ အခြေအနေ အကြောင်းကြောင်းတွေအရ တနေရာပြီး တနေရာ တဆင့်ပြီး တဆင့် နောက်ဆုံး……..ခုနေတဲ့ အိမ်ကလေး .. အင်းဒီအိမ်မှာနေရင်းလဲ လွိုင်ကော်က အိမ်လေးကို လွမ်းပြန်ရော။ ဒီမှာကတော့ တပါးနိုင်ငံဆိုတော့ ဆွေမျိုးမိဘဝေး၊ အိမ်ကိုလာလည်တဲ့ ဧည့်သည်ဆိုတာ နည်း၊ တော်တော်လေး တော့ အေးချမ်းငြိမ်သက်၊ ကိုယ်လုပ်ချင်ရာတွေ လုပ်နေနိုင်တဲ့ အခြေအနေလေးပါပဲ။ ဒါပေမယ့် စားစရာတွေ ပေါများသလို ကိုယ့်မိဘဆွေမျိုး သိုက်သိုက်ဝန်းဝန်းနဲ့ ဇာတိချက်ကြွေ မွေးရပ်မြေ ပုသိမ်မြို့လေးကိုရော.. တောရိပ်တောင်ရိပ်တွေနဲ့ အေးချမ်းလှတဲ့ လွိုင်ကော်ဆိုတဲ့ တောင်ပေါ်ဒေသက မြေပြန့်လေးကိုရော.. သတိတရရှိနေဆဲ……..။

ကျမ ဆက် Tag ချင်သေးတဲ့ လူတွေကတော့
ဘလော်ဂါဘော်ဒ်ါကြီးများ ဖြစ်သော
၁)ပိတောက်ရိပ်က ကိုပေါ
၂)ကိုဂျူလိုင် အိပ်မက်
၃) လုံးဝ အလုပ်ရှုပ်နေပါသော ကိုဇီးရိုး တို့ ဖြစ်ပါကြောင်း…

Monday, March 24, 2008

ကန့်ကွတ်မဲသာ သွားထည့်ပါ


ခုတလော ကြားနေရတာတွေက ပြည်သူ့ဆန္ဒခံယူပွဲမှာ ကန့်ကွက်မဲသွားထည့်မလား။ မဲသွားမထည့်ပဲ သပိတ်မှောက်မလား ။ ဒီလူထုဆန္ဒခံယူပွဲ ကိုပဲ အပျက်ဖျက်မလား။ ဒါတွေကို ပဲ ကိုယ့်အယူအဆနဲ့ ကိုယ် ပြောနေကြတာတွေကို ဖတ်နေကြားနေရပါတယ်။

မဲသွားမထည့်စေချင်သူတွေက ၁၉၉၀ ရွေးကောက်ပွဲ ရလဒ်ကို မပျက်စေချင်ရင် မဲသွားမထည့်ပါနဲ့တဲ့။ ကျမကတော့ အဲလိုမတွေးမိဘူး။ ၁၉၉၀ ရွေးကောက်ပွဲ ရလဒ် ကို ထပ်မံအတည်ပြုပေးဖို့ ကန့်ကွက်မဲကို သွားထည့်ဖြစ်အောင် ထည့်ပေးရပါ့မယ်။

ဒီဆန္ဒခံယူပွဲကို အသိအမှတ်မပြုဘူး ဆိုပြီး သပိတ်မှောက်မှာကိုတော့ မကြိုက်မိပါဘူး။ နိုင်ငံတကာ နားလည်မှုအရ မဲမထည့်သူတွေကို ကြားနေအဖြစ် မသတ်မှတ်ကြဘူး။ ကြားနေသူတွေဟာ ဘာတွေပဲ လုပ်လုပ် ထောက်ခံတယ်လို့ ယူဆကြလို့ပါပဲ။ ဒါ့ကြောင့် မဲမထည့်ခဲ့ရင် ဒီဥပဒေကြီးကို ဘယ်အဖွဲ့က ဘာပဲ လုပ်လုပ် လက်ခံတယ်လို့ သဘောသက်ရောက်သွားပါမယ်။

သပိတ်မှောက်ကြလို့ ပြောတာတခုတည်းအရဆိုရင်တော့ ဒါဟာ နအဖ အကြိုက် ဖြစ်သွားပါဦးမယ်။ ဘာ့ကြောင့်ဆို ကန့်ကွတ်မဲ လာမထည့်လေ သူတို့ မဲလိမ်ရတာ ပိုလွယ်လေ ဖြစ်ကုန်တော့မပေါ့။ မဲသွားမထည့်ပဲ သပိတ်မှောက်ရန် တိုက်တွန်းကြသူများသည် နုအဖ ကို အားပေးသယောင် ဖြစ်နေပြီး လူထုကိုတွေဝေအောင် လုပ်နေသလို ဖြစ်နေလေပြီ။ မဲမထည့်ပဲ အိမ်ထဲမှာ နေရုံနဲ့ ပြီးမလား။ လုံးဝ ပြီးပြည့်စုံခြင်း မဟုတ်နိုင်တော့ပေ။ မဲမထည့်သည့် သပိတ်ကို ဆင်နွဲတော့မယ် ဆိုရင်ဖြင့် မဲဆန္ဒခံယူပွဲကို လုံးဝ လက်မခံကြောင်း ၊ ဒီဆန္ဒခံယူပွဲ ကျင်းပမည့် နအဖကို လုံးဝ ဆန့်ကျင်ကြောင်း ဆန္ဒပြပွဲတွေ အင်တိုက်အားတိုက် ဆင်နွဲပြီး ပြမှသာ သပိတ်မှောက်ခြင်း ထိရောက်ပါလိမ့်မယ်။ မဲသွားမထည့်နဲ့ သပိတ်မှောက်ကြလို့ တိုက်တွန်းပြီး ဒီတိုင်း ထိုင်နေသူများကိုတော့ လူလည်ကြီးများဟုသာ နာမည်ပေးလိုက်ချင်ပါတယ်။

နောက်တခုက ဆန္ဒခံယူပွဲကို ပျက်အောင် ဖျက်ဖို့ ကိစ္စ။ ဒါကိုတော့ လက်ခံပါတယ်။ ဘယ်လိုပျက်အောင် ဖျက်မလဲ။ နည်းမျိုးစုံ အကြမ်းနည်း အနုနည်း အစုံသုံးပြီး ဖျက်ရပါ့မယ်။ အဲဒါကို နအဖက အပျက်ခံမလား။ သူတို့ကလည်း သူတို့ လုပ်ချင်ရာ လုပ်နိုင်ဖို့ ဒီအဆင့်ကို ဖြတ်ကို ဖြတ်မှာမို့ နည်းနည်းတော့ ခက်ခဲနိုင်ပါတယ်။ နောက်ဆုံး တနိုင်ငံလုံး မဲရုံ ၄ ၊ ၅ ခုကျန်ရင်တောင် အဲဒါလေးနဲ့ လုပ်မယ့် သဘောရှိပါတယ်။ မဲသွားမထည့်ပဲ နေတာ ထက်စာရင် ဆန္ဒခံယူပွဲ မပျက်ဖျက်အောင် ဖျက်မယ့် အချက်ကို ကျမက လက်ခံပါတယ်။ ဒီလူထုဆန္ဒခံယူပွဲ ပျက်အောင် ဖျက်ဖို့က မစမချင်း လုပ်ကိုလုပ်ရမယ်။ မေလ ဆန္ဒခံယူပွဲ မစမချင်း ဒီအစိုးရပြုတ်ကျ သွားသည်ထိ တိုက်ထုတ်နိုင်မယ်ဆိုရင် အကောင်းတကာ့ အကောင်းဆုံး ဖြစ်မှာပါ။

ကဲ ပျက်အောင် ဖျက်နေရက်နဲ့ လုပ်ခဲ့ရင်တော့ ကန့်ကွတ်မဲ ပေးကို ပေးရမယ်။ လူထုက သူတို့ နအဖတွေ လိုရာဆွဲရေးထားတဲ့ ဥပဒေကို လုံးဝလက်မခံဘူး ဆိုတာကို တခဲနက် ပြသင့်တယ်။ ကန့်ကွက်မဲ ပေးတာဟာ လမ်းပေါ်မှာ ထွက် ဆန္ဒပြတာထက် စာရင် လူတိုင်း လုပ်နိုင်တဲ့ အလုပ်ဖြစ်နေပါသေးတယ်။

နောက် တချို့က မေးထားတယ်။ ကန့်ကွက်လိုက်လို့ နောက်ဥပဒေအသစ် ထပ်ရေးမယ် ဆိုရင် ထပ်စောင့်ရမှာ လား တဲ့။ ကန့်ကွတ်ပြီး နိုင်လိုက်ပါပြီတဲ့ ဘာဆက်လုပ်ကြမလဲတဲ့။

ဒီဥပဒေကို ၁၄ နှစ်လောက်ဆွဲတာတောင် မကြိူက်ဘူး။ ဘာ့ကြောင့်မကြိုက်လဲဆို ပြည်သူ့လွှတ်တော်တွေ မပါလို့။ ၉၀ ရွေးကောက်ပွဲ ရလဒ်ကို အသိအမှတ်မပြု။ ၉၀ တုန်းက ပြည်သူ့ဆန္ဒတွေကို အသိအမှတ်မပြုလို့ ၊ စစ်ဗိုလ် ၂၅ ကျပ်သားနဲ့ အာဏာအကုန် ယူထားမှုကို လက်မခံနိုင်လို့၊ ဒါ့ကြောင့် ပြတ်ပြတ်သားသား လက်မခံကြောင်း ကန့်ကွတ်မဲပေးထားတယ်။ ဥပဒေ ရေးဆွဲခွင့်ရှိသူတွေကိုသာ ရေးဆွဲခွင့်ပေးဖို့ လူထုက ဆက်လက် တိုက်ပွဲဝင်ရတော့မှာပေါ့။ သူတို့တွေ ၁၉၉၀တုန်းကလို ငါတို့နိုင်မှာပဲ ဆိုပြီး အယုံကြည်လွန်ပြီး မဲမလိမ်နိုင်ခဲ့လို့ ကန့်ကွက်သူတွေ နိုင်ခဲ့ရင်လဲ လူထု ဆန္ဒပြပွဲတွေနဲ့ ဆက်လက် ဖိအားပေးရမယ်။ မဲလ်ိမ်ခံလိုက်ရလို့ ရှုံးတယ်ဆိုရင်လဲ မဲလိမ်တာတွေ ဖော်ထုတ်လို့ ဆန္ဒပြပွဲတွေ ဆက်လက် ဖော်ဆောင်ရဦးမယ်။

လူထုတိုက်ပွဲကို သိတာပေါ့။ ဒါပြီးရင် ဘာဖြစ်ဦးမလဲ ဘာလုပ်ရဦးမှာလဲ ဆက်မေးချင်သူတွေ ရှိနေပါဦးမယ်။ အင်း … လူထုကို ဘယ်လောက် လိုက်ပါနိုင်အောင် စည်းရုံးနိုင်မလဲ ဆိုတဲ့အဖြေပေါ်မှာ မူတည်နေပါသေးတယ် ဆိုတာကိုပဲ ဖြေထားလိုက်ပါဦးမယ်။ ဘာ့ကြောင့်ဆို ကျမကိုယ်တိုင်က လူထုနဲ့ အတူ ရှိမနေနိုင်သေးချိန် မဟုတ်ပါလား။

နအဖ အနေနဲ့ကတော့ ဒီလူထု ဆန္ဒခံယူပွဲကို ဖြစ်အောင်လုပ်မယ် ။ နိုင်အောင် လုပ်မယ်။ ဒါသူတို့ လုပ်ကို လုပ်မယ့် အရာဆိုတာကိုတော့ ပြတ်ပြတ်သားသား လက်ခံထားနိုင်ရမယ်။ အခုတောင် ၀န်ကြီး ဌာနတွေအလိုက် မဲထည့်ရမယ်။ ၀န်ထမ်းတွေ ကိုယ့်ရုံးမှာ ကိုယ်မဲထည့်ရမယ်။ ၀န်ထမ်းမိသားစုတွေ လဲ မဲကို ရုံးမှာ ပဲ သွားထည့်ရမယ် အဲလိုတွေ ကြားနေရပါတယ်။ သူတို့ မနိုင် နိုင်အောင် လုပ်မယ့် လက္ခဏာတွေပါပဲ။ ၀န်ထမ်းတွေ မဲမထည့်ပဲ နေရဲမလား။ အဲဒါကို ထည့်တွက်ပေးရပါဦးမယ်။

ဒါ့အပြင် ဘယ်လို မဲထည့်တဲ့စနစ်လဲ ဆိုတာ ခုထိမပြောသေးပါဘူး။ ၁၉၉၀ ရွေးကောက်ပွဲ တုန်းက ကိုယ်ထောက်ခံမဲ ထည့်မယ့် ပါတီရဲ့ ဘေးမှာ ကြက်ခြေခတ် တံဆိပ်နှိပ်ခိုင်းတာကို မှတ်မိဦးမယ် ထင်ပါတယ်။ ကိုယ်ထောက်ခံရင် အမှန်ပဲ ခြစ်ပေးနေကျ ပြည်သူ လူထုကို ယောင်မှား သွားလောက်အောင်ကို ညစ်ခဲ့ဖူးတာပါ။ အဲဒီအချိန်တုန်းက လူထုကြားထဲကို ဆင်းပြီး မဲထည့်ပုံထည့်နည်းကို သင်ကြားပေးဖို့ အချိန်အနည်းငယ် ရရှိခဲ့ပေမယ့် ခုတော့ အဲဒီလို အခွင့်အရေးတောင်မှ မရနိုင်သေးပါဘူး။ ကန့်ကွက်မဲကို ဘယ်လိုတံဆိပ်နှိပ်ရမယ်။ မဲတပုံးထဲမှာလား ။ ထောက်ခံ ကန့်ကွတ် ၂ ပုံးထားမှာလား ဘာကိုမှ မကျေညာသေးပဲ နအဖက ကလိမ်ဥာဏ် ဆင်ဖို့ စောင့်နေဆဲပါ။

ဘာတွေ ဘယ်လိုပဲ ညစ်ညစ် ပြည်သူတွေရဲ့ အသဲကြားက မဲတပြားကိုတော့ တန်ဖိုးရှိရှိ သုံးစေချင်ပါတယ်။ ကိုယ်ရဲ့ တာဝန်သိတတ်မှုနဲ့ နအဖကို တွန်းချဖို့ မဲရုံတွေကို သွားရောက်မဲထည့်ဖို့ နှိုးဆော်ပေးသင့်ပါတယ်။ လုံးဝမဲမထည့်ရေးဟာ နအဖ အတွက် အကြိုက်တွေ့သွားမယ့် အစီအစဉ်ပါပဲ။ မဲလာထည့်သူတွေရဲ့ ၅၀ ရာနှုန်းကျော် ထောက်ခံခဲ့ရင် အတည်ဖြစ်သွားမယ်လို့ ပြောထားပြီးသားကိုလည်း မမေ့သင့်ပါဘူး။
နောက်ဆုံးမှာ သူတို့ ရဲ့ ၂၀၁၀ ရွေးကောက်ပွဲဆိုတာ လုံးဝကို ရောက်လာစရာ အကြောင်းမရှိဘူး။ ထည့်ကို တွက်စရာမလိုဘူးလို့ ကိုယ်ပိုင် အတွေးနဲ့ ထင်မြင်ထားပါတယ်။

ချစ်ခင်စွာဖြင့်

Thursday, March 20, 2008

ဘ၀ ဒိုင်ယာရီ အမှတ် တစ် အပိုင်း (၇)


အပိုင်း (၇)


နေ့ရက်တွေ ကြာလာတာနဲ့အမျှ ဒီနေရာကနေ အမြန်ထွက်ခွာချင်လာတယ်။ သူတို့တွေက တနေ့ခေါ်မေးလိုက် ဒီတိုင်းပစ်ထားလိုက်နဲ့ စိတ်ဓါတ်စစ်ဆင်ရေး လုပ်နေတာပဲ ဖြစ်မယ်လို့ ကိုယ့်ကိုယ်ကို အားပေးရင်း ကျော်ဖြတ်ရတာကတော့ ဘ၀မှာ နောက်တွေ့မယ့် ဒုက္ခတွေကို ခပ်ပျော်ပျော် ဖြတ်သန်းရအောင် လေ့ကျင့်ပေးလိုက်သလိုပဲ။ စိတ်သိပ်တိုတတ်ပြီး စောင့်ရတာကို လုံးဝ သည်းမခံနိုင်တဲ့ ကျမအတွက် အချိန်ဆိုတာ ဂရုစိုက်လို့ မရအောင်ကို စိတ်ကို ဆွဲဆန့် ထားလိုက်ရတဲ့ အချိန်ကာလတွေပါပဲ။
ကိုယ့်ထွက်ချက်တွေကို လက်မှတ်လာထိုးရင် ဒီနေရာက ထွက်ရပြီသာမှတ်လို့ ပြောပြဖူးတဲ့ သူငယ်ချင်းတယောက်ကို ခုထိ ဘာလို့ လက်မှတ်လာမထိုးသေးတာလဲ လို့ စိတ်ကူးနဲ့ အခါခါမေးနေမိတာလဲ နေ့တိုင်းရဲ့ အချိန်တိုင်းပါပဲ။ လူတွေနဲ့ တွေ့ချင်စိတ်၊ စကားပြောချင်စိတ်တွေကို ထိန်းထားရတာလဲ တော်ရုံ သည်းခံလို့ မရပါဘူး။ ခုလိုအချိန်ကာလမှာ နေရတော့မှ ပတ်ဝန်းကျင် အသိုင်းအ၀ိုင်း ဆိုတာ လူတယောက် ရှင်သန်ဖို့ တကယ့်လိုအပ်ချက်ပါလား ။ လူဆိုတာလဲ သစ်ပင်တွေလိုပဲ ။ ရေမြေလေ သဘာဝတွေ လိုအပ်သကိုးလို့ ကိုယ့်ဖာသာ ကောက်ချက်တွေ ဆွဲလို့ ပညာတတ် ဆန်ဆန် တွေလဲ တွေးတတ်လာခဲ့ပြီ။


အံ့သြစရာ တခုကို ဒီရက်ပိုင်းမှာ တွေ့လိုက်ရတယ်။ အဲဒါကတော့ ကျမဆီကို နန္ဒသိန်းဇံ စာအုပ်တွေ အတွဲလိုက် လာပို့ပြီး အခန်းထဲက မီးလုံးကို ဖွင့်ပေးလိုက်တာပါပဲ။ ကျမနဲ့ ဆွေးနွေးတဲ့ တယောက်က ကျမ ဘာစာအုပ်တွေ ဖတ်သလဲ မေးခဲ့တုန်းက နန္ဒသိန်းဇံလို့ ပြန်ပြောခဲ့တာကို ကျမက မေ့နေပေမယ့် အဲဒီလူက စာအုပ်တွေ လာပို့ပေးသွားမှ ကျမက သတိရမိတယ်။ ခုတော့ စစ်ကြောရေး အခန်းထဲမှာ မီးလုံးတလုံးလင်းလာတာဟာ တော်တော်လေးကို နေပျော်စရာဖြစ်နေတာပဲ။ စာအုပ်တွေ အများစုက ကျမဖတ်ပြီးသား မိတ်ကောင်းဆွေကောင်းနဲ့ ခရီးသွားခြင်း လိုစာအုပ်တွေ ပါသလို နန္ဒသိန်းဇံ ကျမ်းပြုအဖြစ် တင်သွင်းတဲ့ စာအုပ် ( ကျမ အခု နာမည်မေ့နေပြီ) လို ကျမ မဖတ်ရသေးတာတွေလဲ ပါလာတယ်။ စာအုပ်တွေကို ခေါင်းအုံးလိုက် မှောက်လိုက်၊ စာဖတ်လိုက်နဲ့ အဲဒီနေ့ ရက်ကတော့ အချိန်တွေ ကုန်မှန်းတောင် မသိဖြစ်သွားတော့တယ်။ ကျမအခန်းထဲက မီးလင်းနေပေမယ့် ကျမဘေးခန်းက ဦးလေးကြီးကို ခေါ်ထုတ်သွားတာတွေ ၊ ပြန်သွင်းလာတာတွေ ခပ်စိတ်စိတ် ဖြစ်လာနေတဲ့ အပြင် သူ့ကို တခါတခါ ပြန်မသွင်းပဲ နောက်တနေ့မှ ပြန်ရောက်လာတာတွေ အတွက်တော့ ကျမက တော်တော် စိတ်မကောင်း ဖြစ်နေတော့တယ်။ ကျမအထင်တော့ ကျမ ဒီအခန်းထဲက ထွက်ရမယ့်ရက် နီးလာနေပြီလို့ ခံစားလာရတယ်။
---------
ကျမ အိပ်ရာက နိုးနိုးချင်း မထသေးပဲ စိတ်ထဲမှာ တွေးနေမိတာ တခုရှိနေတယ်။ အဲဒါကတော့ ကျမကို သိပ်မစစ်ဆေးပဲနဲ့ ဘာ့ကြောင့် ဒီလောက်ကြာကြာ ဒီထဲမှာ ထားနေရလဲ ဆိုတာကိုပဲ။ ကျမရှေ့က အုပ်စုတွေမှာ မိန်းကလေး တွေဆိုရင် စစ်ကြောရေး ဖြတ်သန်းချိန် တပတ် လောက်ပဲ ဆိုတာကို သိထားနေတော့ ခုလို ၄ ပတ်ထဲ ၀င်လာတဲ့ ထိ ဘာ့ကြောင့် ထားသလဲ ဆိုတာကို ဘယ်လိုမှ စဉ်းစားမရဖြစ်နေတယ်။ အဲဒါကို သိချင်စိတ်ကလည်း ပို ပိုများလာတယ်။ ကျမကို လာခေါ်စစ်ပါစေ လို့ပဲ ဆုတောင်းနေတယ်။ ဒီတခါ စစ်ရင်တော့ မေးကြည့်ဦး မယ်လို့လဲ စိတ်ထဲမှာ တေးထားလိုက်တယ်။

တိုက်ဆိုင်ချင်တော့ အဲဒီလို တွေးပြီးတာ သိပ်မကြာခင်မှာပဲ ကျမကို ခေါင်းစွပ်ပြီး လာခေါ်ပြန်တယ်။ ခပ်ပျော်ပျော်တွေးမိရင်း လိုက်သွားရတာကလည်း ခြေလှမ်းတွေကို ပေါ့ပါးနေစေတယ်။ နောက် လူကလည်း တက်ကြွနေတာပဲ။

ကျမကို ထိုင်ခိုင်းတဲ့နေရာမှာ ထိုင်လိုက်တာနဲ့ ကျမလမ်းလျှောက်လာတာကို ကြည့်နေပုံရတဲ့ စစ်ဆေးမယ့်သူက စစ်ကြောရေးကို ဘာထင်နေလဲလို့ ခပ်မာမာ စဟောက်လိုက်တယ်။ ကျမကလည်း ဘာမှမထင်ဘူး လို့ ခပ်အေးအေး ပြန်ပြောလိုက်တာပေါ့။ သူက စဟောက်တော့ ကျမစိတ်ထဲမှာလဲ တင်းကနဲ ဖြစ်သွားပြီကိုး။ နင်က နောင်တ မရသေးဘူးလားတဲ့။ အင်း .. ကျမတော့ ဒီတခါ အရိုက်ခံရဖို့ ကြိမ်းသေနေပြီလို့လဲ စိတ်ထဲမှာ ကြိုတွေးထားလိုက်တယ်။ နောင်တက ဘာကို ရ ရမှာလဲ လို့ ပြန်မေးလိုက်တော့ မရယ်ချင့် ရယ်ချင်နဲ့ ဖြစ်ညှစ် ရယ်သံက အရင်ထွက်လာတယ်။ နင့်ကို ဒီလို ထားတာတောင် နင်မသိသေးဘူးလားတဲ့။ ကျမအတွက် နောင်တ ရစရာ ဘာမှ မလုပ်ခဲ့ဘူး။ ဒါ့ကြောင့် ဘာကို နောင်တရ ရမှာလဲ နားမလည်ဘူးလို့ ပြောလိုက်တော့ နင်က တော်တော် သတ္တိကောင်းနေပါ လားတဲ့။ ကျမလဲဒေါသထွက်ပြီး လုပ်ရဲတာ သတ္တိမဟုတ်ဘူး။ ခံရဲတာ သတ္တိလို့ ဗိုလ်ချုပ်အောင်ဆန်း ပြောဖူးတယ်လေ လို့ ဖြစ်ချင်ရာဖြစ် ရိုက်ချင်လဲ ရိုက်ဆိုပြီး ပြန်ပြောပစ်လိုက်တယ်။

ကျမမျှော်လင့်ထားတဲ့ လက်သီးတွေဘာတွေတော့ ရောက်မလာခဲ့ပါဘူး။ နင်ပြန်တော့ ဆိုတဲ့ စကားသံထွက်လာပြီး ကျမ ပြန်လာခဲ့ရတယ်။ ကျမ အခန်းကို ရောက်ပြီး သိပ်မကြာခင်မှာပဲ နောက်ထပ် တံခါးခေါက်သံထွက်လာပြီး ကျမ တချိန်လုံးမျှော်လင့် နေတဲ့ လက်မှတ် ထိုးဖို့ ကိစ္စက မြန်မြန်ဆန်ဆန် ရောက်လာပါတော့တယ်။

လက်မှတ်ထိုးဖို့ ကျမရဲ့ ထွက်ဆိုချက်တွေကို ကျမက တရွက်ချင်းပြန်ဖတ်ဖို့လုပ်နေတော့ လက်မှတ်လာထိုးခိုင်းတဲ့ တယောက်က မဖတ်ရဘူး။ စာရွက်တိုင်းရဲ့ အောက်မှာ ကိုယ့်လက်မှတ်ထိုးလိုက်ပါတဲ့။ ဒါဆို ကျမလက်မှတ်မထိုးနိုင်ဘူးလို့ ပြန်ပြောပြီး မော့ကြည့်လိုက်တော့ ထွက်ချက်တွေ ပြောတဲ့နေ့က သက်သေအဖြစ် ထိုင်တဲ့လူက ခုတော့ လက်မှတ်ထိုးဖို့ လာပေးနေတဲ့လူ ဖြစ်နေပြန်ပါရောလား။ အော် တော်တော်တတ်လဲ တတ်နိုင်တဲ့ လူတွေလို့ တွေးမိရင်း လက်မှတ်မထိုးဘူး လို့ ပြန်ပေးလိုက်ပြီး ကျမအခန်းထဲ ပြန်ဝင်နေလိုက်တယ်။

ကိုယ့်ရဲ့ ထွက်ဆိုချက် ဆိုတာကို တောင် ကိုယ်တိုက်မဖတ်ရပဲ လက်မှတ်ထိုးခိုင်းတာတော့ တော်တော့်ကို လွန်လွန်းတယ်လို့ ကျမ ထင်တဲ့အတွက် အင်မတန်ထိုးချင်နေပြီး ဒါထိုးရင် ဒီနေရာက ထွက်ရမှာ သေချာနေတဲ့ လက်မှတ်ကို ကျမက မထိုးပဲ ငြင်းပစ်လိုက်နိုင်ခဲ့တယ်။ ကျမလဲ စိတ်တိုဒေါသထွက်ရင်း အိပ်ရာပေါ်မှာ ပြန်လှဲနေလိုက်တယ်။
--------
နောက်တနေ့ကို ရောက်လာပြန်တယ်။ ဖတ်စရာ စာအုပ်လဲ မရှိတော့ဘူး။ စာဖတ်နှုန်းမြန်တဲ့ ကျမအတွက် စာအုပ်တွေက ၀ါးစားရသလို ဖြစ်နေတယ်။ လက်မှတ်ထိုးဖို့ ငြင်းထားတာကို ဘယ်လို ဆက်ဖြစ်မယ် ဆိုတာကိုလဲ သိချင်နေပြန်တယ်။ ဒီနေ့တော့ သူတို့ တနည်းတလမ်း လုပ်လာဦးမှာပဲ လို့လဲ စိတ်ထဲမှာ ကြိုတွက်ထားပြီး ဘယ်လို ပြန်လုပ်နိုင်မလဲ ဆိုတာကိုလည်း ဘာလာမယ် မှန်းမသိပဲ ကြိုပြီး ရောက်တတ်ရာရာ တွေးနေမိတယ်။ တံခါးခေါက်သံကို နားထောင်နေရင်း လက်မှတ် လာထိုးပါစေလို့လဲ စိတ်ထဲက ကြိတ်ဆုတောင်းနေမိပြန်တယ်။ ဒီရက်တွေမှာ လက်မှတ်လာထိုးပြီးတာနဲ့ ကျမဟာ ဒီလိုနေရာက လွတ်ပြီး လူလူသူသူ နေရတော့မှာပဲ ဆိုတာကို အကြိမ်ကြိမ်ကြိုတွေး ကြိုပြီး ပျော်ချင်နေတာကိုး။ ဒီတခါလာထိုးခိုင်းရင် မဖတ်ပဲကို ထိုးပစ်လိုက်မယ်လို့လဲ တခါတခါ တွေးမိလိုက်ပါသေးတယ်။

ဒီလိုနဲ့ ကျမစောင့်မျှော်နေတဲ့ အချိန်က နေ့လည်တော်တော်စောင်းနေချိန်မှာ ရောက်လာပါတော့တယ်။ မနေ့က လာတဲ့ တယောက်မဟုတ်ပဲ နောက်တယောက် ဖြစ်နေတာကို စာရွက်လှမ်းယူရင်း သေချာ မြင်လိုက်ရပါတယ်။ ဒီတခါတော့ ဖတ် မဖတ်နဲ့ ဆိုတာ ဘာမှမပြောပဲ စာရွက်တွေကို လှမ်းပေးလိုက်တာပါ။ ပထမ စာမျက်နှာကို ကျမဖတ်ပြီး လက်မှတ်ထိုးလိုက်တယ်။ နောက်စာမျက်နှာကို လှန်တယ် ခပ်မြန်မြန် ဖတ် လက်မှတ်ထိုး။ နောက်တရွက် လှန် ခပ်မြန်မြန်ဖတ် လက်မှတ်ထိုး ၊နောက်တရွက် တော်တော့်ကို မြန်မြန်ဆန်ဆန်ဖတ် လက်မှတ်ထိုး တချို့စာရွက်ကို မဖတ်ပဲ လက်မှတ်ထိုး တော်တော်တော့ ဟုတ်နေတာပါပဲ။ ဒါပေမယ့် စာမျက်နှာ ၂၄ မျက်နှာ တိတိ ဆိုတာတော့ အသေအချာ မှတ်မိလိုက်ပါတယ်။

စာရွက်တွေကုန်တော့ လှမ်းပေးလိုက်ပြီး ကိုယ့်အခန်းထဲ ပြန်ဝင်နေလိုက်တယ်။ တံခါးပိတ် သော့ခတ်ပြီး ပြန်ထွက်သွားသံ ကြားလိုက်တော့ ဒီအခန်းထဲက မကြာမီသော အချိန်မှာ ထွက်ရတော့မယ် ဆိုတဲ့ အသိက ပိုခိုင်မာလာတာမို့ အခန်းထဲက မီးလုံးမှိန်မှိန်လေး အောက်မှာ နံရံတွေကို လျှောက်ကြည့်မိနေတယ်။ နောက် သစ်သားတံခါးရဲ့ ဘောင်လေးမှာ မည်သို့ပင်ဖြစ်စေ ချစ်နေဦးမည် ဒီမိုကရေစီ ဆိုတဲ့ စာကြောင်းလေးကို ဆံပင်ညှစ်တဲ့ ကလစ်နဲ့ ခပ်ဖိဖိ ခြစ်ရေးပစ်လိုက်တယ်။ တကယ်လို့ ကျမနေခဲ့တဲ့ ဒီအခန်းလေးထဲကို နောက်ထပ်ရောက်လာဦးမယ့် လူတွေ ဖတ်မိခဲ့ရင် အားတက်စေမယ်လို့ ထင်မိလို့ ဒီစာသားလေးကို ချရေးခဲ့တာပါ။

နံရံတွေပေါ်မှာ ၁ ၊ ၂၊ ၃၊ ၄ တွေကို ချရေးထားတာတွေကိုလည်း တွေ့ရပါတယ်။ သူတို့တွေက အုတ်နီခဲ ရောင်တွေနဲ့ ရေးထားတာမို့ ဒီအခန်း ထဲကို အ၀င်မှာ လမ်းက ခဲတလုံး လုံး ကို ခိုးယူကောက်ခဲ့ပြီး ခုလို ရေးရင် ရတာပဲလို့ အဲဒီတော့မှ သိတော့တယ်။ ကျမ ကလစ်ကလေးနဲ့ ခြစ်ထားတဲ့ အရာလေးတွေက မှောင်ထဲမှာမို့ ဘာမှ မမြင်နိုင်ဘူး မဟုတ်လား။ ဒီလိုနဲ့ ဒီအခန်းလေးကို အသေအချာလိုက်ကြည့်နေရတာကို သဘောကျနေ ပြန်ရော။ ခုလို ဆိုတော့လဲ ဒီနေရာကလေးက ထွက်သွားရတော့မှာ ပျော်သလိုလွမ်းသလိုပါပဲ။ ဒီလိုနဲ့ အိပ်ရာပေါ်ကို ပြန်လှဲနေရင်း လာခေါ်မှာကို ပဲ စောင့်နေလိုက်တော့တယ်။

သိပ်မကြာခင်မှာပဲ တံခါးသော့ဖွင့်သံ ၊ တံခါးဖွင့်သံတွေနဲ့ အတူထမင်းလာပို့တဲ့ အမတွေ အသံကြားလိုက်ရတော့ ညနေစာ ကျွေးဖို့တောင်လာနေပြီဆိုပြီး ထမင်းစားဖို့ ထထိုင်စောင့်နေလိုက်တယ်။ အဲဒီအမတွေက အခန်းတံခါးဝကို ရောက်လာပြီး ညီမ ရေချိုးမလားလို့ လာမေးတော့ တော်တော်အံ့သြသွားတယ်။ ဒီရောက်တာ ကြာလှပြီးတခါမှ ရေမချိုးရသေးတာမို့ အင်း လို့ ဖြေလိုက်တော့ သူတို့လက်ထဲမှာ ကျမ လာတုန်းက သိမ်းထားတဲ့ ကျမရဲ့ အ၀တ်အစားအိတ်ကလေးပါလာတာကို တွေ့ရတယ်။ အ၀တ်ထုတ်ကို လှမ်းယူပြီး ခေါင်းပါလျှော်ချင်တယ် ဆိုပြီး ပြောတော့ ခဏလေးစောင့်နော် ဆိုပြီး တယောက်က ထွက်သွားတယ်။ နောက် သူပြန်လာတော့ မဉ္ဖု ခေါင်းလျှော်ရည် ဗူးသေးတဗူးပါလာတယ်။ ရေချိုးခန်း အိမ်သာ တွဲနေတဲ့ အခန်းထဲမှာ ၀င်ပြီး ရေချိုးတော့ အဲဒီ ခေါင်းလျှော်ရေဗူးသေး တ၀က်လောက်ကို ကုန်သွားအောင် သုံးပစ်လိုက်တယ်။ ကဲ မှတ်ကရောဆိုပြီး ခေါင်းတခါလျှော်လိုက် ။ ရေလောင်းလိုက် ထပ်လျှော်လိုက်နဲ့ လုပ်ပစ်တာပေါ့။ ရေမိုးချိုးပြီး အကျီ င်္လုံချည်လဲ ၊ ပြီးတော့ ထမင်းကျွေးမယ် ထင်တာ မကျွေးပဲ အပြင်ကို အထုပ်တွေပါ သယ်ခိုင်းပြီး ခေါ်လာပြန်တယ်။ ခေါင်းစွပ် စွပ်ခေါ်လာတာမို့ ဘယ်ကိုမှန်း မသိပေမယ့် ဒါဟာ ဒီနေရာက အပြီးထွက်ရတော့မယ် ထင်တယ်ဆိုတဲ့ အတွေးက ပိုလို့ ရှင်သန်လာတော့တယ်။

စားပွဲတခုရှေ့မှာ ရပ်နေတုန်းမှာ ဘာပြောချင်လဲ ဆိုတဲ့စကားသံ ကြားရတယ်။ ပြောစရာမရှိဘူးလို့ ကျမကပြောတော့ နင့်ကို ဒီနေရာကနေ ပြန်လွှတ်တော့မယ်။ နင်ဥပဒေအရ ရင်ဆိုင်နိုင်ပါတယ်တဲ့။ ဟုတ်ကဲ့ လို့ ပြန်ပြောတော့ ကဲ သွားလို့ရပြီတဲ့။ အားပါးပါး ပြန်လွှတ်တော့လဲ လွယ်သားပါလား လို့ တွေးရင်း ၀မ်းသာအားရ လှည့်ထွက်လိုက်တယ်။ ကျမကို ပြန်ပို့မယ့် ကားဆီကို ခေါင်းစွပ်ရက် ခေါ်သွားတဲ့အခါ အထုပ်ဆွဲ ရေဗူးပိုက်ရင်း အားရပါးရ လျှောက်လိုက်လာမိပါတော့တယ်။


(ခုလို စိတ်ရှည်လက်ရှည် စောင့်ဖတ်ပေးသူများ အားလုံးကို ကျေးဇူးအထူးတင်ပါတယ်။ ထောင်ထဲကို အသွားလမ်းနဲ့ ထောင်တွင်းအတွေ့အကြုံတွေကိုတော့ အမှတ် နှစ် အဖြစ် မှတ်မိသလောက် ဆက်ရေးမယ်လို့ စိတ်ကူးထားပြီးသားပါ။ ဒါပေမယ့် ခုအချိန်က အရေးကြီးတဲ့ ပြည်သူ့ဆန္ဒခံယူပွဲနဲ့ ပတ်သတ်တာတွေလဲ ရေးတင်ဖို့ လိုမယ် ထင်လို့ အဲဒီပို့စ်တွေ တင်ချင်ပါသေးတယ်။ ကွန်ပျူတာ ဗိုင်းရပ်ထိသွားမှု၊ အင်တာနက် လိုင်းသစ်ပြောင်းလျှောက်နေရမှု၊ အလုပ်ပိနေမှုတွေ ကြောင့် ကြန့်ကြာနေမှုအားလုံးကို ခွင့်လွှတ်သည်းခံရင်း အားပေးကြလို့ အရမ်းကို ကျေနပ်မိပါတယ်။)

ချစ်ခင်စွာဖြင့်
ခင်မင်းဇော်

Monday, March 10, 2008

ဘ၀ဒိုင်ယာရီ အမှတ်တစ်(အပိုင်း ခြောက်)

အပိုင်း(၆)

ကျမ ဘေးနားက ကျောင်းသားလေးကို နောက်နေ့ နေ့လည်မှာ စစ်ကြောရေး ခေါ်ထုတ်သွားသံ ကြားနေရတယ်။ ကျမကို ဘယ်အချိန်လာခေါ်မယ် မသိပေမယ့် စောင့်နေမိတယ်။ နောက်ပိုင်း ရက်တွေမှာ တရားသူကြီးဆီက စစ်ချက်တွေကို ကျမလက်မှတ်ထိုးရဦးမယ် ဆိုတာသိနေတော့ လာထုတ်ဦးမယ် ဆိုတာ ကြိမ်းသေနေတယ်။ ဒါပေမယ့် အဲဒီနေ့က လုံးဝလာမခေါ်ဘူး။ ဘေးက ကျောင်းသားလေး တနေ့လုံး တညလုံး ပြန်လာပို့သံ မကြားရဘူး။ သူ့အခန်းတံခါးဖွင့်သံပိတ်သံကို စောင့်နားထောင်နေရင်း တညလုံး သိပ်ပြီး အိပ်လို့မရခဲ့ဘူး။ ဒါနဲ့ နောက်နေ့ မနက်ဖက် အသံတွေနားထောင်ရင်း ပြန်အိပ်ပျော်သွားလိုက်တာ ထမင်းစားဖို့ တံခါးလာဖွင့်ချိန်ကျမှ နိုးတယ်။ထမင်းကို စားရင်း သွားမတိုက်ရတဲ့ ရက်တွေအတွက် ကိုယ့်ကိုယ်ကို သနားနေမိတယ်။ နောက် ရေမချိုးရတာ အကျီ င်္ မလဲရတာ ကြာနေတာတွေကို အတွေးရောက်သွားမိတယ်။ စိတ်တိုတိုင်း အခန်းကျဉ်းလေးထဲ လမ်းထလျှောက်နေမိတာ။ ခုန်ပေါက်နေမိတာ မို့ ချွေးတွေ ထွက်သွားတိုင်း အကျီ င်္နဲ့ဆွဲသုတ်ထားလို့ အောက်နားက ပန်းဖောက်ထားတဲ့ စပို့ရှ့ပ် နို့နှစ်ရောင် လေးက ကာကီရောင်ဖြစ်နေပြီ။ နောက်ပြီး အောက်နားကပန်းတွေလဲ ပြတ်ပြီး ဖွာလန်ကျဲနေပြီ။ အင်မတန် အအိပ်မက်ခဲ့တဲ့ ကျမလဲ အိပ်ရာထဲမှာ လှဲနေရလို့ ဖနောင့်နေရာတွေလဲ နာနေပြီး လှဲနေတိုင်း အိပ်မပျော်နိုင်တော့ဘူး။ အချိန်ကာလတွေက အကုန်မြန်လိုက်တာလို့ ညည်းညူတတ်သူတွေကို ဒီအခန်းထဲမှာ ပြောင်းလဲထားဖို့ ကောင်းမယ်လို့ ရောက်တတ်ရာရာလဲ တွေးတတ်နေပြီ။

ဘေးအခန်းက ကောင်လေး ပြန်မလာတော့တာ တရက်ကျော်သွားပြီမို့ သူလွတ်သွားပြီဆိုတာ သေချာသွားပြီ။ ကလေးအရွယ်ကျောင်းသားလေး တယောက်အနေနဲ့ သူရောက်ခဲ့တဲ့ ရက်အနည်းငယ်အတွင်းမှာ ခံစားရတဲ့ ဒဏ်ရာ တွေက သူ့ကို နိုင်ငံရေးနဲ့ ဝေးအောင် လုပ်လိုက်မလား။ ဒါမှမဟုတ် ငါ့ထက် ဆိုးတဲ့လူတွေတောင် ရှိနေသေးတာကို လက်တွေ့ သိလိုက်ရပြီဆိုပြီး အရင်ထက် ပိုလို့ နိုင်ငံအရေး လူ့အခွင့်အရေး အတွက် အလုပ်လုပ်မလား ဆိုတာကိုလဲ မသိနိုင်တဲ့အခြေအနေကနေ သိချင်နေပြန်သေးတယ်။ ကျမ အခန်းရဲ့ တံခါးကို ဘယ်အချိန်သော့လာဖွင့်ပြီး စစ်ချက်ကို ပြန်ဖတ်ပြတာ နားထောင်ရမလဲ။ စစ်ချက်အတွက် လက်မှတ် ဘယ်တော့လောက် ထွက်ထိုးရမလဲ ဆိုတာကို စောင့်နေရင်းကပဲ ဒီနေရာက ထွက်ရတော့မယ့်ရက် နီးတော့လာနေပြီလို့ အားတင်းထားရတယ်။

တပတ်တခါ ပြောင်းနေတဲ့ ဆေးတပ် ၊ ဆက်သွယ်ရေးတပ် ၊ ထောက်ပံ့ရေး တပ်ဆိုတဲ့ တံဆိပ်လေးတွေကို မှတ်သားနေရင်းနဲ့ ပထမဆုံး ရောက်စက တွေ့လိုက်ရတဲ့ ထောက်ပံ့ရေး တပ်အလှည့်ပြန်ရောက်နေတာမို့ သူတို့တွေက အမမလွတ်သေးဘူးလားလို့ ရေဗူးလာဖြည့်ပေးရင်း မေးတာကိုလဲ ရယ်ကျဲကျဲ နဲ့ ဟင့်အင်းလို့ ပြန်ဖြေနိုင်ခဲ့ပြီ။

တနေ့နေ့လည်ဖက် ထမင်းစားပြီးလို့ ကွက်ပျစ်ကလေးမှာ လှဲနေရင်း ဟိုမရောက် ဒီမရောက်အတွေးတွေနဲ့ မျက်လုံးမှိတ် ထားတုန်း သံတိုင်ပြတင်းပေါက်ကလေး ဖျတ်ကနဲပွင့်လာပြီး အခန်းထဲကို အထုတ်တထုတ်ပစ်ထည့်လိုက်တာကို မြင်လိုက်ရတယ်။ တံခါးက ချက်ချင်းဆိုသလို ပြန်ပိတ်သွားတာကိုပဲ တွေ့လိုက်ရပြီး ဘယ်သူလဲ ဆိုတာ မတွေ့လိုက်ရဘူး။ အခန်းအလယ်တည့်တည့်ကို ရောက်လာတဲ့ အထုတ်ကလေးကို
သွားကောက်ကြည့်လိုက်တော့ စမ်းမိတဲ့ အတွေ့အရ မုန့်ထုတ်ဖြစ်နေတာကို ခံစားသိလိုက်ရတယ်။ ဒါနဲ့ ဖွင့်လိုက်တော့ ကျမတကယ့်ကို ကြိုက်နှစ်သက်တဲ့ တရုပ်မုန့်တွေ၊ ဒါ့ထက်ကောင်းတာက တရုပ်မုန့်ထဲက ကျမ အကြိုက်ဆုံး မုန့်တခုဖြစ်တဲ့ ပဲမုန့် ဖြစ်နေတာကိုတွေ့လိုက်ရတယ်။ ရေဘူးလေးကို ဘေးနားကို ယူလိုက်ပြီး ဘာကိုမှ မတွေးမိပဲ မုန့်တွေကို ပါးစပ်ထဲကို အမြန်သွင်းလိုက် တခုပြီးတခု စားနေလိုက်နဲ့ ၄ ၊ ၅ ခုလောက်ပါတဲ့ အထုပ်ကလေး ကုန်သွားမှ အော် ကုန်သွားပါလားလို့ သတိရတော့တယ်။

ရေသောက်လိုက်စားလိုက် ဆိုတော့ ဗိုက်ကလဲ တော်တော်တင်းသွားတယ်။ အိပ်ရာပေါ်မှာ ပြန်လှဲနေရင်း ကိုယ်စားခဲ့တာကို အရသာ ပြန်ခံနေရင်း ထိတ်ကနဲ အဆိပ်များ ထည့်ထားလေမလားလို့ အတွေးတစ ၀င်လာတော့ ဆတ်ခနဲ ထထိုင်ဖြစ်လိုက်တယ်။ စိတ်ထဲမှာလဲ အဆိပ်ဖြစ်နိုင်တာကို ဘာ့ကြောင့် မတွေးမိပါလိမ့်လို့ ကိုယ့်ကိုယ်ကို ဒေါသထွက်မိတယ်။ ဒီလို အတွေးဝင်လာတာနဲ့ တပြိုင်တည်း ချွေးစေးတွေ ထွက်လာပြီး မူးနောက်နောက်ဖြစ်လာတယ်။ အစားတလုပ်နဲ့ ဘ၀ နိဂုံး ချူပ်ရမှာလားလို့ စိတ်ထဲ ခံစားလာရပြီး ထိုင်နေလို့ မရတော့အောင် ခြေတွေ လက်တွေက ပျော့ခွေခွေဖြစ်သွားတယ်။ လှဲအိပ်ချလိုက်တဲ့အခါမှာ လှုပ်လို့ လှည့်လို့တောင် မရတော့လောက်အောင် အားကုန်လာသလို ခံစားနေရတယ်။ တကယ့်ကို အဆိပ်မိနေပြီလားလို့ စိုးရိမ်စိတ်က ဖြစ်လာတဲ့နောက်မှာ တိတ်ဆိတ်မှုက တော်တော်ဆိုးဆိုးဝါးဝါး ခံစားမှုကို ဖြစ်ထွန်းစေတယ်။ နှလုံးခုန်သံကို တဒိတ်ဒိတ်ကြားလာရသလို သေသွားခဲ့ရင်ဆိုတဲ့ အတွေးနောက်ကိုပဲ စိတ်က တစိုက်မတ်မတ် လိုက်သွားနေပြန်တယ်။ ကိုယ့်အသက်ရှုသံကို ပြန်နားထောင်နေရင်း ဘ၀ ဆိုတာ တပ်မက်စရာပါလားလို့ အသိတရားဝင်လာတယ်။ တကယ်တော့ သေဖို့ဆိုတာ တော်တော် ကြောက်စရာကောင်းပါလား။

ခုနေ အဆိပ်မိလို့ သေသွားတယ်ဆိုရင် ကျော်မကောင်း ကြားမကောင်းလဲ ဖြစ်နေဦးမယ်လို့လဲ တဆက်တည်း တွေးမိပြီး ရယ်ချင်လာပြန်တယ်။ တဆတ်ဆတ် ခုန်နေတဲ့ ကိုယ့်ရင်ခုန်သံကို ကိုယ်တိုင် ပြန်ရယ်ချင်လာသလို ဖြစ်လာတဲ့ နောက်မှာတော့ တော်တော် ပေါ့ပါးသွားပြီး အိပ်ပျော်အောင် အိပ်လိုက်ဖို့ အတွေးအသစ်ရောက်လာတယ်။ ဗိုက်ပြည့်တင်းပြီး အိပ်ပျော်သွားပြီးနောက်မှ သေခဲ့ရင်လဲ ကောင်းတာပဲလို့မျှမျှတတ တွေးမိနိုင်ပြီ ဆိုတဲ့အခါမှာ စိတ်ကို တင်းထားစရာ စိုးရိမ်မှုတွေ မရှိတော့ပဲ သက်တောင့် သက်သာ ဖြေလျော့လို့ မျက်စိကို မှိတ်ထားလိုက်တယ်။ ချွေးစေးတွေနဲ့ မောပန်းနေတာတွေ ပျောက်ကင်းပြီး တဖြည်းဖြည်း အိပ်ပျော်သွားခဲ့တယ် ထင်တာပဲ။ နိုးလာတော့ တော်တော် လန်းဆန်းနေတယ်။

ကိုယ့်အသက်ကို ကိုယ်တိုင် တန်ဖိုးထားတတ်အောင် ဒီအဖြစ်အပျက်က တော်တော့်ကို သင်ခန်းစာပေးသွားတယ်။ စိတ်ကြောင့် ဒုက္ခဖြစ်တတ်တယ် ဆိုတာလဲ နားလည်မိတယ်။ ကိုယ့်ရဲ့ စိတ်ကို ထားတတ်ဖို့က အရေးအကြီးဆုံးပဲ။ အခက်အခဲထဲမှာလဲ စိတ်ကို ထားတတ်ရင် လွယ်ကူစွာ ကျော်ဖြတ်နိုင်တယ်။ (နောက်ပိုင်း ပြန်သိရတာက အဲဒီမုန့်ကို ရဲဘော်လေး ၂ ယောက်က တိုင်ပင်ပြီး ခိုးပို့ပေးခဲ့တာတဲ့။ ကျမ ထောင် ၂ နှစ်ကျပြီး လွတ်လာတော့ ကျမတို့မိသားစုပိုင် ဆိုင်ကို လာပြီး မိတ်ဆက်လို့ အဲဒီတုန်းက အကြောင်းကို ပြောပြခဲ့ကြတယ်)

သူများတွေက ယုံချင်မှ ယုံကြမယ်။ ကျမကတော့ စစ်အုပ်စုရဲ့ စစ်ကြောရေးထဲမှာ နေချိန်တောင်မှ မုန့်ခိုးပို့သူ ဟင်း ပိုထည့်ပေးသူရှိခဲ့တဲ့ထိ ကုသိုလ်ကံကောင်းခဲ့တယ်။ ဒီရက်ပိုင်းမှာ ကျမကို လာမခေါ်လို့ စိတ်ထဲမှာ ဘယ်လောက်ထပ်နေရဦးမလဲလို့ ခပ်လေးလေးတွေးမိတယ်။ ခုချိန်ထိလောက်ကို မနည်း အားတင်းနေ နေရပေမယ့် တကယ်က ဒီနေရာက အမြန်ဆုံး ထွက်ချင်နေတယ် ဆိုတာကိုတော့ ၀န်ခံရမယ်။ ဘေးအခန်းက ကျောင်းသားလေး ပြန်မလာတော့တဲ့အချိန်က စလို့ ဒီလို လွတ်မြောက်ချင်စိတ်က ပို ၀င်လာနေတယ်။နေ့တိုင်း ထုတ်စစ်နေတဲ့ ဦးလေးကြီးကိုလဲ လွတ်မြောက်စေချင်တာပဲ ။ သူ့လို အသက်ကြီးနေသူ တယောက်အတွက်ကျတော့ စိုးရိမ်စိတ်ကလဲ ပါနေသေးတယ်။ သူ တောင့်ခံနိုင်ပါ့မလား။ ဘယ်လောက်အရိုက်ခံ နေရမလဲ။ တောင့်မခံနိုင်ပဲ ဖော်ခဲ့မိရင် နောက်ထပ် ဘယ်သူတွေများ ထပ်ရောက်လာဦးမလဲ ။ ဒါတွေပဲ ထပ်ခါ တလဲလဲ တွေးမိနေတော့တယ်။

နောက်ဆုံးရက်သတ္တပတ်ရဲ့ ရက်တရက်မှာ..

နေ့လည်ဖက် တံခါးသော့ဖွင့်သံကြားတော့ အသစ်ထပ်ရောက်လာသလားလို့ အသံကို နားထောင်နေတုန်း ကိုယ့်အခန်းတံခါးဖွင့်သံ ကြားလိုက်ရတယ်။ ခပ်ငြိမ်ငြိမ်ထိုင်နေတုန်း လာခေါ်တာ ဆိုတဲ့ အသံကြားမှ နေရာက ထပြီး အခန်းတံခါးဝကို လျှောက်သွားလိုက်တယ်။ ထုံးစံအတိုင်း မျက်စိကို ကာကွယ်ဖို့ ခေါင်းကို စွ့ပ်လိုက်တယ်။ ဒီတခါက ခပ်ဝေးဝေးကို မသွားရဘူး။ ကိုယ်ရောက်နေတဲ့ နေရာကနေ အများဆုံးလှမ်းရလှ ခြေလှမ်း ၅၀ လောက်ပဲ။ ထိုင် ဆိုတဲ့ အမိန့်ပေးသံ ကြားရပြီး ထိုင်လိုက်တဲ့ အချိန်ထိ တဖက်က စကားသံ မေးခွန်း ဘာမှ မပြောဘူး။ နောက်.. စားပွဲခုံပေါ်ကို လက်ခေါက်သံလိုလို ခေါက်နေပြီးမှ ဒီကိုရောက်တာ ဘယ်လောက်ရှိပြီ လဲလို့ မေးသံကို ကြားလိုက်ရတယ်။ ၂၄ ရက် ရှိနေပြီလို့ တိတိကျကျ ဖြေလိုက်တော့ ပြန်ချင်ပြီလားတဲ့။ သက်သက်မယ့် စော်ကားတဲ့ ရိတဲ့ စကားလို့ ယူဆတယ်။ ဒါ့ကြောင့် ဘာမှ ပြန်မဖြေပဲ ပါးစပ်ပိတ်နေလိုက်တယ်။ ဒါနဲ့ နင် သီချင်းဆို သိပ်ကောင်းတယ် ဆိုပါလား တဲ့။ ဟိုတနေ့ညက သီချင်းတွေ ဆိုတာကို ပြောတာပဲဖြစ်မယ်။ နားထောင်ချင်လို့လား လို့ ပြန်မေးလိုက်တော့ ဆိုပြနိုင်မယ် ဆိုရင် နားထောင်မယ် ကဲ ဆိုစမ်းပါဦးတဲ့။

သီချင်းကို သေချာ ဆိုပြလိုက်တယ်။ ဘာ့ကြောင့်ဆို ဒါတွေကို သူတို့လဲ နားထောင်ခွင့် ရစေချင်တယ်။ သူတို့ သိထားတဲ့ တဖက်သတ်အတွေးတွေကို ချိန်ထိုးစဉ်းစားနိုင်ဖို့ ဒီလို အချက်အလက်တွေ အယူအဆတွေကို သူတို့ သိဖို့ လိုကိုလိုတယ်လို့ ကျမက စဉ်းစားမိတယ်။ ဒါ့ကြောင့် ကျမကတော့ ပြောခွင့်ရတဲ့ အချိန်မှာ တတ်နိုင်သလောက် ပြောမယ် စိတ်ကူးထားတာမို့ ခုလဲ ဆိုပြခွင့်ရတဲ့ သီချင်းတွေကို ဆိုပြနေတာပါပဲ။

သီချင်း ၂ ပုဒ်လုံးကို အဟန့်အတားမရှိ ဆိုပြခွင့်ရခဲ့တယ်။ ဘယ်သူရေးတာလဲ မေးတော့ မသိဘူး။ ဒါပေမယ့် ဒီသီချင်းကို အားလုံးတော့ ရနေတာပဲ လို့ ပြောပြလိုက်တယ်။ တကယ်လဲ မသိဘူး အဲဒီအချိန်က။ နောက် ဒေါ်အောင်ဆန်းစုကြည်ကို ဘယ်လိုမြင်လဲ ၊ ဘာ့ကြောင့် သူ့ကို ထောက်ခံနေတာလဲ လို့ ယဉ်ကျေးစွာ မေးပါတော့တယ်။ ဘယ်လိုမြင်လဲ မေးရရင် ကျမ အသက်ငယ်ငယ် လူငယ်အတွေးတခုတည်းအရ သူဟာ ပညာတတ်တယ်။ သူ့ဖာသာ အေးအေးနေနိုင်တဲ့အခြေမှာ မနေပဲ ခုလို အနစ်နာခံ လုပ်တာကိုပဲ ကျမက လေးစားတယ်။ နောက် သူပြောတဲ့ စကားတွေက ကျမတို့ကို အတွေးသစ် အမြင်သစ်တွေပေးနေတယ် ။ ကျမတို့ စိတ်ဓါတ်တွေ နဲ့ တထပ်တည်းကျနေတယ်။ ဒါတွေကပဲ သူ့ကို ထောက်ခံ စေတာပဲ လို့ ကျမကလည်း ယဉ်ယဉ်ကျေးကျေး ပြန်ဖြေလိုက်တယ်။

နင်တို့က မြန်မာပြည်ကို ဘယ်လိုဖြစ်စေချင်တာလဲတဲ့။ ဒီတယောက်က သေချာ ဆွေးနွေးနေတာမို့ ကျမကလည်း အတတ်နိုင်ဆုံး ကောင်းကောင်းမွန်မွန် ပြန်ဆွေးနွေးနိုင်ဖို့ ကြိုးစားရတယ်။ ဘာ့ကြောင့်လဲ ဆိုတော့ ကျမဖြေတာ တချက်လွဲတာနဲ့ ကျမကိုတင်မကပဲ ကျမတို့ ယုံကြည်နေတဲ့ ဒီမိုကရေစီ ဆိုတာကိုပါ သူတို့ အထင်တသေး ထိခိုက်ပြောတော့ မယ် ဆိုတာသိနေလို့ပါပဲ။ ကျမကတော့ မြန်မာနိုင်ငံကြီးကို ခု လက်တွေ့ဖြစ်နေတဲ့ ဆင်းဆင်းရဲရဲ နိုင်ငံ မဖြစ်စေချင်ဘူး။ အိမ်နီးချင်းနိုင်ငံတွေထက် ချမ်းသာပြီး အတုယူခံခဲ့ရတဲ့ မြန်မာ နိုင်ငံမျိုးပဲ ပြန်ဖြစ်စေချင်တယ်။ ဒါကိုလဲ ခုစနစ် ခုလိုလူတွေနဲ့ မရနိုင်တော့ဘူးလို့ ယုံကြည်ပါတယ် လို့ ဖြေတော့ သူ့ဖက်က တိတ်သွားတယ်။ သူတို့တွေက ကျမတို့ဟာ ဒေါ်အောင်ဆန်းစုကြည်ကို ပုဂ္ဂိုလ်ရေးအရ ကိုးကွယ်ပြီး ဘာမှ သိသူတွေမဟုတ်ဘူးလို့ ထင်ထားပုံပါပဲ။ ကျမကတော့ ရင်ထဲက ခံစားရတာတွေ အမှန်အတိုင်း ရိုးသားစွာ ပြောပြလိုက်တာပါ။ တဆက်တည်း သူမမေးပဲ ကျမကြုံတွေ့ခဲ့ရတဲ့ အချုပ်ခန်းက လာဘ်စားမှုတွေ၊ ကျမတက်ခဲ့တဲ့ ရန်ကုန်တက္ကသိုလ် က ဆင်းရဲချို့တဲ့မှုတွေ ၊ ကျမ သိခဲ့ ကြုံခဲ့တဲ့ အထဲက ရာထူးကြီးကြီးတွေ ကြားထဲက လာဘ်စားမှုတွေ ၊ အဲဒီ မဆလ ဗဟိုကော်မတီ ၀င်တွေ ၊ တိုင်းကောင်စီဝင်တွေ ရနေတဲ့ အခွင့်အရေးတွေ အားလုံးကို သူဘာမှ မလုပ်နိုင်မှန်း သိပေမယ့် ပြောဖြစ်အောင် ပြောပြဖြစ်ခဲ့တယ်။ ကျမ သိနေတဲ့ ခိုင်မာတဲ့ အချက်အလက်တွေ ကို တချက်ချင်းပြောပြနေချိန်မှာ တချို့အချက်တွေကို အဲဒီလူ လုံးဝ မသိနိုင်ဘူး လို့လဲ ကျမက ခိုင်ခိုင်မာမာ ယုံကြည်နေသေးတယ်။

ကျမ အားရပါးရ ရင်ဖွင့်ပြောပြတဲ့ မကျေနပ်ချက်တွေကို နားထောင်နေတဲ့ လူတော့ မသိဘူး ၊ ကျမကတော့ တော်တော် ရင်ပေါ့သွားပြီး တာဝန်ကျေသွားသလို ခံစားလိုက်ရတယ်။ တိုင်းပြည်ရဲ့ ယိုယွင်းပျက်စီးနေမှုနဲ့ ကျမတို့ ဘာ့ကြောင့် ခုလို လုပ်နေရတာလဲ ဆိုတဲ့ ကိုယ့် ယုံကြည်ချက်ကို ဒီလို ပြောပြခွင့် ပြုလို့ ကျေးဇူးတင်ပါတယ် လို့လဲ ပြောဖြစ်အောင် ပြောပြလိုက်သေးတယ်။ တကယ်က ကျမတို့ဟာ တိုင်းပြည်ကို ပျက်စီးစေချင်သူ ဖျက်စီးမယ့်သူတွေ မဟုတ်ဘူး ဆိုတာကို သေသေချာချာ သူတို့ နားထောင်ပြီး စဉ်းစားခွင့် ရစေချင်ပါတယ်။

အဲဒီနေ့က အချိန်တော်တော်ကြာကြာ စကားပြောဖြစ်တဲ့အတွက် ကျမကတော့ စိတ်ကျေနပ်ခြင်းတွေနဲ့ ကိုယ့်အခန်းကို ပြန်လာနိုင်ခဲ့တဲ့ ညနေပါပဲ။ ကျမ ဟာ ခေတ်ကြီးက ကိုယ့်ပုခုံးပေါ်တင်ပေးလိုက်တဲ့ တာဝန်တချို့ကို တတ်နိုင်သလောက် ထမ်းပိုးခွင့်ရတာကိုပဲ ကျေနပ်နေဦးမယ့် လူအဖြစ် ကိုယ့်ကိုယ်ကို ဆက်လက် ပျိုးထောင်နေဦးမှာ ဆိုတာလဲ ပိုပြီး ခိုင်မာ ပီပြင်လာပါတယ်။

ဆက်ရန်
ချစ်ခင်စွာဖြင့်
ခင်မင်းဇော်