Saturday, September 20, 2008

ဘ၀ ဒိုင်ယာရီ အမှတ် နှစ် ၊အခန်း (၅)

အခန်း (၅)
မီးနေသည် ရဲ့ ကိုတာကိစ္စ တိုင်လိုက်ပြီးတဲ့ နောက်တနေ့မှာပဲ ထောင်ပိုင်ကြီးက ရောက်လာသေးတယ်။ သူက ကျမရဲ့ တိုက်ခန်းကို တိုက်ရိုက်လာပြီး အိမ်တအိမ်မှာ မိသားစုချင်းရန်ဖြစ်တာ မိဘကို မတိုင်ပဲ ဘာလို့ ရ၀တ လူကြီးကို တိုင်ရတာလဲ လို့ လာပြောတယ်။

ကျမကလည်း ထောင်ပိုင်ကြီးနဲ့ ဘယ်လိုပိုင်တယ်ပြောထားတော့ ဘယ်တိုင်ရဲပါ့မလဲ။ ဒါ့ကြောင့် ညွှန်မှုးကို တိုင်တာလို့ ပြောလိုက်တယ်။သူဘာမှ မပြောပဲ ခပ်တည်တည်ကြီးနဲ့ ပြန်သွားတယ်။ ထောင်ပိုင်ကြီးနေရာမှာ ကျမသာဆိုရင် ခုလို လာပြောဖြစ်မယ် မထင်ဘူး။ သူက ဘယ်လို စိတ်ကူးနဲ့ လာပြောတယ်ဆိုတာကို ခုထိ စဉ်းစားမရဘူး။ သူ့သမီးနဲ့ အသက်တူတူလောက် ကျမကို ခုလို လာပြောတာ ကတော့ ထောင်ပိုင်ကြီး ရာထူးနဲ့ မလိုက်သလိုပဲနော်။ တကယ်က သူတို့ရဲ့ စဉ်းစားဥာဏ်တွေက ဒီလောက်အဆင့်ပဲ ရှိနေတာ မို့အဲဒီကတည်းက ငရဲကြီးချင်လဲ ကြီးစေတော့ အထင်မကြီးဖြစ်တော့ဘူး။

မီးနေသည်အတွက် ကိုတာက တလပဲ ပေးတယ်ထင်တယ်။ နောက်ပိုင်း ရက်တွေ စားရတယ်လို့ ကြားပေမယ့် ကျမတိုက်ခန်းရှေ့ဖက်ကနေ သယ်ပို့တာ မလုပ်တော့ဘူး။ ကျမ ထောင်ထဲရှိနေချိန်အတွင်းမှာ ကလေးမွေးတာ ၄ ယောက် ၅ ယောက်လောက်ကြုံဖူးတယ်။ အားလုံး မီးနေသည် ကိုတာကို စားရပေမယ့် နောက်ပိုင်းမှာ နွားနို့မပါတော့ဘူး။ ထောင်မှာလည်း တဖြည်းဖြည်းလျှော့လာတာပါပဲ။ ကျမတို့ ရောက်ခါစက ကုလားပဲ ကျွေးပေမယ့် နောက်ပိုင်း ဘိုကိတ်ပဲ လိုပဲ မည်းမည်းကို ပဲ ပြုတ်ကျွေးတာ မျိုး ပြောင်းလဲ သွားတယ်။ ထောင်ထဲမှာ ကလေးမွေး ထောင်ထဲမှာ ပဲ အဲဒီကလေး သေသွားတဲ့ အကြောင်းလေးကို ကျမ ပို့စ်တခု ရေးခဲ့ဖူးပြီး ခေတ်ပြိုင်အွန်လိုင်း မှာ တင်ဖူးသလို ကျမရဲ့ ဘလော့မှာလဲ တင်ပေးဖူးတယ်။ ဒီမှာ ဖတ်ကြည့်ပါ။

တကယ်က ကျမတို့ တိုင်းပြည်ကြီးကိုက မှားယွင်းတဲ့ လူတွေကြောင့် မှားယွင်းတဲ့ စနစ်ကို ဖော်ဆောင်နေတဲ့ အတွက် ခုလို ဆုတ်ယုတ်လာတယ် ဆိုတာ ထောင်ထဲမှာ ပိုသိသာလာတယ်။

ထောင်ထဲမှာ လူပေါင်းစုံ အဆင့်အတန်းပေါင်းစုံနဲ့ တွေ့ကြုံလာခဲ့ရတယ်။ တဦးချင်းစီရဲ့ ဘ၀တွေ သူတို့ဘာ့ကြောင့် ရာဇ၀တ်မှုတွေ ကျူးလွန်ခဲ့ရတယ်၊ ကျူးလွန်ဖို့ ဖြစ်လာရတဲ့ အကြောင်းစုံတွေကို သေချာ သိရှိလာတယ်။ တချို့ စီးပွားရေး သမားတွေလဲ ထောင်ထဲ ရောက်ခဲ့ရတယ်။ မတည်ငြိမ်တဲ့ ဈေးကွတ်စီးပွားရေးစနစ် မပွင့်လင်းတဲ့ မစစ်မှန်တဲ့ တံခါးဖွင့် စီးပွားရေးစနစ်တွေကြောင့် ထောင်ဆိုတာကို မရောက်သင့်ပဲ ရောက်လာရတဲ့ လူတွေကိုလဲ တွေ့ခဲ့ရတယ်။ ရာထူးအာဏာရှိသူအချင်းချင်း အပြိုင်တိုက်ရင်း ထိုးကျွေးခံလိုက်ရတဲ့ တကယ့် အဆင့်မြင့် ပညာတတ်တွေလဲ တွေ့ခဲ့ရတယ်။ အဲဒီလို လူအမျိုးမျိုး စရိုက်အမျိုးမျိုးတွေကြားမှာ နေထိုင်ရင်း လူကဲခတ်ပညာ အဖြစ် ခိုးတတ်သူစရိုက် လိမ်တတ်သူစရိုက်တွေကို သိလာခဲ့တယ်။ ခုချိန်မှာ သာမန်လူတွေက မသိပေမယ့် သူဘာစကားပြောရင် ဘာဖြစ်တော့ မယ်ဆိုတာ ကြိုတွက်တတ်တဲ့ အချက်တခုကို ကျမက အကျဉ်းထောင်တွင်း ကနေ တတ်ကျွမ်းလာခဲ့ရတယ်။ နောက်ထောင်အတွေ့အကြုံအရ ဘာကိုမှ ကြောက်စရာ မလိုဘူးဆိုတာကိုလည်း ပိုိပြီး ယုံကြည်လာတယ်။

နောက်ပိုင်းမှာ ထောင်ထဲက ပုံရိပ်များဆိုပြီး ထူးခြားတဲ့ အမှုဖြစ်စဉ်တွေနဲ့ အကျဥ်းသူတွေ အကြောင်းကို ကျမ ပို့စ်တင်ပေးပါ့မယ်။( ကတိ ပေါ့။ လာမည် ကြာမည် မျှော်….)
…………

အမိန့်ချပြီးရင် အဆောင်ပေါ်ပြောင်းရမယ်လို့ သိထားပေမယ့် တကယ်ကျတော့ တလကျော်ထိ ကျမကို တိုက်ခန်းထဲက မပြောင်းပေးဘူး။ ခါတိုင်းလမ်းလျှောက်ထွက်ချိန် တနာရီပေးထားတာကိုတောင် ခုမရတော့ဘူး။ ရေချိုးချချိန် မှာ ရေချိူးပြီး ပြန်တက်ပဲ။ ဘယ်လိုဖြစ်တာလဲ ဒါ တိုက်ပိတ်အပြစ်ပေးထားတာလား ဆိုတာစိတ်က မခံချင်ဖြစ်လာတယ်။
ဒီလိုနဲ့ပဲ တနင်္လာနေ့တန်းစီချိန်ရောက်လာတယ်။ ကျမကို ဒီတပတ် တန်းစီရင် အဆောင်ပေါ်ကို လာစီပါလို့ အခန်း ၁ က တန်းစီးက လာပြောတယ်။

အဆောင်ပေါ် တက်ချင်သူကျမ

အဲဒီနေ့က ကျမကို အဆောင်ပေါ်ဘာ့ကြောင့် တက်ပြီးတန်းစီခိုင်းတယ်ဆိုတာကို သိလိုက်ရတယ်။ ညွှန်မှုးပါ လိုက်လာမယ်လို့ သတင်းရထားတယ်ဆိုတာကြောင့်တဲ့။ အင်း ညွှန်မှုးလာရင် အဆောင်ပေါ်မတက်ရသေးတာ ပြောမယ်လို့ စိတ်ထဲမှာ တေးထားလိုက်တယ်။

ဒါပေမယ့် တကယ့် တန်းစီလာစစ်တဲ့အချိန်မှာ ထောင်ပိုင်ကြီး ထောင်ပိုင်လေးနဲ့ ထောင်မှုးတွေပဲ လာတာတွေ့တယ်။ ညွှန်မှုးပါမလာဘူး။ မထူပါဘူးဆိုပြီး ကျမကို ဘာ့ကြောင့် ထောင်ကျနေပြီးတာကို အဆောင်ပေါ်မတင်သေးတာလဲ လို့ မေးလိုက်တယ်။ ကျမ မမေးသေးပဲ စောင့်နေတာ တလကျော်နေပြီလို့ ။ ဒါ့ကြောင့် ဒီနေ့ မေးတာပါ။ ကျမ အပြစ်ရှိလို့ တိုက်ဆက်ပိတ်တယ်ဆိုရင် ဘာအပြစ်လဲ အတိအကျ သိချင်ပါတယ်လို့။ သူတို့ ဘာမှ ပြန်မပြောဘူး။ ထောင်ပိုင်ကြီး ထောင်ပိုင်လေး တယောက်မျက်နှာ တယောက်ကြည့်ကာပေါ့။ တိတ်ဆိတ်နေပြီး ခဏနေမှပြန်အကြောင်းကြားမယ်လို့ ဖြေတယ်။ ပြီးတာနဲ့ ဘာတင်ပြဖို့ရှိသေးလဲ လို့ မိန်းမထောင်မှုးက အော်ပြောပြီး မရှိပါဘူးလို့ အော်လိုက်ကြတယ်။ သူတို့လဲ ပြန်သွားဖို့ အဆောင်အပြင်ကို ထွက်သွားတယ်။

မိန်းမဆောင်ကနေ ထွက်တဲ့လမ်းကလေးဘေးမှာ စေတီသေးသေးလဲတဆူရှိတယ်။ စေတီနောက်ဖက်မှာ ကျမနေတဲ့ တိုက်ခန်း ၅ ခန်းတွဲလေး။ အဲဒီဘုရားလေးနားမှာ ထောင်ပိုင်ကြီး ထောင်ပိုင်လေး တိုးတိုး တိုးတိုးနဲ့ စကားပြောနေတယ်။ ပြီးတော့ မိန်းမထောင်မှုးကိုခေါ်ပြီး စကားပြောတယ်။

ထောင်ပိုင်မပြန်သေးတော့ တန်းစီနေတာလဲ မဖြုတ်သေးဘူး။ကျမတို့ သုံးခန်းက နေ ကြည့်နေရင်မြင်နေရတယ်။ အခြေအနေကတော့ စကားတွေ အများကြီးပြောနေတာကို မြင်နေရတယ်။ ခေါင်းတွေ ပူးလိုက် ခွာလိုက်နဲ့။ သိပ်မကြာဘူး ထောင်ပိုင်ကြီး ပြန်ထွက်သွားတယ်။

ထောင်မှုးမ မျက်နှာ စူပုပ်ပုပ်နဲ့ အဆောင်ဖက်ပြန်လာရင်း တန်းစီးကို အော်ခေါ်လိုက်တယ်။ နောက် အကုန်နားစွင့်နေမှန်းသိတော့ အသံကျယ်ကျယ်နဲ့ သုံးခန်းထဲ ထည့်လိုက် လို့ ပြောလိုက်တယ်။ ဒီလိုနဲ့ တန်းစီတာဖြုတ်ချိန် ၁ ခန်း ၂ ခန်းက သီးသန့်တွေ ကျမဆီလာစုတယ်။ နောက်တိုက်ခန်းက ကျမပစ္စည်းတွေ ကူသယ်ရွှေ့ပေးပြီး မသိသေးသူတွေ အချင်းချင်း မိတ်ဆက်လို့ အဲဒီနေ့က မနက်စာ ထမင်းဝိုင်းက စည်းကားလွန်းလို့ ထောင်ထမင်းပြဲမနပ်ကလေးက စားလို့သိပ်ကောင်းခဲ့တယ်။
(ဆက်ရန်)
(စိတ်ရှည်စွာ စောင့်ဖတ်ပေးနေတဲ့ မိတ်ဆွေသူငယ်ချင်းအားလုံးကို ကျေးဇူးအထူးတင်ပါတယ်။ နောက်တပိုင်းက တပတ်လောက် ကြာဦးမယ်)
ချစ်ခင်စွာဖြင့်
ခင်မင်းဇော်

Saturday, September 6, 2008

ဘ၀ဒိုင်ယာရီ အမှတ် နှစ် အခန်း(၄)

အခန်း(၄)

တကယ်ကျတော့ အဲဒီနေ့က တိုက်ထဲမှာပဲ နေရတယ်။ နောက်နေ့တွေလဲ တိုက်ထဲမှာ ပဲ ဆက်နေရပြန်တယ်။ ဒါနဲ့ ဒါဟာ ဘာ့ကြောင့်လဲ ဆိုတာကို တွေးမိတော့မှ ကျမ ထောင်ထဲ ရောက်တဲ့ ၂ လအတွင်းမှာ ထောင်ပိုင်ကြီးနဲ့ တခါပြဿနာ တက်တာကို သွားသတိရမိတယ်။
ဖြစ်ပုံက ဒီလိုပါ…..

ကျမထောင်ထဲရောက်ပြီး တလလောက်ကြာတော့ ထောင်ဝါဒါမတွေတင်မကတော့ဘူး ထောင်ရဲ့ ရေပေါ်ဆီလူတန်းစားတွေက ကျမရဲ့ အဆောင်ရှေ့မှာ စတည်းချနေတော့တယ်။ သူတို့ပြောတဲ့ သတင်းပလင်းတွေ နားထောင်၊ နောက် သူတို့ထဲက တယောက်က တချောင်းထိုး ထိုးနေတာတွေ့တယ်။ ကျမက တချောင်းထိုး၊ နှစ်ချောင်းထိုး မှာ ဆရာ တဆူဆိုတော့ ( ကြုံကြွားလေးပါ) ကဲ ဘာထိုးချင်သလဲ လာပေါ့။ အိမ်ကို နမူနာတွေ လှမ်းမှာ၊ တချို့အလွတ်ရသေးတာတွေ ထိုးပြပေါ့။ သူတို့က အပွင့်လှလှတွေကို သိပ်စိတ်မ၀င်စားဘူး။ စာတန်းထည့်တာ နာမည်ထည့်တာလေးတွေပဲ စိတ်ဝင်စားတော့ လွယ်မှလွယ်ကိုး။ အဓိက တန်းစီးနဲ့ ပေးထားကမ်းထားတဲ့ လူတွေပဲ တချောင်းထိုးအပ် ကိုင်ခွင့်ရတာ ဆိုတော့ ကျမနားမှာ ဒီလူတွေ ပဲ ၀ိုင်းလာတာပေါ့။ ကိုယ်ကလဲ အပျင်းပြေတယ်ဆိုပြီး အာရိုက် လေပေါ ဆရာလုပ်ပေါ့။ ကြားထဲ နိုင်ငံရေးတရားကလဲဟောသေး။ ဒီအဆောင်ထဲက သီးသန့်တွေကို ကူညီချင်လာအောင် စည်းရုံးပေါ့။ အထဲက သူငယ်ချင်းတွေနဲ့လဲ ဆက်သွယ်လို့ရပေါ့လေ။

တနေ့တော့ ထောင်ထဲမှာ ကလေးမွေးတယ် ကြားလိုက်တယ်။ ကျမက အဆောင်ပေါ်က လူတွေနဲ့ မသိပေမယ့် နာမည်တွေ နဲ့ ဘာဆိုတာ ဒီမှာ နေ့တိုင်းကြားနေရတော့ တော်တော်ရင်းနှီးနေပြီ။ ထောင်ထုံးစံကတော့ ကလေးမွေးရင် မီးနေသည်အတွက် သပ်သပ်ပေးတယ်။ မီးနေသည် ဟာ နေ့တိုင်း နွားနို့ တခွက်၊ အမဲသား တတုံးရတယ်။ သူ့အတွက် ထမင်းကလည်း ဆေးရုံထမင်းဆိုတော့ နည်းနည်း ကောင်းတာပေါ့။ သာမန်ထောင်ပုံစံထမင်းလာချိန်ပြီးမှ သူ့အတွက်ဆေးရုံက ထမင်းဟင်းနွားနို့လာပို့တယ်။ လာပို့တိုင်း ကျမအခန်းရှေ့က ခုံမှာပဲ လှယ်ယူကြတယ်။ လက်ခံတယ်။ ဒီတော့ နေ့တိုင်း နွားနို့နဲ့ အမဲသားကို တန်းစီးက ယူနေတာ တွေ့နေရတယ်။ မီးနေသည်ကို မပေးပဲ တန်းစီးက ဖြတ်ယူနေတာကို ၀ါဒါမတွေကလည်း ဘာမှမပြောဘူး။ သိသမျှ လူတွေကလည်း တန်းစီးကို မပြောရဲသူတွေ။ ဒီတော့ ထုံးစံအတိုင်း မတရားတာကို လုံးဝ မခံတတ်တဲ့ ဥာဉ်က ဒီနေရာမှာ ထိပ်တိုက်လာတွေ့တာပဲ။

တန်းစီးဆိုတာ ကျမအခန်းကို ညဖက် အဖော်ရအောင် သူ့ကိုငွေပေးထားတဲ့ ချဲမှုနဲ့ကျတဲ့ကောင်မလေးနဲ့ သူ ၂ ယောက် လာအိပ်မယ် ဆိုပြီး မိန်းမထောင်က ထောင်မှုးကို ခွင့်တောင်းပြီး လာအိပ်ပေးနေသူ။ တကယ်က ကျမ ခေါ်တာမဟုတ်ပါဘူး။ သူတို့က ကျမအနေနဲ့ အခန်းထဲမှာ ဘာမှ လုပ်လို့မရအောာင် လာနေတာ ပဲ ဖြစ်မှာပါ။ ဒါမှ မဟုတ်လဲ ထောင်မှုးတယောက်က ကျမ ကို စေတနာ ထားလိုက်တာလဲ ဖြစ်မယ်။

ဒီတော့ နေ့တိုင်း အနီးကပ်တွေ့နေတဲ့ တယောက်ကို ကျမ ဘယ်လိုပြောရမလဲ။ ဒီလိုပြောလိုက်ရင် သိရက်နဲ့ မပြောတဲ့လူတွေ အကုန်ထိမယ်။ မပြောပဲ နေရင်လဲ ကျမပါ သိရက်နဲ့ အလိုတူအလိုပါ ဖြစ်မယ်။ ဒီအကြောင်းပြောဖို့ ဘယ်သူ့ကို တိုင်ပင်ရမယ်မသိဘူးကလဲ ဖြစ်နေသေးတယ်။ နောက်ပိုင်း စဉ်းစားမိတာက ဘာပဲဖြစ်ဖြစ်ပြောလိုက်မယ်လို့ ၊ မီးနေသည် တယောက်အနေနဲ့ သူရသင့်တဲ့ ကိုယ်တာကို သူစားကို စားခွင့်ရရမယ်။ ဒီ့အတွက် ငါဘာပဲ ဖြစ်ဖြစ်ပြောမယ် လို့ ပြင်ဆင်လိုက်တယ်။ ဒီကြားထဲမှာ တန်းစီးက သူယူစားတာကို ကျမ မပြောရဲအောင် ထောင်ပိုင်နဲ့ ဘယ်လိုပိုင်ကြောင်း၊ ထောင်မှုးနဲ့ဘယ်လိုပိုင်ကြောင်း ကျမကို နေ့တိုင်း ပြောနေတယ်။

ဒီလိုနေ့ တနင်္လာ နေ့ တမနက်ကို ရောက်လာတယ်။ တန်းစီးလဲ ကျမအခန်းက ပြင်ဆင်ထွက်သွားပြီး တန်းစီနေပြီပေါ့။ ကျမကလဲ ဘယ်သူလာမလဲ ဆိုတာ မသိပဲ စောင့်နေတာပေါ့။ ဘယ်သူလာလာ ပြောမယ်လို့ စိတ်ကို ဆုံးဖြတ်ပြီး စောင့်နေလိုက်တယ်။

ကံဆိုးချင်သလား ကံကောင်းချင်သလား မသိဘူး။ အဲဒီနေ့က ညွှန်မှုးပါလာတယ်။ ကျမ အခန်းရှေ့မှာ ရောက်တော့ အဆင်ပြေရဲ့လားလို့ မေးနေတဲ့ ညွှန်မှုးကို ကျမကတော့ အဆင်ပြေပါတယ် ဘဘရယ် ။ ဒါပေမယ့် ဆိုလိုက်တာနဲ့ မိန်းမ ထောင်မှုးက မျက်နှာပျက်သွားတယ်။ ကျမကလဲ မသိချင်ယောင်ဆောင်ပြီး ကလေးမွေးတဲ့ မီးနေသည်တယောက် သူ့ရဲ ကိုယ်တာကို မစားရပဲ အဲဒီကိုတာကို တန်းစီးဒေါ်ကြည်အောင်က နေ့တိုင်းယူပြီး စားလိုက်ကြောင်းနဲ့ သူယူချိန်တွေမှာ ၀ါဒမ ဘယ်သူ ဘယ်သူတွေ သိပါတယ် ရှိနေပါတယ် ဆိုတာ အမြန်ဆုံးနည်းနဲ့ မရပ်မနားပြောချလိုက်တယ်။ ဒါ လုံးဝမဖြစ်သင့်တဲ့ ကိစ္စဖြစ်ပါတယ်။ တခုခု လုပ်ပေးပါလို့ ပြောလိုက်တယ်။

ကျမ ပြောနေချိန်မှာ ထောင်ပိုင်ကြီးမျက်နှာက ဒေါသထွက်နေပုံရပြီး တချို့ ထောင်မှုးတွေမျက်နှာက ပြောရဲလိုက်တာ ဆိုတဲ့ မျက်နှာပေးမျိုး ရှိနေတာကို တွေ့ရတယ်။ ထုံးစံအတိုင်း ကျမကတော့ ဘာမှမသိတဲ့ ဗလာ မျက်နှာပေး သုံးပေးထားလိုက်တယ်လေ။ စိတ်ထဲမှာတော့ မှတ်ပြီလားပေါ့။

ညွှန်မှုးက ကျမစကားဆုံးတော့ ဒါ့ကြောင့်လဲ နင် ထောင်ထဲ ရောက်လာတာတဲ့။ ဒီစကားမှတ်ချက်ထားပြီး ထွက်သွားပါလေရော။
သူတို့တွေလဲ လေးတံခါးရဲ့ ဟိုဘက်ခြမ်းရောက်သွားရော ကျမလဲ ပြင်ဆင်ထားလိုက်တာပေါ့ ၊ တန်းစီးနဲ့ ထိပ်တိုက်တွေ့ရတော့မယ်လေ။ မိန်းမထောင်မှုးက တန်းစီးမှ တန်းစီးဆိုတော့ ပြန်ပြောမှာ စိတ်ချပြီးသား။ ဒါပေမယ့် တော်တော်ကြာထိ ရောက်မလာဘူး။ ကျမလဲ အခန်းထဲမှာ လှဲနေတာပဲပေါ့။ သိပ်မကြာခင်မှာ ထမင်းပုံး လာပို့သံကြားတယ်။ လူတွေ ထမင်းတန်းစီနေချိန်မှာ ခါတိုင်းလိုပဲ ကျမအတွက် ထမင်းကို တန်းစီက ခံပေးဖို့ ဇလုံလာယူတယ်။ ထမင်းဇလုံလာပေးပြီး ကျမအခန်းဝကနေ ငါ မီးနေသည်ရဲ့ နွားနို့ ယူသောက်တယ်လို့ တိုင်တယ် ကြားတယ် တဲ့။ ကျမကလည်း ဟုတ်တယ် ကျမတိုင်လိုက်တာလေ လို့ ခပ်တည်တည်ပဲ သူ့ကိုစေ့စေ့ကြည့်ပြီး ပြောလိုက်တယ်။ သူ မျှော်လင့်ထားပုံက ကျမကငြင်းလိမ့်မယ်။ အဲဒီအခါကျ သူက ပြောတဲ့သူ ဘာဖြစ်တယ် ညာဖြစ်တယ် နဲ့ ကျမကို ရှေ့တည့်တည့်ထားပြီး ဗျင်းမယ်ပေါ့။ ဒါပေမယ့် ကျမက တည့်တည့် ပြောလိုက်တဲ့အခါ သူ့မျက်နှာပျက်သွားပုံများကတော့ မျက်စေ့ထဲ ခုထိမြင်ယောင်နေပါတယ်။ ဘာမှကို စကားမပြောနိုင်တော့ပဲ ထွက်သွားလိုက်တာ အဲဒီညက စပြီးသူလဲ ကျမအခန်း လာမအိပ်တော့ဘူး။ ကောင်းတာပေါ့။ ကျမလဲ သူတို့ လာအိပ်နေတာ စိတ်ကျဉ်းကျပ် နေတယ်လေ။

သူတို့ မရှိတဲ့နေ့က စပြီး ညဖက်တွေမှာ အဆောင်ထဲကို စာတွေရေးလို့ရတယ်။ ကျမ အဖြစ်အပျက်ကို တောင် စာရေးပြီး နောက်နေ့ အမှိုက်ကောက်ထွက်တဲ့ အထဲက ခါလာကြီးလို့ ကျမတို့ခေါ်တဲ့ အဖွားကြီးနဲ့ ပေးလိုက်သေးတယ်။ ကျမအတွက်တော့ အဆိုးထဲက အကောင်းပဲခေါ်မလား မသိပါဘူး။ ပြီးတော့ ကျမက သရဲတို့ ဘာညာဆိုတာ လုံးဝ မယုံကြည်သူ။ ဘုရားရှိခိုး ပြီး သမ္ဗုဒ္ဓေ ရွတ်အိပ်လိုက်ရင်ပဲ ကိုယ့်ကိုယ်ကိုယ် ယုံကြည်ပြီးသား ဖြစ်သွားသူ ဆိုတော့ ဘာပဲ ဖြစ်လာလာ ကောင်းတာပဲပေါ့။ ထောင်ဝါဒါမတွေလဲ ကျမရှေ့မှာ ထောင်ဝင်စာ ရှာဖွေရင်း နှိုက်တဲ့အခါ အရင်လို အတင်းအကျပ် နှိုက်တာ မတွေ့ရတော့ဘူး။ ဟဲ့ ဒါ လေး ငါ့ကို နည်းနည်းကျွေး ဆိုတဲ့ လေသံမျိုးတွေ ပြောလာတယ်။ အဆောင်ပေါ်က ဘော်ဒါတွေကလည်း တန်းစီးက သူတို့ကိုပါ တင်းနေတယ်။ စကားမပြောဘူးလို့ စာပြန်တယ်။ ကျမကိုလည်း အဲဒီနေ့ကစပြီး မခေါ်ဘူးလေ။

ထောင်ထဲမှာတော့ အဲဒီလိုပါပဲ။ ထောင်ကျအချင်းချင်း ပြန်နှိပ်စက်ခိုင်းထားတာ များပါတယ်။ ၀ါဒါမတွေက ထမင်းစားခါနီးရင် သူတို့ပန်းကန်ထဲကို ဟင်းထည့်ပေးဖို့ အခန်းတွေက တန်းစီး ဒါမှမဟုတ် သူတို့ စိတ်ကြိုက်သူတို့ကို ပြုစုဖို့ ရွေးထားတဲ့ အကျဉ်းသူတယောက်ကို ထမင်းစားဝိုင်းတွေ လှည့်ခိုင်းတာပဲ။ ကောင်းတဲ့ ၀ိုင်းက ဟင်း သူ့ထမင်း ပန်းကန်ထဲ ထည့်ပေးရတယ်။ သူတို့လဲ ထောင်ကျနေသူတွေလိုပဲ ထောင်ထမင်း စားတယ်။ နောက် အကျဉ်းသူတွေရဲ့ ထောင်ဝင်စာ စားတယ်။ ထောင်ကျနေသူတွေနဲ့ ခြားနားတာက အပြင်ကို အချိန်ပိုင်းအလိုက် ထွက်လို့ရတယ်။ ဒီလောက်ပါပဲ။

သူတို့ကို သူတို့ရဲ့ ဘ၀အဲဒီလိုပဲ လို့ ကျမက စကားပြောရင်း စီစစ်ပြလိုက်တော့ ငိုင်သွားကြတယ်။ ထောင်အုတ်ရိုးထဲမှာ နေရင်း သူတို့ အသားအရေတွေက ခပ်ခြောက်ခြောက်ဖြစ်နေတာ၊ နောက် သူများပစ္စည်းအလကား လိုချင်နေတာ။ သူတို့ စကားပြောရိုင်းနေတာတွေကို သေချာ ထောက်ပြလိုက်တဲ့အခါ အပြင်က လူတွေနဲ့ သူတို့ ကွာခြားချက်ကို သတိပြုမိသွားတော့တယ်။

ကျမတို့ ရှိနေစဉ်မှာ ထောင်တွင်းကို ထမင်းဖြူခိုးသွင်းမှုတွေ တခြားသူ တိုင်လို့ ပြဿနာ တွေဖြစ်သေးတယ်။ တကယ်လဲ ထမင်းအဖြူ ခိုးရောင်းတာ လူတိုင်းသိနေတာပဲ။ စစ်ဆေးရေး လုပ်မယ်ဆိုတော့ ဟိုဘက်ဒီဘက်သက်သေတွေ ထည့်ကြတော့ ကျမတို့ သီးသန့်တွေကို ထည့်ခွင့်မပေးဘူး လုပ်သေးတယ်။ ကျမတို့က ကျမတို့လဲ ဖြေမယ် အတင်းပြောတော့ ကျမကို မထည့်ဘူး သိလား။ နောက် သဘောထားပျော့ပြောင်းတဲ့ အမ တယောက်ကို ဖြေခွင့်ပေးတယ်။ ဒါပေမယ့် အဲဒီအမကလည်း သူဘယ်လိုမြင်တယ် ဆိုတာ ခပ်တည်တည်ပဲ ဖြေခဲ့လို့ တဖွဲ့လုံးကို စကားမပြောတဲ့ အထိလဲဖြစ်ဖူးတယ်။ ဒါကလည်း မဆန်းပါဘူး။ ဒီလူနဲ့ဒီလူ မိန်းမထောင်ကျဉ်းကျဉ်းလေးထဲ နေ့တိုင်းတွေ့နေတော့ ကျမတို့က မခေါ်လဲ နေနိုင်ပေမယ့် သူတို့ကတော့ တလ ဆိုတာ အရမ်းကြာတယ်ထင်နေပြီး လာစ ခေါ်ကြတာပဲ။ သူတို့လာခေါ်တော့လဲ စကားပြောလိုက်တာပါပဲ။ ကျမတို့က သူတို့ကို မုန်းလို့မှ မဟုတ်တာ။ ကိုယ့်တာဝန်ကို ကျေပွန်အောင်ထမ်းရွက်ချိန်မှာ မတရား ဖိနှိပ်တာ တာဝန်ထက်မကတဲ့ လုပ်ပိုင်ခွင့်ကို အလွဲသုံးစားလုပ် နှိပ်စက်တာမျိုးတွေကို မလုပ်သင့်တာ လို့ နားလည်စေချင်တာမို့ ထောက်ပြရတာပဲမဟုတ်လား။
(ဆက်ရန်)
ချစ်ခင်စွာဖြင့်
ခင်မင်းဇော်

Thursday, September 4, 2008

လက်ရှိကိုယ့်ရဲ့ ဆန္ဒများ

ဘလော့လောကထဲမှာ ကောက်ရတဲ့မောင်တွေ ညီမတွေနဲ့ ပျော်ရွှင်ရတဲ့ အထဲမှာ ဒီလို တက်ဂိမ်း ယဉ်ကျေးမှုကလဲ ရင်းနှီးချစ်ခင်ဖွယ် မဟုတ်လား။ ဒီတော့လဲ ကိုယ့်ကို ပြန်လည် တာဝန်ပေးတော့လဲ တာဝန်ကျေရမှာပေါ့လေ။ ကိုဂျူလိုင်ရေ... ရေးလိုက်ပြီနော်...

ကိုယ့်ရဲ့နာမည် - ခင်မင်းဇော်
ကိုယ်ကိုသူငယ်ချင်းတွေက ဒီလိုခေါ်တယ် - ကေကျု့၊ သည်းလေး၊ တရုပ်မ
ကိုယ်ဒီမှာနေတယ် - Home Sweet Home
ကိုယ့်ဆီဖုန်းဆက်ချင်ရင် - မေးလ်ပို့ဆက်သွယ်လိုက် ၊ ပို့ပေးမယ်

ကိုယ့်ရဲ့အကြိုက်ဆုံးတွေက

အရောင်ဆိုရင် - အဖြူရောင်။
အ၀တ်အစားဆိုရင် - ချည်သားစစ်စစ်
အစားအစာဆိုရင် - အသုပ်စုံ၊ ဘာပဲ သုပ်သုပ် ကြိုက်တယ်။
ပစ္စည်းဆိုရင် - အကောင်းဆုံး တံဆိပ်နဲ့သာ
သီချင်းဆိုရင် - ချိုပြုံးသီချင်းတွေ
စာရေးစာဆရာ - အများကြီးပဲ။
စာအုပ် - ဖတ်လို့ကောင်းတာ အကုန်ဖတ်တာပဲ။
Life style – တက်ကြွလှုပ်ရှား။

ကိုယ့်ရဲ့ဝါသနာ - ရှော့ပင်ထွက်ခြင်း(စိတ်ညစ်နေရင်တောင် စိတ်ပျော်သွားစေတယ်)
အလိုချင်ဆုံးလက်ဆောင် - ဆန်းပြားတဲ့ အီလက်ထရောနစ် ပစ္စည်းလေးတွေ
ကိုယ့်ရဲ့ အချစ်ဆုံးသူက - ကိုယ့်ရဲ့ တဦးတည်းသော သား
ကိုယ့်ရဲ့ အလေးစားဆုံးသူက - မရှိသေး
ကိုယ့်ရဲ့ အခင်ဆုံးသူငယ်ချင်းက - ကိုယ့်ခင်ပွန်း
ကိုယ့်ကို အများဆုံးနားလည်မှုပေးနိုင်သူက - ကိုယ်ကိုယ်တိုင်
ကိုယ့်ရဲ့ အမုန်းဆုံးသူက - ကပ်ဖားရပ်ဖားများ
ရင်အခုန်ဆုံးအချိန် - ဟိဟိ
အကြောက်ဆုံးအချိန် - ကိုယ်ယုံကြည်သူက သစ္စာဖောက်မှာ
အပျော်ဆုံးအချိန် - မရှိသေး
အမှတ်တရနေ့ - သားကိုမွေးတဲ့နေ့
ဆုတောင်းတိုင်းသာ ပြည့်မယ်ဆိုရင်တောင်းမဲ့ဆု - လိုတရ ရပါလို၏

အချစ်ဆိုတာ - ချစ်တာတခုတည်း
အမုန်းဆိုတာ - ပြန်ကို မကြည့်ချင်တော့တာ
အလွမ်းဆိုတာ - သတိရတာထက် ပိုတဲ့အရာ
သံယောဇဉ်ဆိုတာ - အချစ်မဖြစ်သေးခင်
ဘ၀ဆိုတာ - လှုပ်ရှား ရုန်းကန်ရာ
သူငယ်ချင်းဆိုတာ- ရင်ဖွင့်ဖော် ရင်ဖွင့်ဖက်၊ အားပေးဖော်အားပေးဖက်
ချစ်သူဆိုတာ - အေးအတူပူအမျှ

ကိုယ့်ကိုကိုယ်ဒီလိုထင်တယ် - နောက်ကျောကို ဒါးနဲ့မထိုးတတ်သူ
ကိုယ့်ရဲ့လက်ဆွဲဆောင်ပုဒ်က - ငုပ်မိသဲတိုင် တက်နိုင်ဖျားရောက်

အပြောချင်ဆုံးစကားတစ်ခွန်း - ကိုယ်မလုပ်နိုင်တာ မပြောနဲ့။

ထုံးစံအတိုင်း ကိုယ်ကလဲ ဆက် tag ဖို့ ရှိနေပါတယ်ကွယ်။
ကိုယ်ဆက်တက်ချင်တဲ့ ဘလော်ဂါများကတော့...
ကိုဂျူလိုင်လိုပဲ ဘလော့လောကထဲက ကောက်ရထားတဲ့ ချစ်ညီမများတူမလေးများ ဖြစ်တဲ့

ချစ်တဲ့ ...
ကေသွယ်
ဂျစ်တူး
ပန်ဒိုရာ
စိုးဝှက်
ခွန်မြလှိုင် ...
တို့နဲ့တကွ ဘလော်ဂါ လက်သစ်ပေမယ့် အားပေးသူ များနေသော ချစ်တဲ့
ညီမချိုသင်း တို့ကို လက်ဆင့်ကမ်း ပေးလိုက်ပါကြောင်း သတင်းကောင်းပါးအပ်ပါတယ်ရှင့်..........။
(ရေးပေးကြနော်။ခြောက်ယောက်ကြီးများတောင် တက် ထားတာ ...)
ချစ်ခင်စွာဖြင့်
ခင်မင်းဇော်

Tuesday, September 2, 2008

Myanmar Blogger Society ဆိုတာ..


ဘလော်ဂါ ဆိုဆိုက်တီး ဆိုတာ ဒီလိုလူတွေ က ဦးဆောင်နေတာလား

ကျမအနေနဲ့ ဘလော့ရေးနေပြီး ဘလော့မိတ်ဆွေတွေနဲ့ ခင်ခင်မင်မင် ဆက်ဆံတတ်တဲ့အတွက် MBS ကိုဝင်ဖို့ သူတို့ဖိတ်တဲ့ ဖိတ်စာ အစောင် တော်တော်များများဝင်လာတယ်။ နောက် ဘလော်ဂါ ကိုအောင်သာငယ်က ပို့စ်တင်လိုက်တယ် ။ သူလဲ ၀င်လိုက်တယ် ဘာညာပေါ့။ ဒါနဲ့ငါလဲ ၀င်လိုက်ပါဦးမယ်။ ဘလော်ဂါချည်းပဲ ဆိုတော့ စုစုစည်းစည်းရှိတာပေါ့ ဆိုတဲ့ အတွေးနဲ့ပေါ့။ ၀င်ပြီး သိပ်မကြာဘူး။ MBS ဆိုတာမှာ ဘလော့ရေးသူပဲ ရှိရမယ်တို့ ဘလော့ဖတ်သူလဲ ပါရမယ်တို့နဲ့ စကားတွေ များကြ။ ဘန်းတာတွေ ဘာတွေ ဖြစ်လာကြ။ ဒီမှာ တော်တော်စိတ်ကုန်လာတယ်။ တချို့ကိုဘာလို့ဘန်းပါလိမ့်ပေါ့။ အဲလိုခံစားလာရတယ်။ ဖတ်နေရင်းနဲ့ တချို့ နေရာတွေမှာ ကိုယ်ပါ ငြင်းခုန်ချင်လာတယ်။ ဒါပေမယ့် ကိုယ်က ပွဲဆူအောင် လုပ်တာမျိုး၊ ကိုယ့်အချင်းချင်း စကားများတာမျိုးဖြစ်မှာ စိုးလို့ ဆင်ခြင်ခဲ့တယ်။ ဒါနဲ့ ထွက်တော့မယ် လုပ်တော့ ထွက်တဲ့ leave button မတွေ့တော့ဘူး။ မယ်လိုဒီမောင်ကိုလဲ မေးတယ်။ မရှိတော့ ဘူးဆိုတော့ ဘယ်လိုလုပ်ရမလဲပေါ့။ ပင့်ဂိုလ်းကိုလဲမေးတယ်။ သူတို့က အန်တီ မထွက်ပါနဲ့ပေါ့။ ဘာလို့ထွက်ရတာလဲပေါ့။ အင်း အစကတော့ ဘလော်ဂါချည်းပဲ ဆိုလို့ဝင်လိုက်တာ။ နောက်ပိုင်း စိတ်ရှုပ်လာလို့ လို့ ဖြေလိုက်တယ်။

ဒီကြားထဲ ဘလော်ဂါတယောက်က သူထွက်လိုက်ပြီလို့ မေးလ်ပို့လာတယ်။ ထွက်တဲ့ဘော်တွန်လေး ရှိနေတုန်း သွားထွက်ထာလိုက်ပါလား ဆိုတဲ့ မေးလ်ကို သူပို့ပြီး နာရီပိုင်းအတွင်း ၀င်ကြည့်ပေမယ့် ထွက်တာက ကိုယ့်စာမျက်နှာမှာကို မရှိဘူး ဖြစ်နေတယ်။ ကိုယ်ကလဲ မအားတာနဲ့ နေဦးပေါ့။


ဒီလိုနဲ့… ဒီနေ့ပေါ့…
အလုပ်လဲမအား၊ ကိုယ့်ဘလော့လဲ ပို့စ်မတင်နိုင်၊ ဘလော့လဲ မလည်နိုင်တဲ့ ရက်ကလေးကို လွန်လိုက်တာနဲ့ ချက်တင်မှာ ပင့်ဂိုလ်းနဲ့ တွေ့တယ်။ အန်တီ ထွက်ချင်တယ် ထွက်တဲ့ ဟာလေး ရှိနေပြီလားလို့မေးတယ်။ သူက ဘန်းပေးလို့ရတယ် တဲ့။ အန်တီ ဘန်းတာ မလိုချင်ဘူးလို့၊ ဘန်းတယ် ဆိုတာ အပြစ်တခုခု လုပ်လို့ ဘန်းတာ၊ အန်တီက ကိုယ့်ဖာသာ ထွက်ချင်တာမို့ အဲဒီဘော်တွန်လေးတော့ ပြန်တပ်ပေးပါလို့ ပြောပေးပါ ဆိုပြီး ပြောလိုက်တယ်။ သူကလဲ အိုကေပါရှင်လို့ ပြန်ပြောသွားတယ်။ အဲဒီအချိန်က ထိုင်းစံတော်ချိန် ညနေ ၅နာရီ ၃၃ မိနစ်။

ဒါနဲ့ နေလိုက်ရင်း နောက်တယောက်နဲ့ချက်ဖြစ်တော့ သူ့သူငယ်ချင်း က ခုပဲထွက်လိုက်တာတဲ့ ။ ရှိပါတယ်တဲ့ သေချာရှာပါဆိုပြီး သူ့သူငယ်ချင်းက ပြောတာ လာပြောလို့လော့အင်လုပ်ပြီးဝင်လိုက်တော့ ဘန်းထားတာကိုတွေ့တယ်။ ပင့်ဂိုးလ်ကို ကြည့်လိုက်တော့ ရှိနေသေးတာနဲ့ အန်တီ့ကိုဘန်းထားပါလား။ အန်တီ က ကိုယ့်ဖာသာထွက်ချင်တာ ဘန်းတာ မကြိုက်ဘူးလို့ ပြောထားတယ်လေ ဆိုတော့ ကိုစိုးမင်း ဘန်းလိုက်တာတဲ့။ ကိုစိုးမင်းဆိုတာ ဘလော်ဂါလားဆိုတာ့ ဟုတ်တယ်တဲ့။ ဒါဆို သူ့ဘလော့လင့်ပေးပါ ဆိုတော့ လိပ်စာ မေ့နေတယ်တဲ့။ အန်တီ့ကို ဘန်းတာတော့ မတရားဘူးလို့တောင် ပြောဖြစ်လိုက်တယ်။ ချက်တင်က အချိန်ကိုကြည့်လိုက်တော့ ၆ နာရီ ၁၈ မိနစ်။

ကဲ ဒါနဲ့ ခုန ဘန်းခံထားရတဲ့နေရာမှာ မက်ဆေ့ခ်ျ ပေးလို့ရတယ်ဆိုတာနဲ့ ဘာလို့ဘန်းတာလဲ။ ကျမက ကိုယ့်ဖာသာပဲထွက်ချင်တာ လို့ ရေးပြီး ပို့လိုက်တယ်။
နောက် ကျမအီးမေလ်ထဲကို စိုးမင်းဆိုသူပို့လိုက်တဲ့ မေးလ်တစောင် ၀င်လာတာက
ခင်ဗျား ဝင်မှာလား ထွက်မှာလား။ တစ်ခွန်းပဲပြော။ ထွက်မယ်ဆိုရင် လော့ခ် အင်လုပ်မကြည့်နဲ့တော့။

တော်တော်အံ့သြသွားတယ်။ အဖွဲ့အစည်းတခုကို ဒီလိုလူမျိုးက ဦးဆောင်မတဲ့လား။ ဘယ်လိုမှ စဉ်းစားမရတော့ဘူး။ ဒါနဲ့ ဒီမေးလ်ကို ထွက်ချင်တယ်လို့ ပြောခဲ့ဘူးတဲ့ ဘလော်ဂါတွေကို ပို့ပေးလိုက်တယ်။ ဒီလို ဆက်ဆံတယ်ဆိုတာ ပြောမယုံ ကြုံဖူးမှ သိမယ်လို့။

ဒီလို နက်ဝပ်တခုကို ဒီလိုလူတွေက ဦးဆောင်တည်ဆောက်မှာလား၊ ခုလိုဆက်ဆံတတ်သူတွေကို ဘယ်လောက် ယုံကြည်ရမလဲ။ အဲဒီ Leave Button ဆိုတာ ပြန်ထည့် မရဘူးဆိုတာ ဟုတ်သလား။ သိပ်သိချင်တဲ့ မေးခွန်းပါပဲ။
ဖြေနိုင်သူတွေ ဖြေပေးကြပါရှင်။

(ချစ်ခင်စွာဖြင့်)
ခင်မင်းဇော်

ဘ၀ဒိုင်ယာရီ အမှတ် နှစ် အခန်း(၃)

အခန်း(၃)

ပုံစံ )))))))………
တော်တော်ကျယ်တဲ့ အော်သံကြောင့် လန့်တောင်သွားတယ်။
အဆောင်တခုလုံးလဲ တိတ်ဆိတ်သွားတာပဲ။
ဘာတင်ပြစရာ ရှိသေးလဲ .. မရှိပါဘူး ဆိုတဲ့ အသံ တွေ ကြားရပြီး ကျမအဆောင်ဖက်ကို လမ်းလျှောက်လာသံတွေ ကြားရတယ်။
ကျမလဲ ထိုင်နေရင်း အပေါက်ဝကို ကြည့်လိုက်တော့ အပွင့်တွေ အများကြီးပါတဲ့ ထောင်အရာရှိတွေ အများကြီး အုံနေတာပဲ။ ကျမ အခန်းတံခါးဝမှာ ရပ်ပြီး ဘာလိုလဲ အဆင်ပြေလား မေးနေတဲ့ တယောက်ကို ညွှန်မှုးလို့ ခေါ်သံကြားတယ်။ ကိုယ်ကလဲ ဘာမှ မသိသေးတော့ ခုတော့ ဘာမှ မလိုသေးဘူးလို့ ပြောလိုက်တယ်။

ခုလို တန်းစီပြီး လာစစ်တာ တနင်္လာနေ့တိုင်း ဖြစ်တယ်။ နောက် လာစစ်တဲ့ အထဲမှာ ပါတဲ့ ထောင်ဆရာဝန်က ကျမတို့ အိမ်ရှေ့အိမ်က ၊ ကျမကလေးဘ၀ကတည်းက ကျမကို ချီပိုး ထိန်းလာသူ။ ကျမနာမည်ကို နောက်က လေးတလုံး ထည့်ပြီးခေါ်နေကျ ဆိုတော့ ထောင်ထဲက တိုက်ခန်းထဲမှာ သူ ကျမကိုတွေ့လိုက်ရတော့ မျက်နှာ မကောင်းဘူး။ ညွှန်မှုးကို မိတ်ဆက်ပေးနေသေးတယ် ကျမအကြောင်း ... ငယ်ကတည်းက ဘယ်လိုစွာတယ် ဆိုတာကို။ ညွှန်မှုးကလည်း ရယ်လို့ မောလို့ ။ ထောင်ပိုင်ကလည်း သေချာကြည့်နေလို့။ တကယ်က ထောင်ပိုင်ကြီးရဲ့ သားနဲ့ သမီးက ကျမနဲ့သိတယ်။ သူတို့ ကျမဆိုင်မှာ လာဝယ်နေကျ။ သူ့အဖေဖြစ်တဲ့ ထောင်ပိုင်ကတော့ မသိဘူးပေါ့လေ။ ဒီလို လူတွေအများကြီးက ကိုယ့်ကို ပွဲတော်လို လာကြည့်တော့ ခပ်ရွတ်ရွတ် စိတ်က မပျောက်ချင်ဘူး။ ပုံစံလုံးဝ မထိုင်ပဲနေလိုက်တာ။ တကယ်လဲ ဘယ်လိုထိုင်ရမယ် မသိပါဘူး။ မေးလဲ မမေးဘူး။ သူတို့ကလည်း မသင်ရဲဘူးထင်တယ်။

သူများတွေ ထောင်ထဲ ၀င်လာရင် ထောင်ပုံစံတင်ရတယ်။ နာမည် နေရပ်၊သူတို့ မေးတဲ့ မေးခွန်းကို အတိုဆုံးဖြေရတာမျိုးပေါ့။ လက်ပိုက် ခေါင်းငုံဖြေရတယ်။ သူများတွေ ပုံစံတင်တာကို နောက်ပိုင်းမှ မြင်ဖူးတာပါ။ တချို့တွေများ ဒီလောက်လွယ်တဲ့ မေးခွန်းကို မဖြေတတ်လို့ တအုန်းအုန်း အရိုက်ခံနေရတယ်။ ကိုယ့်ကိုဖမ်းတဲ့ပုဒ်မ ကိုလဲ မသိ ။ တချို့တွေ အဲလောက် နုံတယ် ဆိုတာ အဲဒီတော့မှ သိလိုက်ရတယ်။ ရိုက်လိုက်တာများ ကျောကုန်းကို အဆုတ်ကွာမှာတောင် စိုးရတယ်။ ကျမကတော့ အဲဒီတုန်းက တိုက်ထဲ တန်းဝင်လိုက်ရတော့ ဘာမှ မတင်ရပါဘူး။

လက်လဲ မပိုက် ၊ ကျုံ့ကျုံ့လဲ မထိုင်တဲ့ ကျမကို ထောင်ပိုင်တွေ ပြန်သွားတော့ တန်းစီးက လာပြောတယ်။ ဘာလို့ ထောင်ပုံစံ မထိုင်တာလဲ တဲ့။ ဘယ်လိုထိုင်ရမယ် သိတောင် မသိဘူး လို့ ပြောလိုက်တယ်။ တကယ်က ထိုင်ကို မထိုင်ချင်ပါဘူး။ နောက်ပိုင်းလဲ ကျမတို့ တန်းစီချိန် တနင်္လာ နေ့ကလွဲလို့ ကြားချိန်တွေ ထောင်ပိုင်လာရင် လုံးဝ ပုံစံမထိုင်ဘူး။ တန်းစီးကလည်း ကျမ ဘယ်လိုလူလဲ ဆိုတာ သွေးတိုးစမ်းချင်သလိုလို။ တခါတလေ စကားလာပြောရင် ခပ်ကြောကြော ခြိမ်းခြောက်ချင်သလိုလို။ လူသတ်လာတဲ့ မိန်းမဆိုတော့ နည်းနည်းတော့ သတိထားရတယ်။ မတော် ကိုယ့်ကိုလည်ပင်းလာညှစ်သွားလို့ ဆိုပြီး ခဏခဏတွေးမိတယ်။

သူကတော့ မိန်းမထောင်တန်းစီးဆိုတော့ ဘာမှမလုပ်ရတဲ့ အကောင်ပေါ့။ သူအော်လိုက်ရင် အားလုံး ငြိမ်ပဲ။ ရေချိုးဖို့ ဆင်းတဲ့အခါ သူငယ်ချင်းတွေကို ကြည့်ချင်ရင် ၀ါဒါမတွေ ကျမအခန်းမှာ လာသိမ်းထားတဲ့ မှန်ကို ထောင်ကြည့်တယ်။ ကျမလက်ကလေးနဲ့ မှန်ထွက်လာတာကို မြင်ရင် သူတို့တွေက လက်ပြကြတယ်။ အင်း ကျမကလဲ မှန်ကလေးကို ယမ်းပြတာပေါ့။ ကျမကို ရေချိုးထုတ်ရင် သူတို့က အဆောင်ထဲက တခါ ချောင်းကြပြန်တယ်။ ဒီရက်ပိုင်းကတော့ ဒီလိုပဲ တွေ့ကြရတာပဲ။

ထောင်ဝင်စာလဲ တွေ့လို့မရသေးတော့ အိမ်က ပါဆယ် ရောက်လာတယ်။ အ၀တ်အစားတွေလဲ ပါလာတယ်။ ရုံးမထုတ်သေးဘူး။ အမှုစီရင်ချက်မချသေးဘူး။ ထောင်ဝင်စာလဲ တွေ့ခွင့်မရသေးဘူး။ ဒါလိုစည်းကမ်းကလဲ ထောင်နဲ့ မဆိုင်ပြန်ဘူး။ ထောက်လှမ်းရေးက တွေ့ခွင့်ပေးမှ တွေ့ရတာတဲ့။ နိုင်ငံရေးနဲ့ ပတ်သက်တဲ့သူတွေကို ထောင်က လက်ခံထားရုံပဲတဲ့။ သူတို့ တွေ့ဆိုတွေ့၊ ထုတ်ဆို ထုတ်ပေါ့။ ထောက်လှမ်းရေးရဲ့ သြဇာကလဲ မသေးဘူး။

ကျမကို တိုက်ခန်းမှာပဲ ထားပြီး ရေချိုးဆင်းချိ်န်တခုပဲ ထုတ်တော့ ကြားဖူးနားဝနဲ့ လမ်းလျှောက် ထုတ်ပေးဖို့ ထောင်ပိုင်ကြီး လာချိန်တောင်းလိုက်တယ်။ တနေ့ ၁ နာရီပေးလိုက်တဲ့။ တနေ့တနာရီ တံခါးဖွင့်ပေးပြီး အဲဒီအချိန် ရေချိုး လမ်းလျှောက်ပေါ့။
ကိုယ် လမ်းလျှောက်ရတဲ့အချိန်ကို အပေါ်ဆောင်ကလူတွေ အောက်ကို ဆင်းခွင့်မပေးပြန်ဘူး။ ကျမ တနာရီ တံခါးဖွင့်ပေးချိန် သူတို့ကို တနာရီ တံခါးပိတ်ထားချိန်ပေါ့။ အော် ငါ တနာရီလောက်လေး အပြင်မှာ နေဖို့ သူတို့ အားလုံးက အဆောင်ပေါ်မှာပဲ နေရပါလားပေါ့။ စိတ်မကောင်းဘူး။ ဒါကလဲ မိန်းမဆောင်က ၀ါဒါတွေက ကျမနဲ့ ကျမလူတွေ တွေ့မှာ စကားပြောမှာ စိုးလို့ပေါ့။ ဒါပေမယ့် ထောင်ဆိုတာ လူတန်းစားပေါင်းစုံတယ်လေ။ ထောင်ထဲမှာ ပိုက်ဆံပေးနေတဲ့ စီးပွားရေး သမားတွေ၊ ချဲဒိုင်တွေ လဲ ရှိနေတာပဲ။ သူတို့တွေက ၀ါဒါတွေ တန်းစီးတွေနဲ့ ပိုင်တော့ ကျမတံခါးပိတ်ထားချိန်မှာ ကျမအခန်းရှေ့မှာ ထိုင်နေတဲ့ ၀ါဒါမဆီ လာသလိုလို ၊ တခါတလေ တန်းစီးကို ပဲ လာရှာသလိုလိုနဲ့ ကျမကို စကားလာပြောကြတယ်။

ထောင်ထဲရောက်ပြီး ၂ ပတ်ကျော်ကြာမှာ ရုံးစထုတ်တယ်။ ရုံးထုတ် တော့ အိမ်က မိဘတွေ မိသားစုကို တွေ့ရတော့မယ်ဆိုပြီး တော်တော် ပျော်တယ်။ ကိုယ်က ဘာမှ မဖြစ်ပေမယ့် သူတို့တွေ့ စိတ်ပူနေမှာပဲ လို့ တွေးမိလို့ပါ။

ရုံးထုတ်တော့ ထောက်လှမ်းရေးမှာ တူတူအဖမ်းခံခဲ့ရတဲ့ သူငယ်ချင်းကိုလဲ ရုံးထုတ်တာ တွေ့တယ်။ ဒါဆို ကျမတို့ ရုံးထုတ်ရက်တူတော့မယ် ပေါ့။ သူနဲ့ အမှုတွဲချင်း မတူပေမယ့် အပြင်မှာ တုန်းက တော်တော်လေး ပူးတွဲလှုပ်ရှားခဲ့ဘူးတဲ့ လူတွေ ဆိုတော့ ရုံးထုတ်တဲ့ အခါ မပျင်းတော့ဘူး။ တရားသူကြီးတွေ မရောက်သေးခင်၊ ဒါမှ မဟုတ် စကားပြောခွင့် ပြုထားချိန်တွေမှာ ထောက်လှမ်းရေးတုန်းက အကြောင်းတွေ ပြောပြီး ရယ်ဖြစ်ကြတယ်။ ကျမတို့ မိသားစုတွေကလည်း အရင်ကတည်းက ခင်နေသူတွေဆိုတော့ ဟင်းတွေကို သူ့အိမ်က ကျမအတွက် ပိုလုပ်လာပေးတတ်သလို ကျမအိမ်ကလည်း သူ့ဖို ပိုလုပ်လာ ဆိုတော့ ပေါမှပေါ များမှများပဲ။ သူတို့က ကျမတို့အိမ်ထက် ပိုချမ်းသာ သူတွေ ဆိုတော့ မုန့်တွေလဲ အလျှံပယ် ။ ကျမ ရုံးထုတ်ပြန်သွားရင် လက်နှစ်ဖက်နဲ့ မနိုင်ဘူး ဆွဲရတာ။ ကျမကို လာကြိုတဲ့ ၀ါဒါမက အမြဲ ကူဆွဲပေးရတယ်။

အဲလို ထောင်ဝင်စာ များရင်လဲ ထောင်ထဲမှာ မျက်နှာပွင့်တယ်။ သူတို့ကို ကျွေးစေချင်မှာပေါ့။ သာမန် အကျဉ်းသူတွေကိုတော့ သူတို့က နှိုက်ယူထားတတ်တယ်။ ကျမတို့လို သီးသန့် အကျဉ်းသူ( ထောင်ထဲမှာ နိုင်ငံရေးသမားတွေကို သီးသန့်လို့ ခေါ်တယ်) တွေဆီကတော့ နှိုက်မယူရဲဘူး။ သိပ်စားချင်ရင် တောင်းစားတယ်။ ကိုယ်ကလည်း သူတို့ဆို မပေးချင်ဘူး။ အဆောင်ပေါ်က ကိုယ့်သူငယ်ချင်းတွေကို ခုန စီးပွားရေးသမားတွေနဲ့ ခိုးပို့ပေးလိုက်တယ်။

ထောင်ထဲ ၀င်ခါစဆိုတော့ အိမ်တွေကလည်း ဟင်းကို ခံအောင် မချက်တတ်သေးဘူး။ နည်းနည်း အစိုတွေ ပါလာတယ်။ ဒီတော့အဆောင်ပေါ်က သူငယ်ချင်းတွေဆီကို အရောက်ပို့ပေးလိုက်တယ်။ သူတို့တွေဆီကလည်း နေ့လည် ဇီးသီးနဲ့ငံပြာရည် ငရုတ်သီး လုပ်စားတာကိုတောင် ရောက်အောင်ပို့ပေးသေးတယ်။ သူတို့ အုပ်ထဲမှာ တခါမှ မဆုံဘူးတဲ့ တခြားမြို့က လူတွေလဲ ပါတယ်ဆိုတာ သိရတော့ လူတွေကို မြင်ဖူးချင်နေပြီ။

ရုံးထုတ်စစ်တဲ့အခါ တရားသူကြီးက ထောက်လှမ်းရေးက စစ်ချက်တွေကို ဖတ်တယ်။ ကျမတို့ကလည်း ဒီစစ်ချက်တွေ တရားမ၀င်ဘူး။ ကျမတို့ကို အမှောင်ခန်းထဲ ဒီလောက်ရက်အကြာကြီးထားစစ်တယ်။ နောက် လက်မှတ်မထိုးရင် ဒီမှာပဲ နေရမယ် ဆိုလို့ ထိုးတယ် ။ ကိုယ့်စစ်ချက်ကို ကိုယ်မဖတ်ရဘူး စသဖြင့် ငြင်းချက်ပေါင်းစုံနဲ့ ငြင်းတယ်။ ကျမတို့ဖက်က အလကားလိုက်ပေးတဲ့ ရှေ့နေကလည်း အကျိုးအကြောင်းနဲ့ ငြင်းတယ်။ သက်သေတွေ ခေါ်မယ်ဆိုတော့ ထောင်ထဲ ရောက်နှင့်ပြီးသားတွေကို ပြန်ခေါ်ပြန်ရော။ ထောင်ကျပြီးသား အုပ်စုကတော့ ရုံးထုတ်ဆိုတော့ပျော်တာပေါ့။ ထောင်ဝင်စာလို မဟုတ်ပဲ ကိုယ့်မိသားစုနဲ့ နီးနီးကပ်ကပ် တွေ့ရမယ်။ အလယ်က နားထောင်သူ မရှိပဲ စကားပြောရမယ်။ ကဲ ဒီတော့လဲ ကိုယ့်ဘော်ဒါတွေကို အကုန်သက်သေထည့်လို့ ရုံးထွက်စေတာပေါ့။

တရားရုံးဆိုတာလဲ ထောင်ဝင်းထဲက အဆောက်အဦတခုပဲ။ ခန်းမ သဘောမျိုးထားတဲ့ နေရာပေါ့။ ကျမတို့ ရုံးအတူထွက်တဲ့ ၂ ယောက်စလုံးက ခပ်ပျော်ပျော်သမားဆိုတော့ ရုံးထုတ်ရက်မှာ တရုန်းရုန်းပဲ။ ငိုတာလဲ မရှိဘူးလေ။

ဒီလိုနဲ့ တပတ်ခြားတခါ ထုတ်နေရင်းကနေ ၂ ရက်ခြားတခါ ဖြစ်သွားလိုက်သေးတယ် နောက် ထောင်ထဲ ရောက်ပြီး ၂ လအတွင်းမှာပဲ စီရင်ချက် အမိန့်ချမှတ်တယ်။ အမိန့်ချတဲ့ နေ့ကလည်း တကယ့်ကို ဇာတ်ထဲကအတိုင်းပဲ။ တရားသူကြီးရော တရားခံဖြစ်တဲ့ ကျမတို့ရော ရှေ့နေတွေရော ရောက်နေတာ ကြာပြီ။ ထောင်ဒဏ်ချမှတ်တာ ဖတ်ဖို့ စာအိတ်က ရောက်မလာသေးလို့ စောင့်လိုက်ရတာ။ ကျမတို့လည်း စောင့်နေသမျှ စကားပြောကြပေါ့။ နောက်မှ စာအိတ်ကလေး ၂ အိတ်ကို တရားသူကြီးလက်ကို လာရောက် အပ်နှံတယ်။ ဒီတော့မှ တရားသူကြီးလဲ သူ့ရဲ့  တရားရုံးကို ဖွင့်၊ စာအိတ်ကို ဖောက် အထဲမှာ ရေးထားတဲ့အတိုင်း ဖတ်တော်မူတော့တယ်။ အော် … တရားခွင်ထဲက တရားသူကြီးတောင် သူစစ်တဲ့ လူကို ထောင်ဘယ်လောက်ချရမယ် မသိဘူးတဲ့နော်။

ကျမကို ထောင်ဒဏ် ၂ နှစ် ၊ ကျမသူငယ်ချင်းက ထောင်ဒဏ် ၃ နှစ် ချမှတ်လိုက်တယ်။
အိမ်ကလူတွေက ဒီလောက်ပဲ ဆိုတော့ တော်တော်ပျော်သွားပုံပဲ။ ဘယ်သူမှ မငိုကြပါဘူး။ ကျမတို့ အဖမ်းခံရတာကလဲ ရွေးကောက်ပွဲ အောင်မြင်ပြီးခါစ ဖြစ်တော့ ထောင်ဒဏ်တွေက ခုလို ဆယ်ဂဏန်းတွေ မချသေးဘူး။ တချို့ အမှုတွေဆို ၆ လလောက်ပဲ ချတယ်။ ကိုအောင်ဝေးတို့ တမှုက ၆ လပဲ အချခံရတယ်။ ဖြစ်ပုံကလည်း ဒေါ်အောင်ဆန်းစုကြည် ဧရာဝတီတိုင်းကို လာတော့ ကြိုဆိုတဲ့ လူက ကမ်းတခုလုံး ညွှတ်နေအောင် များပြားသွားတာကိုး။ အဲဒီအတွက် ပုဒ်မ ၅၀၅ (ခ) တဲ့။ လူစုလူဝေးဖြစ်အောင် လှုံ့ဆော်မှုလို့ အလွယ်ပြောရမယ်။ အော်.. ဒါလဲ အပြစ်ဖြစ်တယ် တဲ့။ သူတို့ကို ကြိုဆိုမယ့်လူမရှိတိုင်း မနာလိုဖြစ်တဲ့ ပုဒ်မလို့လဲ ပြောလို့ရမယ်။

အိမ်က လူတွေ ပြန်သွားပြီး ကျမတို့ ထောင်ထဲ မ၀င်ခင် ထောင်ကျ ရုံးခန်းမှာ ထောင်ကျ မှတ်ပုံတင်ရသေးတယ်။ အဲဒါ လုပ်ဖို့ စောင့်နေရင်း ကျမက
နင်က ပြေးနေရင်း လိုက်ဖမ်းရတာဆိုတော့ စရိတ်စက များလို့ ဖြစ်မယ် တနှစ်ပိုပေးလိုက်တာ ဆိုတော့ ကျမသူငယ်ချင်းက နင်သာ ငိုမနေပါနဲ့ တဲ့။
ဟဲ့ ငါက ၂ နှစ်ကလေးပဲ နင်သာ ၁ နှစ်ပိုနေရလို့ မိန်းမကို လွမ်းလို့ ငိုနေမှာ လို့ ကျမတို့ ၂ ယောက်က ထောင်ဒဏ် ချမှတ်ပြီးချိန် အချင်းချင်း နောက်ပြောင်နေလိုက်သေးတယ်။ ထောင်ဝါဒါတွေ ထောင်မှုးတွေ ကတော့ နင်တို့သီးသန့်တွေက ထောင်ကျလဲ ပျော်ပျော်ပဲနောတဲ့။ မြောင်းမြအမှုတွဲတွေ တုန်းကလဲ ၃ နှစ်တို့ ၅ နှစ်တို့ ကျတော့ ကပြီးတောင် ၀င်လာသေးတယ်။ ဘာဖြစ်လို့ ကလဲ ဆိုတော့ စီပီ အမှုတွဲ ( ကွန်မြူနစ်ပါတီ အမှုတွဲ) ကို ဒီလောက်ပဲ ချတော့ ပျော်တာပေါ့တဲ့ အဲလိုပြန်ပြောကြတယ်။

ဒါနဲ့ပဲ ထောင်ဝင်စာ အထုပ်တွေဆွဲလို့ ပြန်လာတဲ့ လမ်းမှာ အဆောင်ပေါ်ရောက်တော့မယ် ဆိုပြီးပျော်လို့ပေါ့။ ကိုယ့်သူငယ်ချင်းတွေနဲ့ တွေ့ရတော့မှာ မဟုတ်လား……..
(ဆက်ရန်)
ချစ်ခင်စွာဖြင့်
ခင်မင်းဇော်