Sunday, November 13, 2011

အချစ်နှင်းဆီဖြူ (ဖြစ်တည်ခြင်း အခန်း နှစ်)

                                                          ဒီပုံလေးကို ဒီက ယူပါတယ်။
ဖြစ်တည်ခြင်း (၂)

ရင်ထဲမှာ..
သူ့ကိုချစ်ခြင်းတွေ ဖွဲ့တည်နေခဲ့တာ ဘယ်အချိန်တုန်းကလဲ ဆိုတာကို သတိမပြုမိပါဘူး။

အဲဒီနေ့ကတော့…
စာအုပ်တအုပ်အကြောင်း ငြင်းခုန်နေခဲ့တာပဲ။ ဂျူးရဲ့ အမှတ်တရ ဆိုတာ တော့ မှတ်မိတယ်။ ကော်ရည်ခေါက်ဆွဲဆိုင်မှာ ထိုင်ရင်း ကော်ရည်ခေါက်ဆွဲသောက်ရင်း စကားက အဲဒီစာအုပ်အကြောင်း ရောက်သွားတာ။ အဲဒီထဲ လက်ထပ်ခြင်းသဘောတရားကို ငြင်းခုန်ပြောဆိုနေရင်းက ငါ့ကိုလက်ထပ်ပါလားလို့ ဗြုန်းစားကြီးပြောချလိုက်တော့ တော်တော်အံ့အားသင့်သွားတယ်။ နေရာဒေသ ရွေးချယ်ပုံကြီးကလဲ ဘာသီချင်းမှလဲ မရှိ၊ ဘာနမိတ်ပုံမှလဲ မရှိ၊ ပြန်စဉ်းစားရင်တောင် ရင်ခုန်စရာ တကွက်မှမရှိတဲ့ ပူလောင်လောင် ကော်ရည်ဆိုင်ထဲ ။ ဘယ်လိုဖြစ်လို့ အဆင့်တွေက ကျော်သွားလဲ လို့ ကိုယ်မေးလိုက်ချိန်တုန်းက ရင်လဲ မခုန်မိပါဘူး။ အံ့သြသွားတာ တခုပဲ ရှိတယ်။ ပြီးတော့ အဲလိုပြောလိုက်တဲ့ အချိန်ကာလက တို့တွေ စသိကြပြီး ၇ နှစ် ကြာခဲ့တဲ့အချိန်လေ။
အပြည့်အစုံဖတ်ချင်ရင် ခေါင်းစဉ်ကို(သို့မဟုတ်) links to this post ကို ကလစ်ပါ။

Tuesday, November 8, 2011

အချစ်နှင်းဆီဖြူ


                                              နှင်းဆီဖြူပုံလေးကို ဒီက ယူပါတယ်။
 ဖြစ်တည်ခြင်း(၁)
 
ကျနော် အခု အရမ်းလွမ်းနေပါတယ်ဗျာ။ ကျနော့်ရဲ နှင်းဆီဖြူက မနက်တိုင်း လဘက်ရည်ကို ခုံခုံမင်မင်သောက်တတ်တဲ့၊ အသုပ်စုံကို မက်မက်စက်စက် စားတတ်တဲ့၊ ဘယ်တော့မှ အကြံမပေးတတ်တဲ့ ကျနော့်ကို ဘာဟင်းချက်ရင်ကောင်းမလဲ လို့ နေ့တိုင်းမပျက်မကွက် မေးတတ်တဲ့၊ ကျနော်ကိုယ်တိုင် မမျှော်လင့်ခဲ့တဲ့ တာဝန်ကျေမှု ၊ဂရုစိုက်မှုတွေနဲ့ ချစ်ခင်မြတ်နိုးမှုတွေကို ပြည့်ပြည့်၀၀ပေးအပ်နိုင်လွန်းတဲ့။ နင်က အေးအတူ ပူအပြေးလို့ ခဏခဏပြောတတ်တဲ့ (သူမ တခါတလေ အလုပ်ထဲ အဆင်မပြေတာ ၊ တချို့ ဆက်ဆံရေး အဆင်မပြေတာာတွေ ကျနော့်ကို တိုင်တည်ပြောပြတိုင်း ကျနော်က သူ့ကို မခံစားစေချင်စိတ်နဲ့ ဘာမှ မှတ်ချက်မပေးပဲ ရေငုံနှုတ်ပိတ်နေတတ်တာကို သူက မျှဝေမခံစားဘူးလို့ ဆိုချင်တာ)၊ သူမကို အရမ်းလွမ်းနေတယ် ၊ သတိရနေတယ်ဗျာ။
သူမလား။ ကျနော်နဲ့ ကီလိုမီတာ ၇၀၀ လောက်ဝေးတဲ့ မြို့ကို အလုပ်ကိစ္စနဲ့ သွားနေတာ ရက်ပေါင်း ၃၀လောက် ကြာမယ်တဲ့ဗျား။
ဒီနေ့တော့ ကျနော် သူမကို အရမ်းလွမ်းတယ်ဗျာ။
ဆက်ဖတ်ချင်ရင် ခေါင်းစဉ် သို့မဟုတ် links to this post ကို ကလစ်ပါ။

Tuesday, October 18, 2011

၄၉နှစ်ပြည့်မှ အစပြု အတွေးမှတ်စု

             ဒီနေ့ကျင်းပတဲ့ နိုင်ငံရေးအကျဉ်းသားများကူညီစောင့်ရှောက်ရေးအသင်း(မြန်မာနိုင်ငံ) ရုံးခန်းရှေ့က ပိုစတာ
 အသက် ၄၉ နှစ်ဆိုတာ လူ့လောကကြီးကို ထက်ဝက်ထက် မက အများကြီးကျော်ခဲ့တာပေါ့။
ကျမသူငယ်ချင်းတချို့ဆို ၄၀ မပြည့်ခင်ကတည်းက လူ့လောကကြီးကို ကျောခိုင်းသွားခဲ့ကြပြီ။

ဒီလိုအကျဉ်းကျခံဘ၀ကြီးထဲမှာ နေနေရတဲ့ စိတ်ခံစားချက်က ဘယ်လိုမှ ပြန်မပြောပြချင်တော့ဘူး။ ဒါပေမယ့် ခံစားသိနိုင်ပါတယ်။ နားလည်နိုင်ပါတယ်။

  သူလို လူမျိုးက ဒီလိုဒုက္ခတွေ တွေ့ကြုံခံစားရလဲ ဘာအကြောင်းပြချက်နဲ့မှ ယုံကြည်ချက်ကို ကျောခိုင်းမသွားခဲ့ဘူး။  ကိုယ်လုပ်ရမယ့် အလုပ်တွေကို တစိုက်မတ်မတ် ခုချိန်ထိ မတွန့်မဆုတ် ခိုင်ခိုင်မာမာ ရပ်တည်နေပြတာကိုပဲ ကျမကတော့လေးစားပြီးရင်း လေးစားခဲ့တယ်။

၁၉၈၈ ကာလတုန်းက မင်းကိုနိုင် ဆိုတာ သူတဦးတည်းပိုင်နာမည်လေး မဟုတ်ခဲ့  သေးပါဘူး။ နောက်ပိုင်းမှာ အဲဒီနာမည်ကို တယောက်က ယူဖို့ သဘောတူညီကြပြီးကတည်းက ဒီနာမည်ရဲ့ သမိုင်းကို အတောက်ပဆုံးထွန်းလင်းစေခဲ့သူ ၊ ကြီးကျယ်မြင့်မြတ်ခဲ့သူပါပဲ။

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်ဟာ ၁၉၈၈ ရဲ့ သြဂုတ်လ ၂၈ ရက်မှာ ပြန်လည်ဖွဲ့စည်းနိုင်ခဲ့ပြီး ဥက္ကဌတာဝန်ကို ခိုင်ခိုင်မတ်မတ် ထမ်းဆောင်နိုင်ခဲ့သူ။ အဲဒီနောက် ၁၆ နှစ်ကျော် အကျဉ်းကျခံပြီး ပြန်လည်လွတ်မြောက်လာချိန်မှာလဲ တွန့်ဆုတ်သွားခြင်း အလျဉ်းမရှိ၊ ပြည်သူတွေအတွက် ပြည်သူ့အသံကို ရင်ဘတ်နဲ့ ခံစား နှလုံးသားနဲ့ ကြားနာ ဦးနှောက်နဲ့ ပိုင်းဖြတ်လို့ ရဲရဲကြီးရှေ့ကို တက်ခဲ့တဲ့သူ၊ ဘာအကြောင်းနဲ့မှ နောက်မဆုတ်ဘူးတဲ့၊ ဟောဒီလမ်းမတွေ ပေါ်မှာ ငါတို့ရဲဘော်ရဲဘ  က်ပြည်သူတွေရဲ့  သွေးတွေနဲ့ ၀ိဥာဉ်တွေက ဒီမိုကရေစီ ဒီမိုကရေစီနဲ့ အော်ဟစ်နေဆဲတဲ့။

ဆက်ဖတ်ချင်ရင် ခေါင်းစဉ် သို့မဟုတ် links to this post ကို ကလစ်ပါ။

Sunday, October 16, 2011

ဘလော့ထဲက အမှတ်တရများ

အင်တာနက်ထဲက အတုအယောင်ကမ္ဘာလို့ ပြောချင်သလိုပြော…
အဲဒီလောကကြီးထဲ ယူတတ်ရင် ကျေနပ်စရာတွေ ရတတ်တာပါပဲ။
ကျမကတော့ blog ဘလော့တခုလုပ်မိရင်း စာတွေရေးချင်တာ ရေးခဲ့တယ်။ ဖတ်ချင်တဲ့ ဘလော့တွေ ၀င်ဖတ်တယ်။ ဒီလိုနဲ့ တကယ့်အပြင်မှာတွေ့ဆုံရသလို ခင်မင်းရင်းနှီးစွာ စနောက်ရင်း တယောက်ရင်ဘတ်တယောက်မြင်တတ်ခဲ့တဲ့ သူငယ်ချင်းတွေ ညီမတော်တွေ အများကြီးကို ရရှိစေခဲ့တယ်။
နောက် facebook ဆိုတဲ့ မျက်နှာ စာအုပ်ထဲ ၀င်လိုက်ပြန်တော့လဲ ပျောက်ဆုံးနေတဲ့ အဆက်အသွယ်ပြတ်နေတဲ့ သူငယ်ချင်းတွေ မိတ်ဆွေတွေ ဆွေမျိုးတွေကို ပြန်တွေ့ရပြန်တယ်။ ဘယ်လောက် ကောင်းလိုက်သလဲနော်။ အဲဒီထဲက အမှတ်တရ အဖြစ်အပျက်ကလေးတွေ ပြန်ပြောပြချင်တယ်။

အပြည့်အစုံဖတ်ချင်ရင် ခေါင်းစဉ်(သို့မဟုတ်) links to this post ကို ကလစ်ပါ။

Sunday, October 9, 2011

သစ်တပင်ချင်းကို မကြည့်မိပဲ တောအုပ်ကြီးကို မြင်ကြပါစေ

အပိုင်း(၁)
ဘုန်း...
ခွပ် ....
အင့်...
နင်တို့လို မလောက်လေး မလောက်စားလေးတွေက ငါတို့လို စစ်တပ်ကြီးကို ဘယ်လိုတော်လှန်မလဲ။
အေးအေးဆေးဆေးမနေဘူး။ သိပ်တတ်နေတယ် ထင်နေသလား။
ပြောစမ်း။ ဒီစာစောင်တွေ ထုတ်ဖို့ ဘယ်သူက ငွေပေးလဲ။ ဘယ်သူက သင်ပေးလဲ။

...........
............
အံမယ် အံတောင်ကြိတ်ထားသေး။ နင့်နာမည်ကို နင့်ရှေ့က လူတွေပြောထားခဲ့ပြီ။ နောက်ဘယ်သူတွေ ပါသေးလဲ။ ခုနေပြောထားနော်။ ငါတို့ လက်သီးစာ ကောင်းကောင်းကျွေးထားတာတောင် ခေါင်းမာတုန်း။ နောက်ထပ် ဒါ့ထက်ဆိုးတာတွေလာမယ်။

........................
...........................
ဒူးထောက်ထား။ လက်ကို ခေါင်းပေါ်တင်ထား။ ခေါင်းစွပ်ကို ဖွင့်မကြည့်နဲ့။ ဘယ်သူတွေလဲ စဉ်းစားထား ။ ငါပြန်လာရင် ပြောနိုင်အောင် လုပ် ။

အပိုင်း(၂)
ဟာ...... ဒူးထောက်ခိုင်းထားသလားး။
ထ.....ထ.. ဒီထိုင်ခုံမှာ ထိုင်ပါဦး။ ကော်ဖီသောက်မလား လဘက်ရည်သောက်မလား။
သမီးတို့လို ကျောင်းသူလေးတွေကို ခုလိုနှိပ်စက်တာတော့ ဒီကောင်တွေတရားလွန်တယ်။
ဘဘတို့က ဒါမျိုး မလုပ်ချင်ဘူး။
ပညာတတ်ကလေးတွေကို ကောင်းကောင်းမွန်မွန်ဆက်ဆံရမယ် ဆိုတာဒီကောင်တွေ ပြောထားရက်နဲ့
သူ့ကိုအရေးယူခိုင်းရမှာပဲ။ သမီးလဲ ခဏနားပါဦး။
.................
ကဲ .. သမီးကလဲ ပြောပြပါဦး။ ဘယ်သူတွေနဲ့ ဒီစာစောင်တွေကို ထုတ်ဖို့ ပြောဖြစ်ကြလဲ။
စာစောင်က ထုတ်မယ်ဆို  ပိုက်ဆံလဲ လိုတယ်မဟုတ်လား။ သမီးတို့ အကုန်စုခံလိုက်တာလား။
ဘဘတို့က လူငယ်တွေ ကျောင်းသားတွေကို ဘာမှမလုပ်ဖူး စိတ်ချ။
ခု သမီးရှေ့က ခေါ်မေးတဲ့ သူငယ်ချင်းတွေကိုလဲ အကုန်လွှတ်ပေးမှာ စိတ်ချ။
သမီးလဲ ဘာမှမကြောက်နဲ့။ သမီးတို့ ကျောင်းတက်နေတုန်းအရွယ်တွေက ဒီလိုပဲလေ။
သူငယ်ချင်းတွေနဲ့ဆို တက်ညီလက်ညီလုပ်တတ်ကြတာ ဘဘတို့ နားလည်တယ်။ ဘဘတို့တုန်းကလဲ ဒီလိုပဲ ။ ဒီအရွယ်ကို ဖြတ်သန်းခဲ့တာပဲ။ ကဲ သမီးသိသလောက်ပြောပါဦး။
.....................
.........................

အပိုင်း (၃)
အပျော့ပဲ လာလာ၊ အမာပဲလာလာ။ ဘာကိုမှ အဖြေမပေးဖို့ ကျမတို့ ဦးနှောက်တွေက အသိပေးထားတာမို့ ပါးစပ်တွေက ပိတ်ရက်ပါပဲ။ ဒီလိုပဲ ချော့တခါ ခြောက်တလှည့်နဲ့
စစ်ကြောရေးတွေကို ဖြတ်သန်းခဲ့ကြရတယ်။

စစ်ကြောရေးကို ခိုင်ခိုင်မာမာနဲ့ ဖြတ်သန်းနိုင်သူတွေဟာ လူတွေဘယ်လိုပြောင်းပြောင်း အဲဒီလူတွေအားလုံးဟာ စစ်အာဏာရှင်အတွက် စစ်အုပ်စုအတွက် သူတို့ လိုသလို ပုံပြောင်းလုပ်ဆောင်နေတယ်ဆိုတာကို နားလည်ခဲ့ကြတယ်။ ဒီလူဟာ ကိုယ့်သူငယ်ချင်းနဲ့ ဆုံတုန်းက ပတ်ကြမ်းတိုက်ပြီးလက်သီးတွေ ကောင်းကောင်းသုံးခဲ့ပေမယ့်
နောက်သူငယ်ချင်းတယောက်ဆီမှာတော့ ပျော့ပြောင်းနူးညံ့သူပေါ့။
လူတွေဘယ်လိုပြောင်းပြောင်း မူကတော့ တခုတည်း။ စစ်ချက်မှာ နောက်ထပ် နာမည်အသစ်တွေ ရရှိလာရေးပဲလေ။

.............
အခုလက်ရှိအချိန်မှာရော.. ယူနီဖောင်းဝတ်ကို ချွတ်ထားပေမဲ့ သူတို့က စစ်အုပ်တွေပဲ မဟုတ်လား။
တယောက်ချင်းက ပျော့ပြောင်းချင်ယောင်ဆောင်ထားပေမဲ့ စစ်အုပ်စု နက်ဝပ်ကြီးက တည်ရှိနေဆဲပါ။
ဒီတော့ တယောက်ချင်းကို မြင်ပြီးပြောင်းလဲနေပြီလို့ ယူဆကြည့်မယ်ဆို စစ်အုပ်စု နက်ဝပ်ကြီးက ဟားတိုက်ရယ်မောနေပါလိမ့်မယ်။ ပုံသဏ္ဍာန်တွေနဲ့ အယောင်ဆောင်ပြနေပေမယ့် အတွင်းသဏ္ဍာန်အနှစ်သာရကို မြင်နေရင် ဘာမှလိမ်လို့ရမှာ မဟုတ်ဘူး။ ဒါကို မာကျောတယ်ဆိုလဲ ပြောကြပါစေ။ ကျမကတော့ပြတ်သားတယ်လို့ပဲ ခံယူထားလို့ပါ။


ချစ်ခင်စွာဖြင့်
ခင်မင်းဇော်

Tuesday, September 27, 2011

ရွှေဝါရောင်တော်လှန်ရေး ၄ နှစ်ပြည့် လှုပ်ရှားမှုအပေါ် ဦးဝင်းတင် သဘောထား

ကျနော့်သဘောထားကျနော် ရှင်းရှင်းပြောရရင်တော့ ဒေါ်အောင်ဆန်းစုကြည် ဒီစစ်အစိုးရနဲ့  ဆွေးနွေးနေတာနဲ့  ငြိမ်ငြိမ်ဆိမ်ဆိမ် နေရမယ်ဆိုတာ မဟုတ်ဘူးလို့  ကျနော်ယူဆတယ်။ ဘာမှ ငြိမ်စရာမရှိဘူး။ ဘာဖြစ်လို့ လဲဆိုတော့ ဒီလိုမငြိမ်မသက်ဖြစ်ရတဲ့ကိစ္စတွေက အစိုးရက လုပ်ရမယ့်ကိစ္စတွေကို မလုပ်လို့  မငြိမ်မဆိမ် ဖြစ်နေတာကိုး။ လွှတ်ရမယ့်အချိန်မှာ မလွှတ်ဘူး။ နိူင်ငံရေးအကျဉ်းသားတွေ လွှတ်မပေးဘူး ဆိုတဲ့အခါကျတော့ မငြိမ်မဆိမ်ဖြစ်နေမှာ ပေါ့။  တောင်းဆိုကြမှာပေါ့။ မိသားစုတွေ၊ လိုလားတဲ့ လူတွေကတော့ ပြောကြဆိုကြမှာပေါ့ဗျာ. ဒါပဲပေါ့။ အဲဒါကို ဒေါ်အောင်ဆန်းစုကြည်နဲ့  ဆွေးနွေးနေတဲ့ အတွက်ဆိုပြီးတော့ မလိုလားဘူးဆိုတာတော့ ..အဲဒါတော့ မမှန်ဘူးလို့ ကျနော်ထင်တယ်။
(၂၇၊ စက်တင်ဘာ၊ ၂၀၁၁ ည ၇း၃၀ အာအက်ဖ်အေမှ မနေ့က လှုပ်ရှားမှုနဲ့ ပတ်သက်ပြီး  ဝေဖန်နေကြတဲ့အပေါ် ဦးဝင်းတင်ရဲ့ သဘောထား မေးမြန်းမှု အသံလွှင့်ချက်မှ)

Monday, September 26, 2011

ရွှေဝါရောင်တော်လှန်ရေး ၄ နှစ်ပြည့် အမှတ်တရ

ဒီနေ့ ငြိမ်းချမ်းစွာ မေတ္တာပို့စီတန်းလမ်းလျှောက်ခဲ့ကြတဲ့ သံဃာတော်တွေကို နအဖ လက်ကိုင်တုတ်တွေက အကြမ်းဖက်ဖြိုခွဲခဲ့တဲ့ နေ့။ ၂၀၀၇ စက်တင်ဘာကဆိုတော့ ခု ၄ နှစ်ပြည့်ခဲ့ပြီပေါ့။ ပြည်ပမှာလဲ အမှတ်တရအထိမ်းအမှတ်ပွဲတွေ ပြုလုပ်သလို ပြည်တွင်းမှာလဲ ကျင်းပကြတယ်ဆိုတာ သတင်းရတယ်။ နေ့လည် ၁၂ နာရီခွဲလောက် ဒီက အခမ်းအနားတခုက အပြန်အိမ်မှာ ချက်တင်ဘောက်ထဲ လာရိုက်တင်ထားတာ တွေ့လိုက်ရပြီ။ နိုင်ငံရေးအကျဉ်းသားများ အကျိုးဆောင်ကွန်ရက်က ဦးဆောင်ပြုလုပ်တဲ့ မြောက်ဥက္ကလာပ မကွေးကျောင်းတိုက် က ဆွမ်းကပ်အပြီး ဆူးလေကို သွားဖို့ ကား ၃စီးနဲ့ အသွားမှာ တားဆီးခံရရာက လမ်းလျှောက်ပွဲ ဖြစ်သွားခဲ့တာတဲ့။
လမ်းလျှောက်တာနဲ့ ဆူဆူပူပူဖြစ်မယ်လို့ ထင်တဲ့လူတွေက စစ်အုပ်စု ဘက်က တင်မဟုတ်ပဲ ကိုယ့်လူတွေလို့ ထင်ထားတဲ့ လူတွေကပါ ပြောလာတော့ တော်တော်အံ့သြတယ်။ အမျိုးသား ရင်ကြားစေ့ရေးကို နှောင့်ယှက်နိုင်တယ်။ တွေ့ဆုံဆွေးနွေးပွဲကို ထိခိုက်နိုင်တယ်ဆိုတဲ့ အကြောင်းပြချက်ကိုတော့ ကျမက လုံးဝ လက်မခံပါဘူး။ ဆန္ဒမစောပါနဲ့ တဲ့ ။ နောက်တောင်ကျနေသလားလို့ ကျမက ထင်တယ်။

ဘယ်သူကိုမှ ဘာမှ မပြောချင်ပါ။ ဒါပေမဲ့ ခုတွေ့နေတဲ့ တွေ့ဆုံမှုမှာ စီးပွားရေးနဲ့ သက်ဆိုင်တဲ့ ၀ပ်ရှော့တခုတက်ဖို့ အသွား ဦးသိန်းစိန်နဲ့ တွေ့တယ်။ နအဖရဲ့ အကြီးမားဆုံးဒေါက်တိုင် ခေတ်ပျက်သူဌေးဇော်ဇော်နဲ့ ဘောပွဲ ကြည့်တယ်။ ဒါတွေဟာတွေ့ဆုံဆွေးနွေးရေးလား။ စစ်မှန်တဲ့တွေ့ဆုံဆွေးနွေးရေးလား၊ ကျမကတော့ မယုံကြည်ပါဘူး။ အစကတည်းက မမှန်တဲ့ တွေ့ဆုံမှု ဟာ ပျက်မှာပါပဲ။ ဦးသိန်းရွှေ၊ ဦးမောင်အေး၊ ဦးခင်ညွန့်တို့အားလုံးနဲ့ ထမင်းလက်ဆုံစားနေတဲ့ ပုံတွေ ထွက်လာသလို ဆည်တည်ဆောက်ရေး ကိုတောင် နိုင်ငံတော်ဧည့်သည်တော်အနေနဲ့ နိုင်ငံပိုင်မီဒီယာတွေမှာ ဖော်ပြခဲ့ရတဲ့ ၊အဲဒီသွားရောက်လေ့လာခဲ့ရတဲ့ အချိန်တုန်းကထက် အခုက ပိုနေသလား။

ကျမတော့ လုံးဝမထင်ဘူး။ အဲဒီတုန်းက တွေ့ဆုံတဲ့ အဆင့်က ပိုမြင့်ပါသေးတယ်။ ရွေးကောက်ပွဲအနိုင်ရ ပါတီကြီးတခုရဲ့ ခေါင်းဆောင်အနေနဲ့ တွေ့ဆုံခဲ့တာပ့ါ။ အခုတွေ့ဆုံမှုတွေကို သူတို့ဘက်က ပြောနေတာ အားလုံး ပြန်ဆန်းစစ်ရင် ဗိုလ်ချုပ်အောင်ဆန်း သမီးတယောက်အနေနဲ့ လို့ ချည်း ပြောတာကို မြင်နေကြားနေရတာပါပဲ။ ကမ္ဘောဒီးယားမှာလဲ ဦးခင်အောင်မြင့် ပြောခဲ့တယ်။ သမတအကြံပေး ဦးကိုကိုလှိုင်လဲ တသံတည်းပဲ။ ဒီတော့ ဘာကို မျှော်လင့်ကြသလဲ၊ တခါလိမ်ရင် လိမ်သူအမှာ ၂ခါအလိမ်ခံရရင်တော့ ခံရသူတွေ အများသာ ဖြစ်တော့မှာပါ။ ကျမတို့ ဥာဏ်မမှီတာလဲ ဖြစ်နိုင်ပါတယ်။ မမှီလက်စနဲ့ လိုက်မနေတော့ပါဘူး။ ကိုယ်မြင်တာလေးပဲ ရေးရတော့မှာပေါ့။ ကိုယ်ပိုင်တဲ့ဘလော့ ကိုယ့်စာမျက်နှာကိုး။
ဒီပုံကိုတော့ မြင်တာနဲ့ ရင်ထဲ ထိလွန်းလို့ ဘလော့ပေါ်တင်ပြီး သိမ်းထားလိုက်ပါပြီ။
ဒီတော့ ဘာပဲဖြစ်ဖြစ် ဒီနေ့ ရွှေဝါရောင်တော်လှန်ရေး ၄ နှစ်ပြည့်မှာ အဲဒီတုန်းက ကျဆုံးခဲ့သူတွေ ၊ ဖမ်းဆီးခံ နှိပ်စက်ခံ ထောင်ဒဏ်ကျခံခဲ့ရသူတွေအတွက် ဒီနေ့လှုပ်ရှားမှုကို ပြုလုပ်ခဲ့ကြတဲ့ နော်အုန်းလှနဲ့ အတူ နိုင်ငံရေးအကျဉ်းသားများ အကျိုးဆောင်ကွန်ရက်က မိတ်ဆွေများကို ထောက်ခံပါတယ်။ ကျေးဇူးအထူး တင်ရှိသလို လေးစားစွာ အလေးပြုလိုက်ပါတယ်။ ဒီလှုပ်ရှားမှုကို ဒီမိုကရေစီရေးမှာ အသက်စွန့် သွားခဲ့သူများက ကောင်းချီးပေးမှာပါ။

စာကြွင်း .. ဒီနေ့ အဲဒီသတင်းကို တင်တဲ့ Eleven Media Group ကိုတော့ တော်တော်အထင်သေးသွားတယ်။

ချစ်ခင်စွာဖြင့်
ခင်မင်းဇော်

Friday, September 23, 2011

ဆက်လက်စီးဆင်းနိုင်ပါစေ မိခင် ဧရာဝတီ


                                        ဒီဇိုင်နာ သီဟမောင်မောင် ရဲ့ ပုံကို ယူသုံးပါသည်၊
မြစ်တစင်းက သူ့ရဲ့ မှီခိုရာ ပင်လယ်ကြီးဆီကို စီးဆင်းအလာ ခိုဝင်ခါနီးလေ တလျှောက်လုံး သယ်ဆောင်လာခဲ့တဲ့ သဘာဝတရားရဲ့ အနှစ်သာရတွေကို မြေကမ္ဘာအတွက် သွန်ချပေးခဲ့လေပေါ့။ အဲဒီလိုနဲ့ သူက သူ့ကို ဖြတ်သန်းစီးဆင်းခွင့်ပြုတဲ့ နိုင်ငံတခုအတွက် သူ့ကို အားကိုးချစ်ခင်ကြတဲ့ လူသားမျိုးနွယ်တွေအတွက် ပုံဖေါ်ပေးထားတဲ့ မြစ်ဝကျွန်းပေါ်ဆိုတဲ့ မြေဆီမြေနှစ်တွေနဲ့ စိုက်ပျိုးရေးထွန်းကားရာ ဒေသကို ဖန်တီးပေးခဲ့တယ်။ မြန်မာနိုင်ငံရဲ့ အဲဒီအဆီအနှစ်များ သွန်အန်ချပေးခဲ့ရာ မြစ်ဝကျွန်းပေါ် ဧရာဝတီတိုင်းဟာ ကျမရဲ့ ချက်မြှပ်ဇာတိလေးပါ။ 
မြစ်ကမ်းနဘေးနားမှာ မွေးခဲ့ပေမဲ့ ကျမသိခဲ့ မြစ်ကလေးနာမည်က င၀န်မြစ်တဲ့။ ဧရာဝတီမြစ်ကြီးက ပင်လယ်ကြီးဆီခိုဝင်ခါနီး ကိုယ်ပွားချန်ထားခဲ့တဲ့ မြစ်မွှာလေးထဲက နာမည်အကြီးဆုံး မြစ်ပေါ့။ အဲဒီ မြစ်ကမ်းပါးမှာ ငယ်ဘ၀တွေ ဖြတ်သန်းခဲ့ရတာမို့ ပင်လယ်ကြီးနဲ့မြစ်တွေရဲ့ ချစ်တင်းနှောရာ ဒီရေတက်ချိန်တွေမှာ ရေငန်တွေဝင်လာတတ်တာ၊ အဲဒီလို ရေငန်ဝင်ချိန်မှာ စားရတဲ့ ပင်လယ်ငါးဆိုတာ လူတွေရဲ့ကျန်းမာရေးကို ဘယ်လို အထောက်အကူအပြုတာ…. မြစ်ဝကျွန်းပေါ် ဆိုတာ မြန်မာနိုင်ငံရဲ့ စပါးကျီဆိုပြီး တင်စားပြောခဲ့လို ဒီဒေသထွက် ပေါ်ဆန်းမွှေးဆိုတာ ချက်နေရင်းရတဲ့ မွှေးရနံ့မှာတင် ဘယ်ဆန်နဲ့မှ မတူနိုင်တာ စသော အစရှိသော ထူးခြားချက်တွေ ပြန်ပြောရင် မြစ်ကြီးဧရာဝတီရဲ့ ကျေးဇူးတွေကို ဘယ်လိုမေ့လို့ ရမှာလဲ ၊ ဘယ်မှာ ကင်းလွတ်နိုင်ပါ့မလဲ။

ခုတော့ မြစ်ရဲ့ ထိပ်ပိုင်း မြစ်ဆုံမှာ ဆည်ကြီးတခုတည်ဆောက်တော့မယ်ဆိုတော့ သဘာဝ ပညာရှင်တွေက ကြုံတွေ့လာနိုင်တဲ့ အဆိုးအကောင်းအကျိုးအပြစ်တွေ စာတမ်းပြုစုတင်ပြကြသတဲ့၊ အဲဒီထဲမှာ ပင်လယ်ထဲကို စီးဝင်ခိုတွယ်မဲ့ ဧရာဝတီက ဆည်တည်ဆောက်လိုက်လို့ ရေစီးနှေးသွားရင် ပင်လယ်ကြီးထဲက ရေငန်တွေက လိုက်ပါ ၀င်ရောက်လာတော့မှာတဲ့။ ဒါဆိုရင် ရေစီးနှေးသွားမယ့် မြစ်ကြီးဆီက သယ်ဆောင်လာ မယ့် မြေဆီမြေနှစ်တွေ မြစ်ဝကျွန်းပေါ်ထိမရောက်လာနိုင်တော့သလို ပင်လယ်ရေငန်တွေ မထွက်တော့ပဲ ခိုတွယ်နေတော့မယ့် မြစ်ဝကျွန်းပေါ်က စပါးကျီတွေပျက်မယ်၊ ရေချိုငါး၊  ရေငန်းငါးတွေရဲ့ ခိုလှုံနေထိုင်ရာတွေ ပျက်ယွင်းတော့မယ် ၊မြစ်ဖျားက အကျိုးဆက်ကို မြစ်အောက်ပိုင်းက ခံစားရမှာတွေကလဲ မြစ်ဆုံဒေသနဲ့အကျိုးတူဆက်နွယ်နေတာပါပဲ။ ပင်လယ်ကြီးကရော ဒီတိုင်းခွင့်လွှတ်နေမယ်လို့ ထင်ပါသလား၊ မြစ်ဧရာကို ဖျက်ဆီးတဲ့အတွက် သူကလဲ ကလဲ့စားချေဦးမှာပါ။ ဒီတော့ကျမတို့ ဘာလုပ်ကြမှာလဲ။

မြစ်ဆုံမှာ ရေကာတာတည်ဆောက်မယ့် ဒီ စီမံကိန်းကို၊
မြစ်ဧရာရဲ့ လွတ်လပ်စွာ စီးဆင်းမှုကို နှောင့်ယှက်ဖျက်ဆီးမယ့် ဒီစီမံကိန်းကို၊
မြန်မာနိုင်ငံရဲ့ တည်ရှိနေမှုကို ချေဖျက်မယ့် ဒီစီမံကိန်းကို၊
မြန်မာလူမျိုးရဲ့ ရပ်တည်မှုကို ပျက်သုန်းသွားစေမယ့် ဒီစီမံကိန်းကို၊
အားလုံးသော မြန်မာပြည်သူပြည်သားများနဲ့ အတူ ကန့်ကွက်ပါကြောင်း သိစေအပ်ပါသည်။

ဆက်လက်စီးဆင်းနိုင်ပါစေ မိခင် ဧရာဝတီ၊

ချစ်ခင်စွာဖြင့်
ခင်မင်းဇော်

ခေါင်းစဉ်အောက်က အပြောင်းအလဲများ

အပိုင်း တစ်..
ခုရက်ပိုင်း နားထောင်ဖြစ်တဲ့ သတင်းတွေ ဖတ်မိတဲ့ သတင်းတွေထဲမှာ မိုးမခက ဘဘဦးဝင်းတင်ရဲ့ အပြောင်းအလဲဖြစ်ဖို့ အပြင်အဆင်တွေရှိပြီလား ဆိုတဲ့ စကား ကြိုက်တယ်၊ နောက် ဗွီအိုအေကနေ ရွှေပြည်ကြီးမှာ သတင်းသွားယူခွင့်ရခဲ့တဲ့ ဒေါ်ခင်စိုးဝင်းကို ဦးကျော်ဇံသာက ပြန်ဗျူးထားတဲ့ အင်တာဗျူးလေး တော်တော်ကြိုက်မိတယ်။ သူမြင်ခဲ့ ကြားခဲ့တွေ့ခဲ့တာလေးတွေ ပြန်ပြောထားတာ တကယ့်ကို သတင်းသမားပီသတယ်။

နေပြည်တော်ကြီးက လူမရှိသူမရှိ တဲ့ နေရာကြီး ၊ အဲဒီမှာ ၈လမ်းသွား လမ်းမကြီးနဲ့ကောင်းမွန်လှတဲ့ ပလက်ဖောင်းတွေကို ရန်ကုန်ကို ရွှေ့ပေးလို့ ရရင် ရွှေ့ပေးလိုက်ချင်တယ် ဆိုတာ ဖတ်ရတာ မျက်စိထဲ တန်းမြင်တာပဲ။ နောက် မြစ်ဆုံရေကာတာ ကိစ္စ တွေ့ခဲ့မိသမျှ ဦးဌေးဦး တယောက်ပဲ ထောက်ခံတယ် ဆိုတာ၊ လွှတ်တော် ၂ ရပ်ရဲ့ မီဒီယာပေါ် သဘောထား၊ ပြည်သူလူထုတွေရဲ့ အကြောက်တရား၊ စီးပွားရေး ပိတ်ဆို့တဲ့ ဆန်ရှင်အပေါ် လူထုရဲ့ သဘောထားတွေ သေချာပုံဖေါ်ပြောပြနိုင်တာလေးကို အရမ်းသဘောကျတယ်။ 

 အပိုင်း နှစ်
အဲဒီနောက် ဆက်ပြီး စဉ်းစားမိတာက(စဉ်းစားတိုင်းလဲ အကုသိုလ်တော့
များပါတယ်) မြန်မာပြည်ကြီးထဲမှာ ပြည်သူ့အသံနားထောင်ချင်ပါတယ်၊ ပြည်သူ့ဆန္ဒတွေ ဖြည့်ဆည်းပေးချင်ပါတယ်၊ တရားဝင် လွှတ်တော်ကြီးထဲက တိုက်ပါမယ်ဆိုပြီး ရွေးကောက်ပွဲ ဆန့်ကျင်မှုတွေကို မျက်စိမှိတ် မကြားချင်ယောင်ဆောင်ပြီး အသက်ပေးပြီး တိုက်ပွဲ ၀င်ကြမဲ့ သဏ္ဍာန်တွေနဲ့ ကြံ့ဖွတ်မဟုတ်သော ဒီမိုကရက်များး ။ ကဲ .. ခုတော့ ဘာများ ပြောနိုင်ကြလို့လဲ။ အဆိုတောင် မတင်သွင်းတဲ့ လူတွေ မြင်နေရတယ်။ ဘာမှ မသိလို့ ဟိုမေးဒီမေး တွေကလဲ ရှိသေး။ ဟိုဟာလေး လုပ်ပေးပါဦး ဒီဟာလေး ကဘယ်လိုလုပ်ထားလဲ ထမေးတာကိုပဲ အလုပ်ကြီး ထင်နေကြတာ ကိုး ။ သူတို့ကိုယ် သူတို့ သတင်းထောက်လိုလို ထင်နေသလားမသိ၊ ဘာအကြံပေးတာ ဘယ်လို လုပ်ချင်တယ်ဒါမျိုး မရှိဘူး။ မေးခွန်းလေး ထုတ်လိုက် ဟိုက ဘာပြောပြော ကွန့်မေးဖို့ ကြောက်ပြီး ဟုတ်ကဲ့ ဟုတ်ကဲ့နဲ့  ဟုတ်နေကြတာပဲ။
ဆက်ဖတ်မယ်ဆိုရင် ခေါင်းစဉ် (သို့မဟုတ်) links to this post ကို ကလစ်ပါ

Sunday, September 18, 2011

ပျင်းတဲ့ ဒီနေ့

ဒီတနင်္ဂနွေမနက် အိပ်ယာထ နောက်ကျသွားတယ်။
၈နာရီခွဲမှ နိုးတော့ ဈေးသွားရမှာလဲ ပျင်းတယ်။ ဒါနဲ့ အိမ်နားက မုန့်ဟင်းခါးဆိုင်မှာ အသုပ်စုံဝယ်စားလိုက်တယ်။ ပြီးတော့ ဒီနေ့ ဘုန်းကြီးကျောင်းဆွမ်းပို့ရမယ့်နေ့ ဆိုတော့ ညကတည်းက ကုလားပဲ ရေစိမ်ထားတာ ရှိတယ်။ ဒါနဲ့ ဈေးမသွားတော့ပဲ ရှိတာနဲ့ ချက်မယ် ။ ပဲဟင်းချိုကို ပဲကြာဇံခတ်လိုက်တယ်။ မနေ့ညနေကတည်းက ရေစိမ်ပြီး နွင်ထားတဲ့ ငါးကျည်းကျပ်တင်ကို ငရုတ်သီးစပ်စပ်နဲ့ ကြော်တယ်။ ဟင်းသီးဟင်းရွက်ဘာကျန်လဲ ကြည့်တော့ ဂေါ်ရခါးသီး သုံးလုံး ရှိတာနဲ့ အဲဒါကို ကြော်လိုက်တယ်။ ဘုန်းကြီးဆွမ်းကပ်ဖို့ရယ် အိမ်အတွက် မနက်စာရယ် ရပြီဆိုပြီး ထားလိုက်တယ်။ ပြီးတော့ မီးဖိုချောင်ရေဆေးတယ်။ (တပတ်တခါ ကြမ်းပြင်တွေကိုပါဆေးရတယ်။ ခုငှားနေတဲ့အိမ်က နောက်ဖေးခန်း ကြွေပြားကပ်မထားလို့ မမိုက်ဘူး။)။ ထိုင်ခုံအခင်းတွေ မှီအုံးအစွပ်တွေ အကုန်လျှော်တယ်။ ရေချိုးဖို့ လုပ်နေတုန်း အမေရိကားက ဖုန်းလာတယ်။ ထုံးစံအတိုင်း သူတို့က ဖုန်းကဒ်မကုန်မချင်း ပြောတာ ။ နောက် ပီအေကို ဆက်ပြောဖို့ လက်လွှဲပြီး ရေချိုး ခေါင်းလျှော်။ မနက်စာ စားတော့ နေ့လည် ၁ နာရီ။ ဟင်းတွေ ကုန်သွားတယ်။ ညစာကတော့ ဖြစ်သလိုလေးပေါ့ လို့ အားပေးထားလိုက်တယ်။။

ကွန်ပျုတာရှေ့ထိုင်ပြီး သတင်းလေးဘာလေး ကြည့်မယ်ဆိုပြီး ဒေါက်တာလွဏ်းဆွေဘလော့ဝင်လိုက်တော့ တရုပ် ပြည်မှာ ဆရာဝန်မကြီး အသက် ၇၇ နှစ်က ၀တ်လစ်စလစ်နဲ့ ဆန္ဒပြနေတဲ့ ဒီ ဗွီဒီယို ဖိုင်ကို တွေ့တော့ ကြည့်လိုက်တယ်။ အောက်က ရေးထားတဲ့ သတင်းမှာ ကွန်မြူနစ်ကြောင့် ဘာသာမဲ့နေလို့ အရှက်မရှိဘူး ဘာညာရေးထားတာကို သဘောမတွေ့ဘူး။ အသက် ၇၇ နှစ်အရွယ်မှာ ကိုယ်နေတဲ့ နေအိမ်ကို ဘာမှမဖြစ်စလောက်လျော်ကြေးနဲ့ ဖျက်ဆီးခံရတော့ သူဘယ်လို ပြန်လည်ရပ်တည်မလဲ ဆိုတာ ကိုယ်ချင်းစာမိတယ်။ တော်ရုံခံစားမှုနဲ့ဒီလို လုပ်မလား။ သူတို့အသံကို နားထောင်လိုက်တော့ နားမလည်ပဲနဲ့တောင် ရင်ထဲတော်တော်ဆို့သွားတယ်။
ခုရက်မှာ တရုပ်တွေကို အမြင်ကပ်နေတဲ့ ခံစားချက်က ဒီဗွီဒီယိုဖိုင်ကြည့်တော့ ကွဲပြားသွားတယ်။ အစိုးရအသုံးမကျမှုကိုလဲပိုမြင်တယ်။ ဒီလိုပဲ အုပ်ချုပ်တဲ့လူအသုံးမကျရင် ပြည်သူတွေ ဒုက္ခရောက်ကြရတာပဲ။

ဆက်ဖတ်ချင်ရင် ခေါင်းစဉ်(သို့မဟုတ်) links to this post ကိုကလစ်ပါ။

Monday, September 12, 2011

ဧရာဝတီကို ကျမလဲ ပိုင်တယ် ..

ဒီနေ့တော့ မှတ်မှတ်ရရ သတင်းတပုဒ်ဖတ်မိတယ်။ အလဲဗင်းနယူး မှာ တင်ထားတဲ့ လျှပ်စစ်ဌာန၀န်ကြီးဦးဇော်မင်း ပြောတဲ့ စကားတွေကို ရေးထားတဲ့ဆောင်းပါး။ ဖတ်နေရင်း အံ့သြမိသွားတယ်။ ၀န်ကြီးတယောက်အဖြစ် ဒီလိုစကားတွေ ဘာလို့ သူပြောသလဲ၊ ကျမလို သာမန်လူကတောင် မပြောရဲတဲ့ စကားတွေ၊ ငါ့လောက်ဘယ်သူမှ မသိဘူး မတတ်ဘူးဆိုတာမျိုးတွေရော လွန်လွန်ကျွံကျွံတွေ သူပြောခဲ့တယ်၊ တဖြည်းဖြည်းစဉ်းစားရင်း သူတို့ အုပ်စုတွေ တရုပ်ဆီက အကျိုးအမြတ်ငွေကြေးတွေ ယူထားမိပြီးကိုး။ ဒီတော့ဘယ်သူတွေ ဘယ်လိုတားတား၊ တားနေ ကန့်ကွက်နေသူတွေက ခါတော်မှီပေါ်ပင်လုပ်နေသူတွေ ဖြစ်ပြီး သူတို့ အာဏာရ အုပ်စုကတော့ လျှပ်စစ်တွေပိုနေလို့ တိုင်းပြည်အကျိုးအတွက် ထုတ်ရောင်းပေးနေရတဲ့ ၊ တကယ့်ကို တိုင်းပြည်ချစ်သူကြီးတွေပေါ့လေ။ သူတို့က နောက်ဆုတ်မှာ မဟုတ်တော့ဘူးဆိုတာ ကြိမ်းသေသွားပြီမို့ ကျမတို့ ဧရာဝတီကို ချစ်သူများ၊ ဧရာဝတီကို ရှင်သန်စေလိုသူများ၊ ဧရာဝတီကို ကယ်တင်ချင်သူများကလဲ ရှေ့ကို ဆက်တက်ရတော့မယ်။ ဧရာဝတီကို ကျမလဲ ပိုင်တယ် ဦးဇော်မင်း။

ဧရာဝတီကို ပြည်သူအားလုံးပိုင်ပါတယ်၊ မီးမမှန်တဲ့ လျှပ်စစ်မီးကို လာရက်မလာရက် အလှည့်ကျစောင့်နေရတဲ့ တိုင်းပြည်ထဲမှာ၊ လျှပ်စစ်စွမ်းအားသုံး ဘာစက်ရုံမှ စိတ်ချလက်ချ အင်ပြည့်အားပြည့် မတည်ဆောက်နိုင်တဲ့ တိုင်းပြည်ထဲမှာ။ အိမ်တိုင်း လျှပ်စစ်မီတာမရှိ တဲ့ တိုင်းပြည်ထဲမှာ ၊ လျှပ်စစ်ပစ္စည်းတွေ ဘာမှ စိတ်ချလက်ချမသုံးစွဲနိုင်တဲ့ တိုင်းပြည်ထဲမှာ။ ၀ပ်အားမပြည့်တဲ့ မီးလာရက်ကို စောင့်ပြီး မီးအားမြှင့်စက်နဲ့ စိတ်ရှည်လက်ရှည် စောင့်စားနေတဲ့ တိုင်းပြည်ထဲမှာ၊ မီးစက်သံတညံညံနဲ့ တတ်နိုင်သူက ဖြည့်တင်း နေရတဲ့ တိုင်းပြည်ထဲမှာ .....ပိုထွက်နေတဲ့ လျှပ်စစ်မီဂါဝပ်တွေ ရှိသတဲ့၊ ပြည်သူတွေ ပိုင်တဲ့ မီဂါဝပ်တွေ၊ ပြည်သူတွေ ပိုင်တဲ့ ကျွန်းသစ်တွေ၊ ပြည်သူတွေပိုင်တဲ့ သဘာဝ ဓါတ်ငွေ့တွေကို ဈေးပေါပေါနဲ့ ရောင်းချပြီး ကိုယ်ကျိုး ရှာနေကြတဲ့ မတရားအာဏာ ရယူထားတဲ့ စစ်ယူနီဖောင်းချွတ် စစ်သားလူထွက် အေးဓါးမြတွေ ၊ ပြည်သူတွေရဲ့ ဒဏ်ခတ်မှုကို မကြာခင်ခံရပါစေလို့ပဲ မေတ္တာမပို့နိုင်သေးတော့ ကျိန်ဆိုလိုက်ပါတယ်။

ခုချိန်မြင်နေရတဲ့ ကြားနေရတဲ့ သတင်းတွေ အရ ပြည်တွင်းမှာလဲ လှုပ်ရှားမှုတွေ ဆက်တိုက် တွေ့လာရသလို အရှိန်မြှင့်နေတာကိုလဲ နေရာဒေသမရွေးလူထုကြားမှာပါ မြင်တွေ့ကြားသိလာရပြီ။ ပြည်တွင်းလှုပ်ရှားမှုတွေ အရှိန်ကျမသွားအောင် ဆက်လက်မြှင့်တင်ထားနိုင်ဖို့နဲ့ ဆန္ဒဖေါ်ထုတ်မှုကို နည်းလမ်းပေါင်းစုံ စိတ်ကူးပြီး ကြိုးစားထားစေချင်ပါတယ်။ ပြည်တွင်းကလဲ သူတို့လုပ်နိုင်သမျှ လုပ်ကြသလို ပြည်ပက ဧရာဝတီကို ရှင်သန်စေလိုသူများကရော ဘာတွေ အားဖြည့် လုပ်ကိုင်နိုင်မလဲ ။ ကျမက ပြည်ပရောက်နေသူဆိုတော့ ပြည်ပကနေ စဉ်းစားကြည့်ချင်ပါတယ်။

အပြည့်အစုံဖတ်မယ်ဆို ခေါင်းစဉ်ကို (သို့မဟုတ်) links to this post ကို ကလစ်ပါ။

Tuesday, September 6, 2011

စိတ်ချမ်းသာအောင် နေတတ်တဲ့သူဟာ...

ဒီတခါ ဘလော့ပြန်ရေးတော့ စိတ်ထဲ ပေါ်လာတာတွေ ရေးမယ်လို့ ပိုင်းဖြတ်ထားတယ်။ ဘလော့လေးကို ကိုယ်ရဲ့ စိတ်ခံစားမှု ကိုယ်ပွားအဖြစ် ဖန်တီးထားချင်ခဲ့လို့ပါ။ ပို့စ်အဟောင်းတွေ ပြန်ဖတ်မိတိုင်း အော် အဲဒီတုန်းက ဒီလိုကိုးလို့ တွေးမိသလို ငါဒီလို စာမျိုးလဲ ရေးခဲ့မိသားပဲ လို့ကြည်နူးချင်သေးတယ်။ ခုချိန်ထိရေးခဲ့ဖူးသမျှထဲ နောင်တရစရာ မရှိခဲ့တာကိုပဲ ကိုယ့်ဘာသာ ကြံဖန်ကျေးဇူးတင်မိတယ်။ 
ဒီနေ့ တော့ မေးလ်ထဲက ရောက်လာတဲ့ (ရေးသူ ရှာဖွေသူ ဘယ်သူလဲတော့ မသိပါ)
စိတ်ချမ်းသာအောင်နေတတ်သူတွေမှာ ရှိတဲ့ အချင်းအရာ လက္ခဏာတွေဟာ ဘာတွေလဲ။ ဆိုတာလေး  ပြန်မျှဝေပေးချင်တာနဲ့ ဒီထဲ။မှာ သိမ်းထားသလိုလေး ဖြစ်အောင် ပို့စ်တင်လိုက်ပါပြီ


စိတ်ချမ်းသာအောင် နေတတ်တဲ့သူဟာ-

Boldness: သတ္တိရှိတယ်။ ဆုံးဖြတ်ရဲတယ်။ ပြောရဲတယ်။ လုပ်ရဲတယ်။
Brightness: အသိဉာဏ် တောက်ပြောင်တယ်။
Cheerfulness: ရွှင်လန်းတယ်။
Common sense: ပင်ကိုယ်ဉာဏ်ရှိတယ်။
Confidence: ကိုယ့်ကိုယ်ကို ကိုယ် ယုံကြည်မှုရှိတယ်။
Control: မိမိကိုယ်ကို ထိန်းသိမ်းနိုင်တယ်။ အခြေအနေကို ထိန်းသိမ်းနိုင်တယ်။
Enthusiasm: စိတ်အားထက်သန်တယ်။ တက်ကြွတယ်။
Forgiveness: ခွင့်လွှတ်နိုင်တယ်။
Friendliness: ခင်ခင်မင်မင် ဆက်ဆံတတ်တယ်။
Gratitude: ကျေးဇူးသိတတ်တယ်။ တန်ဖိုးထားတတ်တယ်။ အသိအမှတ်ပြုတယ်။
Joyousness: ကြည်လင်ရွှင်လန်းတယ်။
Kindness: ကြင်နာတတ်၊ ညှာတာတတ်တယ်။
Mental fitness: စိတ်ဓာတ် ကြံ့ခိုင်တယ်။
Optimist: အကောင်းမြင်တယ်။ အဖြစ်ကိုမြင်တယ်။ အပြုသဘောရှိတယ်။
Patience: စိတ်ရှည်တယ်။ စောင့်ထိန်းနိုင်တယ်။
Peacefulness: စိတ်ငြိမ်းချမ်းတယ်။
Power: စိတ်စွမ်းအားကြီးတယ်။
Productiveness: အလုပ်များများလုပ်နိုင်တယ်။
Wisdom: ဉာဏ်ပညာရှိတယ်။

အပြည့်အစုံကို ဖတ်ချင်ရင် ခေါင်းစဉ်(သို့မဟုတ်) links to this post ဆိုတာလေးကို ကလစ်ပါ။

Saturday, September 3, 2011

ဘာမှသိပ်မကွာခြားပါဘူး။

ဒီနေ့ ညဘက်သတင်းတွေ လိုက်ဖတ်၊ ဘလော့တွေ လိုက်ဖတ်ရင်းနဲ့ ဗွီဒီယိုကလစ်လေးတခုကို ဒေါက်တာလွဏ်းဆွေဘလော့ကနေ ကြည့်ဖြစ်တယ်။ ခေါင်းစဉ်လေးက ဘာမှသိပ်မကွာခြားပါဘူးတဲ့။ မြင်ရတဲ့ ပုံလေးကလဲ အဖြူအမည်းနဲ့ ကလေးမလေး တယောက် ၊ ကြာချိန်ကလဲ ၃မိနစ်နဲ့ ၄၅ စက္ကန့်ပဲ ဆိုတော့ ကလစ်ပြီး ကြည့်လိုက်တော့ ရင်ထဲမှာ ဆို့နစ်သွားရတယ်။ ကြည့်ဖို့ အချိန်လေး ခဏပေးပြီး အောက်က စာတမ်းပေါ် ကလစ်ကာ ကြည့်စေချင်ပါတယ်။

တကယ်တော့ ဘာမှ သိပ်မကွာခြားပါဘူး။

မျက်နှာစာအုပ်မှာလဲ လင့်လေး ယူမျှထားတယ်။ ဒီဘလော့လေးမှာလဲ ယူတင်ထားလိုက်ပါတယ်။ 
ပြည်တွင်းကလူတွေ ကြည့်လို့ရမရ  တော့ သိချင်ပါတယ်။ မရရင် တခုခု ထပ်လုပ်ပေးချင်တယ်။

ချစ်ခင်စွာဖြင့်
ခင်မင်းဇော်

Tuesday, August 30, 2011

မြန်မာ့ရုပ်မြင်သံကြား ကြည့်နေတယ်။

ခုတလော မြန်မာ့ရုပ်မြင်သံကြား MRTV နဲ့ မြ၀တီ MWD ကိုနေ့တိုင်း စောင့်ကြည့်ဖြစ်တယ်။ ရွှေပြည်ကြီးမှာ လွှတ်တော်အစည်းအဝေး လုပ်နေတာကိုး။ အဲဒီမှာ မြင်ရတာက တက်နေကြတဲ့ အမတ်မင်းများ စာအုပ်တွေရှေ့ချ လိုက်မှတ်နေတာတွေ၊ အလိုလိုပါနေတဲ့ ၂၅ ရာခိုင်နှုန်းသမားများ ဆိုတာလဲ မှတ်လိုက်ရတဲ့ မှတ်စု။ ၂၁ ရာစု သူများနိုင်ငံ လွှတ်တော်တွေမှာ ကွန်ပျူတာတွေ အစီအရီနဲ့ ငြင်းကြခုန်ကြ သံတွေကို တိုက်ရိုက် လွှင့်ထုတ်ပေးနေတာနဲ့များ ကွာခြားလိုက်တာမှ ....သနားဖို့တောင် ကောင်းတယ်။ ဂျပန်ကို ရောက်နေတုန်းက သူတို့ လွှတ်တော်အစည်းအဝေးကို တီဗွီကနေ ပြထားလိုက်တာများ ဟိုအမတ်မင်းက ဘာပြောတာကို ဒီအမတ်မင်းက ဘယ်လိုချေပတယ် နဲ့ နားမလည်ပဲနဲ့တောင် သဘောကျခဲ့မိသေး။

နောက်တခုက ခု တက်နေတဲ့ အမတ်မင်းတွေထဲမှာ လွှတ်တော်ထဲကနေတိုက်မယ်၊ အပြင်က ပြောနေတာထက်စာရင် အတွင်းစည်းထဲ ၀င်ပြီး ပြောင်းမယ်ဆိုတဲ့ အမတ်တွေ၊ ခုများကျတော့ ဦးသိန်းညွှန့် တယောက်ပဲ နေ့တိုင်း ခေါင်းစဉ်တွေနဲ့ တင်နေတာ တွေ့တာပဲ။ နွားကို ပလာတာကျွေးနေတယ် ဆိုပေမယ့် သူပြောသလို သူ လုပ်ပြနေသေးတယ်။ ရတာ မရတာ ကတော့ အသိသာကြီးလေ။ ဘာပဲ ပြောပြော ကြံ့နဲ့ ဖွတ်တွေက ထကန့်ကွက်နေတာပဲ၊ အဲလိုကန့်ကွက်မယ် ဆိုတာလဲ သိသိကြီးပါ။ ဒါပေမဲ့ သူကတော့ အပြောနဲ့ အလုပ်ညီနေတာ တွေ့တာပဲ။ ခုန သူ့လိုပဲ အထဲက တိုက်မယ့်အမတ်တွေ မတ်တပ်ရပ် မဲထည့်ရမယ် ဆိုတုန်းက ဦးသိန်းညွန့်နောက်က ရပ်တာ ၂ယောက်တည်းတဲ့။ ကျန်တဲ့ လူတွေ ဘာဖြစ်သွားကြတာလဲ ။ ကုလားထိုင်ရတာနဲ့ ပိတ်သွားတဲ့ ပါးစပ်တွေ၊ ကိုယ်ပြောခဲ့တဲ့ နှုတ်ထွက်စကားတွေတောင် မေ့သွားစေတာပဲလား။ သူတို့ကို မဲထည့်ပေးတဲ့ ပြည်သူတွေတော့ ဘယ်လိုနေမယ်မသိဘူး။ မဲမထည့်ပဲ သူတို့ ပြောတာ ကြားထားတဲ့ ကျမဖြင့် လက်လှမ်းမှီရာနဲ့ ကောက်ပေါက် လိုက်ချင်စိတ်ဖြစ်မိတယ်။ (ဒင်းတို့ဟာ ကြံ့ဖွတ်အစိုးရဖြစ်ဖို့ အားပေးအားမြှောက်ပြုသူတွေ)

ဘာပဲ ပြောပြော ကန့်ကွက်ဖို့ အဆင်သင့်က ကြံ့နဲ့ ဖွတ် တိရိစ္ဆာန်တွေ။္ဆ အမယ် လွတ်ငြိမ်းချမ်းသာ ခွင့်ပေးဖို့ အဆိုတင်တုန်းက အလိုလို ၂၅ ရာနှုန်းပါတဲ့ ထဲက ၂ယောက်က ထပြီးထောက်ခံသတဲ့၊ သူတို့ကတော့ သူတို့လူတွေ တာဝန်ထမ်းဆောင်ရင်း ပြစ်ဒဏ်ချမှတ်ခံရတဲ့ လူတွေ အတွက်ပါတဲ့။ အော် လာလာ ချည်သေး။

ဘာပဲ ပြောပြော လူနည်းနည်းပဲ တက်တဲ့ အမျိုးသားလွှတ်တော်။ လူများများတက်တဲ့ ပြည်သူ့လွှတ်တော် ။ အဲဒီ ၂ ခုလုံးကြည့်ပြီး သနားလိုက်တာမှ ပြောစရာ စကားရှာမတွေ့ဘူး။ ဘာကိုယ်စားလှယ်တွေလဲ။ ငြိမ်သက်တိတ်ဆိတ်နေပြီး ပြောသမျှ နာခံရမဲ့ ဘ၀နဲ့ ထိုင်နေကြရတဲ့ လူတွေ။ သူတို့ ရတဲ့လစာတွေ၊ ကားတွေ အိမ်တွေကို ဘယ်သူတွေက ပေးထားတာလဲ သေချာမစဉ်းစားကြဘူး။ အဓိပ္ပါယ်မဲ့တဲ့ ဒီလို လွှတ်တော်ကြီးကို ကြည့်ပြီး ဒီမိုကရေစီအစိုးရဖြစ်မယ်ဆိုတာ ဘယ်လိုမှ မယုံကြည်မိဘူး။

မီဒီယာသမားတွေကို စဖွင့်တဲ့နေ့က အနီးကပ် ၃ မိနစ်ရိုက်ခိုင်းပြီးတာနဲ့ အကုန်အပြင်ထွက်။ အပြင်က မှန်ခန်းလေးကနေ ဘာသံမှမကြားရပဲ လူတွေကို ဟိုဘက်က ရိုက် ဒီဘက်က ရိုက်။ အဲဒါတွေကို ပြပြီး သတင်းဖတ်သူက ရေးပေးထားတာတွေ ဖတ်ပြ။ လွတ်လပ်သော မီဒီယာဆိုတာ ဒါကိုးးး။

ကြည့်မိတဲ့ ကိုယ့်အမှားပါ...ရှန်..

ချစ်ခင်စွာဖြင့် ခင်မင်းဇော်

Thursday, August 25, 2011

ဒေါ်အောင်ဆန်းစုကြည်ရဲ့ နိုင်ငံရေးဒဿန

နှလုံးရည်တိုက်ပွဲ
(ဒေါ်အောင်ဆန်းစုကြည်ရဲ့ နိုင်ငံရေးဒဿန)


ဒေါ်အောင်ဆန်းစုကြည် ၂၀၀၁ ခုနှစ်မှာ နေအိမ်အကျယ်ချုပ်က ခေတ္တလွတ်မြောက်ခဲ့ပြီး ဒီပဲယင်းလုပ်ကြံမှုကြီး မဖြစ်ပွားခင် ခက်ခက်ခဲခဲ သွားရောက်တွေ့ဆုံခဲ့တဲ့ အင်တာဗျူးတခု၊ အဲဒီအင်တာဗျူး ကို ဘာသာပြန်ထားတဲ့ စာအုပ်ပါးပါးလေးကို ဖတ်မိပြီး ကိုယ့်ဘလော့ပရိတ်သတ်တွေကိုလဲ ဖတ်ကြည့်စေချင်တယ်၊ ဒါနဲ့ ဘာသာပြန်ပေးတဲ့ ကိုနေသွင်ကို ဘလော့မှာ တင်ပေးချင်တယ်လို့ ခွင့်တောင်းလိုက်တယ်။ တင်လို့ ရပါတယ်ဆိုတာနဲ့ အားလုံးဖတ်ဖို့ တင်ပေးထားပါတယ်။ ကျမရဲ့ ဖေ့ဘွတ်စာမျက်နှာမှာလဲ တင်ပေးထားပါတယ်။

(ခေါင်းစဉ်ဖြစ်တဲ့ နှလုံးရည်တိုက်ပွဲ စာတမ်းပေါ်မှာ ကလစ်ပါ)

ဒီအင်တာဗျူးလေး ဖတ်ပြီး ၂၀၀၃ ခုနှစ် ဒီပဲယင်းမဖြစ်ခင်က အန်တီစုရဲ့ နိုင်ငံရေးအယူအဆနဲ့ အခု ၂၀၁၀ ခုနှစ်ပြန်လည်လွတ်မြောက်လာပြီး နိုင်ငံရေးအယူအဆတွေ နှိုင်းယှဉ်နိုင်သလို အန်တီလျှောက်လှမ်းနေတဲ့ နိုင်ငံရေးခရီးလမ်းကိုလဲ နားလည်သဘောပေါက်လာမယ်လို့ယူဆရပါတယ်။ သဘောမတူနိုင်တဲ့ အချက်တွေ ရှိနိုင်သလို လှိုက်လှိုက်လှဲလှဲ ထောက်ခံတဲ့ အချက်၊ အယူအဆတွေလဲ ရှိပါတယ်။ ကိုယ့်ခေါင်းဆောင်ကို ဘာလုပ်လုပ်ထောက်ခံမယ် ဆိုတဲ့ ကိုးကွယ်မှုမျိုးမဟုတ်ပဲ လိုအပ်တာတွေ ဖြည့်ပေးဖို့ ၀န်းရံမှုအစစ်နဲ့ ၀န်းရံနိုင်ဖို့ နိုင်ငံရေးယုံကြည်ချက်နဲ့ လေးစားထောက်ခံတာမျိုးတွေ ပိုမိုရရှိလာစေဖို့ မျှော်လင့်ပါတယ်။
ချစ်ခင်စွာဖြင့်
ခင်မင်းဇော်

Wednesday, August 24, 2011

မြန်မာကျပ်ငွေတန်ဘိုးတက်တဲ့ ဂယက်

ဒီနေ့တော့ မြန်မာကျပ်ငွေတန်ဘိုးတက်တဲ့အတွက် မြန်မာပြည်ထဲက မိဘဆွေမျိုးတွေဆီကို လစဉ်ငွေပို့ရတဲ့ အလုပ်သမားတွေ ကြုံတွေ့နေရတာလေးတွေ သတင်းတင်ဖို့ ငွေလွှဲတဲ့နေရာတွေ သွားပြီး စပ်စုဖြစ်တယ်။ လတိုင်း တလငါးသောင်းအိမ်ကို ပို့နေတဲ့ ကောင်မလေးငယ်ငယ်လေးက သူရတဲ့လစာမှာ သူ့အတွက်နည်းနည်းပဲ ချန်ပြီး ပို့ခဲ့တာတဲ့။ နေဖို့ နဲ့ ထမင်းပေးတဲ့အတွက် တနေ့ ဟင်းဖိုးနဲ့ အသေးသုံးနည်းနည်းပါးပါးလောက်ပဲ ထားပြီး ရတဲ့လစာ ထဲက ပို့တာတောင် ခါတိုင်း တလ ငါးသောင်းပဲ ပို့နိုင်ပါတယ်တဲ့။ ဒါပေမဲ့ မနေ့က ၂၃ ရက်နေ့က ဈေးတွေ တအားဆောင့်တက်သွားတယ်ဆိုလို့ လာမေးတာပါတဲ့။ ဒီနေ့တော့ အဲဒီဆိုင်က ပြောလိုက်တယ် နည်းနည်းပြန်ကျပါတယ်၊ ကျပ်တသိန်းကို ဘတ် ၄၄၄၀ ပါတဲ့၊ ပို့ခ တသိန်းဘတ် ၇၀ ထည့်ပေါင်းရင် ၄၅၁၀ ကျမှာပေါ့တဲ့။ ကောင်မလေးလုပ်တဲ့စက်ရုံက အိမ်ရုံသေးသေးလေးပါတဲ့။ တလ ငါးသောင်းပို့နိုင်ဖို့ဆိုရင် ဒီငွေဈေးနဲ့ သူမပို့နိုင်တော့ဘူးတဲ့။ ဘယ်လိုလုပ်ရမလဲ မသိဘူးတဲ့။

သူ နဲ့ ငွေလွဲပေးတဲ့ ဆိုင်ရှင်နဲ့ ပြောတာတွေ နားထောင်ရင်း သက်ပြင်းသာ ကြိတ်ချမိတော့တယ်။ ငွေပိုရမလားလို့ မိသားစုနဲ့ ခွဲခွာပြီး ငယ်ငယ်ရွယ်ရွယ်နဲ့ တပြည်တရွာမှာ အလုပ်လာလုပ်တဲ့ ကောင်မလေး၊ အသက်တောင် ၁၈ နှစ်ပြည့်သေးရဲ့လား မသိ။ ကျောင်းတက်နေရဦးမယ့် အရွယ်လေးမှာ ငွေရေးကြေးရေး အိမ်ထောင်စုအရေး မိဘတွေအတွက် မောင်ငယ်ညီမငယ်လေးတွေအတွက် သူစိတ်ပူနေပုံကို မြင်တော့ ဘာမှလဲ မကူနိုင်တဲ့ အတွက် စိတ်တော်တော်မကောင်းဖြစ်ခဲ့ရတယ်။

ဒီလိုလူတွေ အများကြီး ရှိနေမှာပါပဲ။ နောက်တနေရာ ထပ်ရောက်သွားတော့ အလုပ်ပြုတ်နေတဲ့လူတွေနဲ့ ဆုံပြန်ရော။ ဒေါ်လာဈေးကျတော့ ထိုင်းက အထည်ချုပ်စက်ရုံ တချို့လဲ အလုပ်ပါးတယ်။ ဒီတော့ အလုပ်ချိန်လျှော့တာပေါ့။ တချို့ အိမ်ရုံတွေက ပိတ်လိုက်ရတယ်တဲ့။ ဒီတော့ အလုပ်ပြုတ်ပြီး အလုပ်သမားအရေး ကူညီနေတဲ့ အဖွဲ့တွေ ဆီ ရောက်လာကြတယ်။ အဲဒီမှာ ခဏတဖြုတ်ခိုလှုံ ၊ နောက်အလုပ်သစ်ရှာပေါ့။ တလ တလ ပို့နေကျ ငွေလဲ ဘယ်လိုပို့ရမယ် မသိဖြစ်ကုန်ကြတယ်တဲ့။ တချို့က ကလေးငယ်တွေ မိဘနဲ့ ထားခဲ့ပြီး လင်မယား ၂ယောက်လုံး အလုပ်လာလုပ်တာဆိုတော့ အလုပ်ပြုတ်ပြီး ဒီလ လစာမပို့နိုင်ရင် ဆိုတဲ့ အပူနဲ့ မျက်နှာတွေ မြင်နေရတာ ဘယ်လိုမှ မချမ်းမြေ့နိုင်ပါဘူး။

ညဘက်ရောက်တော့ သတင်းတွေ တက်ဖတ် ၊ တက်ကြည့်တော့ မြန်မာနိုင်ငံကြီးမှာလဲ ၂၀၁၁ -၂၀၁၂ အတွက် ၀င်ငွေ ထွက်ငွေစာရင်း တရားဝင် ထုတ်ပြန်တော့ လိုငွေတာ ကျပ်ဘီလျံ နှစ်ထောင်တဲ့။ ခုတော့ တရားဝင်ကျေညာ ၀န်ခံနေပြန်ပေါ့။ သဘာဝ ဓါတ်ငွေ့ရောင်းတဲ့ငွေတွေ၊ ရတနာ တုံးကြီးတွေ ရောင်းတဲ့ ငွေတွေကတော့ စာရင်းပျောက်နေတာပေါ့။ မလိုအပ်တဲ့ နေပြည်တော်ကြီးကို တည်ဆောက်၊ မလိုအပ်တဲ့ဥမင်လှိုဏ်ခေါင်းတွေ တူး၊ မလိုအပ်တဲ့ အနုမြူစမ်းသပ်မှုတွေ လုပ်နဲ့ ဖြုန်းတီးထားတဲ့ ငွေတွေအပြင် နာဂစ်တုန်းက သူများနိုင်ငံတွေက လှုတဲ့ဒေါ်လာတွေကို ၆ ကျပ်နဲ့ ဖြတ်တဲ့ အစိုးရအနေနဲ့ သူတို့ ဘယ်လောက် အသုံးမကျခဲ့သလဲ ဘယ်လောက် ဘုန်းခဲ့ပါသလဲ ဆိုတာတွေတော့ ခုမပြောခဲ့တောင် တချိန်ကျရင် သမိုင်းထဲက ပြန်ပေါ်လာဦးမှာပါ။

ရာသီဥတုကလဲ ကောင်း၊ ရတနာမြေလို့ ခေါ်ရနိုင်အောင် အကောင်းဆုံး ပတ္တမြား၊ ကျောက်စိမ်းတွေ ထွက်ရှိရာမြေတွေပိုင်ဆိုင်ထား၊ တနိုင်ငံလုံး ဘယ်တော့မှ မီးမပျက်ပဲ မီးထိန်ထိန်လင်းနေတဲ့ မြို့တော်တွေ ကျေးလက်တောရွာထိ လျှပ်စစ်ပေးနိုင်ပြီး စက်မှုလုပ်ငန်းတွေ တည်ထောင်နိုင်တဲ့ထိ ပေါကြွယ်ဝတဲ့ သဘာဝဓါတ်ငွေ့တွင်းကြီး ၄ တွင်း ရှိတဲ့ နိုင်ငံ၊ (တတွင်းကို တနိုင်ငံလုံးအသားကုန် သုံးတောင်မှ နှစ်ပေါင်း ၄၀ကျော် မကုန်နိုင်သေးဘူးတဲ့)၊ ဘာ့ကြောင့်များ ဒီလောက် ဆင်းရဲတွင်းနက်နေရလဲ၊ ဘာ့ကြောင့်များ နိုင်ငံတကာမှာ အောက်ကျနောက်ကျ ဖြစ်နေရလဲ .. ဘယ်လိုတွေးတွေး သိသာမြင်သာတဲ့ အချက်တွေနဲ့ ...


ဒါပေမဲ့ ဒီတိုင်းပြည်လေးကိုပဲ ချစ်ခင်နှစ်သက်စွာ တိုးတက်ဖြစ်ထွန်းစေချင်တယ်။
အဲလိုတိုးတက်ဖြစ်ထွန်းလာမဲ့ တိုင်းပြည်ကို မြင်နိုင်ဖို့... ကိုယ်အားဥာဏ်အားရှိသမျှတော့ တာဝန်ယူထမ်းဆောင်ချင်ပါသေးတယ်။ ဒါဟာလဲ ကိုယ့်ယုံကြည်ချက်နဲ့ ကိုယ် ရွေးချယ်လျှောက်လှမ်းမယ့် ဘ၀လမ်းပါပဲလေ။


ချစ်ခင်စွာဖြင့်
ခင်မင်းဇော်

Tuesday, August 23, 2011

ရောက်တတ်ရာရာ (ပြန်လာတာ) ....

လစ်ဗျားနိုင်ငံမှာ ကဒါဖီအာဏာရှင်ကို တော်လှန်ပုန်ကန်သူတွေက မြို့တော်ထရိုပိုလီထိ တိုက်ခိုက်သိမ်းပိုက်နေပြီ ဆိုတဲ့သတင်းကြောင့် ၀မ်းသာ။ ပြီးတော့ ဒီမြို့သိမ်းတိုက်ပွဲမှာ သူပုန်တွေဘက်ကလဲ ကျဆုံးသူတွေ မနည်းဘူးဆိုတော့ စိတ်မကောင်းဖြစ် ၀မ်းနည်း။ ဒီနေ့ထိ အပြီးသတ်အောင်ပွဲမရသေးပေမဲ့ မဝေးတော့ဘူးဆိုတဲ့ မျှော်လင့်ချက်၊ ကြိမ်းသေ အောင်ပွဲ ရမယ်ဆိုတဲ့ ယုံကြည်ချက်ကတော့ လစ်ဗျားပြည်သူတွေနဲ့ ထပ်တူ ရှိပါတယ်။ ဒီနေ့ ကမ္ဘာကြီးရဲ့ အခင်းအကျင်းအရတော့ အာဏာရှင်တွေ ကို ဘယ်ပြည်သူကမှ လက်မခံချင်ဘူး ဆိုတာနဲ့ အာဏာရှင်တွေ တယောက်ပြီးတယောက် ကျဆုံးရမှာ၊ ကျဆုံးကြတာ မြင်နေရတာ အားရစရာကြီးပါ။သူများနိုင်ငံကြည့်ပြီး ပွားများဖြစ်တဲ့ တရားပေါ့။ (ဒီပို့စ်တင်ပြီးတဲ့အချိန် အယ်လ်ဂျာဇီးယားမှာတော့ ကဒါ့ဖီအိမ်ကို သိမ်းမိသွားပြီ။ သေနတ်သံတွေ ယမ်းခိုးဝေေ၀နဲ့ ခြံထဲမှာ သူ့ရုပ်တုခေါင်းကြီးက ပြုတ်ကျလို့)

ဒီအဖြစ်အပျက်တွေနဲ့အတူ ကျမတို့ ရွှေပြည်ကြီးကို ပြန်စောင့်ငဲ့ကြည့်လိုက်ပြန်တော့ ဘောင်းဘီချွတ်သမတဦးသိန်းစိန်က လေပြည်ထိုးရင်း ၂၀၀၈ အခြေခံဥပဒေကို ဆုပ်ကိုင်ထားဆဲ ဆိုတာ မြင်နေရပါတယ်။ ဘာတွေက ဘယ်လိုတွေ့တာလဲ ဆိုတော့ …..

ဒုတိယအကြိမ်မြောက် ပြည်ထောင်စုလွှတ်တော်ကနေ သူပြောနေတာက ၂၀၀၈ အခြေခံဥပဒေ ကို လက်မခံတဲ့ တိုင်းရင်းသားလက်နက်ကိုင်တွေကို ငြိမ်းချမ်းရေးတံခါးဖွင့်ထားသတဲ့။ စိတ်ရင်းစေတနာကောင်းနဲ့ ခုလို ဖိတ်ခေါ်တာတဲ့။ တိုင်းရင်းသားတွေရဲ့ စကား စာပေ အနုပညာ ယဉ်ကျေးမှုတွေကို ၂၀၀၈ ဥပဒေအောက်က ပြဌာန်းချက်တွေနဲ့အညီ အကောင်အထည်ဖေါ်ပေးမယ်တဲ့။ အဲဒီလို ပြောသွားတာပဲ။ အပြောကတော့ ရွှေမန်းဆိုတဲ့ ဗမာစကား၊ နောက်ဆို ပြောင်းလဲ သတ်မှတ်ရမယ်။ အပြောမှာ သိန်းစိန် ဆိုပြီး ပြောင်းကို ပြောင်းရဦးမယ်၊ အဟုတ်။

စစ်တပ်က ချုပ်ကိုင်ထားတဲ့ အခြေခံဥပဒေကို မကြိုက်ပါဘူးဆိုမှာ အဲဒီ ထဲက ပြဌာန်းချက်တွေနဲ့ အညီ အကောင်အထည်ဖေါ်ပေးပါ့မယ်တဲ့။ စည်းကမ်းကျနသော ဒီမိုကရေစီ တို့၊ ဥပဒေနဲ့အညီ ဆန္ဒပြခွင့်တို့ နဲ့ အကောင်အထည်ဖေါ်ပေးမဲ့ ရပိုင်ခွင့်တွေက ဘာတွေဖြစ်လာမလဲ။ နယ်ခြားစောင့်တပ်လက်ခံပြီး လက်နက်နဲ့ ကိုယ့်ရဲဘော်တွေ အပြီးအပိုင်အပ်လိုက်ရမဲ့ ငြိမ်းချမ်းရေးမျိုး အပစ်အခတ်ရပ်စဲမှုမျိုးကို ဘယ်တိုင်းရင်းသားက လက်ခံပါ့မလဲ။ ဒါဟာ စိတ်ရင်းစေတနာကောင်းလို့ သတ်မှတ်လို့ ရမလား။

အဲဒီပြည်ထောင်စုလွှတ်တော်မကျင်းပမှီလေးတင်ပဲ စီးပွားရေးလုပ်ငန်းရှင်များ နဲ့ လူမှုရေးအဖွဲ့အစည်းများက ကိုယ်စားလှယ်တော်ကြီးများကို ဖိတ်ခေါ်ပြီး ပြောတာနားထောင် ပြန်မမေးရ ဆိုတဲ့ တဖက်သတ် ပြောချင်ရာ ပြောပွဲကြီးမှာ ပြောသွားခဲ့တာလဲ ရှိသေးတာပဲလေ။

ပြည်တွင်းမှာ အကျဉ်းထောင်တွေထဲက ယုံကြည်ချက်ကြောင့်အကျဉ်းကျနေတဲ့ နိုင်ငံရေးအကျဉ်းသားတွေကိုတော့ လုံးဝ လွှတ်မပေးသေးပဲ ပြည်ပကို အကြောင်းအမျိုးမျိုးနဲ့ ရောက်နေတဲ့ မြန်မာနိုင်ငံသားတွေ ပြန်လာလို့ ရတယ်တဲ့။ ပြစ်မှုတစုံတရာ ကျူးလွန်ရင်တော့ ပြစ်ဒဏ်အရင်ကျခံရမယ်ဆိုပဲ။ အကြောင်းအမျိုးမျိုးကြောင့်ဆိုတာ ဘာတွေလဲ မသိဘူးနော်၊ အဲဒီပြစ်မှုတစုံတရာ ဆိုတာ အီလက်ထရောနစ်ပြစ်မှုလား။ တရားမ၀င်နိုင်ငံကူးသန်းမှုလား၊ ဆန္ဒပြမှုလား၊ အကြည်ညိုပျက်စေမှုတွေလား.. လားပေါင်းများစွာနဲ့ လိုရာဆွဲ ဥပဒေအောက်မှာ ယူချင်သလို အရေးယူဦးမဲ့ စေတနာကောင်းတွေနဲ့ ..ပြောခဲ့တဲ့စကား။ ပြီးတော့ တရားဝင် လွှတ်တော်က နေ ပြောတာလဲ မဟုတ်၊ တရားဝင် ကျေညာချက်ထုတ်ပြန်ခဲ့တာလဲ မဟုတ်၊ ဘာကိုယုံလို့ ဘာကို ပုံရမှာလဲ ဦးသိန်းစိန်ရှင့်။

အင်း ဂွင်ဆင်တဲ့လူက ဆင်ပြီး ဂွင်ဖန်ချင်တဲ့လူတွေကလဲ ယုံချင်ယောင် ဆောင်ကြဦးမှာပေါ့လေ။

ဘာပဲပြောပြော ဒီခေတ်ကြီးမှာ လူလာဖြစ်ရတဲ့အတွက်တော့ ကြုံရ ဆုံရ မြင်ရသမျှတွေကို see and wait လုပ်ဦးမယ်၊ ပြီးတော့ ထင်ရာ မြင်ရာ ပြောကြည့်ပါဦးမယ်လေ။

ဖဘထဲ ပျင်းလာတော့ ဘလော့လောကထဲ ပြန်လာပါပြီ၊ တွေ့ကြဦးမယ်လေ ပျော်ပျော်ပါးပါးပေါ့။

ချစ်ခင်စွာဖြင့်

ခင်မင်းဇော်

Friday, April 15, 2011

အချစ်အကြောင်း ပြောကြရအောင်

သက်ဝေရဲ့ တဂ် ပို့စ်လေးကို အစက အသစ်ရေးဖို့ပါပဲ။ ကျမဘလော့လဲ လေးထဲ ၀င်ပြီး ပို့စ်အဟောင်းတွေ ကိုယ့်ဘာသာ ပြန်ဖတ်ရင်း ရသစာစု ခေါင်းစဉ်အောက်ကို ပြန်ရောက်သွားတယ်။ အဲဒီမှာ ကိုယ်ကြိုက်တဲ့ ကိုယ့်ရင်ထဲက စကားတချို့ကို အဖြစ်အပျက်တချို့နဲ့ ရောယှက်ပေါင်းစပ်လို့ ရေးခဲ့ဖူးတဲ့ ချစ်သူ့ဒိုင်ယာရီ ဆိုတဲ့ စာစုလေးကို ပြန်ဖတ်ရင်း အချစ်အကြောင်း ပြန်ပြောပြချင်ပါတယ်။ ပို့စ်က ဘလော့ လုပ်ပြီးခါစဆိုတော့ ကြာခဲ့ပြီပေါ့။ ဒီစာစုလေးက ခေတ်ပြိုင်မှာလဲ ဖေါ်ပြခဲ့ဖူးပါတယ်။ အောက်က ခေါင်းစဉ်လေးကို ကလစ်ပြီး ဖတ်ကြည့်ကြပါဦးနော်။

ချစ်သူ့ဒိုင်ယာရီ


အဲဒီစာစုလေး တင်တုန်းက ဘလော်ဂါအသစ်လေးဆိုတော့ လူတွေ သိပ်မဖတ်ဖြစ်ခဲ့ဘူး။ ခုလိုလဲ ဘလော်ဂါမိတ်ဆွေတွေ မရှိသေးချိန်ပေါ့။ ကောမန့် တခုမှ မရ နောက် တခုရသွားးး အကြာကြီးနေပြီးမှ နောက်ထပ်တခုရ။ ဘလော်ဂါ ရန်အောင်နဲ့ ဘလော်ဂါ မယ်ရာ တို့ လာမန့် သွားတာလေး မမေ့သေးပါဘူးးး။ ခုတခေါက် ဖတ်ပြီးရင်တော့ တခုခုရေးပေးခဲ့ကြပါဦးနော်။။

ချစ်တဲ့
ခင်မင်းဇော်

Thursday, March 17, 2011

အမှတ်တရ မွေးနေ့

မောင်က
လိုက်ခဲ့ဟု
ခေါ်တုန်းကလည်း
မောင့်ဘေးမှာ ကျမပါသည်။

မောင်က
နေရစ်ခဲ့ဟု
ဆိုပြန်တော့လည်း
မောင်စိတ်အနှောင့်အယှက်ဖြစ်မည့်
စာတစောင်
စကားတခွန်းမျှ
မောင်မကြားစေရဘဲ
ကျမ ငြိမ်သက်စွာ
နေရစ်ခဲ့တာ အမှန်ပါပဲ။

အဲသည်အထိ
ကျမ မောင့်ကို
ချစ်မြတ်နိုးခဲ့ပါသည်။


အဲဒီမောင် မွေးနေ့ ဒီကနေ့ ကျရောက်ပါပြီ။
ကျမရဲ့ ဒေါသတွေကို လျော့ပါးသွားအောင်..
သည်းခံစိတ်တွေ တိုးပွားလာအောင်..
သင်ပြညွှန်ကြားပေးခဲ့သော....
ကျမလိုအပ်ချက်တွေကို ဖြည့်ဆည်းပေးခဲ့သော..
ဘလော့မရေးလို့ ခဏခဏဆူနေသော...
ကျမရဲ့ ပီအေလို့ ဘလော့ပေါ်မှာ ကင်ပွန်းတပ်ခဲ့ပြီး ဘလော်ဂါတွေက ကိုပီအေအဖြစ်သိခဲ့သော..
ကျမရဲ့ ဆိုးတူကောင်းဘက် ကူဘော်လောင်ဘက် ...
ကျမချစ်သော ကိုမင်းဇော် ..နဲ့
ဆုံဆည်းခွင့်ပေးသော ကံကြမ္မာနှင့် ပေါင်းဖက်ခွင့်ပေးသော ဘ၀ကြီးကို လှိုက်လှဲစွာ ကျေးဇူးတင်ပါသည်။
ချစ်သူ့မွေးနေ့မှာ ပျော်ရွှင်ချမ်းမြေ့မှုတွေ ခညောင်းကျရောက်ပါစေ..
သက်ထက်ဆုံး သည်းခံခွင့်လွှတ်ခြင်းဖြင့် ပါရမီဖြည့်နိုင်ပါစေ...

ချစ်တဲ့
ခင်မင်းဇော်

(စာကြွင်း... ဂျူးအမှတ်တရမှ အလွတ်ကျက်မိသော စာသားများအား ရေးသားထားပါသည်)

သူလိုက်ခဲ့ခေါ်တုန်းကတော့ ပျော်ရွှင်စွာ လိုက်ပါခဲ့သလို သူထားခဲ့စဉ်ကတော့ သားကလေးတလခွဲကို ပိုက်လို့ တောင်တန်းတွေကနေ ပင်လယ်ဆီကို စုန်ဆင်းခဲ့ရတဲ့အချိန်တွေပါပဲ။ ဘ၀မှာ ဘယ်လိုမှ မေ့ပျောက်ပစ်လို့ မရနိုင်တော့တဲ့ အဖိုးတန်အချိန်တွေပေါ့။ တယောက်နဲ့ တယောက် ကတောက်ကဆ ဖြစ်ချိန်တွေမှာ ပြန်သတိရဖို့ ပြန်လွမ်းခဲ့ကြဖို့ အလိုအပ်ဆုံးမို့ ဘုရားက ပေးအပ်ခဲ့တာထင်ပါရဲနော်)