Thursday, January 24, 2008

ဘ၀ဒိုင်ယာရီ အမှတ်တစ်(အပိုင်း လေး)

အပိုင်း(၄)

ဆံပင်ရှည်ရှည်နဲ့ ဖိနပ်ဆိုင်ကတဲ့…
သူပြောလိုက်တာနဲ့ ကျမ သိလိုက်တယ်။ ဒါ ကျမသူငယ်ချင်းထဲက တယောက်လို့…။
သူ့နဲ့ ကျမ ရန်ကုန်မှာ ရှောင်နေတုန်းက တွေ့နေသေးတာပဲ။ သူအရင်မိသွားတယ်လို့ ကြားမိပေမဲ့ သတင်း ဆက်မကြားတော့တာ ခုမှ သူလဲ ဒီထဲ ရောက်နေသကိုး လို့ သိလိုက်ရတော့ ပိုအားရှိသွားတယ်။ ခုချိန်မှာ ဒီလို တိုက်ပိတ်ခံထားရတာ ငါတယောက်တည်း မဟုတ်ဘူးပေါ့လေ။ အဲဒီတယောက်နဲ့ကတော့ အမှုတွဲခြင်းမတူဘူး။ သူတို့ အမှုတွဲအားလုံး ဖမ်းမိတုန်းက သူရန်ကုန်ရောက်နေချိန်။ သူ့အမှုတွဲတွေ ရုံးထွက်တော့ ကျမ သွားကြည့် ဖြစ်သေးတာပဲ။ မိန်းကလေး အုပ်စုတွေကို အရင်ရုံးထုတ်တော့ မျက်နှာတွေ ဖူးယောင်ပြီး ထွက်အလာ တရားသူကြီး တောင် လန့်သွားတယ်။ ရုံးထွက်လာစောင့်နေတဲ့ လူတွေ အားလုံး ဒီလောက်ရိုက်ရလား ဆိုပြီး ပြောကြဆိုကြ မေးကြတော့ စစ်ကြောရေး က လက်ချက်မှန်း သိကြရတယ်။ ခုကျမ ရောက်နေတဲ့ စစ်ကြောရေး နေရာကို သူတို့ အရင်ရောက်ခဲ့တာ။ နောက်သူတို့ အုပ်စုက လူများတော့ တပတ်ပဲ နေလိုက်ရတာ ကျမသိပြီးသားအချက်တွေပဲ။ ခုတော့ သူ့လူတွေကို အမိန့်ချပြီးချိန်မှ သူ့ကို ထပ်ဖမ်းမိသွားတာပေါ့။

ကျမကို ပြောပြနေတဲ့ စစ်သားရဲဘော်လေးက တံခါးပြန်ပိတ်တော့မယ် ဆိုပြီး ပိတ်သွားချိန်မှာတော့ ဒီကောင်ရော ဘယ်လောက် ခံနေရပြီလဲ မသိဘူး လို့ တွေးမိတယ်။ နောက်ပိုင်းနေ့တွေမှာတော့ အဖျားကျသွားပြီး မိန်းကလေးတွေ ဖြစ်နေကျ ရာသီလာချိန်နဲ့ ကြုံပြန်တယ်။ ကျမကို ထမင်းလာပို့တဲ့ အမတွေကို ကျမဆီမှာ မိန်းမ အသုံးအဆောင် အားလုံး ပါတယ် ။ ယူပေးပါ ပြောတော့ သူတို့ သတင်းသွားပို့ပြီး ယူလာပေးလို့ အားလုံး အဆင်ပြေသွားတယ်။ (တခြားမိန်းကလေးတွေနဲ့ ပြန်ဆုံကြတော့ သူတို့ ကို အဲဒီရက်တွေမှာ ဒီအတိုင်းထားတာပဲ လို့ သိရပါတယ်။ဒါဟာ မိန်းကလေးတွေကို ကြီးစွာသော အရှက်ရအောင် လုပ်တာပဲ လို့ ကျမ တွေးမိပါတယ်။) ကျမကိုတော့ ဒီရက်တွေမှာ ခေါ်ပြီးစစ်တာ မလုပ်သေးဘူး။ ကျမကို မဖမ်းခင်ကတည်း ဖမ်းခဲ့ရင် ယူသွားရမယ့် ပစ္စည်းတွေကို အမြဲ အဆင်သင့် ထုတ်ထားခဲ့လို့ သူငယ်ချင်းတွေက နမိတ်မရှိတာဟယ်လို့ ပြောတာကိုလဲ သတိရမိသွားတယ်။ တကယ်တော့ ကိုယ့်ဘက်က ကြိုတင်ပြင်ဆင်မှု အချိန်တိုင်းရှိခဲ့ရင် ဘယ်တော့မှ ဘယ်သူ့ကိုမှ ကြောက်စရာ မလိုဘူးလို့ ပိုပြီး ယုံကြည်လာတယ်။
----------
ဒုတိယရဲဘော်တွေ ပြောင်းသွားချိန်တောင် ရောက်ခဲ့ပြန်ပြီ။ နောက်တသုတ်ရောက်တော့ လည်း ထမင်းပို့တဲ့ အမကြီးတွေက ဒီနေ့ရဲဘော်နောက်တသုတ်တဲ့။ သူတို့တွေက ကျမကို အထူးအဆန်းဖြစ်နေပုံပဲ။ ခပ်ငယ်ငယ် ရဲဘော်လေး တယောက်က ရေဗူးဖြည့်ပေးရင်း ဒီတဗူးကို တနေ့ပဲ သောက်တာလားတဲ့။ ကျမက အင်းလို့ ဖြေတော့ ထမင်းလာပို့တဲ့ အမတွေက သူ့မှာ စားစရာ ဘာမှ မရှိတာကိုဟယ်တဲ့။ သူတို့ မျက်နှာတွေမှာတော့ နောက်ပိုင်း သိပ်ကြောက်တာ မတွေ့ ရတော့ဘူး။

အဲဒီ တတိယပတ်ထဲမှာ တနေ့လည်ခင်း ကျမကို လာခေါ်တာကို ကြုံရတယ်။ အခန်းတံခါးကို ဖွင့်ပြီး ဟိုဘက်လှည့်နေ လို့ ပြောသံကြားကတည်းက ကျမကို ခေါ်ထုတ်တော့မယ်လို့ သိလိုက်တယ်။ မျက်နှာကို ခေါင်းစွပ် စွပ်လိုက်ပြီး အပြင်ထွက်လာတော့ ဖိနပ်ရော လို့ လာခေါ်တဲ့ တယောက်က မေးတယ်။ ဖိနပ်ပြတ်သွားပြီလို့ ပြောလိုက်တော့ ရဲဘော်တွေ ဆီက ဖိနပ်တရံလောက် လာပေးလို့ တောင်းသံကြားတယ်။ နောက် ကျမရှေ့ကို ရောက်လာတဲ့ သားရေ ဖိနပ်ခပ်ဟောင်းဟောင်းတရံကို စွပ်လိုက်ရတယ်။ အားပါးးးးးးးး.. ဖိနပ်က အကြီးကြီး ဖြစ်နေတယ်။ နဂိုကတည်းက ကျမက ခြေထောက်သေးတဲ့ လူစားလေ။ သာမန်မိန်းမစီး ဖိနပ်ဝယ်ရင် နံပါတ် ၅။ နိုင်ငံခြားဖြစ်ဆိုရင် ၃၈ ။ အင်း ကျမကို စစ်ဆေးမယ့် ဆီကို အဲဒီဖိနပ်ကြီးကြီး တရွတ်ဆွဲလို့ လိုက်ပါသွားရပြန်ပါတယ်။

ဒီတခါတော့ လေတဖြူးဖြူး တိုက်နေတဲ့ နေရာ တခုပဲ။ ကျမထင်တာက အမိုးရှိပြီး အကာမရှိတဲ့ နေရာ တခုလို့ ထင်လိုက်တယ်။ ဘာလို့ဆို ကျမထိုင်နေတဲ့ နေရာနဲ့ ကျမကို စစ်တဲ့ လူရဲ့ ကြားမှာ ရှိတဲ့ အကွာအဝေးက နည်းနည်းဝေးနေတယ်။ နေ့ခင်းဘက် ဆိုပေမယ့် လေတိုက်တော့ အေးလိုက်တာ။

ဒီတခါစစ်မယ့်လူက သူ့ကိုယ်သူ မိတ်ဆက်တယ်။ သူက ဗိုလ်မှုးပါတဲ့။ ကျမကို နာမည်မခေါ်ပဲ စကားပြောတယ်။ နင် နဲ့ ငါ သုံးတယ်။ မေးခွန်းတွေ ဆက်တိုက်မေးတယ်။ ကျမရှေ့က အမှုတွဲတွေ ဖြေသွားတဲ့အထဲက အဖြေတွေက သိပ်ကောင်းနေတော့ ကျမက အဲဒီအတိုင်း ထပ်ဖြေနေရတယ်။ သူတို့အားလုံးဟာ အလုပ်ကိစ္စတွေ ငွေပေးငွေယူတွေ အားလုံးကို ကျမ ဆီမှာ အဆုံးသတ်ထားတယ်။ ကျမ လွတ်ပြီထင်တာကိုး။ ဒီတော့ ကျမကလည်း အားလုံး ကျမဆီမှာ အဆုံးသတ်မဲ့ အဖြေတွေကို သေချာ ဖြေနေရတယ်။ အမှုဖြစ်စဉ်ကလည်း အင်မတန် ရှင်းလင်းပါတယ်။ ၁၉၉၀ ရွေးကောက်ပွဲအပြီး ဇူလိုင်လ ၇ ရက်နေ့မှာ ဆဲဗင်း ဇူလိုင် အမှတ်တရ စာစောင်လေး တခုကို ဧရာဝတီတိုင်း ဗကသ နာမည်နဲ့ ထုတ်ဝေခဲ့မှုပါ။ စာစောင်ထဲမှာတော့ ရဲရင့်တက်ကြွတဲ့ ကျောင်းသားငယ်လေးတွေရဲ့ ကဗျာတွေ ဆောင်းပါးတွေနဲ့ အဲဒီအချိန်က စစ်အုပ်စုကို တိုက်ခိုက်ထားတာတွေ ပေါ့။

အဲဒီအချိန်တုန်းက စာအုပ်ထုတ်ဖို့ ပိုက်ဆံကို ကျမထုတ်ပေးခဲ့ရတာ မှန်ပေမယ့် အဲဒီငွေတွေ ဘယ်က ရလဲ ဘယ်သူမှ မဖြေခဲ့တာကို တွေ့ရပါတယ်။ တကယ်တော့ အဖမ်းခံခဲ့ရသူ အားလုံး ဒီပိုက်ဆံတွေကို ကျမနဲ့အတူ ကောက်ခံခဲ့ကြတာပါ။ သူတို့ ဘယ်သူတွေပေးတယ် ဆိုတာကို လုံးဝမဖော်ခဲ့ကြပါဘူး။ နောက် ကျမတို့ ဧရာဝတီတိုင်းက ၂၆ မြို့နယ် ရှိနေတော့ ၂၆ မြို့နယ်လုံးကို လိုက်လံ ဖြန့်ဝေပေးခဲ့သူတွေကို လုံးဝမဖော်ခဲ့ပါဘူး။

ရှေ့က ကျမ လုပ်ဖော်ကိုင်ဖက် သူငယ်ချင်းတွေရဲ့ ထွက်ဆိုချက်ကို ဖတ်ပြသွားသူကို ကျေးဇူးအရမ်း တင်နေမိပါတယ်။ ကျမသူငယ်ချင်းတွေဟာ လူတိုင်းသိနိုင်မယ့် အရာတွေကိုသာ ဖြေပေးခဲ့ပြီး တကယ့်ကို ကျမတို့ အချင်းချင်းသာ သိနိုင်တဲ့ အရာတွေကို လျှို့ဝှက်ထားပေးခဲ့တာ အသေအချာမို့ ကျမကလည်း သူတို့နဲ့ တလေတည်း ဖြစ်အောင် ဖြေဆိုနိုင်ခဲ့ပါတယ်။ ဒီစာစောင်ကို နယ်မြို့လေးတမြို့က ကျောင်းသားငယ်လေး တယောက်စီက မိသွားပြီး အစပြန်ဖော် ဖမ်းမိတာ တသီကြီး ဖြစ်ပေမယ့် ကျမတို့အမှုတွဲက ကျမအပါအ၀င်မှ လေးယောက်ပဲ ထောင်ကျခံခဲ့ရတဲ့အထိ ကိုယ့်တာဝန် ကိုယ်ကျေခဲ့ကြတဲ့ လုပ်ဖော်ကိုင်ဖက် သူငယ်ချင်းတွေကို စိတ်ထဲက လေးစားမိနေပါတယ်။ ဒါ့ကြောင့်လဲ စစ်ကြောရေးဟာ ကျမအတွက် သက်တောင့်သက်သာ ဖြစ်နေမိပါတယ်။ ဘာ့ကြောင့်လဲ ဆိုတော့ ကျမက စိတ်ထဲမှာ ပိုင်းဖြတ်ထားပြီး ဖြစ်နေလို့ပါပဲ။ ထောင်ကျမှာပဲ ဆိုတာ ပိုင်းဖြတ်ပြီးသွားတဲ့အခါ လွတ်ချင်လွတ်မှာ ဆိုတဲ့ မျှော်လင့်ချက် မရှိတော့သလို အဲလို မျှော်လင့်ချက် ဖြစ်လာဖို့ ၀န်ခံတာတွေ ဖော်ကောင်လုပ်တာတွေ မလိုတော့ဘူး မဟုတ်လား။ ဒီအခါမှာ အဖြေတွေဟာ ပြတ်သားရဲရင့်နေမယ် ဆိုတာ သေချာနေပါတယ်။

သူတို့ ကျမကို အမှုတွဲ စစ်ချက်တွေ ဖတ်ပြတုန်းက နင့်လူတွေက နင့်ကို ဒီလို ထိုးချထားတယ် ။ ဒီဟာတွေ ဖော်ထားတယ်။ နင်လဲ ဖော်နိုင်တယ် ဆိုတဲ့ စိတ်နဲ့ ဖတ်ပြတာ ဖြစ်နိုင်ပေမယ့် ကျမဆီမှာပဲ လမ်းဆုံးမယ်ဆိုတဲ့ ဆုံးဖြတ်ချက်ကို ရှေ့က သူငယ်ချင်းတွေဆီက ကျမ ရလိုက်နိုင်ခဲ့တာ အမြတ်ပါပဲ။ သူတို့တွေဟာ ဒီအမှုတွဲကို နာမည်ခံပြီး ထောင်ချကို ချတော့မယ် ဆိုတာ ပိုသေချာ တဲ့ အချက်တွေကိုလည်း မေးခွန်းတွေထဲက သိနိုင်ခဲ့ပါတယ်။

အဲဒီဗိုလ်မှုး ဆိုတဲ့ လူက ကျမတို့ မဲဆွယ်ခရီးစဉ်တွေကိုလည်း ပြန်လည်မေးပါသေးတယ်။ နင့်နာမည်ကို တ၀တ မှ စာရင်းတင်ထားတာ အမြဲတွေ့နေရတယ်။ နင့်လို လူက ဘာတွေ ဟောပြောစည်းရုံးခဲ့သလဲ တဲ့။ ကျမတို့ မဲဆွယ် ခရီးစဉ်တွေကို တလကြိုတင် စီစဉ် စာရင်းတင်ရပြီး လူအတိအကျ နေရာ အချိန်မလွဲအောင် သွားရပါတယ်။ တ၀တ လို့ခေါ်တဲ့ တိုင်းငြိမ်ဝပ်ပိပြားမှု တည်ဆောက်ရေး အဖွဲ့ ဆီကို ကြိုတင်ထားတဲ့ စာရင်းထဲ မပါရင် လိုက်ခွင့် မရှိပါဘူး။ လိုက်ပါခဲ့ရင်လဲ အဖမ်းခံရမှာ ဖြစ်ပါတယ်။ အဲဒီအချိန်က ကျမတို့ ကြိုတင်ထားတဲ့ ခရီးစဉ်အတိုင်း တစည (တိုင်းရင်းသား စည်းလုံးညီညွတ်ရေးပါတီ) က အကုန်လိုက်ပါတယ်။ ကျမတို့ ၀င်မယ့် ရွာတိုင်းကို သူတို့ အရင်ကြိုဝင်ပါတယ်။ ကျမတို့က လမ်းလျှောက် လှေစီးနေတဲ့ နေရာတွေကို သူတို့က စက်လှေ သင်္ဘောတွေနဲ့ အရင် ကြိုရောက်နေကြပြီး ရွာတွေမှာ အလှုတွေလုပ် မဏ္ဍပ်တွေထိုး စာရွက်တွေ ကပ်လုပ်နေကျပါ။ ရွာသားတွေကို ခြိမ်းခြောက် စည်းရုံးမြဲပါ။ ဒီခရီးစဉ် အားလုံး ပေါက်ကြားမှုဟာ တ၀တ အပေါ်မှာ မူတည်တယ်။ စစ်တပ်က တစညကို နောက်ကပံ့ပိုးတယ် ဆိုတာ သိသာ ထင်ရှားမှုတွေပါပဲ။

ကျမ ဟောပြောစည်းရုံးစရာ မလိုပါဘူး။ ကျမကြုံတွေ့ခဲ့ရမှု အဖြစ်မှန်တွေကို သာ ပြောပြခဲ့တာပါဦးလေး လို့ ကျမက ပြန်ပြောတော့ သူ့ကို ဗိုလ်မှုးလို့ မခေါ်လို့ ဆိုပြီး ကျမကို ဟိန်းဟောက်ပါတော့တယ်။ ကျမကလည်း ကျမ မမြင်ရပဲ မခေါ်နိုင်ပါဘူး လို့ ခပ်မာမာ ပြန်ပြောလိုက်ပါတယ်။ ကျမရဲ့ အဖေထက်ငယ်မှာ မို့ ဦးလေးလို့ မြန်မာ့ယဉ်ကျေးမှုအရ ခေါ်တာဖြစ်လို့ ကျမအပြစ်မရှိဘူးလို့ ထင်ပါတယ် ဆိုတော့ ထပ်မပြောတော့ပါဘူး။ ကျမတို့ အမျိုးသား ဒီမိုကရေစီအဖွဲ့ရဲ့ စည်းရုံးရေး ခရီးစဉ်တွေ အောင်မြင်မှုအပေါ် မရှုစိမ့်တာကြောင့် ခွင့်ပြုလူဦးရေ ၄၀ ထက်ကျော်လို့ ဆိုပြီး ကျမတို့ အဖွဲ့ မဟုတ်တဲ့ နောက်တဖွဲ့ကို ဖမ်းဆီး လိုက်ခြင်းဖြင့် သူတို့ရဲ့ ယုတ်မာမှုကို ပြသပြီး ဖြစ်နေပါတယ်။

အဲဒီလူကပဲ ဒါဆို ဒီတပ်ထဲက မဲဆန္ဒနယ်မှာရော နင်တို့ အဖွဲ့ မဲဘယ်လောက်ရတယ် ဆိုတာ သိသလား လို့ မေးလာပါတယ်။ သူ့လေသံကို ခနဲ့ တဲ့တဲ့ မေးတယ် ဆိုတာ ကျမ ခံစား သိနေပါတယ်။ ဟုတ်ကဲ့ ကျမသိပါတယ် ။ဒီစစ်တပ် မဲဆန္ဒနယ်မှာ ကျမတို့ ခမောက်အဖွဲ့က မဲပေါင်း ၄၄၀ ရရှိခဲ့ပါတယ် ဆိုတော့ အဲဒါ ဘယ်သူတွေ ထည့်တယ် ထင်လဲတဲ့။ ကျမကလည်း မဆိုင်းမတွပါပဲ ။ ဟုတ်ကဲ့ .. ဆေးတပ်လို ပညာရှင် အသိုင်းအ၀ိုင်းက ထည့်တာဖြစ်မှာ ပါလို့ ဖြေလိုက်တော့ ငြိမ်သွားပါတယ်။

နင့်ကို ငါတို့ မရိုက်မပုတ်ပဲ မေးနေတာကို နင်သိတယ်နော်တဲ့။ အဲဒါကို စစ်ကြောရေးမှာ ဘယ်လိုရိုက်တယ် ဆိုပြီး အပိုတွေ ပြောနေတာကို နင်ဘာပြောမလဲတဲ့။ ကျမကို မရိုက်တာ မှန်ပေမယ့် လူမှုဝန်းကျင်သစ် အဖွဲ့ဝင်တွေ ရုံးထွက်တော့ ဖူးယောင်နေတာကို လူတိုင်း မြင်ပါတယ်။ ဒါဟာ လုပ်ကြံပြောဆိုလို့ မရတဲ့ အရာပါလို့ ကျမဖြေတော့ အဲဒီလူက ရယ်တယ်။ ဒါနဲ့ နင်က စစ်ကြောရေးမှာ ဖြေနေတာ ပျော်နေသလိုပဲ ပြုံးပြုံး ပြုံးပြုံးနဲ့။ တဲ့။ ကျမကို ရန်စနေတာ။ ဒေါသထွက်အောင် ဆွနေတယ်ဆိုတာ သတိထားမိပါတယ်။ သူတို့ဟာ စစ်ကြောရေးမှာ သူတို့ကို ဒူးထောက်တောင်းပန်မယ် ငိုပြမယ်လို့ ထင်နေပုံပါပဲ။ ကျမငိုနေတော့ရော လွတ်သွားမှာ မို့လို့လား။ ဒါကို ကျမ သေချာသိတယ်။ ဒါ့ကြောင့် ကျမ ငိုစရာ မလိုပါဘူး။ ဒီလိုဖမ်းမယ် စစ်မယ် မျှော်လင့်ပြီးသားပါ။ ကျမ သူငယ်ချင်း အများကြီးလဲ ဒီလမ်းကို ဖြတ်သွားကြတာပါပဲ. လို့ … ကျမ ခပ်အေးအေး ပြန်ပြောလိုက်ပါတယ်။

နင်ထပ်စဉ်းစားထားပါ။ နင့်မှာ ဖြေစရာတွေ အများကြီး ကျန်သေးတယ် ဆိုတာ ငါတို့သိတယ် ..တဲ့ ။ နင်က ကလေးဗိုလ် လုပ်နေရတာကို ပျော်နေတာ မဟုတ်လားတဲ့။ ဟုတ်ရင်လဲ ဟုတ်မှာပါ လို့ ပြန်ပြောတော့ တခွန်းမခံ ပြန်ပြောတာ နင့်အကျင့်လား။ ဒီနေ့ ခဏရပ်မယ် ။ မနက်ဖြန် ဆက်စစ်မယ်။ ငါတို့ မေးခွန်းတွေကို သေချာ ဖြေနိုင်အောင် ကြိုးစားပါတဲ့။ နင့်နောက်က လူတွေကို ဖော်ပေးနိုင်မှ နင်ဒီက ထွက်ရမယ်ဆိုတာ သိထားပါတဲ့ စစ်သားရင့်မကြီးက ကျမလို ပိစိကွေး ကျောင်းသူ တယောက်ကို ခြိမ်းခြောက်ဟိန်းဟောက်လို့။

အဲဒီနေ့က စစ်ကြောရေးဟာ အေးအေး ဆေးဆေး ပြီးသွားခဲ့ပါတယ်။ ညနေ တော်တော်မှောင်နေမှ ပြီးသွားတာမို့ ထမင်းကျွေးမယ့် အမတွေက ကျမ ပြန်အလာကို စောင့်နေပါတယ်။ သူတို့က အကြာကြီးပဲနော်လို့ ကျမကို ပြောပြီး ထမင်းစားတာကို ငေးကြည့်နေပါတယ်။ ခုဆို ထမင်းစားချိန်မှာ အခန်းတံခါးကို အကုန်ဖွင့်ပေး ထားတတ်ပါပြီ။ ထမင်း ပန်းကန်ထဲ ထည့်လာသမျှ ကုန်အောင်စားတဲ့ ကျမကို ထည့်ပေးတဲ့ ထမင်းကလည်း တဖြည်းဖြည်း များလာနေတာကိုလဲ သတိပြုမိပါတယ်။ ဒါဟာ ရဲဘော်တွေက ထားတဲ့ လူသားချင်း စာနာစိတ် စေတနာဖြစ်မယ် ထင်ပါတယ်။

အဲဒီနေ့ညက ကျမ ခိုးနားထောင်နေကျ လျှာထိုးပေါက်ကလေးကနေ နားထောင်နေတော့ ကျမ ခြေထောက်သေးတဲ့ အကြောင်းကို ပြောပြီး ရယ်မောနေတာတွေကို ကြားရပါတယ်။
ခြေထောက်ကလေးက သေးသေးလေးကွ.. တဲ့။
နောက်တခါ ခေါ်စစ်မယ့်နေ့ကို ကျမ စောင့်မျှော်နေရင်း အိပ်ပျော်သွားပါတော့တယ်။

Thursday, January 17, 2008

ဘ၀ဒိုင်ယာရီ အမှတ်တစ်(အပိုင်း သုံး)

အပိုင်း (၃)

အိပ်မယ် ကြံနေတုန်း တံခါးဖွင့်သံလိုလို ကြားရပြန်ရော ။ ဆက်နားထောင်နေလိုက်တော့လဲ ဘာမှ မဟုတ်ပြန်ဘူး။ အိပ်မက်လား ဘာလဲ ။ ထထိုင်နေလိုက်တော့တယ်။ အခန်းတံခါးကို မြင်ရအောင် တံခါးဖက် ခြေရင်းလုပ်အိပ်နေတဲ့ ကျမအတွက် ခေါင်းရင်းက တံခါးကို လာဖွင့်သလို အသံကြားနေရတာ။ ချက်ကို အပြင်က ဖွင့်ရတဲ့ တပေပတ်လည် တံခါးလေးပဲ။ သံတိုင်တွေ ရှိနေတယ် ဆိုတာ သိပေမဲ့ ဘယ်သူက ဘာလုပ်ဖို့ ဖွင့်သလဲ ။ စဉ်းစားမရဘူး။

ကြောက်လန့်အောင် ခြောက်ချင်တာလဲ ဖြစ်မယ်ထင်တယ်။(အဲဒါ ခြောက်တာလို့ ထောင်ထဲရောက်တော့ အရင်ရောက်နှင့် နေသူတွေက ပြောတယ်။ အော် သူတို့ခြောက်တာကလဲ အဲဒီတုန်းက ကြောက်လဲ မကြောက်မိဘူး) အပြင်မှာ ဘောလုံးကန်သလား ဒါမှမဟုတ် ခြင်းခတ်သလား (၂ခု စလုံးလဲ ဖြစ်နိုင်တယ်) လူများများနဲ့ အသံတွေ ကြားနေရတယ်။ မနက် ခပ်စောစောပဲရှိဦးမယ်ထင်တယ်လို့ တွေးမိတော့ အခန်းထဲမှာ မှောင်နေပေမယ့်၊ ဒီအဆောက်အဦးမှာ ကိုယ်တယောက်တည်း ရှိနေပေမယ့် မကြောက်ခဲ့ပါဘူး။ အိပ်မရမဲ့ အတူတူ သံဗုဒ္ဓေရွတ်နေတာပဲ အေးတယ်။ နာရီကလည်း ဘယ်နှစ်နာရီဆိုတာ မမှတ်မိလိုက်ရင် သိကို မသိတော့ဘူး။ တနာရီ ဆိုတာကလည်း စောင့်နေသူ အတွက်တော့ တော်တော်ကြာသကိုး။


တညလုံးမအိပ်ခဲ့ရတော့ တဖြည်းဖြည်း အိပ်ပျော်သွားတာပါပဲ။ အဲဒီနေ့က မနက်စာ မစားရဘူး။ ကိုယ်က နေလည်း မကောင်းတော့ အိပ်ချည်းနေလိုက်တာပဲ။ အရင်နေ့လို ထလမ်းလျှောက်တာ၊ ခုန်နေတာတွေလည်း မလုပ်ဖြစ်ဘူး။ ဒီလိုနဲ့ အပြင်မှာ ထမင်းချက်နေသံတွေ ကြားရတယ်။ သူတို့လဲ မနက်စာ ပဲဟင်းဖြစ်နေတာ များတယ်။ ခုကြားရတဲ့ အသံတွေအရ ညနေစာ ချက်နေတာ ဖြစ်မယ်။ အမလေး ထမင်းစားချင်လိုက်တာ။
ညနေဖက် ရောက်လာပြီဆိုတော့ ညစာ ကျွေးမယ်ထင်ပါတယ် လို့ စဉ်းစားနေတုန်း တံခါးဖွင့်ပြီး ထမင်း ပန်းကန်ရောက်လာတယ်။ ပထမဆုံးနေ့က တွေ့တဲ့ အမတွေပဲ။ ညီမလေး နေမကောင်းလို့ဆို .. ရဲဘော်တွေက သူတို့ စကေးထဲက ပိုထည့်ပေးထားတယ်တဲ့။ ဟုတ်ကဲ့  လို့ပဲ ပြောပြီး ထမင်းပန်းကန်ဆွဲစားလိုက်တော့တယ်။ ပဲဟင်း ပန်းကန်ကို အလယ်မှာ မထားပဲ ဘေးမှာ တင်ထားတယ်။ ဇွန်းနဲ့ ထမင်းကို မွှေလိုက်တော့ အလယ်မှာ အမဲသား တတုံးကို စမ်းမိတယ်။ ထမင်းတွေနဲ့ အုပ်ထားတဲ့ ဟင်းတုံးကို ဘာမှ မပြောပဲ ခပ်ငြိမ်ငြိမ်ပဲ စားနေလိုက်တယ်။ တံခါးတ၀က်ဖွင့်ထားပြီး အပြင်က စောင့်နေတဲ့ အမတွေ မျက်နှာက စိတ်မကောင်းပဲ စောင့်ကြည့်နေရတဲ့ ခံစားချက်တွေနဲ့။ ကျမ မျက်နှာက တော်တော် နီနေတယ်တဲ့။ အဲဒီအမ ၂ ယောက်က ပြောသွားတယ်။ မနက်ဖြန် အစောင့် အဖွဲ့ လဲမှာတဲ့။ တပတ်တဖွဲ့ လဲတာတဲ့။ သူတို့ တိုးတိုး ပြောပြပေးသွားတယ်။ အော် ဒါ့ကြောင့် ထမင်း ပြင်ပေးသူက နှုတ်ဆက်တဲ့အနေနဲ့ ဟင်းတတုံး ထည့်ပေးသွားတာကိုး။

ပဉ္စမည…

ဘာလိုလဲ မေးလို့ တောင်းလိုက်တဲ့စောင်လဲ လာမပေးသေးဘူး။ ဒီဇင်ဘာ ဖြစ်သွားလေ ပိုအေးလေ ထင်ပါရဲ့။ ချမ်းတာ အိပ်လို့မရဘူး။ ဒါနဲ့ပဲ ထခုန်နေလိုက်တယ်။ စိတ်နည်းနည်းတိုတာကနေ များများတိုတာထိ တက်လာပြီ။ တံခါးကို ခြေထောက်နဲ့ ကန်ချင်လာသလိုပဲ။ နေဦး ခုကတည်းက ကန်ရင် မခံနိုင်သူ ထင်နေဦးမယ်။ မကန်သေးဘူး။ ကြိုးမပါပေမဲ့ ကြိုးခုန်သလို ခုန်နေလိုက်တယ်။ ချမ်းတာ သက်သာအောင်ပေါ့။ အေးတာကတော့ အခန်းထဲ နေတာတောင် တော်တော်အေးနေတယ်။ အချမ်းလဲ မသက်သာပါလား။ ခုန်လိုက်တော့ မောလာတယ်။ စိတ်တိုလေ မြန်မြန်ခုန်မိလေ။ ဟိုက်… ဖိနပ်တဖက် ပြတ်သွားပြီ။ ပါလာတဲ့ စိန်ဒါးမောက် ခြေညှပ်ဖိနပ် ပါးပါးလေးက ဒီလောက် ခုန်တာလေးတောင် မခံပါလား။ ကဲ .. ဖိနပ်မရှိလဲ ခြေဗလာနဲ့ပေါ့။ ဘာခက်လို့လဲ ။ ဘယ်မှလဲ သွားရတာမှ မဟုတ်တာ။

မောမောနဲ့ အိပ်လိုက်တာ နိုးလာတော့ မနက်ဘယ်အချိန်လဲတောင် မသိတော့ဘူး။ တံခါးဖွင့်ပြီး မနက်စာ လာကျွေးမယ့်သူကိုပဲ မျှော်နေလိုက်တော့မယ်။

ဒီနေ့တော့ ထမင်းက ခပ်စောစော ရောက်လာတယ်။ အဖွဲ့အသစ်ပြောင်းတော့ ရဲဘော်တွေ စောစောစားတတ်တဲ့လူ များလို့ထင်တယ်။ ဟင်းကတော့ ပဲဟင်းပဲ။ ထူးခြားတာက ထမင်းလာပို့တဲ့ အမတွေ နောက်က စစ်သားလေးတွေ ၀င်လာကြည့်တာပဲ။ သူတို့ ၀င်လာတာကို ထမင်းစားနေရင် မြင်ရတယ် ။ ဒီနေ့ တံခါးကို ကျယ်ကျယ် ဖွင့်ပေးထားတယ်။
ရေဗူးကိုရေဖြည့်ခိုင်းတော့ ရဲဘော်လေးတယောက် လာပို့တယ်။ သူတို့ အကျီ င်္က လက်မောင်း တံဆိပ်ကို ကြည့်တော့ ဆေးတပ် တံဆိပ်နဲ့။ ဒါကြောင့် သူတို့က နည်းနည်း ပျော့ပျောင်း နေသကိုး လို့တွေးမိတယ်။ ဒါမဲ့ ဖျားနေသူကို ဆေးလဲ လာမပေးဘူး။ စောင်လဲ လာမပေးဘူး။ စကားပြောမယ့်လုမရှိ။ အော် … အမှောင်ခန်းထဲမှာ ဒီတိုင်း ဘယ်နှစ်ရက် ထားမယ်မသိ။
ခြောက်ရက်မြောက်….
ခုနှစ်ရက်…
ရှစ်ရက်…
အဖျားက မကျဘူးထင်တယ်။ ခေါင်းတောင် မထောင်နိုင်တော့ဘူး။ ထမင်းလာပို့တဲ့ အမက မနေ့ညနေစာ အများကြီး ပြန်ပါသွားတာ သတင်းပို့ပေးထားတယ်တဲ့။


နေ့လည်ဖက် တံခါးခေါက်ဖွင့်သံတွေ ကြားရတယ်။ ဒီဇင်ဘာဆောင်းရဲ့ နှိပ်စက်မှုက လူကို နာလန်မထူအောင် လုပ်ထားတာပဲ။ ထကို မထနိုင်တော့ဘူး။ ချမ်းတာလဲ အရမ်းပဲ။ ကိုယ့်အိမ်မှာ နေတုန်းက မချမ်းသလိုနဲ့ ခုတော့လဲ အရိုးထဲ စိမ့်အောင် အေးသကိုး။ အေးတော့ ညဖက် အိပ်လို့ မရ။ ထထ ခုန်နေတော့ လူက နေကောင်းဖို့ အားမရှိသလို ဖြစ်နေတာ ထင်ပါရဲ့။ ဒီတိုက်ခန်းတွေက နေ့လည်ဖက်လဲ အအေးကမလျော့။ လူသစ်ရောက်လို့လားလို့ အသံကို နားစွင့်လိုက်တော့ ကိုယ့်အခန်းတံခါးသော့ဖွင့်သံ ထပ်ကြားတယ်။ လာခေါ်တာလား။ ထထိုင်ဖို့ ကြိုးစားနေတုန်း အခန်းအပြင်က တစုံတခု ပစ်သွင်းလိုက်တာ မြင်လိုက်ပြီး တံခါးပြန်ပိတ်သွားတယ်။ ဘုတ်ကနဲ့ ကျလာတဲ့ အရာက သက္ကလပ်စောင်လိုပဲ ခပ်လေးလေးနဲ့ စောင် ၂ ထည်ဖြစ်နေတယ်။ အမလေး … ၀မ်းသာအားရ ခပ်ကျဲကျဲခင်းထားတဲ့ ကွက်ပျစ်ပေါ်ကို တထည်ခေါက်ခင်းလိုက်ပြီး နောက်တထည်ကို အမြန်ခြုံလို့ အိပ်ပစ်လိုက်တော့တယ်။ အိုး .. စောင်တထည်ရဲ့ တန်ဖိုးကို ကျမသိပါပြီ အသင်…လောက…..။

အဲဒီနေ့က နေ့လည်ဖက် ခါတိုင်းနေ့တွေလို နာရီသံကို စောင့်ရေတဲ့အလုပ် မလုပ်ဖြစ်တော့ဘူး။ နွေးနွေးထွေးထွေး အိပ်လိုက်ရတော့ ခါတိုင်းလို ထမင်းဆာလို့ စောင့်နေရတာမျိုးလဲ မဖြစ်တော့ပဲ ညနေထမင်း လာကျွေးချိန်မှ ထဖြစ်တော့တယ်။ လူကလည်း လန်းဆန်းသွား သလိုပဲ။ ဒီစောင်တွေဟာ အမိန့်အရ ရောက်လာသလား။ ဒါမှ မဟုတ် ကင်းစောင့် ရဲဘော်တွေက ပေးထားတာလား ကျမ မသိဘူး။ ဒါပေမဲ့ စောင်တွေက အသစ်မဟုတ်သလို လူခြုံထားလက်စ စောင်တွေ ဆိုတာတော့ ကျမသိနေတယ်။

အဲဒီညနေ ထမင်းကို ဘဲဥ ကုလားဟင်းနဲ့ ကျွေးတာတော့ မှတ်မိနေတယ်။ ဘာ့ကြောင့်ဆို အိပ်ရေး၀၀ အိပ်လိုက်ရလို့ လန်းဆန်းနေတဲ့အချိန်မှာ ဘဲဥကုလားဟင်းနဲ့ ထမင်းစား ကောင်းခဲ့တယ် ဆိုတာကို အမှတ်တရ အရှိခဲ့ဆုံးမို့ပါပဲ။ ထမင်းလာပို့တဲ့ အမတွေက ၂ တွဲပဲ အလဲအလှယ် လုပ် ပို့တော့ ကျမနဲ့ တော်တော်သိနေပြီ။ သူတို့ အချင်းချင်း ကျမအခန်းအပြင်မှာ စောင့်နေတုန်း ပြောတဲ့ စကားအရ အခုသူတို့ လူကြီးတွေ မအားဘူး ဖြစ်နေတဲ့အကြောင်းနဲ့ ဗိုလ်ချုပ်ခင်ညွန့် ရောက်နေကြောင်းတွေ သိရတယ်။ ဒါ့ကြောင့် ကျမကို တရက်ပဲခေါ်စစ်ပြီး နောက်ရက် ခေါ်မစစ်နိုင် ဖြစ်နေတာကိုး ။

သူတို့ ကျမကိုတော့ သိပ်စကား မပြောရဲကြဘူး။ ကျမလဲ သူတို့ပြောစကားတွေ ခိုးနားထောင်တဲ့ အကျင့် ရလာတယ်။ အင်မတန်နားလေးတတ်တဲ့ ကျမလဲ ခုဆို လျှာထိုးပေါက်ကလေးကနေ အပြင်က ရဲဘော်တွေ စကားကိုတောင် ခိုးနားထောင်တတ်နေပြီ။ သူတို့စကားသံကြားနေရမှာ လူတွေ ရှိနေတယ်ဆိုတဲ့ အသိကို ကျမရနိုင်တယ်။ စကားမပြောရပဲ အမှောင်ခန်းထဲမှာချည်းနေရတဲ့အခါ တော်တော်ခက်ခဲတယ်ဆိုတာ တပတ်ကျော်ကျော် နေချိန်ရဲ့နောက်မှာ ခံစားလာရတယ်။ တယောက်တည်း ဘုရားစာ ဆိုတာတောင်မှ အသက်မ၀င်ဘူး။ တရားမှတ်ဖို့ကိုလည်း စိတ်ကတည်လို့မရဘူး။ ကိုယ်တိုင်က သမာဓိအား နည်းတာလဲ ပါမှာပေါ့။ ရေမချိုးရတာ ။ ခေါင်းမလျှော်ရတာ။ မနက်မိုးလင်းရင် ရေနဲ့ ပဲ ပလုပ်ကျင်းနေရပြီး သွားမတိုက်ပဲနေရတာ၊ မျက်နှာကို ရေနည်းနည်းနဲ့ ဆွတ်ရုံပဲ ဆွတ်နေရတဲ့ အခါ။ အကျီ င်္တထည် ထမိန်တထည်ထဲနဲ့ ချွေးထွက်လိုက် ပြန်ခြောက်လိုက် ဒီလိုပဲ နေရတဲ့အခါ ဘယ်လိုပဲ တောင့်ခံလို့ ကိုယ့်ကိုယ်ကို အားပေးနေပေမယ့် ဒေါသထွက် နေမိတာ အမှန်ပါပဲ။ သူတို့ ဒီလို လုပ်နေတာတွေဟာ ဆဲတာထက် ပိုဆိုးတယ် ဆိုတာ သူတို့သိမှာပါ။ ဒါဟာ သက်သက်မဲ့ ခံစားစေတယ် ဆိုတာလည်း သိပါတယ်။ ဒါ့ကြောင့် စိတ်ကို အတတ်နိုင်ဆုံး ဆွဲဆန့်ထား။ တည်ငြိမ်အောင်လုပ်။ တခုခုကို စဉ်းစား အသေးစိတ်တွေး… ။ ကိုယ့်ရဲ့စိတ်ကို ပြန်ထိန်းနိုင်အောင် လုပ်ရတာလောက် ခက်တာ မရှိပါဘူး။ ကျောင်းတုန်းက ဇာတ်လမ်းတွေ ပြန်စဉ်းစား ။ တချို့ကို စိတ်ကူးနဲ့ ကိုယ်ရေးချင်သလို ၀တ္ထုရေး။အင်း … ကောင်းနေတာပဲ။

ဒီလိုနဲ့ ….
ကိုးရက်…
ဆယ်ရက်…
လူက အိပ်နေရင်း အလုပ်မရှိတော့ နာရီသံကို လိုက်မှတ်ဖို့ စက္ကန့် မှန်အောင် တစ်နှစ်သုံးလေးကို မှန်မှန်အော်ရင်း နာရီဝက်ကို ၁၈၀၀ ထိရောက်အောင် ခေါ်ကြည့်တယ်။ ကျမ ၁၈၀၀ မှာ နာရီဝက် သံချောင်းခေါက်ချိန် တခါမှ မတိုက်ခဲ့ဘူး။ ဟားဟား အမြဲ စိတ်မြန်တဲ့ ကျမက စောနေတတ်တယ်။

ဒီတိုင်းအိပ်နေရင် ကိုယ့်နှလုံးခုန်သံကို ပြန်ကြားနေရတဲ့ထိ တိတ်ဆိတ်နေတတ်တယ်။ နားကျပ်နဲ့ နားမထောင်ပဲနဲ့ ကြားနေရတဲ့ လူတယောက်ရဲ့ တဒိတ်ဒိတ် နှလုံးခုန်သံဟာ ဒီလောက် ကျယ်လောင်လိမ့်မယ်လို့ အစတုန်းက နည်းနည်းမှ မစဉ်းစားခဲ့မိဘူး။ ဒါ့ကြောင့် တချို့တွေ စိတ်ဖောက်ပြန် သွားတတ်တယ် ဆိုတာကို လက်ခံရမယ်။ သူတို့က နည်းမျိုးစုံနဲ့ စိတ်ဓါတ် စစ်ဆင်ရေး လုပ်နေတာဖြစ်မယ်။ နေ့လည်ဖက်တွေ မအိပ်ချင်ဘူး။ နေ့လည်ဖက် အိပ်မိလို့ ညဖက် မအိပ်နိုင်ရင် တိတ်ဆိတ်ဒဏ်ကို ပိုခံရမှာ စိုးလို့။ ဒီလိုအချိန်မျိုးမှာ စိတ်ကို နေတတ်အောင် နေရမယ် ဆိုတာကို ပိုလို့နားလည် လာတယ်။ ချုပ်တည်းထားရင် ပိုဆိုးမယ်။ အရမ်းလွတ်သွားရင်လဲ မဖြစ်သေးဘူး။ လူက စကားပြောချင်စိတ်နဲ့ အသံတွေ ကြားချင်စိတ် ဖြစ်နေမိတယ်။

တနေ့တော့ သီချင်းတပုဒ်ကို အကျယ်ကြီး အော်ဆိုပစ်လိုက်တယ်။ မှတ်ကရော…။ နောက်ဖက်က တပေပတ်လည် တံခါးကို လာဖွင့်တယ်။ အလင်းရောင် ၀င်လာတော့ တော်တော်ပျော်သွားတယ်။ လူတယောက်ခေါင်း ပေါ်လာပြီး ဘာဖြစ်လို့လဲ တဲ့။

ပျင်းလို့ သီချင်းဆိုတာလေ ဆိုတော့ အော် .. ဆိုပြီး ဘာပြောရမှန်း မသိဖြစ်သွားပုံပဲ။ ဒီအခွင့်အရေးကို စကားပြောချင်နေတဲ့ ကျမက လက်လွတ်မခံနိုင်ဘူးလေ။ ဒါနဲ့ ဒီထဲမှာ ကျမ တယောက်တည်းလားလို့ မေးလိုက်တယ်။ မဟုတ်ဘူးတဲ့။ ဟိုဘက် တိုက်ထဲမှာလည်း တယောက်ရှိသေးတယ်။ သူက ခင်ဗျားကို သိတယ်တဲ့။ ဟိုက်….. ဘ ယ်သူလဲ ။ ယောက်ျားလား မိန်းမလား .. နာမည်ဘယ်သူလဲ.. တကယ့်ကို အငမ်းမရ ကျမမေးမိတယ်။ နောက်ထပ် ဒီလို တိုက်တတိုက်ရှိနေသေးတာ မသိခဲ့ဘူး။ ခုသူပြောလို့ ကျမသိလိုက်ရတယ်။
(ဆက်ရန်...)

Monday, January 14, 2008

သူတို့တွေလို....




အထက်ပါ ဓါတ်ပုံ ၂ ပုံကို သတိပြုမိသူ မြင်ဖူးသူတွေ ရှိမှာပါ။ ကျမကတော့ အမှတ်ထင်ထင် ရှိနေမိသလို သူတို့ သတင်းကိုလည်း နားစွင့်နေမိဆဲပါ။
ဦးပဇင်းငယ်လေး ကိုတော့ ဘီဘီစီကြည့်နေရင်း ပထမဆုံးတွေ့လိုက်ရတဲ့အခါ ရင်ထဲမှာ သတ္တိတွေ အများကြီး ၀င်လာသလို ဒဏ်ရာရသူကို ပွေ့ချီလိုက်တဲ့ ကောင်လေးကို တွေ့လိုက်ရတဲ့ အချိန်တုန်းကတော့ ရဲဘော်ရဲဘက် ဆိုတဲ့ စိတ်ဓါတ်ကို လေးစားစိတ် အများကြီး ဖြစ်ပေါ်မိပါတယ်။

အမည်မသိ သူ အထက်ပါအညတရ သူရဲကောင်းတွေလိုမျိုး ကျမတို့ နိုင်ငံမှာ အများကြီးရှိနေသေးတယ် ဆိုတာကို ကျမတို့ အသိအမှတ်ပြုရပါဦးမယ်။

ရွှေဝါရောင်တော်လှန်ရေးကာလတုန်းက နိုင်ငံခြားသတင်းဌာနတွေက ထုတ်လွှင့်တဲ့ ရုပ်သံတွေကို ထိုင်ကြည့်ရင်း ပြည်တွင်းက မေတ္တာပို့နေတဲ့ ဘုန်းဘုန်းတွေကို ကြည်ညိုမိသလို မိုးထဲရေထဲ၊ နေပူကျဲကျဲထဲ လျှောက်လှမ်းနေတာကို မြင်တိုင်း မျက်ရည်ကျတဲ့အထိ ရင်ထဲမှာ ၀မ်းနည်းဝမ်းသာ ခံစားခဲ့ရပါတယ်။
ကျမတို့ တိုင်းပြည်မှာ ကျမတို့ တရိုတသေ တလေးတစား တန်ဖိုးထား ရတဲ့ ဘုရားသားတော် အလုံးအရင်း ထောင်ချီလမ်းလျှောက်တာကို ပထမဆုံးအကြိမ် မြင်ဖူးလိုက်တာလည်း ဖြစ်ပါတယ်။ ဒီအချိန်မှာ ရွှေတိဂုံ တောင်ဖက်မုဒ်မှာ ဘုန်းကြီးတွေ အရိုက်ခံရလို့ ဒေါသတကြီး တုန့်ပြန်လိုက်တဲ့ ဆိုင်ကယ်မီးရှို့တဲ့အမှု ပြုလုပ်လိုက်တာကို ကျမက လုံးဝမရှုတ်ချတဲ့ ဘက်က ဖြစ်နေပြန်ပါသေးတယ်။ ဒီလောက်ပြန်လုပ်တာတောင် နည်းသေးတယ်လို့ ကျမက တွေးမိလို့ ဖြစ်ပါတယ်။
တကယ်တော့ ငြိမ်းချမ်းစွာ ဆန္ဒပြတဲ့ နေရာမှာ သူတို့ လုပ်သမျှ ငုံ့ခံရမယ်ဆိုတဲ့ ဆန္ဒပြခြင်းမျိုးရှိနိုင်သလို မတရားတဲ့ အမိန့်အာဏာတွေကို ပြည်သူလူထုက စည်းလုံးစွာ အာခံ ဆန္ဒပြတဲ့ လှုပ်ရှားမှုမျိုးလည်း လိုအပ်တယ်လို့ ကျမက မြင်မိတွေးမိပါတယ်။ အကြမ်းမဖက် ငြိမ်းချမ်းစွာ ဆန္ဒပြတဲ့နည်းကို မဟ္တမဂန္ဓီ ဦးဆောင် လှုပ်ရှားခဲ့စဉ်က အစိုးရချမှတ်တဲ့ ဆားချက်တဲ့ ဥပဒေကို ဆန့်ကျင်ဖို့ အန္ဒိယအမျိုးသား ထောင်ပေါင်းများစွာဟာ ပင်လယ်ကမ်းစပ်တွေမှာ ဆန့်ကျင် ဆားချက်ပြခဲ့ကြတာကို မှတ်မိကြမှာပါ။

ကျမတို့ ပြည်တွင်းက ပြည်သူတွေအနေနဲ့လည်း အကြမ်းမဖက် ငြိမ်းချမ်းတဲ့နည်းကို ဆန္ဒပြရမှာ ဒီမတရား အာဏာ ရယူထားတဲ့ စစ်အစိုးရက ထုတ်ပြန်တဲ့ မတရားတဲ့ အမိန့် ဟူသမျှ အာဏာဟူသမျှကို ဆန့်ကျင်ပြရပါမယ်။ အဲလို ဆန့်ကျင်ပြရာမှာ တတိုင်းပြည်လုံး တနိုင်ငံလုံး စည်းလုံးစွာ ဆန့်ကျင်ပြရမှာပဲ ဖြစ်ပါတယ်။ ဒီလောက်ကတော့ ငါတတ်နိုင်ပါသေးတယ် ဆိုပြီး ငြိမ်ခံနေရင်းကနေ တဖြည်းဖြည်း ပြားပြားဝပ်သွားအောင် ဖိနှိပ်ခံနေရတော့မှာ မို့ အသေးဆုံးက စပြီး ဆန့်ကျင်ပြနိုင်ဖို့ လိုပါတယ်။ မုဆိုး ဖြန့်အုပ်လိုက်တဲ့ ပိုက်ကွန်ထဲက လွတ်အောင်ရုန်းနိုင်ဖို့ တနိုင်ငံလုံး တတိုင်းပြည်လုံး အချိန်ကိုက် အားကုန် ရုန်းထွက်ဖို့ကတော့ လိုပါလိမ့်မယ်။

သာသနာကိုပါ စော်ကားဖိနှိပ်တဲ့ စစ်အစိုးရသာ ဆက်လက်တည်ရှိခွင့်ပြုခဲ့ရင် ကျမတို့ မျိုးဆက်သက်တွေအားလုံး ဘာသာသာသနာ အစစ်နဲ့ မတွေ့နိုင်တော့ပဲ စစ်အုပ်စုကပေးတဲ့ သင်္ကန်းကိုသာ ပတ်ထားတဲ့ သံဃာင်္တုတွေကို ရှိခိုးနေရပါတော့မယ်။ နောက်ပိုင်း ကျမတို့ ကလေးတွေ ဗုဒ္ဓဘာသာ ထုံးထမ်း စဉ်လာအတိုင်း ကိုရင် ၀တ်မယ် ။ ပဉ္စင်း ခံမယ်ဆိုရင်တောင် လျှောက်လွှာတင် ခွင့်ပြုချက်ကျမှ ပြုခွင့်ရတော့မယ့် ဘ၀ကို ရင်ဆိုင်ရပါတော့မယ်။
နိုင်ငံတနိုင်ငံရဲ့ ယဉ်ကျေးမှုတွေဟာ ဘာသာရေးနဲ့ ဆက်နွယ်မြဲမို့ ကျမတို့ တိုင်းပြည်မှာ ယဉ်ကျေးမှုတွေလည်း ကွယ်ပျောက် ရပါတော့မယ်။

ရဲဘော်ရဲဘက် စိတ်ဓါတ် ရှိဖို့ကလည်း အလွန်လိုအပ်လှပါတယ်။ ကိုယ့်တိုင်းသူပြည်သားအချင်းချင်း သူ့မယုံရ ၊ ကိုယ့်မယုံရ ဖြစ်နေရတဲ့ ဘ၀မျိုးကလည်း ကင်းလွတ်ဖို့ ကြိုးစားကြရပါဦးမယ်။ ကိုယ်နဲ့ မဆိုင်ဘူးဆိုပြီး မသိသလို နေ နေလိုက်ရင် ကိုယ့်အလှည့် ရောက်လာတဲ့ တနေ့ကို ရင်ဆိုင်ရမှာ မလွဲမသွေဖြစ်တယ် ဆိုတာကိုတော့ သတိပြုမိကြ စေချင်ပါသေးတယ်။

ဒဏ်ရာရသူကို ပွေ့ချီထားတဲ့ ကောင်လေးကို ပထမနေ့ ဘီဘီစီရုပ်သံသတင်းမှာ တွေ့လိုက်ရကတည်းက မှတ်မိနေခဲ့ပြီး ၂၇ ရက်နေ့ ဆူးလေအနီးက ပစ်ခတ်မှုမှာ သူ့ဘေးက ကောင်လေးတယောက် ဒဏ်ရာရရှိ ပြင်းထန်တာကို တွေ့လိုက်ရတဲ့အခါ ခံစားသွားတဲ့ သူ့မျက်နှာ နဲ့ ငါတို့ ကျောင်းသားတယောက် ဒဏ်ရာရသွားပြီဟေ့ လို့ ပြောပြောဆိုဆို ဆွဲယူပွေ့ချီ ပြေးထွက်သွားတဲ့ သူ့လှုပ်ရှားမှုကို မြင်လိုက်ရချိန်မှာ
ရဲဘော်ရဲဘက် စိတ်ဓါတ်ဖြစ်တဲ့ ကိုယ်လွတ်ရုန်းမသွားခြင်းကို ပီပီပြင်ပြင် မြင်တွေ့ခံစားလိုက်ရပါတယ်။ အခြားလူတွေနဲ့အတူ သက်စွန့်ဆံဖျား ပြေးလွှားနေချိန်မှာ ကိုယ်နဲ့ မသိပေမယ့် ကိုယ့်လိုပဲ ယုံကြည်ချက်တူ ဦးတည်ချက်တူ တဦးကို ခုလို ကူညီကယ်တင် တာမျိုး လူတိုင်း လုပ်ဆောင်နိုင်မယ်ဆိုရင် ကျမတို့ စစ်အာဏာရှင် လူရမ်းကား တစုလက်ထဲမှာ ထပ်ကြာကြာနေရတော့မှာ မဟုတ်ဘူးလို့လဲ အားတက်မိလိုက် ပါတော့တယ်။
ခုလို အညတရ သူရဲကောင်းတွေ ကျမတို့ မြန်မာနိုင်ငံထဲမှာ အများကြီးရှိနေပါသေးတယ်။

ဦးပဇင်းငယ်လေး ပေးခဲ့တဲ့ သတ္တိခွန်အားနဲ့ ကျောင်းသားငယ်လေးပေးခဲ့တဲ့ ရဲဘော်ရဲဘက်စိတ်ဓါတ် ခွန်အား တွေက ကျမရင်ထဲမှာ ထာဝရ ကိန်းအောင်းနေတော့မှာ ဖြစ်ပါတယ်။

Saturday, January 12, 2008

ဘ၀ဒိုင်ယာရီ အမှတ်တစ်

အပိုင်း(၂)

ကားက ကွေ့လိုက်ကောက်လိုက်လမ်းကို မောင်းနေရင်း ရပ်သွားတယ် ။ ကျမ ဆက်ထိုင်နေတာပဲ။ သူတို့ ဆင်းခိုင်းမှ ဆင်းမယ်လို့ စိတ်ထဲမှာ တွေးထားတယ်။ ၁၀ မိနစ်လောက်ကြာတော့ မိန်းမအသံတွေ ကြားရတယ်။ နောက် ညီမ လာ ဆင်းမယ်ဆိုပြီး ကျမလက်ကို လာဆွဲဆင်းခိုင်းတယ်။ ကျမရဲ့ အ၀တ်ထုပ်ကို ယူတော့ တယောက်က နေကျမ ယူလာမယ်တဲ့။ ယူပေါ့။ အောက်ကိုရောက်တော့ အထုပ်ထဲက ပစ္စည်းတွေကို စာရင်းလုပ်တယ်။ အကျီ င်္ ဘယ်နှစ်ထည် ၊ လုံချည် ဘယ်နှစ်ထည်၊ သွားတိုက်တံ ၊ သွားတိုက်ဆေး အကုန်ကို စာရင်းလုပ်ပြီး ကျမကို ရေဘူးလက်ထဲ ထည့်ပေးတယ်။ ပြီးတော့ ရှေ့ကို သွားခိုင်းတယ် ။ လှေခါးတထစ် ရှိတယ်။ သုံးလှမ်းလောက် လှမ်းပါ။ ရပ်လိုက် တဲ့ ။ ခြေထောက်ကို ရပ်လိုက်တော့ ခေါင်းစွပ်ကို လာချွတ်ပေးတယ်။

ရှေ့က မြင်ကွင်းကို မီးလုံးနီကျင်ကျင် အလင်းရောင်အောက်မှာ မြင်လိုက်ရတယ်။ အခန်း တွေ မျက်နှာချင်း ဆိုင်နေတဲ့ တထပ် အဆောက်အဦးတခုရဲ့ ထိပ်ဆုံးခန်းရှေ့မှာ ကျမ ရပ်နေတာပဲ။ အဲဒီအခန်းထဲ ၀င်တဲ့။ ရပ်နေတဲ့ နေရာရဲ့ ဘယ်ဘက်အခန်းထဲကို ကျမ ၀င်လိုက်တော့ အထဲမှာ မီးသီး နီကျင်ကျင်တလုံး ထွန်းထားတဲ့ ၈ ပေ ပတ်လည်လောက် ရှိတဲ့ အခန်း တခန်းပါ။ စဥ့်မိလ္လာအိုး တလုံး။ လက်လေးလုံးလောက် အမြင့်ရှိပြီး ပျဉ်ပြားတွေကို ခပ်ကျဲကျဲ ခင်းထားတဲ့ ၂ပေခွဲ ၆ ပေလောက်ရှိတဲ့ ကွက်ပျစ်တခု ရှိနေတယ်။ ကျမပါလာတဲ့ ရေဗူးကို ကွပ်ပျစ်ဘေးချပြီး အပေါ်က ထပ်ဝတ်ထားတဲ့ ဂျာကင်နဲ့ ဖုန်ခါပစ်လိုက်တယ်။ နိုဝင်ဘာလဆိုတော့ တော်တော်တော့ အေးသား။ ပါလာတဲ့ စောင်လဲ မယူရဆိုတော့ အချမ်းကြောက်တဲ့ ကျမနဲ့တော့ တွေ့ပြီပေါ့။ အိပ်ဖို့ပဲ ရှိတာမို့ လှဲအိပ်ရင်း ဘာတွေ ကြုံနိုင်မလဲ ။ ဘာတွေ မေးမလဲ စဉ်းစားရင်း အော် စစ်ကြောရေးတိုက် ဆိုတာ ဒါကိုးလို့ တွေးမိနေတယ်။ အခန်းအ၀င်ဝကို မြင်ရအောင် အိပ်လိုက်တော့ တံခါးရဲ့ အလယ်မှာ လိုင်းတခုနဲ့ ဟိုဘက်ဒီဘက် တွန်းလို့ရတဲ့ သစ်သားပြားလေး တခုကို မြင်လိုက်တော့ ထပြီး တွန်းကြည့်မိတယ်။ အော် အပြင်ကို တခုခု လှမ်းပြောလို့ ရအောင် လုပ်ထားတဲ့ အပေါက်ကလေးဖြစ်မယ်။ တလက်မအကျယ်နဲ့ အရှည်က လေးလက်မလောက်ရှိတဲ့ အပေါက်လေးက တံခါးအလယ်မှာ အခန့်သား အံဝှက်ကလေးနဲ့။ နောက်ဖက်ကို ကြည့်လိုက်တော့ တပေ ပတ်လည်လောက်ရှိတဲ့ သံတိုင်တပ်ထားတဲ့ တံခါးတခု။ ဖွင့်လို့ရမလားလို့ သွားကြည့်တော့ အဖွင့်အပိတ်ကို အပြင်က လုပ်တဲ့ တံခါးဖြစ်နေတယ်။ အော် .. စစ်ကြောရေး တိုက်ခန်းဆိုတာ ဒီလိုပါလား လို့ တွေးရင်း ပြန်လှဲနေလိုက်တယ်။ အိပ်ပျော်အောင် လှဲနေပေမယ့် ရုတ်တရက် အိပ်မရသေးဘူး။ အပြင်က ကင်းစောင့်နေတဲ့ စစ်သားတွေ စကားပြောနေသံကို ကြားရတယ်။ နောက် တံခါးမကြီး သော့ဖွင့်သံကြားရပြီး ကျမတံခါး သော့ ထပ်ဖွင့်သံကြားရလို့ ထထိုင်နေလိုက်တယ်။

ကျမနာမည်ခေါ်ပြီး အပြင်ပြန်ထွက်ခိုင်းပြန်ရော။ လူချည်းထွက်လာတော့ ရေဘူးပါယူခဲ့တဲ့။ ပြန်လှည့်ဝင်ယူပြီး အခန်းဝရောက်တော့ အထဲကို ၀င်သွား နောက်ပြန်လှည့်မကြည့်နဲ့ ဘေးကိုလည်း မကြည့်နဲ့တဲ့ ။ သာမန် အသံနဲ့ ပြောလဲ ရတာကို ဟိန်းလားဟောက်လာနဲ့။ ဆတ်ခနဲ ပြန်လှည့်ကြည့်ပစ်လိုက်တယ်။ နင့်ကို လှည့်မကြည့်နဲ့ ပြောနေတာ မကြားဘူးလားတဲ့။ မကြားဘူးလို့ ပြန်အော်ပေးလိုက်ရင်း ရှေ့ကို သွားတော့ ညာဖက် ၄ ခန်းမြောက် ရှေ့အရောက် ရပ်ခိုင်းတယ်။ အထဲကို ၀င်တဲ့။ ဟင်… ဒီအခန်းမှာ မီးလုံးမထွန်းထားဘူး။ တံခါးမပိတ်ခင် ကြည့်လိုက်တော့ အရင်အခန်းလိုပဲ အထားအသိုက ရှိနေတယ်။ မိလ္လာခွက်။ ကွက်ပျစ် ဒီအတိုင်း။ အထဲ လှမ်းဝင်တုန်းမှာပဲ အခန်းတံခါးကို ပိတ်လိုက်တယ်။ သော့ခတ်လိုက်တော့ ဘယ်က အလင်းရောင်မှ မရှိတဲ့ လုံးဝမှောင်မိုက်သော အခန်းဖြစ်သွားတော့တယ်။

အမှောင်ထဲမှာ ခဏရပ်နေရင်း သူတို့ထွက်သွားသံ။ အပြင်တံခါး ပိတ်သံကို နားထောင်နေလိုက်တယ်။ သူတို့ ထွက်သွားမှ ခုနအခန်းတံခါးရဲ့ အလယ်က လျှာထိုး တံခါးအသေးလေးကို ဆံပင်ညှပ်ကလစ်နဲ့ တွန်းဖွင့်ကြည့် တယ် ။ အဲဒါကို ဖွင့်ဖို့ လက်ကိုင်လေးကလည်း အပြင်ဖက်မှာပဲရှိမယ်ထင်တယ် ။ နည်းနည်းအားစိုက် ဖွင့်လိုက်တော့ ပွင့်သွားတာပဲ ။ အလင်းရောင်က အခန်းထဲ မရောက်ပေမဲ့ အလယ် စင်္ကြန်လမ်း မှာ ဖွင့်ထားတဲ့ မီးသီးရောင်ကြောင့် မျက်နှာချင်းဆိုင် အခန်းက တံခါးကို မြင်ရတယ်။ အဲဒါလေး ဖွင့်ထားပြီး ကွက်ပျစ်နေရာ မှန်းလာ။ အကျီ င်္နဲ့ ဖုန်ခါ အိပ်ဖို့ လုပ်လိုက်တယ်။ စစ်ကြောရေးဆိုတာ ညဖက်တွေ ထုတ်စစ်တတ်တယ်လို့ ပြောသံ ကြားထားဘူးတယ်လေ။ မစစ်ဆေးခင် အိပ်ရေး ၀အောင် အိပ်ထားမှ။

ချက်ချင်း အိပ်မပျော်နိုင်သေးပဲ အသံတွေကို သေချာ နားထောင် နေမိတယ်။ အခြားအခန်းတွေက ဘာသံမှ မကြားရပဲ အပြင်က နာရီသံချောင်းခေါက်သံ။ ကင်းစောင့်တဲ့ စစ်သားတွေ ကင်းလဲသံ တွေ ကြားနေရပြီး တဖြည်းဖြည်း အိပ်ပျော်သွားတယ်။

ညက အိပ်ပျော်ချိန်က အများဆုံးရှိလှ ၈ နာရီဆိုတော့ မနက် စောစောပြန်နိုးနေတယ်။ နာရီသံချောင်းခေါက်သံ ကြားတော့ နားထောင်ပြီး ရေမိတယ်။ အချက်အများကြီးပဲ ။ ဘယ်နှစ်နာရီဆိုတာ နားမလည်တော့ဘူး။ ဒီိလိုနဲ့ ဟိုတွေးဒီတွေး နေလာပြီး နောက်တခါ နာရီခေါက်တော့ ၄ ချက် ။ အော် ဒါဆို ခုန အချက်အများကြီးတီးတာ နာရီဝက်ကို တီးတာဖြစ်မယ်လို့ စဉ်းစားမိတယ်။ ပြန်အိပ်လို့ကလည်း မရတော့ ဘာလုပ်ရမှန်းမသိဘူး။ ခေါင်းထဲကို ၀င်လာတာက သံဗုဒ္ဓေ အခေါက်တထောင် ရွတ်ရင် အချုပ်အနှောင်က လွတ်တယ်တဲ့ ။ ဘယ်သူပြောခဲ့တာလဲ မသိပေမဲ့ နောက် ယုံကြည်တယ်လဲ မဟုတ်ပေမဲ့ အားနေတာပဲလေ ဆိုပြီး သံဗုဒ္ဓေကို စရွတ်တယ်။ အခေါက်အရေအတွက် မမှတ်ပဲ အားနေတာနဲ့ ရွတ်နေလိုက်တယ်။ ရွတ်နေရင်းနဲ့ စိတ်က ဟိုရောက်ဒီရောက်။ ဘယ်ဟာကိုမေးရင်တော့ မသိဘူးပြောလိုက်မယ်။ ဘယ်ဟာဆိုရင်တော့ ဘယ်လိုဖြေမယ် အဲလိုအတွေးတွေ ၀င်လာပြန်ရော။ နောက် သူတို့မေးချင်ရာမေး ငါလဲ ဖြေချင်ရာ ဖြေမယ်လို့ တွေးမိတဲ့အခါလည်း ရှိပြန်ရော။ မနက်မြန်မြန်ရောက်ပါစေ .. လို့ ဆုလဲ တောင်းမိသေးတယ်။ ဘယ်သူနဲ့မှ စကားမပြောပဲ ခုလိုနေဆိုတော့လဲ ပျင်းလိုက်တာ။။ စကားပြောချင်နေတယ်။ ဒါနဲ့ သံဗုဒ္ဓေကို အသံထွက် ရွတ်လိုက်တယ်။ နို့မို့ စိတ်ထဲက ရွတ်နေရင် တွေးမိသွားတာမို့ မတွေးမိအောင် အသံထွက် ရွတ်ရတာ။ အဲလိုနဲ့ မနက် ၇ နာရီ သံချောင်းခေါက်သံ ။ ကင်းလဲသံတွေ။ သူတို့ အချင်းချင်း စနောက်နေတာတွေ အားလုံးကြားနေရပြီး ဘာလှုပ်ရှားမှုမှ မရှိဘူးဖြစ်နေတယ်။ ကျမကို တံခါးလည်း လာမဖွင့်ပေးပါလား။ ဗိုက်ထဲက လည်း ဆာလာပြီ။

မနက် ၈ နာရီလောက်မှာ အမျိုးသမီး ၂ ယောက် တံခါးလာဖွင့်တယ်။ မိလ္လာအိုးချပြီး အိမ်သာ တက်ဖို့ အချိန်တဲ့။ ဒါနဲ့ မိလ္လာအိုးကို ကောက်ကိုင်ပြီး အပြင်ထွက်တော့ အပြင်မှာ တော်တော်လင်းနေတာပဲ။ အခန်းထဲမှာတော့ မှောင်နေတာမဲလို့။ အိမ်သာရေချိုးခန်းက ကျမအခန်းနဲ့ မျက်စောင်းထိုး အစွန်ဆုံးအခန်းပဲ။ နောက် သေချာကြည့်လိုက်တော့ အခန်း ၅ ခန်းဆီ မျက်နှာချင်းဆိုင် ပြီးအလယ်မှာ ၄ ပေလောက် ရှိမဲ့ လမ်းတခုထားတဲ့ အဆောက်အဦးပဲဆိုတာ သိလိုက်တယ်။ အပြင်ထွက် မျက်နှာသစ်တော့ သွားတိုက်တံ သွားတိုက်ဆေး တောင်းလိုက်တယ်။ သူတို့ကို ဘာမှမပြောထားဘူးတဲ့။ အမတို့က ဘယ်ကလဲ မေးတော့ ရဲဘော် မိန်းမတွေတဲ့။ နောက်နေ့ ပြောပေးမယ်တဲ့။ ဒါနဲ့ သွားမတိုက်ပဲ ပလုပ်ကျင်း မျက်နှာသစ် အိမ်သာတက် အချိန်ကို ၁၅ မိနစ်လောက် အပြင်မှာ ဖြုန်းပစ်လိုက်တယ်။

မနက်စာ ဘာမှလဲ မကျွေးဘူး။ ကျမရေဗူးကို ရေထပ်ဖြည့်ခိုင်းတော့ ဖြည့်ပေးတယ်။ ကျမယူသွားတဲ့ ရေဗူးကလည်း ထူးထူးဆန်းဆန်း ။ ဂစ် မီးခြစ်ပုံစံ၂ လီတာခွဲလောက် ၀င်ဆန့်တဲ့ ရေဗူး ဖြစ်နေတော့ တော်သေးတယ်။ ရေဗူးကို ရေအပြည့်ဖြည့်ပြီး အခန်းထဲ ပြန်ဝင်နေရပြန်တယ်။ ဗိုက်လဲ တကြုပ်ကြုပ်နဲ့ ဆာလိုက်တာ။ တကယ့်ကို ဘာမှမကျွေးဘူး ။ စိတ်ကတိုလာတယ်။ ဒါနဲ့ လမ်းထလျှောက်တယ်။ မှောင်နဲ့ မည်းမည်းပေမဲ့ အမှောင်ထဲမှာ နေသားကျလာတော့ ၀ိုးတ၀ါး မြင်နေရတာပဲ။ လမ်းလျှောက်လို့ ရနေတယ်။ ဗိုက်ဆာတော့ နည်းနည်း ဒေါသ ထွက်နေပြီး ထခုန်နေမိတယ်။ အထဲမှာ တယောက်တည်း လုပ်ချင်တာ လုပ်နေပြီးတော့ ချွေးထွက် မောလာတော့ ပြန်လှဲနေရင်း အိပ်ပျော်သွားပြန်တယ်။ ကျမကို ထမင်းကျွေးဖို့ မေ့တာတော့ မဟုတ်လောက်ဘူး။ မကျွေးပဲ ပညာပေးတာထင်တယ် လို့ တွေးမိရင်း အိပ်ပျော်သွားခဲ့တာ။ နိုးလာတော့ နေ့လည် ၂ နာရီ ၃ နာရီလောက်ပဲ။ အ၀င်တံခါး အလယ်က လျှာထိုးလေးက အသုံးဝင်သား။ အဲဒီမှာ နားကပ်ထောင်ရင် အပြင်က အသံတွေကို သေချာပိုကြားရတယ်။နောက် အပြင် အရောင်ကို အဲဒီနေရာက နည်နည်း ကြည့်လို့ရတယ်။

ညနေ ၄ နာရီလောက် တံခါးမကြီးဖွင့်သံကြာရတော့ အဲဒီ လျှာထိုးပေါက်ကလေးကို အမြန် သွားပိတ် ထားလိုက်ရတယ်။ မကြာဘူး ကျမအခန်း သော့ ဖွင့်သံကြားရပြီး တခါးခဏအပွင့်မှာ ကြည့်နေလိုက်တော့ ထမင်းပန်းကန် တခု အောက်ခင်း သံမန်တလင်းပေါ်မှာ လျှောတိုက်ရောက်လာတယ်။ ကျမ ဖမ်းယူပြီး ကြည့်လိုက်ချိန်မှာ ဇွန်းတချောင်းတပ်ထားပြီး ဟင်းပုံပေးထားတဲ့ ထမင်းတပန်းကန်။ အဲဒီအချိန်မှာ အခန်းတံခါး ပိတ်လိုက်တယ်။ ဇွန်းကို မှန်းကိုင်ပြီး ထမင်းခပ် ပါးစပ်ထဲသွင်းတော့ ကိုယ့်ပါးစပ်ထဲကို ၀င်အောင် မသွင်းနိုင်ဘူး ဖြစ်သွားတယ်။ နှုတ်ခမ်းအပြင်ဖက်ကို သွားသွင်းမိလို့ ပူပြီးစပ်သွားတာပဲ။ အဲဒီ ပထမဆုံးထမင်းကို စာရတာက ခရမ်းသီးဟင်း စပ်စပ်ဖြစ်နေတယ်။ ထမင်းက မနပ်ဖူး ။ဒါမဲ့ ပြဲနေတယ်။ ဒါကိုပဲ အကုန် ကုန်အောင် စားလိုက်ပါတယ်။

ထမင်းပန်းကန်ပြန်ပေးဖို့ တံခါးဆွဲဖွင့်လိုက်တော့ အပြင်ဖက်မှာ ခပ်ရွယ်ရွယ် အမျိုးသမီး ၂ ယောက် ထိုင်စောင့်နေပါတယ်။ မနေ့က ၂ယောက်တော့ မဟုတ်ဘူး။ ကျမက စပ်လို့ ရှုးရှုးရှဲရှဲ လုပ်နေတော့ စပ်လို့လားလို့ ခပ်တိုးတိုးမေးတယ်။ ဟုတ်တယ်အမလို့ ပြောတော့ ညီမလေးက ကျောင်းသူဆို။ ဘယ်နှစ်တန်းလဲ တဲ့။ တကယ့်ကို တိုးတိုးလေးပြောဖို့ ကျမတံခါးနားကို ကပ်လာတယ်။ ကျမ MSc တက်နေတာပါ ဆိုတော့ အော် တဲ့။ သူတို့ ဘာမှ ထပ်မပြောပဲ ထမင်းပန်းကန်သိမ်းရင်း အိမ်သာ သွားဦးမလားမေးတယ်။ ဟုတ်ကဲ့ ဆိုပြီး မိလ္လာအိုးပါ ချလိုက်တယ်။ သူတို့ခွင့်ပြုသမျှ အကုန်လုပ်ရမှာ က ကျမတာဝန်ပဲမဟုတ်လား။

(ဒုတိယည)
ဒီညလဲ ဘယ်အချိန်ခေါ်စစ်မလဲ ဆိုတာကို အိပ်ရင်းစောင့်နေပေမယ့် လုံးဝလာမခေါ်ဘူး။ အမလေး ပျင်းလို့ သေတော့မယ်ဟ။ ဒီလိုနဲ့ မနက်မိုးလင်းတယ်။ မိုးလင်းတာနဲ့ ဗိုက်ကလဲ တော်တော်ဆာနေတယ်။ ဆာရင်ရေသောက် ။ ဘုရားစာရွတ်။ စိတ်က လုံးဝ ထိန်းမရတော့ရင် အခန်းထဲ တယောက်တည်း ထခုန်နေ ၊ မောရင် ပြန်လှဲ ။ ဒါပဲ လုပ်စရာရှိတာ လုပ်နေလိုက်တယ်။ ဒီနေ့ မနက်စာ ငတ်ဦးမလားမသိ။

မနက် ၁၀ နာရီကျော်လောက် ရှိမယ်ထင်တယ်။ တံခါးလာဖွင့်သံကြားရတယ်။ ထထိုင်လိုက်တဲ့အချိန်မှာပဲ ထမင်း ပန်းကန် ရောက်လာတယ်။ မနေ့က အမတွေပဲ ဖြစ်နေတယ်။ ထမင်းပန်ကန်အလယ်မှာ ပဲဟင်းချို ပန်းကန် ထည့်ပေးထားတယ်။ နောက်ထပ် ဘာဟင်းမှ ပါမလာဘူး။ အင်း ထမင်းလဲ ပူပူပဲ ဆာနေတာနဲ့ ထမင်းပူပူ ဟင်းပူပူ စားလိုက်တယ်။ ဒီနေ့ အခန်းထဲမှာ မှောင်တယ်လို့ ပြောတော့ ကျမအခန်းတံခါးကို တ၀က်လောက် ဖွင့်ပေးတယ် ။ တော်သေးတာပေါ့ ထမင်းနဲ့ ဟင်းကို ခပ်မှုန်မှုန်မြင်ရပြီး စားလိုက်ရတယ်။ သူတို့ကျမ ပဲကြိုက်တာ မသိလို့ ဖြစ်မယ် လို့ စိတ်ထဲ တွေးမိသေးတော့တယ်။

ကျမ စားပြီးတော့ မနေ့ကလို အပြင် မထွက်ခိုင်းပြန်ဘူး။ ရေဘူး ထပ်ဖြည့်ခိုင်းတာတော့ ဖြည့်ပေးသွားခဲ့တယ်။ မနေ့ကလို သူတို့ စကားမပြောရဲပြန်ဘူး။ ကျမပြောဖို့ ကြိုးစားတာ မအောင်မြင်ခဲ့ဘူး။ သူတို့ကို စကားမပြောရ ပြောထားပုံပဲ။

နေ့လည် လဲ ကျောခင်း။ ညလဲ ကျောခင်း။ မနက်လဲ ကျောခင်းတော့ ကျမရဲ့ ခြေဖနောင့်တွေတောင် နာလာတယ်။ အောက်မှ ဘာအခင်းမှလဲ မရှိ၊ စောင်လဲ မရှိ။ အေးကလဲ အေး ။ရေချိုး မျက်နှာသစ်လဲ မချပေးတော့ တမျိုးကြီးပဲ နေရတာ။ ခေါင်းကိုက်သလို ပိုချမ်းလာသလိုနဲ့ မျက်လုံးတွေကလည်း ပူလာသလို… စိတ်ထဲက ထင်တာလဲ ဖြစ်မှာပါ။ ဘုရားစာ ပိုရွတ်တယ်။ တကယ်ဆို အခေါက် တထောင်တောင် ကတော့မယ် မထင်ဘူး။ အားတိုင်းရွတ်တယ်ဆိုတော့ အချိန်တိုင်းကလဲ အားနေတာကိုး။

ညနေစာ စားဖို့လာပို့တဲ့ အမျိုးသမီး ၂ ယောက်က အသစ်ဖြစ်နေပြန်ရော.. သူတို့ကို စကားပြောမလို့ ပြင်တော့ သူတို့က ကျမနားမှာ မနေဘူး။ တံခါးမကြီးဖက်ကိုထွက်သွားတယ်။ကျမ တယောက်တည်း ထမင်းစားတယ်။ ပြီးတော့ မိလ္လာချတယ်။ အိမ်သာရေချိုးခန်း ဆက်နေတဲ့ အခန်းထဲက ရေကန်က ရေနဲ့ မျက်နှာသစ် လက်ဆေး ခြေဆေး လုပ်ပစ်တယ်။ ဟီး.. မလုပ်ခိုင်းလဲ အမြန်ခိုးလုပ်လိုက်တယ်…။ ကျမ အခန်းထဲ ပြန်ရောက်တော့မှ ထမင်းပန်းကန်လာယူပြီး တံခါးပိတ် ပြန်ထွက်သွားတယ်။

တတိယည….
စတုထ္ထည… ကျမ ဖျားနေပြီထင်တယ်။ ခေါင်းအရမ်း ကိုက်လာသလို ချမ်းကလဲ အရမ်းချမ်းတာပဲ။ နိုဝင်ဘာအအေးက တော်တော်ဆိုးပါလား။ ဟီး ဟီးလို့ပါးစပ်က အော်ပစ်တယ်။ သက်သာသွားမလားလို့ပေါ့။ ညဖက် တံခါးဖွင့်သံကြားတယ်။ တော်တော်ညနက်နေပြီ။ အသစ်များရောက်လာသလား နားထောင်ကြည့်တော့ ကျမအခန်းသော့ဖွင့်သံကြားတယ်။ နောက် တံခါးမဖွင့်ခင် ဟိုဘက်လှည့်နေဆိုတဲ့ အမိန့်ပေးသံကြားရတယ်။ ကျမခေါင်းကို ခေါင်းစွပ်တခု လာစွပ်လိုက်တယ်။ ပြီးတော့ သူတို့ခေါ်တဲ့နောက် လိုက်လာရတာပေါ့။ ကျမတို့ အဆောင်အထွက်တခုမှာပဲ လှေခါးတထစ် ဆင်းရတယ်။ ကျန်တာ လမ်းဖြောင့် မြေကြီးလမ်း ဆိုတာ သိနေတယ်။ နောက် လေတအားတိုက်နေတဲ့ ဟင်းလင်ပြင်တခုကို ဖြတ်ရတယ်။ ပြီးတော့ မီးတွေ လင်းထိန်နေတဲ့ အခန်းတခုကို ၀င်ရတယ်။ မီးလင်းနေတယ်ဆိုတာကတော့ မျက်စေ့အောက်ကို ခိုးကြည့်လိုက်တယ်လေ။ အမှောင်ထဲမှာ သူတို့ ခေါင်းစွပ်က ကြိုးကို ချည်တုန်းက လက်ညှိုးနဲ့ ခံထားလိုက်တာကိုး မြင်ရတော့မပေါ့။

ကျမကို ထိုင်ခိုင်းတော့ ထိုင်ခုံကို မမြင်ရဘူး ထင်ပြီး လက်မောင်းကို ဆွဲချ ထိုင်ခိုင်းတယ်။ ကျမအမြန်ထိုင်ချပြီး နေမကောင်းဖြစ်နေတယ်။ ဒီတိုင်းထိုင်လို့မရဘူး ပြောတော့ ဘယ်လိုထိုင်မလဲတဲ့။ အမှီနဲ့ ထိုင်ချင်တယ်လို့ ပြောတော့ နံရံဘေးကို ကပ်ပေးတယ်။ နောက် ဘာဆေးသောက်မလဲ တဲ့ ။ ကျမ အင်္ဂလိပ်ဆေး မသောက်ဖူးလို့ ပြောလိုက်တယ်။ ကျမကို တခြားဆေးတွေ ပေးနေရင် ဒုက္ခလေ။ ဒါဆို ကော်ဖီသောက်ပါတဲ့။ အင်း လို့ပြောတော့ ခဏအကြာ ကော်ဖီလာချပေးတယ်။ ခေါင်း က မထူနိုင်အောင် ဖြစ်နေလို့ နံရံကို ခေါင်းနဲ့ မှေးထိုင်ထားလိုက် တယ်။

ကျမကိုစစ်မဲ့ လူရဲ့ခြေချောင်းတွေက အရှည်ကြီးပဲ ဆိုတာ ခေါင်းငုံရင်း မြင်သမျှ ကြည့်နေတဲ့ ကျမက မြင် နေရတယ်။ အသားညိုညို ခြေဆံလက်ဆံရှည်ရှည်ဆိုတော့ အရပ်ရှည်သူ ပဲဖြစ်ရမယ်လို့ ကောက်ချက်ချနေမိ သေးတယ်။ ကျမကို အမှုစစ်ဆေးမဲ့ သူက ဗိုလ်မှုးလား ဗိုလ်ကြီးလားဆိုတာကတော့ အဲဒီအချိန်က မဆန်းစစ်တတ်သေးဘူး။ သူကလဲ အက်စ်ဘီရုံးမှာ မေးသလိုပဲ ဗကသ စာရင်းစာအုပ်ထုတ်မေးပြန်ရော။နင်တို့ ခုထုတ်တဲ့ ဆဲဗင်းဂျူလိုင် အထိမ်းအမှတ်စာအုပ် အတွက်ပိုက်ဆံက နင်ထုတ်ပေးတာ ဆိုတဲ့။ လူက နည်းနည်း တင်းသွားတယ်။ ဘယ်ကောင် ထုတ်ပြောသလဲပေါ့။ မဟုတ်ပါဘူးရှင့်လို့ နည်းနည်း စိတ်ထိန်းပြောပြလိုက်တယ်။ ဒါဆို နေဦး နင့်လူတွေ ဖြေထားတာတွေ ဖတ်ပြမယ်တဲ့။ ဖတ်ပေါ့လို့ စိတ်ထဲက ပြောလိုက်ရင်း ကော်ဖီပူပူကို သောက်နေလိုက်တယ်။ ကော်ဖီထည့်ထားတဲ့ မတ်ခွက်ထဲက ကော်ဖီက အရမ်းချိုနေတယ်။ ဒါပေမယ့် ခပ်ပျစ်ပျစ်ပဲ။ နို့ဆီတွေ များများနဲ့ ဖျော်ပေးထားတာ ဖြစ်မယ်။ ကော်ဖီဆန်းစစ်ခြင်း လုပ်ပြီး စိတ်ကို ရှည်ရှည်ထားလိုက်တယ်။ သူဖတ်ပြနေတဲ့အထဲမှာ အရှေ့ အုပ်စု ကလေးတွေက ဘာတွေ ပြောခဲ့တယ်ဆိုတာကို သိလိုက်ရတာ အမြတ်ပဲ။ ကိုယ်လဲ သူတို့ ခင်းထားတဲ့ လမ်းအတိုင်းလျှောက်ဖို့ ဆုံးဖြတ်လိုက်တယ်။ သူတို့ တကယ့်အကြောင်းအရာတွေ အားလုံးချန်ထားခဲ့ပြီး လက်တွေ့ဖမ်းတဲ့ ဧရာဝတီတိုင်း ဗကသ က ထုတ်တဲ့ ဆဲဗင်းဂျူလိုင် အမှတ်တရ စာစောင်နဲ့ ပတ်သတ်သူတွေ ၊ အဖြစ်အပျက်တွေကိုပဲ အဓိကထား ပြောသွားတာကို သတိပြုမိတယ်။ ကောင်းလိုက်တာ ကိုယ်ဘာပြောရမယ်ဆိုတာ စဉ်းစားစရာ မလိုတော့ဘူးပေါ့။

လူလည်း နည်းနည်း စိတ်ပေါ့သွားတယ်။ သူတို့မေးတဲ့အထဲက သိတယ် မသိဘူး ။ ဟုတ်တယ် မဟုတ်ဘူး ပဲ ဖြေစရာ လိုတော့တယ်။ ကျမနဲ့ အမှုတွဲ ဖြစ်နေတဲ့ ၃ ယောက်ရဲ့ တယောက်ချင်း ထွက်ချက်တွေကို ဖတ်ပြနေတာက တနာရီကျော်ကျော် ကြာနေတယ်။ အဲဒီဖတ်ပြသူက ဖတ်ပြပြီးပြီးချင်း အပြင်ခဏသွားဦးမယ်။ ခေါင်းစွပ် မချွတ်နဲ့ နော် လို့ မှာပြီး အပြင်ထွက်သွားတယ်။ ကျမကလည်း စကားနားထောင်စွာ သူ့ခြေသံ ပျောက်သွားတာနဲ့ ခေါင်းစွပ်ကို အမြန်ပင့်ကြည့်လိုက်တော့ ကျမထိုင်နေတာက ရုံးခန်းတခုပဲ ဖြစ်မယ်။ ရှေ့က စားပွဲပေါ်က စာကြည့်မီးချောင်းလေး ဖွင့်ထားတယ်။ စာအုပ်တွေကလည်း သပ်သပ်ရပ်ရပ်မရှိဘူး ။ ပြန့်ကျဲနေတယ်။ ကုလားထိုင်ကတော့ ရုံးသုံးသစ်သား ထိုင်ခုံ မှ သစ်ညံ့ညံ့နဲ့ ထိုင်ခုံ။ ဒါဆို ဒီလူ သိပ်အကောင် ကြီးကြီး မဟုတ်ဘူးလို့ စိတ်ထဲက တွက်လိုက်မိတယ်။ ခေါင်းစွပ်ပြန်ချပြီးတာတောင် တော်တော်နဲ့ ပြန်ပေါ်မလာဘူး။ မီးတွေလင်းနေတဲ့ အခန်းထဲမှာ တယောက်တည်း ထိုင်နေရတာ တော်တော်ကြာတယ်။ ဒီနေရာက ပြန်လဲ မပြန်ခိုင်းဘူး။ အိပ်ချင်စိတ်လဲ မဖြစ်ဘူး။ စောင့်နေရတာကိုပဲ စိတ်တိုလာတယ်။ ဘာလုပ်တာလဲ။ သက်သက်မဲ့ နေမကောင်းဖြစ်နေမှန်းသိလို့ ညစ်ထားတာ ဖြစ်မယ်လို့ တွေးမိတော့ အားတင်းထား။ ဘာမှ မဖြစ်သလို ဆက်ထိုင်နေလို့ ကိုယ့်ကိုယ်ကို အားပေးထားလိုက်တယ်။ အဲဒီညက အဲဒီမှာ ထိုင်နေရတာ မိုးလင်းခါနီးထိပဲ။ ခေါင်းကို အုတ်နံရံမှာ မှီထားရင်း သံဗုဒ္ဓေရွတ်နေလိုက်တယ်။ သက်တောင့် သက်သာဖြစ်အောင် ကိုယ့်စိတ်ကပဲ ကိုယ့်ကိုထိန်းကျောင်းနိုင်မယ်ဆိုတာ လက်တွေ့ သိရတယ်။

ပြန်ဝင်လာတဲ့အသံကြားရပြီး ပြန်ပို့ဖို့ ခေါ်ခိုင်းနေသံကြားရတယ်။ အခန်းထဲပြန်ရောက်ရင် အိပ်ပစ်မယ်လို့ တွေးထားပြီး လာလမ်းအတိုင်း တည့်တည့်သွား။ ဘယ်ကိုကွေ့ ဆိုတာနဲ့ ပြန်လာလိုက်တယ်။ အခန်းထဲရောက်တော့ မျက်စိက အိပ်မရပြန်ဘူး။ ဒီလိုဘယ်နှစ်ရက် လုပ်ဦးမယ် မသိဘူး ။ ဒါ့ကြောင့် အိပ်လို့ရတဲ့အချိန် အိပ်ရမယ်လို့ ပြန်အားပေးပြီး အိပ်ပျော်ဖို့ ၁ ၊ ၂၊ ၃၊ ၄ ရေတွက်ကြည့်တယ်။ စိတ်ကို သေချာနှစ်ပြီး ရေတာတောင် တထောင်ကျော်ရောက်တဲ့ထိ အိပ်မပျော်ဘူး။ ခက်ပါလား။ စိတ်ကို လွှတ်ထားပြီး တွေးချင်တာ တွေးခွင့်ပေးလိုက်တယ်။ တဖြည်းဖြည်းနဲ့ အိပ်ပျော်သွားတယ်ထင်တယ်။

တံခါးသော့ဖွင့်သံ မကြားရပဲ အခန်းတံခါးကို အပြင်က ခေါက်သံကြားရတယ်။ ကျမ အသံချောင်းနားထောင်ရာ အလင်းရောင် ရလိုရငြား ဖွင့်ကြည့်တတ်ရာ လျှာထိုးပေါက်လေးကို အပြင်ကဖွင့်ပြီး ကျမနာမည်ခေါ်သံကြားလို့ ထကြည့်လိုက်တယ်။ နောက် အဲဒီအပေါက်လေးနားရပ်ပြီး အပြင်ကို ကြည့်လိုက်တော့ ပုခုံးမှာ အပွင့် ၃ ပွင့်နဲ့ စစ်ဗိုလ်တယောက်။ ကျမငုံ့ပြီး အပြင်ကိုကြည့်နေတာ သိတော့သူ့လက်ဝါးနဲ့ အပေါက်ကို ကာထားတယ်။ ဖျားနေတယ်ဆိုတဲ့။ ဟုတ်တယ် လို့ပြောတော့ ဘာလိုချင်သလဲတဲ့။ ကျမက စောင် လိုချင်ပါတယ်။ ကျမ အရမ်းချမ်းနေတယ် ပြောတော့ ဟုတ်ပြီပို့လိုက်ပါ့မယ်တဲ့။ ဘာဆေးသောက်မလဲ ပြောပါတဲ့ ။ ကျမအင်္ဂလိပ်ဆေး မသောက်ဘူး ဆိုတော့ ဗမာဆေး ရော ဘာသောက်မလဲ တဲ့။ ကျမက ရွဲ့ ပြီးပြောထားတာကိုး တကယ်ပြော ဆိုတော့ ဗမာဆေး ဘာမှာရမယ် မသိဘူး။ ဒါနဲ့ ဘာဆေးမှ မသောက်ချင်ဘူး လို့ပြောလိုက်တယ်။

တ၀ုန်းဝုန်း ခြေသံတွေနဲ့ ပြန်ထွက်သွားသံကို ကြားရတယ်။ ဖမ်းပြီး ပိတ်ထားတဲ့ ကျမအခန်းရှေ့မှာ စကားပြောဖို့ လာတဲ့ ဗိုလ်ကြီးတယောက်နောက်မှာ တပ်စိတ် တစိတ်စာလောက် စစ်သားတွေများ ပါသလားမသိပါဘူး။ ခြေသံတွေကတော့ အများကြီးပဲ။ အိပ်ပျော်ခါစပဲ ဖြစ်မယ်။ ထမင်းကလည်း ဘာမှမလုပ်ရပဲ ခဏခဏ ဆာနေတယ်။ ဗိုက်ဆာဆာနဲ့ အိပ်ဦးမှ……။

ဆက်ရန်.........

Wednesday, January 9, 2008

ဘ၀ဒိုင်ယာရီ အမှတ်တစ်

ဘ၀မှာ ရေးချင်ခဲ့တဲ့ စာတွေ။ ပြောပြချင်တဲ့ စကားတွေကို ဖတ်ပေး နားထောင်ပေးမယ့် ပရိတ်သတ်ကို ဒီဘလော့လေး လုပ်နေရင်းက ရရှိခဲ့ပါတယ်။ တခါတခါ ကိုယ်ရေး ကိုယ်တာ တွေ ၊ ထမင်းစားရဖို့ လုပ်နေတဲ့ အလုပ်တွေကို ၀တ်ကျေတမ်းကျေ မလုပ်ပဲ စိတ်ပါလက်ပါ ကိုယ်ဖိရင်ဖိ လုပ်ရတဲ့အခါမှာ ကိုယ့်ဘလော့လေး ရှင်သန်စေဖို့ စာတွေ မရေးနိုင် ဖြစ်ခဲ့ရပြန်ပါတယ်။ အသစ်မတင်နိုင်တဲ့ ဘလော့တခုကို ၂ ခါ ၃ ခါထက် ဘယ်သူက လာကြည့်ဖြစ်မှာလဲနော်။ ဒါကြောင့် တတ်နိုင်သလောက် အချိန်ကို ချိန်ဆရေးနိုင်ဖို့ ကြိုးစားခဲ့ရတယ်။

ဘ၀မှာ ဖြတ်သန်းခဲ့ရတဲ့ အဖြစ်အပျက်တွေ ပြန်ရေးဖို့ အားစိုက်ရင်း ကိုယ့်ကိုယ်ဖော် မသူတော် ဖြစ်မှာလည်း စိုးရိမ်ရသေးတယ်လေ။

ပန်းပဲဖိုတခု သို့မဟုတ် ခိုင်မာခြင်းနောက်ကွယ်မှ သိမ်မွေ့မှု

ကျမ ဘ၀ထဲမှာ ဘယ်လိုမှ မမေ့နိုင်ခဲ့တဲ့ စစ်ထောက်လှမ်းရေး ရဲ့ အမှောင်ခန်းထဲက ၂၈ ရက်ကို ပြန်လို့ ပြောပြချင်ပါတယ်။ ပြန်ပြောပြနိုင်တဲ့ ခုလိုအချိန်မှာသာ ၂၈ ရက်ဆို ခဏလေး လို့ တွေးလို့ရပေမဲ့ တကယ်ကြုံတွေ့နေတဲ့ အချိန်တုန်းက ဘယ်တော့ ဒီနေရာက ထွက်ခွာရမယ် ဆိုတာ မသိလေတော့ တော်တော်ကြာခဲ့တဲ့ အချိန်ကာလတခုပါပဲ။

၁၉၉၀ ခု နိုဝင်ဘာလ ၂၂ ရက်နေ့မှာ ကျမရဲ့ အိမ်ကို ယူနီဖောင်းဝတ်ဒုရဲအုပ်၊ ရဲသားတွေနဲ့အတူ သာမန် အရပ်ဝတ်နဲ့ ပေမဲ့ ကျမတို့က သူ့ကို စစ်ထောက်လှမ်းရေးလို့ သိနေတဲ့ တပ်ကြပ်ကြီးတယောက် ၊ ရပ်ကွက်လူကြီး တွေနဲ့ ရောက်လာခဲ့တယ်။ အချိန်က တော်တော်စောပါသေးတယ် ။ ည ၈ နာရီကျော် လောက်ပဲ ရှိဦးမယ် ထင်ပါတယ်။ အိမ်တအိမ်လုံး အပေါ်ထပ် အောက်ထပ် အကုန်မွှေနှောက် ရှာဖွေနေတာကို ကျမက ဒီတိုင်း ထိုင်ကြည့်နေလိုက်တယ်။ ကျမ ထိုးနေကျ ဗိုလ်ချုပ်အောင်ဆန်းပုံ၊ ဒေါ်အောင်ဆန်းစုကြည်ပုံ။ ခမောက်ပုံ စတာတွေပါတဲ့ ရင်ထိုးတံဆိပ်တွေ ၊ နောက်အာဇာနည်နေ့ အထိမ်းအမှတ် အာဇာနည်မျိုး သေရိုးမရှိ လို့ စာတမ်းပါတဲ့ ရင်ထုိးတံဆိပ်တွေ ထည့်ထားတဲ့ ဗူးကို ဖွင့်ကြည့်တဲ့ ဒုရဲအုပ်ကလေးက အသာဖွင့်ကြည့်ပြီး မသိသလို ချထားလို့ …. နောက် ဒီအပေါ်ရှာ ပြီးပြီလို့ အသံထွက်ပြောလိုက်တယ်။

ကျမအဖေ၊ ကျမအမေ ၊ မောင်လေး ၊ ညီမလေး သူတို့အားလုံး ကျမဒီအလုပ်တွေ လုပ်မယ်ဆုံးဖြတ်ကတည်းက ဒါမျိုးကြုံလာနိုင်တယ် ။ ဒါကို ခံစားနိုင်ရင်လုပ်ဆိုတဲ့ စကားကို ခေါင်းညိတ်ပြီး လုပ်ခဲ့တာမို့ အားလုံးက အေးဆေးပါပဲ။ မျက်နှာတောင် မပျက်ကြဘူး။(အားရှိစရာ)

နောက် အန်တီစု ဘာသာပြန်ထားတဲ့ if ကဗျာ ဘာသာပြန်စာအုပ်။ အဖွဲ့ချုပ်ကထုတ်တဲ့ ဂျာနယ်တွေ ထပ်ထားတဲ့ အပုံကို ရှာပြန်တယ်။ ဖူးချစ်ရဲ့ ကြိုးစင်ပေါ်က မှတ်တမ်းကို သေချာ လှန်ပြီး နည်းနည်းတောင် ဖတ်နေသေးတယ်။ သိန်းဖေမြင့်ရဲ့ အရှေ့ကနေ၀န်း ထွက်သည့်ပမာ၊ …… အောင်သန်းရဲ့ အောင်ဆန်းကို တွေ့တော့ သူမနေနိုင်ဘူး။ ဒီစာအုပ်တွေက အပိုင်လားတဲ့။ ကျမက အင်းလို့ မဖြေချင့်ဖြေချင် ဖြေပေးလိုက်တော့ သူခေါင်းညိတ်တယ်။ ပြီးတော့ ထောက်လှမ်းရေး တပ်ကြပ် အပေါ်ရောက်နေတုန်း ကျမကို if ကဗျာ စာအုပ် သူ့ကို ပေးဖို့ တိုးတိုးလေး လာတောင်းတယ်။ ကျမ ခေါင်းညိတ်ပြလိုက်တော့ သူ့ အနွေးထည် အကျီင်္ အိတ်ထဲကို အမြန် ထိုးထည့်လိုက်တယ်။ (အဲဒီ ဒုရဲအုပ်က ကျမ ထောက်လှမ်းရေးကနေ ထောင်ကိုရောက်၊ ထောင်ဝင်းထဲက ထောင်စာကြည့်တိုက်က အထူးရုံးခန်းမှာ အမှုစစ်တော့ သူပဲ တာဝန်ကျတာကို တွေ့ရတယ်။ ကျမထောင်က လွတ်တော့ အမြဲတမ်း သူတို့ လင်မယားကို အပြင်မှာ တွေ့ရင် နှုတ်ဆက်ဖြစ်တယ်။ ဒုတိယအကြိမ် အဖမ်းခံရတော့လည်း သူ့ကို ဆုံတွေ့ရသေးတယ်။ သူက အံ့သြလို့။ နောက် ၀မ်းပန်းတသာ နှုတ်ဆက်တယ်)

ကျမကို စစ်စရာရှိလို့ ခဏခေါ်သွားမယ်ဆိုတော့ ကျမက အနွေးထည် ဂျာကင်ကို ထပ်ဝတ်ပြီး အသင့် ထည့်ထားတဲ့ ရေဗူးနဲ့ သွားတိုက်တံသွားတိုက်ဆေး ဘာဘာညာညာထည့်ထားတဲ့ ကျွတ်ကျွတ်အိတ်ကို လှမ်းဆွဲတော့ အဲဒီထောက်လှမ်းရေး တပ်ကြပ်က တအံ့တသြကြည့်တဲ့ အကြည့်ကို ခုထိမှတ်မိသေးတယ်။ ကိုယ့်အကြောင်းကိုယ် သိတယ်ပေါ့လေ ဆိုတဲ့အကြည့်လို့ ကျမက ဘာသာပြန်တယ်။ လေသံပျော့ပျော့လေးနဲ့ သိပ်ကို နံတဲ့ကြောင်ချေးလို ကောင်ဆိုတာ ကျမတို့က သူ့ကို သိထားပြီးသား၊ မသိလို့ရောရမလား။ ကျမတို့ အဖွဲ့သားတွေ တော်တော် ဖမ်းခံထားရပြီလေ။ ပြီးတော့ ဘယ်လူက ဘယ်လောက်မာတယ် ပျော့တယ် ဆိုတာလည်း သိလိုက်ရတယ် ပြောရင် မလွန်တဲ့အခြေ ဖြစ်နေတယ်။ ကိုယ့်အဖွဲ့သားတွေထဲက ဘယ်သူ ဖော်လိုက်နိုင်တယ် မသိပေမဲ့ သူတို့ဆီမှာ ရှိနေတဲ့ အချက်အလက်အရ စာရင်းဇယားအရ ကျမကို ဖမ်းကို ဖမ်းရမယ်ဆိုတာ အဖမ်းခံရပြီးမှ သိတယ်။

တကယ်တော့ ကျမက လွတ်နေပြီးသား။ ဒါကို အရင်အဖမ်းခံထိတဲ့ လူတွေ အမိန့်ချပြီးပြီ ။ နင်နဲ့ မဆိုင်ဘူး ပြန်လာလို့ရတယ်တဲ့ ၊ အဲလိုပြောတာ အရွေးချယ်ခံထားရတဲ့ အမတ်ကပြောတာ။ အော် သူပြောတော့လဲ ယုံမိတာပေါ့။ အသက် ၂၅ နှစ်ဆိုပေမယ့် နိုင်ငံရေးပါးက သိပ်ဝသေးတာမဟုတ်ဘူး။ မခံချင်စိတ်နဲ့ မဆလကို ဆန့်ကျင်ရင် န၀တနဲ့ ထိပ်တိုက် တွေ့ရတော့တာကိုး။ ကျမသူငယ်ချင်းတယောက်က ကျမပုန်းနေတဲ့ဆီကို သတင်းစကား လာပို့ပေးရသူ။ ကျမအဖမ်းခံရတော့ သူက စိတ်မကောင်းဖြစ်လို့။ သူပြောလို့ ကျမပြန်လာတာလို့ အမြဲပြောပြီး စိတ်မကောင်းဖြစ်နေသူ။

ကျမကို ခေါ်သွားပြီး အဲဒီတုန်းက အက်စ်ဘီ လို့ ကျမတို့ခေါ်တဲ့ ရဲထောက်လှမ်းရေး ရုံးအပေါ်ထပ်မှာ တညလုံး မအိပ်ရဘူး။ သူတို့ တယောက်တလှည့်မေးနေတာ။ မသိဘူးလေ ။ ဟုတ်လား ဆိုတာတွေ တညလုံး ထိုင်ဖြေနေရတဲ့အဖြစ်။ နင်ဒီမှာ ကောင်းကောင်းမဖြေရင် ဒါ့ထက်ဆိုးတဲ့နေရာ ရောက်သွားမယ်နော်တဲ့။ ရောက်ဖူးတာပေါ့ လို့ ကျမက ပြောတော့ တော်တော် ဒေါသထွက်သွားပုံပဲ။ စားပွဲပေါ်ကို ထုလိုက်သေးတယ်။

ယောက်ျားတွေအများကြီးက အဲဒီတုန်းက ပိန်ပိန်လေးဖြစ်တဲ့ကျမကို ဒေါသထွက်နေတာများ ရယ်ချင်စရာကြီး။ ကျမက ရယ်တော့ ဘာရယ်တာလဲတဲ့။ မသိဘူး ရယ်ချင်လို့ ဆိုတော့ ပိုဒေါသ ထွက်နေကြသေးတယ်။ ကျမသိတာတွေ မသိတာတွေ အားလုံး စုရေးထားပုံရတဲ့ စာအုပ်တအုပ်ကိုလည်း ဖတ်ပြကြသေးတယ်။ ဟုတ်ရင် ဟုတ်တယ် ။ မဟုတ်ရင် မဟုတ်ဘူးဖြေတဲ့။ အင်း .. ဖြေရတာပေါ့ လို့… ။ အဲဒီတုန်းက အင်မတန် စိတ်ဓါတ် တက်ကြွပြီး အင်မတန် မာနေတဲ့ အရွယ်ကိုး။ ကြောက်စိတ်က မရှိဘူး။ လာထားပေါ့ ဆိုတဲ့ စိန်ခေါ်ချင်တဲ့ မာတောင့်တောင့် မျက်နှာပေးတော့ ရှိနေလိမ့်မယ်ထင်တယ်။ သူတို့ကလည်း အဲဒါကို ချိုးချင်ပုံပါပဲ။

ပျို့သာကီနွယ် ဆိုတာနင်လားတဲ့။ မဟုတ်ဘူး။ ဒါဆို ဘယ်သူလဲတဲ့ ၊ မသိဘူးလေ လို့ ကျမကဖြေတော့ … အော် ပြန်ရော… သူတို့ရှေ့က စာအုပ်ကို ကျမကို ထိုးပြတယ်။ အားပါးပါး… ကျမတို့ ဗကသ တိုင်းစာရင်း ၊ မြို့နယ်စာရင်း တန်းစီရေးထားတယ်။ နာမည်ရင်းတွေ မဟုတ်ဘူးလေ။ နာမည်ဝှက်တွေချည်းပဲ။ ကိုယ့်ဖာသာတော့ ကိုယ် သိတာပေါ့။ ဘယ်သူက ဘယ်ကောင်ဆိုတာ။ ဒါမဲ့ သူ့ကို ဘာတွေလဲ လို့ ပြန်မေးတာပေါ့။ တကယ်က ကျမသိတယ် သူတို့ က ရေးထားတဲ့ လက်ရေးကို မသဲကွဲတာ ။ မျိုးသာကီနွယ် လို့ နာမည်ဝှက်ပေးထားတာ ကျမကိုယ်တိုင်ပဲ။ ဟားဟား… ကျမလိမ်တာမှမဟုတ်တာနော်။ ပျို့သာကီနွယ်ဆိုတော့ မသိဘူးလေ ။ အဲဒီနာမည် တလုံးတည်းနဲ့ ကျမတို့ မိုးလင်းသွားတယ်။

မိုးလင်းတော့ ရဲမေ ၂ ယောက် ရောက်လာတယ်။ ကျမက ဒီမြို့ သူစစ်စစ်ဆိုတော့ ရောက်လာတဲ့ ရဲမေ ၂ ယောက်စလုံးက အသိတွေ။ ကျမထက်နည်းနည်း ငယ်တယ်ဆိုပေမဲ့ အထက်တန်း တကျောင်းတည်း။ ၂ နှစ်လောက်ပဲ ကွာတာဆိုတော့ သူတို့ကျောင်းပြီးတာနဲ့ ရဲမေသင်တန်းတက် ရဲမေဖြစ်နေတာတွေ။ ကျမက သူတို့ကို ငယ်နိုင်လိုဖြစ်နေတာ သူတို့သိပုံမရဘူး။ ဟိုကလည်း ခပ်တည်တည်နေပြီး ကျမက အိမ်သာသွားမယ်ဆို လိုက်ပို့ခိုင်းရော။ ရုံးခန်းထဲမှာ အိမ်သာမရှိဘူး။ နည်းနည်း သွားရသေးတော့ လမ်းမှာ ဘယ်လိုဖြစ်တာလဲ အမ။ အိမ်ကိုဘာမှာမလဲတဲ့။ ငါ ဒီမှာဆိုတာပဲ အကြောင်းကြားပေးလိုက်။ ဘယ်ကိုပို့ဦးမယ် မသိဘူးလို့ ပြောလိုက်တယ်။ ဒီနေ့ တနေ့လုံး နင်တို့ငါနဲ့နေရမှာပဲ ။ နေရာပြောင်းတာနဲ့ အကြောင်းကြားပေး သိလားလို့ ပြောထားလိုက်တယ်။ အမ ဘာစားမလဲတဲ့။ ပို့ချင်တာပို့ စားမယ်လို့ ပြောလိုက်တယ်။

ရုံးခန်းထဲ ပြန်ရောက်တော့ ကျမကို ထိုင်ခိုင်းထားတဲ့ ကုလားထိုင်မှာ ထိုင်နေတယ်။ ညက ကျမကို စစ်တဲ့လူတွေ တယောက်မှ မရှိတော့ဘူး။ နောက် ဗိုက်ဆာတယ်လို့ ကျမပြောတော့ အဲဒီရဲမေတွေကို သွားဝယ်ခိုင်းတယ်။ သူတို့သွားဝယ်တဲ့ရုံးဝန်းထဲက ဆိုင်ကလဲ ကျမကို သိတာကိုး။ ကျမအတွက်ဆိုတော့ လဘက်ရည်ကလဲ ၂ ခွက်စာလောက် ။ မုန့်တွေကလည်း စုံလို့ ။ ရဲမေတွေက သယ်လာတော့ ဟဲ့များလှချည်လားတဲ့။ အင်း .. ဆိုင်က ဒီအမကို အလကားပေးလိုက်တာ ။ သူတို့နဲ့ အသိဆိုလို့ ဆိုပြီး ရဲမေတွေက ပြောပြတယ်။ အင်း သူတို့ သိပ်မကျေနပ်ပုံပဲ။ ကျမကတော့ အီကြာကွေးတွေရော ပဲပလာတာတွေရော အပြတ်တီးပစ်တာ။ နောက် ဘယ်အချိန် စားရမယ် မသိတော့ စားရတုန်း အပြတ်တွယ်တာပဲ။ ကြားဖူးနားဝရှိထားတာက ရောက်ရောက်ချင်း စစ်ကြောရေးမှာ ထမင်းမကျွေးဘူး ဆိုတော့ ဒီကနေ စစ်ကြောရေး ဘယ်အချိန်သွားရမယ် မသိတဲ့အချိန်။ သွားကိုသွားရမယ်ဆိုတာလည်း သိနေတဲ့အချိန်။ စားတော့တာပေါ့လေ…. တကယ်ဆိုင်ကပေးသလား သူတို့ပဲ ၀ယ်လာသလား မသိပါဘူး။ ခုချိန်ထိလဲ အဲဒါကို မမေးဖြစ်ခဲ့ဘူး။

အဲဒီနေ့ခင်းမှာတော့ ကျမကို ရဲအချုပ်ကို ပို့လိုက်တယ်။ ပျော်တာပေါ့။ ရဲအချုပ်မှာ အထက်တန်းကျောင်းက ဖမ်းထားတဲ့ကလေး ၁၀ ယောက်လောက်က ရောက်နှင့်နေပြီးသား။ သူတို့ယောက်ျားလေး ၁၄ နှစ် ၁၅ နှစ် ကလေးတွေကတော့ အချုပ်ဆောင်ထဲ မနေရဘူး။ ရဲစခန်းဝင်းထဲမှာ စားပွဲခုံတွေ ခုံတွေချပြီး ပျော်ပွဲစားလားမှတ်ရတယ်။ မိဘတွေက ထမင်းချိုင့်တွေနဲ့ လိုက်လာ၊ အားပေးတဲ့လူတွေက အများကြီး လဘက်ရည်ထုပ်တွေ မှပုံလို့။ ကျမ ရောက်သွားတော့ မိန်းမအချုပ်ခန်းထဲ ထည့်လိုက်တယ်။ အထဲမှာ ရောက်နှင့်နေတာက ချဲမှုနဲ့ ကျတဲ့ ကောင်မလေး တယောက်နဲ့ အဒေါ်ကြီးတယောက်။ ကျန်တာက ၃(ခ) လို့ ကျမတို့ခေါ်တဲ့ ပြည့်တန်ဆာမှုနဲ့ ဖမ်းထားတဲ့ မိန်းမတွေ ။ သူတို့ထဲမှာ တန်းစီးဖြစ်နေတဲ့ မိန်းကလေး တယောက်က ကျမ နိုင်ငံရေးမှုနဲ့ ကျလာတာဆိုတော့ နေရာစီစဉ်ပေးတယ်။ အဲဒီတယောက်က ကျမ ထောင်ကျနေတဲ့ ၂ နှစ်အတွင်း ထောင်ထဲကို ၄ ခေါက်ထက်မနည်း ၀င်လိုက်ထွက်လိုက်။

နောက်အဲဒီအချိန်က ရဲစခန်းမှာ ခံဝန်လက်မှတ် နေ့တိုင်း လာထိုးနေရတဲ့ ကျမသူငယ်ချင်း ယောက်ျားလေး တယောက် မိန်းကလေးတယောက်ရှိတယ်။ သူတို့က လက်မှတ်ထိုးဖို့ စခန်းမှုး အခန်းထဲမ၀င်ခင် ကျမကို လာစကားပြော။ နောက် လက်မှတ်ထိုး။ ပြန်ထွက်လာတော့ ကျမကို ၀င်နှုတ်ဆက်နဲ့ သူတို့ ကြည့်မရတော့ဘူး ထင်ပါ့။ နောက်နေ့တွေမှာ ကျောင်သင်ပုန်းကြီးနဲ့ သံတိုင်တွေရှိနေတဲ့ အ၀င်ပေါက် ကို လာပိတ်ထားပြီး လက်မှတ် လာထိုးသူကိုလည်း ကျမဆီ လာခွင့်မပေးတော့ဘူး။

ဖမ်းထားတဲ့ ကလေးတွေကို ပြန်လွှတ်ပေးလိုက်ပြီလို့ သတင်းကြားရပေမဲ့ ကျမကို ထပ်လာမခေါ်တော့ပဲ ဒီအခန်းထဲမှာ ထည့်ထားတာ ၅ ရက်ရှိသွားပြီ။ အိမ်ကလာပို့တဲ့ ထမင်းစားပြီး ရဲစခန်းထဲက တနေ့တာကို နားဆင်။ ညဖက် တာဝန်ကျ ရဲစာရေးတယောက်နဲ့ ချဲမှုနဲ့ဖမ်းလာတဲ့ ကောင်မလေးတယောက် ဇာတ်လမ်းကလဲ မကြည့်ချင်ပဲ မြင်နေရ။

လူတွေမှာ လူ့ဂုဏ်သိက္ခာရှိတယ်။ အမှန်တရားကိုပဲ လုပ်မယ်။ လူမှုရေးဖောက်ပြန်မှုတွေ မုန်းတဲ့ ကျမရှေ့မှာ အံ့သြဖွယ်ရာ အမှောင်လောကကို မြင်တွေ့ရတာတော့ တကယ့်ကို ရှော့ဖြစ်စေတယ်။ ရှေ့နေက လာရစ်နေတာ။ စခန်းမှုးက လာရစ်နေတာ။ ဒုရဲအုပ်က လာရစ်နေတာ။ အပိုင်ရဲက လာရစ်နေတာ။ အိုး.. ဒီအချုပ်ခန်း ဆိုတဲ့ တရားဥပဒေ အ၀န်းအ၀ိုင်းထဲမှာကိုပဲ ဥပဒေနဲ့ မလွတ်ကင်းမှုတွေရှိနေတာကို မျက်ဝါးထင်ထင်တွေ့ နေရတော့တယ်။ ၆ ရက်မြောက်နေ့မှာ ထောက်လှမ်းရေး တာဝန်ခံတယောက် လာတွေ့တယ်။ သူက တပ်ကြပ်ကြီးဖြစ်ပြီး သူ့ကို ကျမသိနေတယ်။ သူ့လို၃ ရစ်ကို ရဲမြို့နယ်မှုး ၃ပွင့်က ခါးကျိုးနေအောင်ကို ရိုသေပြရတယ်။ ကျမကို သူ့ရှေ့စားပွဲမှာ ထိုင်ပြီး ဘာပြောချင်သလဲလို့ စမေးတယ်။ ကျမကို ဘာပုဒ်မနဲ့ တရားစွဲလဲ ပြောပြပါ။ နောက် ကျမဘာဝရမ်းမှ မရှိပဲ ၂၄ နာရီထက်ကျော် ချုပ်ထားတာကို ကျမ မကျေနပ်ဘူးလို့ ပြောတယ်။ ဘာထပ်ပြောချင်သေးလဲတဲ့။ အင်း ဒီရဲအချုပ်မှာ နေရင်း ကျမ မတရားတာတွေချည်း တွေ့နေရတယ်။ အားလုံးဥပဒေကို ချိုးဖေါက်နေပါတယ် ဆိုပြီး ကျမသိသမျှ အကုန် အ်ိတ်သွန် ဖာမှောက် ပြောလိုက်တယ်. အေးရော။

စခန်းမှုးရော မြို့နယ်မှုးရော မျက်နှာပျက်သွားတယ်။ ကျမကို အခန်းထဲ ပြန်သွင်းပြီး ညနေဖက်မှာ မိန်းမအချုပ်ခန်းက လူတွေအားလုံး ထောင်ထဲကို ပို့လိုက်တယ်။ ကျမ တယောက်တည်း ရှိတော့တဲ့ညပေါ့။

(၇) ရက်မြောက်နေ့ကို ပျင်းရိစွာ ကုန်ဆုံးရတယ်။ တယ်လီဖုန်းဖြေတဲ့ ရဲသားလေးတောင်မှ စကားကို အရင်လို ကျယ်ကျယ် မဖြေတော့ဘူး။ ကျမကို ပိတ်ထားတဲ့ ကျောက်သင်ပုန်းကြီးလဲ မရှိတော့ဘူး။ တံခါးနောက်နားက အုတ်ခုံလေးမှာ ကျမထိုင်ပြီး ရုံးခန်းထဲကို ကြည့်နေရင် သူတို့ ပြန်မကြည့်ရဲဘူး။ ကျမစကားပြောဖော်လဲ မရှိ။ ထမင်းချိုင့်လာပို့ရင် ချိုင့်ပဲ သွင်းခွင့်ပေး တယ်။ နေပေါ့ … ။ နေ့ခင်းဘက် အိပ်နေလိုက်တေ့ာတယ်။

ညနေ ၆ နာရီလောက် မှောင်စပျိုးချိန်မှာ စစ်ဝတ်စုံနဲ့ ၂ ယောက် စခန်းမှုးအခန်းထဲကို ၀င်သွားတယ်။ သိပ်မကြာဘူး ကျမ နာမည်ခေါ်ပြီး တံခါးသော့ကို လာဖွင့်တယ်။ စခန်းမှုးက ကြင်နာသနားတဲ့ အသံနဲ့ အသံကိုနှိမ့်ပြီး ထောက်လှမ်းရေးက လာခေါ်တယ် ပစ္စည်းတွေ အကုန်သိမ်းပြီး လိုက်သွားရမယ်တဲ့။ ဟုတ်လား ကောင်းပါတယ် လို့ ကျမက ပြန်ပြောပြီး သူတို့လာခေါ်တဲ့ အီးတူးသောင်ဇင် ကားနောက်ခန်းကို တက်လိုက်တယ်။ ဒီမြို့သူစစ်စစ်က ဘယ်ကိုသွားမယ်ဆိုတာ သိတာပေါ့။ ကျမတို့မြို့ပြင်ဖက်က စစ်တပ်ရှိရာကို ဦးတည်မောင်းနေတယ်။ မြို့ထဲကို ဖြတ်။ နောက် မြို့စွန် လယ်ကွင်းတွေကို ဖြတ်ချိန်မှာ ဘေးနားက စစ်သားတယောက်က ကျမကို ခေါင်းစွပ်လာစွပ်ပြီး ကြိုးကို တင်းတင်း ချည်လိုက်တယ်။ ဘယ်ကိုသွားတယ် ဆိုတာ ကျမ သိပါတယ် လို့ ပြောလိုက်တော့ ဘာမှ ပြန်ဖြေသံမကြားရဘူး။

ဆက်ရန်...

Tuesday, January 1, 2008

Spiritual Revolution

ရွှေဝါရောင်တော်လှန်ရေး

The 141th Day
The Second and The Last Part of 8888!!!

အမှတ်တရ အတွေးများ

ရွှေဝါရောင်လူထုလှုပ်ရှားမှု ရက် ၁၀၀ ပြည့် အမှတ်တရ အတွေးများ

ရွှေဝါရောင် တော်လှန်ရေးအတွင်းက လူထုလှုပ်ရှားမှု စတင်ခဲ့တာ ရက် ၁၀၀ ပြည့်ခဲ့ပါပြီ။
ဒီတော်လှန်ရေးကြီးမှ ..
တွေ့ဆုံဆွေးနွေးရေး လုံးဝမလုပ်ချင်သော စစ်အုပ်စုနှင့်
တွေ့ဆုံဆွေးနွေးရေး လုပ်ချင်သော်လည်း( တွေ့ဆုံဆွေးနွေးရေး လုပ်လျှင် ကြားဖြတ်အစိုးရအဖြစ် အာဏာသိမ်းစစ်အုပ်စုကို အသိအမှတ်ပြုမည်အထိ အလျှော့ပေးထားသော) တွေ့ဆုံဆွေးနွေးခွင့်ရအောင် ဘယ်လိုမှ ဆောင်ရွက်ခွင့် မရခဲ့သော NLD အတွက် …
တွေ့ဆုံဆွေးနွေးပါ့မယ်… ဦးအောင်ကြည်ကို ဆက်ဆံရေးဝန်ကြီးခန့်ပါ့မယ် အထိ စကားပြောသံ ကြားရအောင် တွန်းပို့နိုင်ခဲ့ပါတယ်…

ဒီ စကားသံ ရရှိဖို့အတွက် ရွှေဝါရောင်လှုပ်ရှားမှုနှင့် သံဃာကျောင်းသား ပြည်သူတို့ရဲ့ အသက်သွေးချွေးဘ၀ များပေးဆပ်လိုက်ရသည်ကိုတော့ မမေ့မလျှော့ မှတ်တမ်းတင်ရပေမည်။
တကယ့် ဆွေးနွေးပွဲ အစစ်အဖြစ် ဆက်လက် လျှောက်လှမ်းရန်အတွက် ဖိအားများကိုရော..
ဘယ်လို ပံ့ပိုး လုပ်ဆောင်သွားသင့်ပါသလဲ….
ခုလို အဆင့်မမှီသော တွေ့ဆုံဆွေးနွေး စကားဝိုင်းမှသည်၎င်း..
လုပ်ကြံကတိပေးသော စကားဝိုင်းမှ သည်၎င်း ….
အဆင့်တခုသို့ တက်ရောက်ရန် ထပ်မံ ရင်းနှီးမှုများ စိုက်ထုတ်ရပေဦးမည်။
စတေးခဲ့ကြပြီးသော ၀ိဥာဉ်များနှင့် ဘ၀များကတော့ တွေ့ဆုံဆွေးနွေးရေး ရရှိရန် ..
ပံ့ပိုးရမည့် အချက်များ လုပ်ငန်းများသည် အကြမ်းမဖက် လူထုလှုပ်ရှားမှု တခုတည်းသာ ရှိမည်ဟု ယုံကြည်မှု ရှိကြပါဦးမည်လော…..

တကယ်တော့ ပြည်တွင်းလှုပ်ရှားမှုသည်သာ အပြောင်းအလဲကို ဖန်တီးနိုင်မည် သေချာသော်လည်း ထိုပြည်တွင်းလှုပ်ရှားမှု စတင်ရန် (သို့မဟုတ်) အရှိန်မတန့်ရန် (သို့မဟုတ်) ဖြိုခွင်းမှု မခံရရန် (သို့မဟုတ်) စစ်အုပ်စုအား ဖိအားတစုံတရာပေးရန် အခြားသော လှုပ်ရှားမှုများလည်း လိုအပ်သေးသည် မဟုတ်ပါလား။