ခေတ်တခေတ်ရဲ့ ဖယောင်းတိုင်တွေ

အရာရာက မှောင်မိုက်လို့။

အဲ့အချိန်က ဘာအလင်းတန်းမှ မရှိ ။

ဘာအလင်းမှုန်မှ မရှိ ။

ပကတိမှောင်မိုက်နေကြတယ်။

အဲ့မှောင်မိုက်မှုထဲ

တယောက်လက်ကို တယောက်ဆွဲ

ကြိုးစားကြ ရုန်းကန်ကြ ထကြွဝီရိယ ရှိကြ။

တို့လက်တွေ ခိုင်မြဲကြ၊

တို့အသိတွေ ဆက်တွဲကြ

အမှောင်ထုကို တော်လှန်ကြ တော်လှန်ကြ၊

အသံတွေကနေ အသံတွေကို ဆက်

အတွေးတွေကနေ အတွေးတွေကိုဆက်

အသက်တွေကနေ အသက်တွေကိုဆက်

တို့အားလုံး ရုန်းကန်ခဲ့ကြတယ်။

တို့အားလုံး ဆွဲထူခုဲ့ကြတယ်။

တို့အားလုံး ကမ်းလင့်ခဲ့ကြတယ်။

အဲ့အချိန်က ပကတိ မှောင်မိုက်နေတုန်းပေါ့။

ဒီလိုနဲ့ တယောက်ပေါ် တယောက်ဆင့်

တယောက်ပုခုံးတယောက်နင်း

အဆင့်ဆင့် ဆင့်ကြရင်း

ဆင့်ကြရင်း

ဆင့်ကြရင်း

တွန်းထိုးဖြိုချသူတွေ

နှောက်ယှက်ဟန့်တားသူတွေကို

ရင်ဆိုင်ရင်း

မေ့ပြစ်လိုက်ရင်း

ငါတို့ ရှေ့ဆက်လက်တွဲ

တယောက်ကိုတယောက် အသက်ပေးရင်း

ဘဝတွေ ရင်းခဲ့ကြတယ်။

ခုတော့ မျှော်လင့်ချက် ရောင်ခြည်လား၊

နေ့သစ် အလင်းတန်းလား၊

ဝိုးတဝါး ။

ရဲဘော်တို့ ...

ချစ်စွာသော မိတ်ဆွေတို့

နောက်ကျောက ဓါးတွေ ပျံဝဲလို့၊

ခြေရင်းက ဆူးညောင့်တွေ ချွန်မြလို့၊

ရှေ့ဘက်က တံတိုင်းက မပြိုပျက်သေးဘူး။

တသက်လုံး တွဲလာတဲ့ တို့လက်တွေ အံသေ ကုန်ပြီလား။

ချစ်သူငယ်ချင်း မိတ်ဆွေ ရဲဘော် ရဲဘက်တို့။

မတရားမှုတွေကိုသာ ရှာဖွေ ဖေါ်ထုတ်ရင်း၊

တရားမျှတမှုကိုသာ ဆောင်ကျဉ်းကြပါစို့၊

မာရ်နတ်တွေ

မိစ္ဆာတွေကို မသိကျိုးကျင်ပြုကြပါစို့။

သူတို့ဟာ

တဦးပေါ်တဦးထားရမယ့် မေတ္တာတရားကို မသိဘူး။

သူတို့ဟာ

တဦးပေါ်တဦး ထားရမယ့် သစ္စာတရားကိုမသိဘူး။

သူတို့ဟာ

တဦးပေါ်တဦးထားရမယ့် မုဒိတာတရားကို မသိဘူး၊

ဒါပေမယ့်

ငါတို့က

တဦးပေါ်တဦး ထားရမယ့် ဥပေက္ခာတရားကိုလဲ သိခဲ့ပြီ။

ချစ်လှစွာသော

မိတ်ဆွေရဲဘော်တို့

အကယ်၍

မင်းအသိုင်းအဝိုင်းကတုန်လှုပ်ခြောက်ခြားပြီး

ဒါတွေဟာမင်းကြောင့်လို့ ဝိုင်းဝန်းပြစ်တင်ကြတဲ့အခါ

သူတို့ကို နားလည်စွာခွင့်လွှတ်ရင်းနဲ့

မင်းကိုယ်မင်း ယုံကြည်မှု အပြည့်ရှိမယ်ဆိုရင်

အကယ်၍

မင်းရဲ့အကြောင်း မဟုတ်တမ်းတရား မုသားစကားတွေကြားတဲ့အခါ

မင်းကလည်း အလိမ်အညာတွေနဲ့ မတုန့်ပြန်ဘူးဆိုရင်။

အကယ်၍

.

ချစ်ခင်စွာဖြင့်

ခင်မင်းဇော်

ပြဇာတ်မဟုတ်တဲ့ ခေတ်ဇာတ်တပုဒ်

အချုပ်ကား သံတိုင်တွေကြားက

ထောင်ပြတဲ့ လက်မလေးတွေ

လက်သုံးချောင်း သင်္ကေတတွေ

လက်သီးဆုပ်တွေ နဲ့ နှုတ်ဆက် လက်ဝါးလေးတွေ

မျက်လုံးတောက်တောက်ကလေးတွေ

လက်ညှိုးချွန်ချွန်လေးတွေ။

သွားဖွေးဖွေးလေးတွေ

မြင်ရတဲ့ တခဏ

အံကြိတ် တက်ခေါက်ရင်း ... ခေတ်ကြီးထဲ ကိုယ်က လဲပြို။

ငါတို့ ဘာလုပ်နိုင်မလဲ

ငါတို့ ဘာလုပ်သင့်လဲ

ငါတို့ ဘာလုပ်ပေးရမလဲ ။

လွန်ခဲ့တဲ့ ၂၅နှစ်

၁၉၉၀ ခုနှစ်တွေကို တရိပ်ရိပ်ပြန်ရောက်သွား။

သူတို့မိဘတွေ နေရာမှာ ကိုယ်တို့မိဘတွေ မြင်ယောင်လို့။

သူတို့စိတ်တွေကို ကိုယ်တို့ ဆက်သွယ်ပေါင်းစည်းနိုင်ခဲ့တာ

အဲဒီလို ထပ်တူပြုမှုတွေကြောင့်ပေါ့။

ဘယ်သူတွေ နားလည်လည် မလည်လည်

နာကျင်ခဲ့ရသူချင်း

ပြိုလဲခဲ့ရသူချင်း

အံကြိတ်ခဲ့ရသူချင်း

လက်မ ထောင်ပြ ကြရသူချင်း

နှလုံးသွေးချင်း ဆက်စပ်ပတ်သက်

ငါတို့ နားလည်ပါတယ် ။

ငါတို့နားလည်နိုင်တယ်။

မနေ့ကလို

မနေ့ကလို

ဟောဒီမှာ

 ကိုးပေပတ်လည်လား

ဆယ်ပေပတ်လည်လား

ငါမမှန်းတတ်တဲ့ အလုံပိတ်ခန်းထဲ

ရှေ့တံခါးပေါက်ကြီးသော့ပိတ်ခတ်ထား

နောက်က တပေပတ်လည် ပြတင်းပေါက်သေး

အပြင်က သော့ခတ်လို့။

မှောင်လိုက်တာ ပိန်းလို့

ကိုယ့်လက်တောင် ကိုယ်မမြင်ရ

ကိုယ့်ထမင်းကို ကိုယ့်ပါးစပ်ဆီသယ်မရ။

နေ့လား ညလား

မှန်းဆလို့လဲမရ

တိတ်ဆိတ် ငြိမ်သက်

တဒိတ်ဒိတ်

တဒိတ်ဒိတ်

ကိုယ့်နှလုံးခုန်သံ ကိုယ်ပြန်ကြား

ဒီလောက်ကျယ်သလား

လူတယောက်ရဲ့ နှလုံးခုန်သံ

ဒီလောက်ကျယ်သလား။

မောင်ခေါ်ရာ

မောင်ခေါ်ရာ

ကဲလာ... အတူလျှောက်စို့တဲ့

ကမ်းလာတဲ့လက်

ကြင်နာခြင်းတွေ အပြည့်ရှိနေမယ်။

တွဲလျှောက်မယ့်လမ်း

မေတ္တာတရားတွေ ချခင်းထားမယ်။

သဘာဝတရား ဖောက်ပြန်လို့များ 

နေပူမိုးရွာကြုံလာရင်လဲ

စာနာခြင်းရိုးဂုဏ်နဲ့ ထီးလုပ်လို့ မိုးမယ်။

ဘ၀တကွေ့ ကြမ္မာ ကြည်စယ်လို့

ခလုတ်တိုက်မယ် ချော်လဲမယ်ဆို

တည်ကြည်ခိုင်မာခြင်းနဲ့တွဲလို့ထူမယ်။

သိပ်ကိုများ မောပန်းလို့နွမ်းလာရင်

သံယောဇဉ်ရေစင်အေး ချွေးသိပ်လို့ပေးမယ်။

လျှို့ဝှက်သောလမ်း ဇွဲမာန်လျှော့မယ်များ ကြံချင်လား။

ဟိုး.  ဟို...ရှေ့မှာ ကြည့်.

တွဲလက်များ ခိုင်မြဲခြင်းအတွက်

ချစ်ခြင်းတရားနဲ့ လှပတဲ့ စံအိမ်လေး ရှိနေတယ်။

ချစ်ကြသူချင်း

မနာလိုခြင်းကင်းရှင်း

ဝန်တိုခြင်းကင်းရှင်း

သံသယတွေ ကင်းရှင်း

အမုန်းတရားတွေ ကင်းရှင်း

မာန်မာနတွေ ကင်းရှင်း

သမုဒယ အတွယ်အတာနဲ့ မွှန်းထုံလို့ ထားမယ်။

ချစ်သူရေ..

လိုက်ခဲ့တော့ ..ရွှေနွယ်ရိုး မညှိုးနဲ့ သခင်။   ။

(တခုသော ဧပြီလတွင်ရေးသားခဲ့ပြီး ပြန်လည်ရှာဖွေ တွေ့ရှိသဖြင့် အမှတ်တရ မှတ်တမ်းတင်ပါသည်။)

ချစ်ခင်စွာဖြင့်

ခင်မင်းဇော်

နိဂုံး

 နိဂုံး

လုပ်ချင်ရာတွေ မလုပ်နိုင်တဲ့ အခါမှာ

ဝါသနာတွေကို မေ့ပစ်လိုက်ရတဲ့ အခါမှာ

မြင်မြင်သမျှ ကြေကွဲနာ ခံစားရတဲ့အခါမှာ

အပြောင်းအလဲကြား တသားတည်း မဖြစ်နိုင်တော့တဲ့ အခါမှာ

တန်ဘိုး ရှိတဲ့ အချိန်တွေ အကြွင်းမဲ့ ကုန်ဆုံးခဲ့ရတဲ့ အခါမှာ

လေးစားမြတ်နိုးမှုများ ပျောက်ဆုံးခဲ့ရတဲ့ အခါမှာ

ရိုးသားရင့်ကျက်ခြင်းများ အရာမထင်တော့တဲ့ အခါမှာ

လုံလ ၀ီရိယများ ခြစားခံရတဲ့ အခါမှာ

ဇွဲနပဲနဲ့ အားမာန်များ လှောင်ရယ်ခံရတဲ့အခါမှာ 

မြင့်မြတ်တဲ့ သည်းခံခြင်းတရား နင်းခြေခံရတဲ့အခါမှာ 

.

.

 .

(ဒီခေတ်ကြီးမှာပဲ လူလာဖြစ်ရတဲ့ ငါတို့ဘ၀)

အစကတည်းက ဆုံးခဲ့လေသလား ယုံစားရတော့မယ်။

ခင်မင်းဇော်

ချ င်း တွ င်းေ ခါ် သံ (အောင်ဝေး)

ချင်းတွင်းခေါ်သံ

(အောင်ဝေး)

အို…ချင်းတွင်း

သင့်မြင်းတွေ

ပြင်းပြင်းစီးဆင်းပါစ။

ဟိုး…တောင်ရိုင်းပေါ်က

ဒုန်းစိုင်းချလာ

ကဗျာတွေ၊ မုန်တိုင်းတွေ

ဒါ ငါတို့ ရဲ့ 

အရိုင်းခေါ်သံတွေ

သင့်ရဲ့ မြင်းတွေလည်းဖြစ်ရဲ့ ။

ချင်းတွင်းရဲ့ 

ငါက ကဗျာဆရာဆိုတော့

ငါ အရင်ဆုံးတီးခတ်ရမယ့်

ဗုံသံက

ငါ့ ကဗျာဆရာတွေရဲ့ ရင်အုံပဲ။

လူယဉ်ကျေးတွေက

ချစ်ခြင်းမေတ္တာကို

တယောပေါ်တင်ကြသတဲ့

ငါတို့ အရိုင်းအစိုင်းတွေကတော့

ဗုံပေါ်တင်ကြသပေါ့ ။

ဒီခေတ်

ဒီခေတ်

အနီးဆုံးတွေ အဝေးဆုံး ဖြစ်တဲ့ခေတ်

စာရင်းမရှိတွေ စာရင်းဝင်လာတဲ့ခေတ်

ဖွနိုင်ရင် ပွတက်လာတဲ့ခေတ်

ပြောပါများ အမှန်ထင်လာတဲ့ခေတ်

သွားနေလဲ ခရီးမတွင်တဲ့ ခေတ်

လှုပ်နေရင်း မြုပ်နေရတဲ့ခေတ်

ချစ်ခင်ရင်း မုန်းတီးသွားရတဲ့ခေတ်

လေးစားရင်း ဝေဖန်နေရတဲ့ခေတ်

လက်တွဲရင်း နောက်ကျောကြည့်ရတဲ့ခေတ်
ကြောက်တတ်သူတွေ သတ္တိရှိလာတဲ့ခေတ်

နင်းတတ်ခင်းတတ်မှ နေရာရတဲ့ခေတ်

စားဖားတွေ ကြားကားဆွဲတဲ့ခေတ်

တိမ်မယောင်နဲ့ နက်နဲတဲ့ခေတ်

နက်မယောင်နဲ့ ပြာလာတဲ့ခေတ်

သိက္ခာနဲ့ ရိက္ခာလဲ ဖို့လဲ လွယ်လာတဲ့ခေတ်

ချစ်စရာနဲ့ ပစ်စရာ မှားယွင်းယုံကြည်လာတဲ့ခေတ်

လူများရာ ဤကို ကျွဲဖတ်တဲ့ ခေတ်

ဒီခေတ်

ဘာပဲ ဖြစ်ဖြစ် ပြုံးချင်သူ

(တို့ကတော့)

မနွဲ့တတ်ပေမယ့် ရွဲ့တတ်နေတော့ ခက်သေးတယ်။

ချစ်ခင်စွာဖြင့်

ခင်မင်းဇော်

လူပင်လယ်ကြီးရယ်.. ငါ့မှာတော့ ကြေကွဲ

လူတွေ လူတွေ
လူပင်လယ် လူသမုဒ္ဒရာကြီး
လှိုင်းလိုပဲ လှုပ်လွန်းလို့
စင်ပေါ်က ကြည့်ရင် မူးမူးသွားသတဲ့။

အလံငယ် အလံလတ်
အလံကြီးတွေ
တလူလူ တလူလူ။


ကြယ်တွေ ခွပ်ဒေါင်းတွေ
ဈေးသည်လေးတွေ ကားသမားတွေ
ဆိုက္ကားသမား အထမ်းသည်မကျန်
စစ်သားအချို့လဲ ကိုင်လို့
လူတိုင်း လက်ထဲ ပျံဝဲ၊

လေးစားခြင်း အကြည့်များ
အားကိုးခြင်း အကြည့်များ
မျှော်လင့်ခြင်း အကြည့်များ
အားလုံးရဲ့ မျက်လုံးမှာ တောက်ပ။

ငါ့မှာတော့... ငါတယောက်တည်းမှာတော့
လွန်ခဲ့တဲ့ ၂၂ နှစ်
မျက်ဝန်းထဲက
ရင်ထဲက
နှလုံးသားထဲက စွဲနစ်ပုံရိပ်များ
ငါပြန်သတိရ။


ထပ်တူပြုမျက်လုံးများ
ထပ်တူပြု အကြည့်များ
ထပ်တူပြုမျှော်လင့်ခြင်းများ
ထပ်တူပြုယုံကြည်ခြင်းများ။
အဲဒီအရာတွေအားကိုးနဲ့
ဂတိစကားအထပ်ထပ်ဆို
စကားလုံးများအထပ်ထပ်ဆို
ဖြည့်ဆည်းပေးနိုင်မယ်
ဖြည့်ဆည်းပေးနိုင်လိမ့်မယ်လို့
အခိုင်အမာယုံကြည်ခဲ့လို့ပါ၊


၉၀ရဲ့အောင်ပွဲမှာ ငါတို့နစ်မြောမနေခဲ့ရပါဘူးလေ။
အောင်ပွဲနောက်က စိန်ခေါ်ပွဲတွေကိုလဲ
ငါတို့ ရှောင်မထွက်ခဲ့ပါဘူး။
မတရားတဲ့ အမိန့်ဟူသမျှ တာဝန်အရ ဖီဆန်ခဲ့ကြပါတယ်၊

ဒါပေမယ့်..
ဒါပေမယ့်...
ဒါပေမယ့်...


၂၀၁၂ ခုနှစ်


ဒီပြည်သူတွေက ဘာကိုဆန့်ကျင်ပြနေတာလဲလို့
မြင်အောင်ကြည့်ဖို့ လိုလိမ့်မယ်၊
သမိုင်းတလျောက်
ပြည်သူတွေ ဆန့်ကျင်ပြတတ်တဲ့
ပြည်သူတွေ ဆန့်ကျင်ခဲ့ကြတဲ့
ပြည်သူတွေ မျှော်လင့်ခဲ့ကြတဲ့
ပြည်သူတွေ ယုံကြည်ခဲ့ကြတဲ့
ပြည်သူတွေ လေးစားခဲ့ကြတဲ့
ပြည်သူတွေ ကိုးစားခဲ့ကြတဲ့
ပြည်သူ့ဆန္ဒအစစ်အမှန်ကို
အကြိမ်ကြိမ် လိမ်မယူဖို့ပဲ လိုပါတယ်၊


လူပင်လယ်ကြီးကို ကြည့်ပြီး
လူထုသမုဒ္ဒရာကြီးကို ကြည့်ပြီး
ငါတော့ ရင်ကွဲနေရတယ်၊
ငါကြေကွဲနေရတယ်၊

ငါပေးခဲ့တဲ့ ကတိ
ငါဆိုခဲ့တဲ့ သစ္စာတွေ
ခုထိ မဖြည့်ဆည်းနိုင်သေးလို့ပါ၊


ခင်မင်းဇော်
၁၂။၃၊၂၀၁၂)

Why do I have to fight???

Why do I have to fight???

They killed my father a year ago,
And they burnt my hut after that
I asked the city men "why me?" they ignored
"I don't know, mind your business," the men said.
One day from elementary school I came home,
Saw my sister was lifeless, lying in blood.

I looked around to ask what happened, if somebody'd known,
Found no one but living room as a flood.
Running away by myself on the village road,
Not knowing where to go but heading for my teacher
Realizing she's the only one who could help to clear my throat,
But this time she gave up, telling me strange things in fear.

Why, teacher, why.. why.. why?
I have no dad nor a sister left.
To teach me and to care for me you said, was that a lie?
This time with tearful eyes she, again, said...
"Be a grown one, young man,
Can't you see we all are dying?
And stop this with your might as soon as you can,
For we all are suffering."
(ဘာကြောင့် တိုက်ဆိုတဲ့ ကဗျာက နော်မေဦးရေးတာလို့ ဆရာဂါမဏိက ပြောပါတယ်။)
ဘာကြောင့်တိုက်

မနှစ်တုန်းက ငါ့အဖေကို သူတို့သတ်ခဲ့
ပြီးတော့ ငါ့တဲကို မီးရှို့
ဘာ့ကြောင့် ငါ့ကိုမှ ဒီလိုလုပ်ရတာလဲ
မြို့ကြီးသားတွေကို မေးလဲ သူတို့လှည့်မကြည့်။
မသိဘူး ၊ကိုယ့်ဟာကိုယ် အေးအေးနေ တဲ့.....။

တနေ့ ငါမူလတန်းကျောင်းက အိမ်ပြန်အလာ
ငါ့အစ်မ အသက်မဲ့သွေးအိုင်ထဲမှာ။
ဘာဖြစ်တာလဲ မေးလိုက်ဖို့ရာ တယောက်ယောက်များ သိလေမလား..
သွေးလွှမ်းတဲ့ အိမ်ခန်းကလွဲပြီး ဘယ်သူမှမတွေ့
ရွာလယ်လမ်းပေါ် ငါတယောက်တည်း လျှောက်ပြေး
ဘယ်သွားရမှန်းမသိပေမယ့် ဆရာမဆီ ခြေဦးလှည့်မိ
ငါ့အသိကို ရှင်းပေးနိုင်တာ သူတယောက်တည်းလို့ နားလည်ထား
သို့သော် ဒီတခါတော့ သူမတတ်နိုင်
အထူးအဆန်းကိစ္စတွေ ကြောက်ရွံ့စွာပြောပြ။

ဘာဖြစ်လို့လဲ ဆရာမရယ် ၊ ဘာဖြစ်လို့လဲ… ဘာ…ဘာဖြစ်လို့လဲ
ငါ့မှာ အဖေလဲမရှိတော့ အစ်မလဲ မရှိတော့။
ဆရာမပြောတော့ ငါ့ကို ကောင်းရာညွှန်လတ် အတတ်သင်စေမယ်ဆိုတာ ညာပြောတာလားဟင်။
ဒီတခါ မျက်ရည်တွေ ကျရင်း ဆရာမ ထပ်ပြော…
ကြီးလာအောင်သာ လုပ်စမ်းပါ သားရယ်၊
တို့အားလုံး အသက်ငင်နေကြတာ မတွေ့ဘူးလား၊ မင်းကြီးလာတာနဲ့ တခါတည်း ဒီဥစ္စာကို အင်နဲ့အားနဲ့ တားပစ်လိုက်၊ ဘာလို့လဲ ဆိုတော့ တို့အားလုံးခံနေရတာမို့...။

( အင်္ဂလိပ်ကဗျာမှ စာရေးဆရာ ဂါမဏိ ဘာသာပြန်ဆိုပါသည်၊)

တိတ်ဆိတ်မြေ

တိတ်ဆိတ်မြေမှာ ဘယ်သူမှ မပြောနိုင်တာက
တယောက်ယောက်ကများ ချောင်းနားထောင်နေမလား
လျို့ဝှက်ချက်တွေ ပြန်ရောင်းနိုင်ဖို့လေ။
သတင်းပေးတွေကို နိုင်ငံ့သွေးနဲ့ တန်ဖိုးသင့်ပေး
ဒီတော့ မင်းဆိုးတို့မကြိုက်တာကို ဘယ်သူမှမပြောရဲ။

မြန်မာနိုင်ငံဆိုတဲ့ တိတ်ဆိတ်မြေမှာလေ
ရယ်မောသံတိတ် အတွေးအမြင်ဆိတ်။
ဟောဒီမြန်မာနိုင်ငံဆိုတဲ့ တိတ်ဆိတ်မြေမှာ
ဆိတ်ငြိမ်နေတဲ့ လူထုကြီးအတွင်းက တိတ်ဆိတ်ခြင်းအသံကိုတောင် ကြားနိုင်။

တိတ်ဆိတ်မြေမှာ ဘယ်သူမှ မပြောနိုင်တာက
စစ်သားတွေ ဘယ်အချိန်လာပြီး
မ သွားမလဲ။
တရုတ်က လမ်းရချင်။ ပြင်သစ်က ရေနံလိုချင်နဲ့
ယိုးဒယားက သစ်ယူ၊ န၀တက ခိုးရာပါပစ္စည်းယူနဲ့...။

တိတ်ဆိတ်မြေမှာလေ..
တိတ်ဆိတ်မြေမှာ ဘယ်သူမှမကြားနိုင်တာက
အသတ်ခံရသူတွေရဲ့ တိတ်သွားတဲ့ အသံ
နောက်ပြီး အကြောက်တရားနဲ့ ပိတ်ဖုံးထားတဲ့အသံ
ဘယ်လိုပင် ဇွတ်အတင်းလုပ်လုပ်။ လွတ်လပ်မှုဆိုတဲ့အသံကို
လူလိမ်လူညာတို့ မတုပနိုင် မှိန်ပျောက်အောင် ဖုံးမပစ်နိုင်ပေါ့။

(In the Quiet land ကဗျာကို စာရေးဆရာဂါမဏိမှ ဘာသာပြန်ဆိုထားပါသည်)
တိတ်ဆိတ်မြေ ကဗျာကို သင်းအုပ်ဆရာ Wrightson Tongue ကရေးတယ်လို့ ဆရာဂါမဏိက စီဘောက်မှာ လာရေးထားပါတယ်)
ကောမန့်မှာ တယောက်က ဆရာဖေသက်နီ ဘာသာပြန်မကြိုက်ဘူး ပြောခဲ့လို့ ဆရာဂါမဏိ ဘာသာပြန်ကို ထပ်တင်ပေးထားပါတယ်။

In The Quiet Land

In The Quiet Land

(By Daw Aung San Suu Kyi)

In the Quiet Land , no one can tell
if there's someone who's listening
for secrets they can sell.
The informers are paid in the blood of the land
and no one dares speak what the tyrants won't stand.

In the quiet land of Burma ,
no one laughs and no one thinks out loud.
In the quiet land of Burma ,
you can hear it in the silence of the crowd

In the Quiet Land, no one can say
when the soldiers are coming
to carry them away.
The Chinese want a road; the French want the oil;
the Thais take the timber; and SLORC takes the spoils...

In the Quiet Land ....
In the Quiet Land , no one can hear
what is silenced by murder
and covered up with fear.
But, despite what is forced, freedom's a sound
that liars can't fake and no shouting can drown.

တုံဏှိဘာဝေ နိုင်ငံမှာ

ဒီတုံဏှိဘာဝေနိုင်ငံမှာ
ဒင်းတို့ ရောင်းဝယ်ဖောက်ကားနိုင်တဲ့ လျှို့ဝှက်ချက်တွေကို
တစုံတယောက်က နားထောင်နေတယ်ဆိုတာ ဘယ်သူမှပြောမပြနိုင်ဘူး။
သတင်းပေးတွေကို ဒီနိုင်ငံရဲ့ သွေးတွေပေးချေ။
အာဏာရှင်တွေရဲ့ အားနည်းချက်ကိုတောင် ဘယ်သူမှမပြောရဲကြဘူး။

ဒီတုံဏှိဘာဝေ မြန်မာနိုင်ငံမှာ
ဘယ်သူမှမရယ်မောဝံ့ကြသလို ကျယ်ကျယ်ပြန့်ပြန့်လည်း မတွေးဝံ့ကြဘူး။
ဒီတုံဏှိဘာဝေ မြန်မာနိုင်ငံမှာ
ရယ်မောမှုကို လူအုပ်ကြီးရဲ့ ဆိတ်ငြိမ်မှုထဲမှာ တွေ့မြင်နိုင်ကြပါရဲ့။

ဒီတုံဏှိဘာဝေနိုင်ငံမှာ
သူတို့ခေါ်ဆောင်သွားမယ့် စစ်သားတွေ လာနေတာတောင်
ဘယ်သူတဦးတယောက်ကမျှ ပြောမပြနိုင်ပေဘူး။
တရုတ်တွေက လမ်းကို လိုချင်တယ်၊ ပြင်သစ်တွေကတော့ လောင်စာဆီကို လိုချင်တယ်။
ထိုင်းတွေကတော့ သစ်ကိုယူတယ်။ နအဖကတော့ အမြတ်အစွန်းတွေကို ယူတယ်လေ…

ဒီတုံဏှိဘာဝေနိုင်ငံမှာလေ…
ဟော့ဒီ တုံဏှိဘာဝေနိုင်ငံမှာလေ…
လူသတ်သမားကြောင့် တေမိဇာတ်ခင်းနေရတာ
စိုးရိမ်မှုတွေ ဖုံးလွှမ်းနေတာကို မကြားသိနိုင်ပေဘူး။
ဒါပေမယ့် ဘယ်လိုပဲ အင်အားသုံးသုံး လွတ်လပ်မှုအသံကိုတော့
လူညာတွေ လိမ်လို့မရသလို ဘယ်အသံမျိုးနဲ့မှလည်း မဖုံးလွှမ်းနိုင်ပေဘူး။

အောင်ဆန်းစုကြည်

In the Quiet Land ကဗျာအား ဒေါ်အောင်ဆန်းစုကြည်မှ အင်္ဂလိပ်ဘာသာဖြင့် စပ်ဆိုခဲ့ပြီး ကဗျာဆရာ ဖေသက်နီမှ မြန်မာဘာသာသို့ ပြန်ဆိုထားပါသည်။
ချစ်ခင်စွာဖြင့်
ခင်မင်းဇော်

ကျမရဲ့ ပီအေ

ဒီနေ့…
သီရိဂေဟာလို့ လူတွေကတင်စားတတ်တဲ့ မိဘရင်ခွင်
ဇာတိမြေက အိမ်ကလေးကို မပြန်ဖြစ်တာ ၂၁ နှစ်ရှိပြီဖြစ်တဲ့….နင့်အတွက်….
အိမ်မပြန်ဖြစ်တဲ့…… နင့်အတွက် …..
ချစ်သူရေ…
အိမ်ပီသတဲ့ အိမ်တလုံးဖြစ်အောင်
တတ်နိုင်တဲ့အင်အားနဲ့
ငါဖန်တီးပေးချင်တယ်။
ဒါဟာ သက်သေပြစရာမလိုတဲ့ ငါ့ရဲ့အချစ်ပဲ ဖြစ်ရဲ့။
ဒီအိမ်မှာ နွေးထွေးခြင်းရှိမယ်။
လုံခြုံခြင်းရှိမယ်။
တီတီတာတာ ပီယာဝါစ စကားလှတွေချွေမနေပေမယ့်
လိုအပ်ရင် အသက်ပါပေးမယ့် လက်တွဲဖော်မဟေသီက
အဆင်သင့်ရှိနေတယ်။
နင့်ဆီက ပေးနိုင်တဲ့ အရာအားလုံးထဲက
အေးမြတဲ့ချစ်ခြင်းမေတ္တာနဲ့ မှန်ကန်ခိုင်မာတဲ့ ယုံကြည်ချက်ကလွဲလို့
ဘာဆိုဘာမှ မတောင်းဆိုချင်ပါဘူး။
မတောင်းဆိုခဲ့ဘူး။
ဘ၀မှာ လိုအပ်တာနဲ့ လိုချင်တာကို
ခွဲခြားသိတတ်ဖို့ သင်စရာမလိုပဲ နေတတ်ခဲ့ပါပြီ။
နေတတ်ခဲ့လေပြီ။
ကောင်းကင်တခုတည်းအောက်မှာ ရှိနေပေမယ့်
တန်ဖိုးထားတာချင်းမတူညီတတ်တဲ့ လူတွေရဲ့ စိတ်ထားတွေ
ကမ္ဘာမြေကြီးပေါ်မှာ ခြေစုံရပ်နေတာချင်းတူပေမယ့်
လျှောက်ရတဲ့ လမ်းတွေ မတူညီတတ်တဲ့ ဘ၀တွေ..
ဒါတွေအားလုံးကို… အတွေ့အကြုံတွေဆီက ကျက်မှတ်ခဲ့ရတာပဲ မဟုတ်လား။
ဘာပဲ ဖြစ်ဖြစ်လေ…
၄၃ နှစ်ပြည့် ဒီနေ့မှာတော့..
နင့်ကိုအလေးထားမြတ်နိုးတဲ့
ချစ်ဇနီးနဲ့ သားလေးတယောက်က
ထမင်းဝိုင်းပြင်ပြီး စောင့်နေမယ်။
ကဲ.. ဘာလိုသေးလဲကွယ်..
ချစ်ခင်စွာဖြင့်
ခင်မင်းဇော်

Rest of your post

၂၀၀၈ ရင်ပြင်မှာ….

၂၀၀၈ ရင်ပြင်မှာ
ကြယ်တွေကြွေ လွမ်းတေးဆိုလဲ..
ငါတို့ ကောင်းကင်မှာ ရောင်နီဆိုတာရှိတယ်..
ရောင်ခြည်ဆိုတာ ရှိသေးတယ်..
ပန်းဆိုတာ တပွင့်ကြွေရင် နှစ်ပွင့်ဝေမှာပဲ..
ဒါ…လောက သဘာဝတရား..
ခံယူတတ်ဖို့ပဲ လိုတယ်။


ဘာကြောင့် ပြောသလဲ…
စစ်မရောက်ခင် မြှားကုန်တဲ့ စကားသံတွေ..
ဘာလို့တွေးနေလဲ…
မျှော်လင့်ချက်မဲ့နေတဲ့ ခပ်ညံ့ညံ့ အတွေးအခေါ်တွေ..
ဘာဖြစ်ချင်သလဲ…
ကိုယ်တိုင်မလုပ်ပဲ ခေါင်းဆောင်မျှော်နေသူတွေ..
ဘာမှမဖြစ်သေးဘူး …
အဆိုးကို ကြိုကြည့်ချင်နေကြသူတွေ။

ဘာဖြစ်လဲ…
ရွက်မရှိ တက်နဲ့လှော်မယ်..
တက်ကျိုးရင် လက်ထိုးလှော်မယ်..
လှေခွက်ချည်းကျန်
အလံမလှဲစတမ်း…
နောင်ရိုး စိတ်ထား
ထားတတ်မှ ဖြစ်မယ်။

တိုက်ပွဲဆိုတာ..
တိုက်ရဲသူအတွက်သာ ဖြစ်တယ်။ ။

ခင်မင်းဇော်

ဘေဘီနီလာသိန်း ဧချင်း

ဖေဖေကိုဂျင်မီ မေမေမနီလာသိန်း တို့နဲ့ သမီးလေးဖြူနေခြည်မင်းယု
(၁၉၊၆၊၂၀၀၇)

ဘေဘီနီလာသိန်း ဧချင်း

ဧလည်းတည့် ယဉ်ဧဧ
မငိုပါနဲ့ သမီးကလေး …

လေးလအရွယ်၊ သမီးငယ်သည်
ဘယ်အတွက်နှင့်၊ ပြစ်ဒဏ်သင့်၍
မိခင့်နို့နှင့် ဝေးရသနည်း။

သမီးအရွယ်၊ လေးလငယ်သည်
ဘယ်အတွက်နှင့်၊ မင်းမျက်သင့်၍
ဖခင့်ရင်နှင့် ဝေးရသနည်း။

ဧလည်းတည့် ယဉ်ဧဧ
မငိုပါနဲ့ သမီးကလေး …

နို့မ၀၍
ညညထငို၊ မျက်ရည်စိုနှင့်
စိုမျက်ရည်ခြောက်၊ တမိုးသောက်လျှင်
နောက်ထပ်တဖန် ငိုဦးမည်။

ဖ မတွေ့၍
ညညနေ့နေ့၊ ဘွားရင်ငွေ့မှာ
မေမေ့သမီး၊ ငိုရှာမည်။

မိ မလာ၍
နို့ဆာနို့ငတ်၊ မေတ္တာငတ်၍
အားပြတ်လဲကာ၊ ငိုတော့မည်။

ဧလည်းတည့် ယဉ်ဧဧ
မငိုပါနဲ့ သမီးကလေး …


နို့မရ၍
တညထငို၊ ကျီးအုပ်ပြိုသည်
ခွေးညိုထဟောင်၊ လငွေရောင်လည်း
အမှောင်ထစ်ချုန်း၊ သွေးနံ့ဖုံးကာ
ဒိုင်းဒုန်းဒိန်းညံ၊ သေနတ်သံတွေ
မိုးယံပဲ့တင် ထပ်တော့၏။

အဘွားစိတ်မှ
ပရိတ်ရွတ်သံ၊ တရားသံလည်း
ဘုန်းကြီးကျောင်းမှ
အုံးမောင်းခေါက်သံ၊ ဂီတသံလည်း
တရံမလပ်၊ စက်သေနတ်တို့
ပစ်ခတ်သံအောက် ပျောက်ကုန်၏။
တင့်ကားဘီးအောက် ရောက်ကုန်၏။

ဧလည်းတည့် ယဉ်ဧဧ
မငိုပါနဲ့ သမီးကလေး …

ဖက်ဆစ်ခေတ်သို့
စစ်ဦးဘီလူး၊ မိစ္ဆာပူးသည့်
စစ်ဦးစီးရူး၊ အာဏာမူးသည့်
တပ်မှူးကြီးတွေ
ဘုန်းကြီးကျောင်းတွင်း၊ ၀င်စီးနင်း၍
သွေးချင်းချင်းဖြာ၊ သံဃာအော်ညည်း
လင်းလုနီးမှာ
သမီးလန့်၍ ငိုပြန်သည်။

သမီးငိုသံ၊ သေနတ်သံနှင့်
အဖန်ဖန်ရော၊ သမီးမော၍
အိပ်သောခဏ
“စစ်အစိုးရ ကျဆုံးပါစေ”။

သမီးငိုသံ၊ သေနတ်သံနှင့်
အဖန်ဖန်နှော၊ သမီးစော၍
နိုးသောခဏ
“လူထုအစိုးရ ပေါ်ထွန်းပါစေ”။

ဧလည်းတည့် ယဉ်ဧဧ
မငိုပါနဲ့ သမီးကလေး …

သမီး နို့မြက်၍လည်း
အမေ့တိုက်ပွဲ မပျက်။

အမေ့ နို့သက်၍လည်း
သမီးတိုက်ပွဲ မပျက်။

ဟိံ သစ္စံ၊ အမှန်ဖက်၍
“အစိုးရပျက်”
“အာဏာစက်”ကို
ဓမ္မစက်နှင့် “ဖျက်”စေသတည်း။ ။

အောင်ဝေး
(၂၉-၉-၀၇)

(၈၈မျိုးဆက်ကျောင်းသားခေါင်းဆောင် ဇနီးမောင်နှံ ကိုဂျင်မီနှင့် မနီလာသိန်းတို့၏ သမီးငယ်သို့ …)

ကဗျာခံစားခြင်း

ဒီပုံကို ဒီက ရယူထားပါတယ်။

မြေပုံအတိုင်းဆိုရင်

ကမ္ဘာမှာ
စစ်ပွဲ နှစ်ပွဲ ပြီးသွားတယ်
ငါတို့မပြီးသေးဘူး...။

စစ်ဖြစ်တော့မှာလား
သတင်းထောက်များမေးတော့
ဘယ်နိုင်ငံနဲ့လဲ
ဂျော့ဂ်ျဒဗလျူဘုရ်ှမေးတယ်......။

ငါတို့ရဲ့ ဟာသကလည်း ထို့အတူ
ဘယ်အရာနဲ့လဲ.....။

ဒီမြေပုံအတိုင်းဆိုရင်
အားလုံးသေကုန်တော့မှာပဲ......။

(စိုင်းဝင်းမြင့်)
(ပြည်တွင်းက မဂ္ဂဇင်း တအုပ်မှာဖတ်လိုက်ရပြီး ကြိုက်လို့ မျှဝေပေးလိုက်ပါတယ်)

poem

သူမတို့မှတ်တမ်း

(၁)
ထောင်ဆိုတာပန်းပဲဖိုတဲ့
သံမှန်ရင်တော့ ဓါးကောင်းတလက်ဖြစ်လာမယ်။
အဲဒီလိုကြုံးဝါး
မတွန့်စတမ်းရှေ့ဆက်
အများအတွက်ပေးဆပ်မယ်။
သူမ
ထောင်ကိုလည်း မကြောက်တရားနဲ့ ၀င်ရဲတယ်။
ထောင်အပြင်တန်းမရှိပေမဲ့
ထောင်တွင်းတိုက်ပွဲ ဆင်နွဲ
တိုက်ထဲမှာလည်းနေခဲ့တယ်။

(၂)
အဖေက အင်းစိန်
မောင်အကြီးက မန္တလေး
မောင်ငယ်လေးက ပုသိမ်
တနယ်ရပ်ခြားအပျော်သွားကြတာတော့ မဟုတ်ဘူး။
(၇)နှစ်မှ နှစ်(၂၀) ကျော်ထိ အမှည့်ခြွေခြွေဖို့
ထောင်ထဲမှာ နေရမတဲ့
တရားမဲ့အမိန့် ချမှတ်ပြီးတဲ့နောက်မှာ။
ထောင်တထောင်ချင်း အလှည့်ကျ သွားနိုင်ဖို့
သမီးငယ်ကြိုးစား လူလုံးမလှပေမဲ့
ထောင်ဝင်စာ ရိက္ခာထုပ် လှလှပပထုတ်နိုင်အောင်
အားထုတ်တတ်ပါတယ်အဖေ။

(၃)
ယောက်ျားက အင်းစိန်
သားကြီးက ကလေး
သားမက်က မြင်းခြံ
အလျဉ်မီအောင်လှည့်ပတ်
အမေ့အိပ်ကပ်လည်း ပြားချပ်နေခဲ့ပြီ။

(၄)
လာစမ်းဟဲ့ လောကဓံ
အားမာန်နဲ့တင်း
စစ်ဖိနပ်အောက်
ဘယ်တော့မှ ဒူးမထောက်နဲ့
(အပြင်မှာ) တို့အားလုံးအဆင်ပြေတယ်။
ကျူရှင်ပြ၊ ဈေးရောင်း၊ စက်ချုပ်
နည်းမျိုးစုံအောင်ရုန်း
ပါရမီဖြည့်ဖက်တွေ
ပါရမီဖြည့်ခဲ့တယ်။

(၅)
အဖေနဲ့သား
မောင်နဲ့ ယောက်ျား
သမီးနဲ့မြေး
သူတို့တွေကြံ့ကြံ့ခံနိုင်ဖို့
သတင်းလိုချင်လား၊ ဟင်းလိုချင်လား
လိုချင်တာရမယ်တဲ့၊
နောက်ကွယ်က ပြေးလွှားလှုပ်ရှား
သူမ သူမတွေကြောင့်
ကျမတို့ နိုင်ငံရဲ့
သူရဲကောင်းမှတ်တမ်းမှာ
အမှတ်စဉ်တွေ တိုးခဲ့တယ်။

(၆)
အသိအမှတ်ပြုခြင်း မပြုခြင်းတွေနဲ့မဆိုင်
သူမတို့ကတော့
ကန့်လန့်ကာနောက်ကွယ်က
သူမတို့နိုင်တဲ့ဝန်
သူမတို့ ထမ်းနေခဲ့ကြတယ်။

(ဒေါ်အောင်ဆန်းစုကြည်မွေးနေ့တွင်ကျရောက်သော မြန်မာနိုင်ငံအမျိုးသမီးများနေ့တွင် ခံစားရေးဖွဲ့ပါသည်။)

(ခေတ်ပြိုင် အွန်လိုင်းမဂ္ဂဇင်းတွင်ဖော်ပြပြီး)

အကယ်စင်စစ်များနှင့် အချစ်

ခင်မင်းဇော်


အကြိမ်ကြိမ် စိုက်ပျိုးခဲ့ပေမဲ့
ရိတ်သိမ်းခွင့် မကြုံခဲ့။
အပြစ်တင်ချင်ပါတယ်၊
ရာသီဥတုကိုလား
အချိန်အခါကိုလား
ကံကြမ္မာကိုပဲလား၊၊
အခါခါ ထွန်ယက်
အထပ်ထပ် ပေါင်းသင်ခဲ့တာတောင်
စိမ်းလန်းခြင်းနဲ့ မဆုံဆည်းခဲ့ရ၊
ချိုမြိန်ခြင်းကို မခံစားခဲ့ရ၊
ချစ်ခြင်းမှာ
ကျမတို့
ရွေးချယ်မှု မှားယွင်းနေခဲ့တာများလား မောင်၊၊
ဒါပေမဲ့
အကယ်စင်စစ်များနဲ့
ထပ်တူဖြစ်ခဲ့ကြပြီမို့
ဆက်ကာ ဆက်ကာ လျောက်လှမ်း
နောက်မဆုတ်တမ်းနော် မောင်၊၊
ကျမတို့ဆီမှာ
ခိုင်မာခြင်းရှိတယ်
ယုံကြည်ခြင်းရှိတယ်၊၊
ယုံကြည်ချက်ထဲက အတ္တရှိတယ်။
တစ်နေ့
ကောက်ရိတ်ပွဲကို ဆင်နွဲမယ်။ ။